謝安琪（Kay）於2015年與麥浚龍（Juno）合唱《羅生門》後再度爆紅。
歌曲更橫掃多個頒獎禮，同時令兩人由好友昇華至「密友」，不時相約食飯吹水傾音樂。
直至Kay的愛女張靖今年3月出世，Juno即舉手認頭做「契爺」。
去年4月舉行暫別樂壇演唱會回復自由身的Kay，原來早被Juno𥄫實，據知，當時Juno已開聲力邀她加盟公司Silly Thing，由於Kay打算休養兼再生，為免令Juno失望，承諾對方如復出必簽約於他。
如今Kay見囡囡已戒夜奶兼開始長大，加上Juno開出以千萬簽三年死約、兩年生約的條款利誘，Kay今年中秘密與Silly Thing動筆簽約。
Kay定下2018年復出，故Kay近月頻頻孖老公張繼聰跑步收身，為復出作準備，據知她近日更已開始收歌及錄音。
(on.cc 東網)
杏兒一向同胡說八道會啲好姊妹，感情尤如家人，當中以「胡說八道會」姊妹之一嘅李施嬅最為觸目，因為李施嬅係杏兒老公李乘德嘅前度，不過杏兒大肚嗰陣，接受奇妙電視節目訪問時，講到杏兒與老公李乘德婚後甜蜜恩愛，又講到李乘德同李施嬅曾經拍拖，杏兒就落落大方咁話：「都已經係過咗去嘅事！」
昨日杏兒喺社交網宣佈生咗Baby Lee，身為「三契媽」李施嬅亦回覆傳媒：「BB!好cutie……好靚仔。今日放假回港去shopping，他們甚麼都有，又想搵一啲有心意特別啲嘅禮物，有點難買。送我自己啦。哈哈!」
至於，Baby Lee嘅「二契媽」姚子羚接受傳媒訪問就話：「係呀，好開心，見佢今日公佈咗。但我未去探，因為佢生嗰幾日我病咗，所以費事探住，嚟緊呢幾日會去探。有睇相，BB好得意好健康，覺得杏兒好叻，呢段時間佢休息緊。」
咁會送乜畀BB？姚子羚話：「Baby Shower時，我同胡蓓蔚已經送咗一份禮物，咁遲啲都會送多份，但未諗送乜，要睇媽媽想要乜嘢先。」講到BB似邊個？姚子羚只係睇咗相：「未睇清楚呀，但係一個眼大大嘅BB，好得意，係handsome BB。」
胡定欣接受傳媒訪問嘅時候，就話：「當然好開心BB終於岀世，一班契媽等左佢好耐。等杏兒休息下，再去探佢。」問到佢覺得BB似邊個多啲，佢就話：「有齊爸爸媽媽的優點。」
「細契媽」黃智雯透過短訊回覆傳媒：「知道呀!佢早幾日生咗，有send相畀我哋睇，好得意呀，但暫時忙工作未去探BB，亦知佢攰，等佢休息多幾日，返到屋企先去探杏兒啦。」之後，黃智雯話之前babyshower都送咗啲衫仔：「嚟緊送個吻啦。等佢滿月，睇吓再有乜啱Baby Lee啦!」
「大契媽」胡蓓蔚亦回應傳媒：「探咗啦！送咗好意頭嘅禮物俾BB！(BB似媽咪定爹哋？)都似！超靚仔兼得意！」
此外，好友陳山聰短訊回覆：「恭喜恭喜，希望小朋友同杏兒都身體健康、幸福快樂☺小朋友快高長大。」
(蘋果日報)
37歲嘅甘比（陳凱韻）同66歲大劉(劉鑾雄)結婚後，成為香港女首富，早前宣布懷有第三胎。昨日下午五點幾，腹大便便嘅甘比同媽媽現身銅鑼灣希慎廣場陪伴一對仔女購物。
甘比懷孕5個多月，穿上連身裙個肚已經好明顯，佢戴住草帽，仍未失少女味；而8歲大女秀樺同4歲細仔仲學都係穿上運動服，估計係返學後去行一陣街。甘比媽媽拖住秀樺行前面，而甘比就拖住仲學跟在後面，仲學一邊行一邊食雪條，眼仔碌碌，同爸爸一個餅印一樣。
而身邊就有一位保鏢貼身保護，仲幫手拎咗一大袋卡送畀小朋友嘅禮物，難怪見到仲學個開心。廣場門外，更預早有「1LOVEYOU」和「1 LOVEU2」一白一灰嘅七人車及數名保鏢守候，未見到甘比等人，其中一名保鏢已不停用手機與另一人互通短訊，似乎通報「主子」準備離開，所以開定車門畀佢哋上車，由於喺繁忙時間，氣氛頗緊張。
甘比媽媽最先「I LOVE U2」灰色七人車，並「自動波」爬入最後排位置，而大女同囝囝就同媽媽坐中間位，仲學見有人影相，仲探頭張望，非常得意。
而其餘保鏢則上了另一架白色車離去。
(蘋果日報)
恭喜恭喜！杏兒生咗喇！
BB係仔嚟嘅，已經出咗世幾日喇，重7-8磅，改名叫Brendan。老公李乘德（Philip）剛剛喺IG報喜，貼咗張佢抱B嘅相，用英文寫咗篇長文報喜，佢話太太雖然已經生咗幾日，但體力未回復，依家仲好攰，要俾啲時間佢休息，仲話多謝大家祝福。
Philip仲好自豪咁話囝囝肺量強勁！胡杏兒所屬公司發言稱杏兒已經出咗喇！Philip話，BB個名係佢發夢時「見到」，愛爾蘭人嘅意思係「王子」咁解。剛為人母嘅杏兒同步喺社交網貼圖，兩公婆用手圈成心心，包住囝囝隻手，然後寫「我們仨」。咦，同郭富城微博報喜話太太生咗一樣喎！
胡說八道成員紛紛祝賀，黃智雯狂貼心心，寫道：’Hello babe lee , welcome welcome!’恭喜晒李生李太！
(蘋果日報)
1. 不吃早餐
早餐是一天活力的來源，如果沒有吃早餐會使血糖降低，容易產生飢餓感，在血糖偏低的情況下吃午餐，身體會吸收更多糖分，反而會讓你更容易變胖。
2. 身體缺水
當身體缺水時會傳送「需要水」的訊息到大腦，進一步使人有飢餓感，下次吃過東西依舊覺得肚子有點餓想吃東西，不妨可以先喝點水，避免自己攝取過多的熱量。
3. 攝取過多碳水化合物
碳水化合物會使血糖迅速上升，讓你一下子就有飽足感，相對血糖也會容易快速降低，這種瞬間的高低差，容易讓你感覺明明才剛吃飽，才過一下子就餓了。
4. 營養不均衡
每次吃完高熱量速食，不是一下子就餓就是根本沒有飽的感覺，原因就是身體缺乏蔬菜營養向大腦傳送訊息，身體就會出現「肚子餓」的訊號。
5. 壓力
為什麼有些人在壓力大時就會暴飲暴食呢？因為當你承受極大壓力時，體內會分泌「飢餓素」讓人容易有飢餓感，導致想吃東西的慾望一直停不下來。
(自由時報)
儘管人們都會經常打掃廁所，試圖使其保持乾淨和衛生，但其使用廁所的兩個常見習慣，卻可能使平時的努力「破功」，進而讓廁所成為細菌的溫床或影響人體健康的隱憂之一。
據英國《每日鏡報》報導，以下是居家生活中，人們容易養成、不利於健康的兩個習慣：
有調查顯示，68%的男性會在馬桶座墊立著時沖水。雖然這看起來沒什麼大不了，但卻會影響身體健康。
這是因為沖水馬桶的設計是為了沖走排泄物和其中的細菌，諸如沙門氏菌、志賀氏桿菌等，所以水流的力道很強，在空中可衝至15英尺（約4.6公尺）。
而在沖水時，髒水可能四處飛濺，並將細菌帶到地板、水槽或牙刷等人們會接觸的表面。為了安全起見，最好還是先把馬桶的座墊放下，再進行沖水，這樣就不會讓細菌到處跑。
雖然馬桶沖水時，髒水也有可能飛濺到馬桶刷子上，但另一種情況可能比較糟。也就是人們在使用刷子刷洗馬桶中的糞便之後，就將其收在支架上。
在這種情況下，細菌會從糞便中移轉至刷子，再移轉至刷子的支架，而這裡也會成為細菌孳生的絕佳環境。
為了降低風險，馬桶刷子在使用後，應該先清洗與消毒，再放置陰乾，然後收納至其支架上。
儘管廁所內沒有馬桶刷子好像怪怪的，但有專家建議，人們最好完全不要使用刷子，而是使用橡皮手套和清潔劑，來進行清理馬桶的工作。
(大紀元)
Angelababy（楊穎）近年一直喺大陸發展，今年1月同黃曉明生咗囝囝小海綿之後更專注湊仔，不過仍然有拍下劇同埋上綜藝節目。
日前Angelababy喺大陸節目接受訪問時突然回到未紅前，講番自己細個嗰陣同婆婆住喺上海嘅生活，仲懷疑自己患咗強迫症直至今日添！
Baby稱當時爸爸媽媽都好忙，同外婆感情比較深厚，第一次做模特兒所賺到嗰1千蚊都全數畀晒婆婆，真係生性又孝順。
佢亦講到當時有啲食飯嘅小習慣係受婆婆影響，佢話：「我明明吃得已經很飽了，但是我就很有強迫症的，要把飯碗裡最後一粒米吃完。」
Baby話有時都唔明白自己點解要咁做，後來仔細思考之後至覺得同婆婆有關，因為婆婆從小就教佢食飯一定要食清光，因為咁做係對農民嘅尊重咁話，漸漸就好似強迫症咁。
(蘋果日報)
罕見的先天性代謝缺乏症可影響小童發育甚至奪命，中文大學代謝病診治中心一三年起開展代謝病篩查計劃，一三至一六年間，為三萬多名經公私營機構轉介的新生兒化驗，當中六名新生兒確診先天性代謝病。兩宗個案屬MCAD缺乏症，一種屬CACT缺乏症，另外三宗為較輕微個案。由於發現得早，醫生即時對症下藥，現時六名兒童正健康成長。
該項計劃為初生嬰兒篩查三十四種先天性代謝病，於嬰兒出生後廿四小時至七天內，在腳部穿刺收集數滴血液，數天內有化驗結果。其中一名參與計劃的男嬰，出生後四十二小時內出現低溫、低血糖等症狀，需即時進行復甦及接駁呼吸機，情況十分危急。八小時後篩查有化驗結果，各種指數水平顯示他很可能患CACT缺乏症。
參與研究的中大醫學院兒科學系臨床專業顧問莊淑貞表示，CACT缺乏症病人初生死亡率十分高，如不及早處理，很容易出現心臟衰竭，「很多出生頭幾天就會死亡。」但其實此病不難治療，一般用藥及飲用特製奶粉即可控制病情。由於其病徵不特別，容易與其他病症混淆，代謝病篩查令醫生能夠及時對症下藥。在其後的跟進治療中，男嬰的情況維持良好。
另外一對白人姊妹同患MCAD缺乏症，姐姐三歲時參與研究確診，妹妹出生後幾天確診。莊淑貞表示，患此症的病人會「唔食嘢」，當身體壓力大，心臟功能急速轉差，出現生命危險，因此要特別提醒病童家長定時餵食，不可任由病童捱餓。兩名女童的健康情況一直良好，並無出現病徵。
莊淑貞指出，罕見代謝病有機會令嬰兒嚴重智障甚至死亡，但只要及早發現，簡單的藥物或調節飲食就可治療。她希望研究結果有助本港推行全港性初生嬰兒代謝病篩查。研究結果刊於《香港醫學雜誌》。
(東方日報)
藝人姚子羚近期傳出同男友鄭子邦好事近，前幾日仲豪擲933萬買樓，雖然婚期就未有，但佢呢日就孖龔嘉欣同宋熙年做索爆姊妹團！
子羚喺微博上載多張「婚照」，原來係佢嘅化妝師結婚，佢留言：「今天是我們的化妝師Sammy的大囍（喜）日子～祝妳（你）同Danny幸福快樂快d（啲）生個B」
相中嘅佢哋着上一式一樣嘅紫色姊妹裙，相當之靚！而網民除咗大讚姊妹團顏值高，當然唔少得催婚，「逼供」問子羚「幾時結婚」、又叫佢「你都快啲」呀！
而龔嘉欣都有上載合照：「分享更多快樂的時刻 看見身邊的好姊妹們找到自己的幸福 很替他她們高興 她們很好 她們的另一半都很好 加起來就是圓滿了！」
（東方日報）
洪永城(Tony)同唐詩詠今年5月喺分別喺ig宣佈分手，結束兩年半嘅感情，佢哋話大家係和平分手，同時感謝對方曾經帶來過美好的時光！跟住有指蔡思貝係第三者，介入二人戀情，導致分手，但係蔡思貝強調大家只係正常同事兼朋友關係。
回復單身嘅Tony，事後接受訪問坦言，女友被戴上「不能錯過的女友」光環，令到佢感到壓力，分手原因係好似普通情侶，斷斷續續有啲問題，但一直累積冇解決，於是相處之間漸漸多咗一啲負能量，Tony同自己講，要喺工作上做好啲，做出成績，等大家知道，佢都係一個值得信任嘅男人。
不過今日有報道話甩拖冇耐嘅Tony有新戀情，同一名年約20多歲嘅辣妹拍拖，日前喺大坑同朋友一齊食完飯，齊齊揸車走人！有傳媒向Tony了解，佢話：「哈哈，多謝大家關心呀，唔係新戀情，嗰個女仔係識咗一段時間嘅朋友，嗰晚仲有同另一對couple一齊食飯，跟住送佢返屋企，我哋係朋友，唔係新戀情。」
另外，Tony亦向另一周刊回應指：「唔係有新戀情，嗰個係朋友，識咗一段時間㗎喇！同朋友食飯，食完送佢返屋企啫，嗰日仲有一對情侶朋友喺度！（怕唔怕影響新戀情？）怕㗎，係怕影響個女仔呀！」
(蘋果日報)
