Twins兩個成員阿Sa（蔡卓妍）和阿嬌（鍾欣潼）雖然仍未做人母，但已經有不少契仔契女，當中鄭希怡（Yumiko）的女兒梁浸浸，便是她們的契女。這個小契女在網上人氣比母親Yumiko還厲害，更不遜色於兩位靚契媽。不過梁浸浸性格活潑好動，令Yumiko湊女生活都頗費氣力。
阿Sa表示Yumiko因為第一次做母親，每個初做父母都會有這種經歷是很正常。阿嬌則讚Yumiko這個母親夠耐性：「梁浸浸真係唔係非一般小朋友嚟，佢奀皮到你會驚，男仔性格，Yumiko似生咗個仔多過似生女，浸浸係活潑到你唔信。」
兩人笑言幸好Yumiko「玩得」，所以先能照顧到一個相當瘋狂的女兒。阿Sa抵死笑說：「佢應該好理解佢個女，諗吓佢自己就明白，就係每日鑽研點樣對付自己一樣，所以有其母必有其女係冇錯嘅。」
既然是這樣Twins將來做母親可會先調整一下性格？兩人則言：「將來先算喇，邊諗得咁多！點都好，浸浸都係好得意，好惹人愛嘅。」
(on.cc東網)
如今在兒童之中出現牙齒畸形的現象越來越多，很多家長也開始對孩子的牙齒問題關注起來。然而，仍有不少家長對孩子矯牙存在諸多誤區。
誤區1：矯牙後牙齒易脫落
有些家長擔憂，牙齒矯正後會造成老來牙齒鬆動，甚至牙齒早脫，這個觀點是不科學的。牙齒矯正是通過輕的矯治力誘導牙齒移動，是一種緩慢的生物改建過程，被移動牙齒的一側骨吸收，另一側骨新生重建，最終使牙齒移動至正常位置。過程是漸進的，牙齒是穩定的。正規的正畸治療不會對牙齒、牙周組織產生創傷。反而是如果不進行牙齒矯正，牙列不齊不容易刷乾淨牙齒，容易引起牙齦炎、牙周炎，才會真正導致年老後牙齒脫落。
誤區2：牙齒矯正一定會痛
每個人戴上牙箍之後的感覺會不同。戴上牙箍之後，有可能出現不適感，如痛、脹、咬物不適等，而且這些感覺多是在第一次矯牙時出現。痛不痛因人而異，同時也會跟醫生的經驗有關。一般來說，兒童青少年戴上牙箍之後的感覺沒成人那麼強烈。所以，箍牙還是趁早處理的好。
誤區3：牙齒矯正就要拔牙
害怕拔牙這也是臨床上比較常見的現象。家長一聽說要給兒童拔牙，立即就不考慮矯牙了。其實，矯牙是否需要拔牙，這個問題也是業內一直討論的話題。醫生會秉承盡量不拔牙的原則來製定矯牙方案。像牙齒排列輕度擁擠，或者有間隙的話，可以不用拔牙。
誤區4：牙齒矯正要等到12歲
這種說法不完全正確。從半歲之後長出乳牙，到兩歲半左右乳牙長齊。到了6-7歲，乳牙換成恆牙，一直持續到12歲左右，恆牙完全長齊。在這個時候矯牙，醫生可以對每個牙齒的位置都一清二楚，方便設計矯治方案，所以，臨床上大約有50%-60%的兒童是在12歲以後才矯牙。
天使口腔專家指出:最適合牙齒矯的年齡通常情況下女孩子在10到12歲期間矯正最好，男孩子在11到13歲矯正最好。青少年與兒童時期，人的面部發育仍處於生長發育的快速期，而牙齒矯正就是需要利用面部生長發育的潛力，以確保牙齒移動及牙槽骨改建的效率達到最佳狀態，從而取得完美的矯正效果。過了這段時間，雖然矯正也會有效果，但是矯正的時間會相對長一些。
日本混血名模道端Jessica同英國F1車手前夫畢頓（Jenson Button）於14年底離婚，回復單身後緋聞多多，不過上年佢突然自爆未婚懷孕，仲為荷李活電影監製Ken Kao（高凱麟）誕下B女，雖然二人未有結婚，但Jessica就相當享受目前嘅湊B生活，不時於Instagram分享親子樂生活。
道端Jessica混血B女十分可愛，更迷倒廣大網民。
日前更罕有地晒一家三口溫馨合照。
高凱麟曾拖道端Jessica出席多倫多電影節。
道端Jessica於美國享受湊B生活。
B囡已經3個月大啦
高凱麟係台灣富商高民環兒子，自從搭上Jessica之後，二人喺美國同居築愛巢，目前一家三口組織幸福家庭。Jessica似乎十分自豪有個cute到震嘅混血囡囡，昨日又拍下B女萌爆望住鏡頭嘅近照，慶祝出世已經三個月，獲得不少網民大讚可愛。其實Jessica同高凱麟嘅關係並不高調，除曾經一同出席影展紅地毯外，Jessica甚少在社交網提起另一半，日前佢就難得地喺Ig嘅Story上載一家三口激罕合照，高凱麟同Jessica用額頭頂住乖女個頭殼仔，畫面十分溫馨！
(東方日報)
出爐視帝王浩信緋聞不絕，喺頒獎禮當日有蔡思貝奮不顧身咁中斷訪問，由後台跑出錄影廠，眼甘甘咁望住王浩信喺台上講得獎感言，以行動支持，但已有家室嘅王浩信明顯比較避忌，話晒早前同蔡思貝被傳過從甚密，導致形象一度插水，o依家當然係老婆陳自瑤同囡囡緊要好多喇，似乎急於劃清界線。
點知一波未平，一波又起，今日周刊指王浩信早前同「宅男女神」江嘉敏去英國拍《兄弟》外景，成日一齊玩，江嘉敏一向好主動撩合作嘅男演員，有時同啲男演員會玩到郁手郁腳，喺英國開工期間，江嘉敏經常買咖啡俾王浩信。
有工作人員向報道爆料指，江嘉敏返港後，同王浩信人前扮唔熟，但係喺片場就差唔多發短訊，江嘉敏有時仲會提早返去探班，又傳王浩信介紹眼科醫生俾佢，事後江嘉敏喺Ig貼自拍相，留言：「獨⋯⋯眼⋯⋯龍，邊個話唔痛㗎喂，同我企出嚟！」未知係唔係王浩信只係教導新人。
此外，報道又指老婆陳自瑤同王浩信囡囡靖喬喺頒獎禮前，約咗樂易玲於銅鑼灣食飯，席間有傳陳自瑤落力於樂小姐面前讚老公，呢個老婆都算唔話得，又要照顧囡囡、又要開工拍劇，仲要為老公默默付出。
(蘋果日報)
天文台預測，下周一（29日）起顯著轉冷，下周二至周四（1月30日至2月1日）最低氣溫只有9度，至周五（2月2日）亦只有最低10度。
天文台表示，一股強烈冬季季候風會在下周初抵達華南，該區天氣顯著轉冷，隨後數天天氣持續寒冷。
根據天文台九天天氣預報，未來兩、三天氣溫有15至19度，至下周一顯著下跌至最低10度，周二至周四更只有9度，周五稍稍回升至10度。
（明報）
張智霖與袁詠儀的兒子張慕童（魔童）已11歲，愈大愈長得似媽咪，十足餅印！好動的魔童最近學識玩滑板，不時把自己踩板的精彩片段分享到社交網。
呢日靚靚湊完魔童放學。 
兩母子好溫馨有傾有講。 
靚靚拿出手機同阿仔Selfie。 
不過魔童似乎唔多合作四圍擰。 
之後靚靚同魔童去便利店買鮮奶。
原來係一齊去餵流浪貓。 
似乎係餵慣餵熟，愛心爆棚呀！ 
餵完貓嘅魔童心情大靚。 
紮紮跳冇時停！ 
靚靚都畀阿仔氹到笑晒口！ 
身手敏捷嘅魔童爬繩索冇難度！
魔童從管狀滑梯外圍由低部爬上頂。 
見到都覺得牙煙呀！ 
靚靚只係企喺在遠處𥄫住囝囝。 
睇嚟仔仔都係媽媽嘅前世情人～ 
日前下午5時許，靚靚湊完魔童放學，再帶他去赤柱遊樂場「放電」，趁住日落時段，靚靚拿出手機同阿仔Selfie，不過魔童似乎唔多合作不時四圍望，靚靚就耐心地等阿仔望向鏡頭。自拍完一輪，愛心爆棚的靚靚拖住囝囝行去便利店買鮮奶，然後拎住盒奶去附近餵流浪貓，兩母子踎低睇住貓仔舐了幾啖鮮奶便靜悄悄地離開，餵完貓仔的魔童心情大好，沿途不時紮紮跳冇時停，精力無限。
其後靚靚帶魔童到遊樂場玩樂，魔童第一時間走去爬繩索，再去玩滑梯，好動的魔童瀡完滑梯，竟然從離地約2米的管狀滑梯外圍，危險地像猴子般從低部爬上頂，而靚靚則站在遠處𥄫住囝囝。魔童放完電，靚靚便拖住他離去，兩母子邊行邊傾，相當溫馨！
(東方日報)
歌手官恩娜（Ella）日前再為混血醫生老公Domingo誕下B女Aurélie，成功湊夠一個「好」字。
依家返咗屋企休養嘅Ella，呢日喺Instagram限時動態上載咗兩段短片，片中錄到樓上屋裝修嘅鑽牆聲。
Ella話喺佢生囡囡Aurélie前，樓上已經開始裝修，直到今日佢照顧咗囡囡成朝，放低囡囡落床瞓覺後正以為自己有時間休息時，樓上竟然又開始鑽牆！
Ella仲留言話：「媽媽們…你懂的」而且仲加上爆喊表情圖案，淨係睇見都感受到嗰種痛苦呀！
(on.cc東網)
藝人張繼聰出席英皇娛樂超級劇集《PTU機動部隊》記者會，今年未有現身TVB台慶頒獎禮的他，謂化身觀眾在家中支持。
提到他有份拍攝的劇集《誇世代》奪「最佳劇集」，監製陳維冠在台上有提到他的名字，他笑說：「呢啲咪係雷囉，我拍劇拍到出汗癬，依家佢提咗我個名，就對得住我啲汗癬，啲汗癬未好番，不過唔只我辛苦，歐陽震華、陳豪就由白曬到黑、健身到健到好乾！」又指替奪獎的朋友開心，
阿聰多謝大家支持《誇世代》影片:
https://www.facebook.com/LouisCheung111/videos/1535785353185080/
至於可打算明年坐在現場看台慶？阿聰直言：「諗都唔敢諗啦，公司同公司間有嘢未解決，好似我咁，可能連將軍澳隧道都未必入到！替唐詩詠開心、李佳芯努力啦，我會開多個account投票畀佢！」又指個人隨遇而安，望事件解決先再算，又指工作已排到七、八月。
談到梁漢文涉酒駕，他說：「我哋90年代有合作過，佢飾演老師，我做學生，佢係認真盡責演員，似大哥哥，希望佢冇事，人哋嘅事唔評論咁多。」
(東方日報)
娛圈生活從來都係五光十色，但係同時亦都充滿明爭暗鬥。自從黎姿同商人馬廷強結婚之後，火速放棄咗燈紅酒綠嘅娛圈生活，不過樣貌標緻嘅黎姿，喺淡出呢個名利圈前，除咗有唔少緋聞，亦不時惹上是非。
唔知大家仲記唔記得04年《萬千星輝頒獎典禮》，《金枝慾孽》四主角佘詩曼、張可頤、鄧萃雯同黎姿一齊爭視后，原本呢個獎係飾演如妃嘅鄧萃雯嘅囊中之物，連英國網上博彩公司以一賠四嘅盤口列如妃為大熱門，點知最後爆冷門，由黎姿飾演嘅「玉瑩小主」搶走，令網民鼓譟，仲盛傳話黎姿當年因為簽無綫做經理人而贏獎，搞到佢都覺得好委屈。
而另一方面，原來呢件事，一直都放喺雯女個心入面，直到13年雯女去咗溫哥華擔任一個教會佈道會嘅演講嘉賓，喺演講期間，雯女將拍電視劇多年來嘅鬱結都講晒出來，04年視后大熱倒灶，俾死敵黎姿攞咗視后，好多人都戥雯女唔抵，原來雯女自己都放唔低，佢話:「我成日都覺得我梗係有實力o架!有晒人生經驗啦，我以前唔忿氣，咁多後輩攞到獎未到我。」
直到09年，雯女先憑《巾幗梟雄》四奶奶一角拎返視后，不過歲月飛逝，當年咁多是是非非，到咗今時今日睇返，原來所謂嘅視后已經唔再重要，兩位主角亦都已經過緊各自各嘅生活，視后？年年都有啦。
（蘋果日報）
藝人蔡卓妍（阿Sa）以女主角身份參演英皇網劇《PTU機動部隊》演出，戲中與林峯及張繼聰都有微妙關係。
首次在港拍劇的她因為扮演女警關係，故用假短髮配合角色造型：「我戴假髮，無論林峯、方中信同譚耀文都試過指住嚟討論，我個假髮前後修剪過幾次。（點解唔索性剪短？）因為內地舉行緊演唱會呀。戴假髮箍實條頸好痛，仲要日日05通告。」
阿Sa記得拍其中一場爆破戲發生小意外：「因為要就機位，所以行埋啲，點知一爆啲碎片彈落我同拍檔塊面度，我好彩只係瘀咗，佢即刻流血呀。」話雖如此，因為今次合作，台前幕後很多熟悉面孔，令她倍感親切。
談到梁漢文發生醉駕事件，阿Sa追問對方有沒有受傷，接着便答：「冇事就好，下次唔好嘞。」
另外，方中信及譚耀文兩中大型男於戲內都扮演警司。方中信與溫碧霞先後有感情瓜葛，而20年沒有在港拍劇的譚耀文則笑指自己今次「改邪歸正」演忠角。
(on.cc東網)
