孕媽媽在懷孕期間，是最靚的。
楊洛婷(Rabee’a)婚後，積極造人4年，終於得償得願，本來係緊張大師Rabee’a，在懷孕期間，放慢腳步，放輕心情，臉上經常掛住開心嘅笑容，所以囡囡Tanya Faith Wong都係一個甜睡寶寶。Rabee’a喺產前接受專訪話：
「今次呢個懷孕期間去咗3次旅行，第一次係不知情之下加拿大過新年，之後發現原來有咗，第二個旅行，6月個時同Tim去左baby moon，陽光與海灘影咗啲大肚相，啱啱我都返咗加拿大去探Daddy，其實都好開心，唔係淨係坐喺度等生，成個過程好開心，我希望BB都吸收到呢啲正能量，遲啲大個都會鍾意周圍走，同埋佢都好好動，咁啱我細佬個老婆都有咗，我哋屋企係雙喜臨門o架，我父母好開心，同一時間做爺爺嫲嫲公公婆婆。我弟婦11月生，時間差唔多，佢個肚冇我咁大，BB都冇我咁多郁動，我自己覺得佢有我同Tim啲genies，我哋都鐘意玩，好鍾意跳舞、唱歌仔，都似我哋嘅。」
十月懷胎嘅過程入面，Rabee’a成日笑，充滿正能量，佢話：「好開心呀，因為好彩我老公咁錫我，佢每晚都盡量同BB傾計、唱歌仔，雖然佢好忙，但佢都會抽時間陪我哋，一有時間就去買嘢，最好笑係咩？呢樣嘢要分享，未知仔定女嗰陣，佢話仔又點女又點？都係着黑色衫o架啦！知道咗係女之後，佢話o依家好多女仔衫都黑色好型o架！不過啱啱去咗澳洲，o依家係冬天，我話不如你去買定啲冬天衫，遲啲去加拿大有冬天衫著，佢返到嚟香港買啲衫全部係粉紅色，仲要係粉紅色毛毛，口水肩仲寫住『I love daddy』，我望住佢問唔係仔女都係着黑色嘅咩。我覺得佢已經係好冧，好開心生女，我成日話幾時作返首歌，我心諗，我結婚個陣都等左8年幾，佢先作一首歌比我，可能個女10歲先有歌聽，哈哈！」
緊張大師Rabee’a，係懷孕初期已經去睇定啲幼稚園展搵資料，咁佢對囡囡又有咩期望呢？佢話：「其實我就希望佢係開心，快樂成長，健康係好緊要，懷孕期間每個月都要照聲波，之前醫生都話，BB個頭比較細，我已經好驚，到第2次去驗又冇事，又大返，BB嘅生長你係估唔到，有時聽到會好擔心，有啲朋友同你講BB個頭有個窿生唔埋個心又好細，聽到呢啲嘢你會好擔心，所以我希望生個女想似我啦，大個又做香港小姐，o依家就會覺得健康，佢想做乜，作為父母會support。」
(蘋果日報)
古天樂喺14年同郭采潔合作過一套電影《巴黎假期》，有咀戲有婚紗相，之後兩人四圍飛宣傳，係幾親密嘅。不過上年古仔去台灣時曾經被問番起呢段「戀情」，古仔輕輕咁答「感情的事我從來不談」落閘。至於郭采潔經理人就回應話：「對於網路不實消息，均不予回應，請大家別太費心。」
女星蔡卓妍（阿Sa）出席時裝活動，對於與好拍檔鍾欣潼（阿嬌）齊齊蜜運，問她會否來個四人約會？她坦言時間夾到都可以，又指已見過阿嬌的醫生男友賴弘國。
曾志偉寄語「人死後帶唔走財富」
轟張栢芝唔敬業