【仔仔好窩心】唐寧首談離婚：小朋友知爸爸媽媽分開咗

2017-10-16

喺貧窮山區入面，有着無數個童婚家庭，由於缺乏教育、性知識，男孩同女孩有咗下一代，佢哋唯一只能選擇結婚，唐寧喺8月以國際培幼會大使身份，隨團前往越南探訪3位童婚女孩，此行令佢感觸良多，事後跟囝囝分享時，囝囝嘅反應更係唐寧始料未及！

唐寧表示2015年5月獲國際培幼會安排到印尼探訪，今次再獲邀到越南繼續探討童婚，唐寧話：「好多落後國家都有童婚，佢哋冇乜受過教育，或者因為傳統，所以好細個就結婚，不過生活喺山區嘅女孩子，一旦結婚，佢嘅人生就完，有個女仔叫小雁，佢讀過書，但因為屋企重男輕女，寧願將錢畀男孩子讀，其實小雁夢想係成為老師，O依家做唔到，但佢參加一個『女孩天地』，去學知識，女仔有咩權利，點樣保護自己，等佢哋可以了解下外面世界。」

佢指童婚家庭嘅老公，年紀一樣好細，一樣冇能力照顧養起家庭。回想一個16歲嘅童婚女孩，喺佢哋資料搜集嘅時候，呢位女孩當時已經懷孕，到佢哋探訪嘅時候，佢嘅BB出世3日，因為破傷風而離世，唐寧話：「我哋好震撼，冇諗過冇咗個BB，我問佢係咪好難過，但佢唔識得答，因為從來冇人關心佢，佢又唔識去表達佢嘅難過，工作人員睇到牆上有啲數字，問番原來係紀錄BB出世嗰日同離開嘅日子，佢只能寫日子去紀念個BB。」

唐寧將此行經歷，逐一分享畀女子知道：「我影咗好多相同片，不過阿女2歲幾仲細，佢未識，阿仔6歲幾，佢知道我要坐電單車入去，好危險，因為另一面係山坡，估唔到阿仔好擔心，佢好緊張，知道我當時好危險，佢有少少想喊，問大家有冇事，我都有同佢分享當地小朋友嘅生活，教佢唔係必然有，但有嘅時候就要珍惜，如果有能力就更加要幫人。」

對於今年6月唐寧宣佈同鄧偉傑離婚，自此成為單親媽媽，喺呢兩次探訪中，感受會唔會唔同咗﹖唐寧話：「我又冇喺呢方面諗，我係一個母親，無論點都係一個母親，所以感受一樣係咁深。」離婚之後，有冇更加留意自己子女嘅情緒、心態﹖佢話：「都會留意，但生活唔會有太大變轉，佢哋同爸爸都有見面，唔係完全冇咗，所以唔太大擔心。」有冇同仔女講父母現時嘅情況﹖唐寧表示：「佢哋都仲細，但佢哋係知道爸爸媽媽分開咗。」仔女知道父母要離婚，有冇喊﹖佢話：「咁又冇，阿仔好窩心，佢同我都好朋友，我哋有隻公仔，佢話佢係爸爸，我係媽媽，所以我哋喺公仔身上有個夫妻關係，近排早起身返學，我就用公仔整醒佢，佢都好生性，好明白事理，好窩心。」

離婚後，唐寧指一切都順利過渡，繼續生活，預計年底會去上海演出舞台劇，佢諗緊帶唔帶兩個小朋友去，順便一齊過聖誕節。現時做單親媽媽係咪好吃力﹖佢話：「又唔會，照顧小朋友，兩方都有，所以唔會太擔心，同埋我媽媽好幫我手，即使以前都試過唔喺香港出外工作，阿仔都好習慣。」

談到好多小朋友會因為父母嘅離婚，而影響到將來對婚姻嘅睇法，唐寧話：「明白，我一路都學習緊，我會一路睇住佢哋，即使任何關係都好，最緊要係等小朋友明白到佢哋係充滿愛，佢哋就可以過渡到。」問到佢O依家有冇人追﹖唐寧笑住話：「呢個唔諗住，我個仔啱啱升小一，呢一關好重要，小朋友同家長都要適應，幼稚園生活跳去小學生活，模式好唔同，所以感情事就隨緣啦！」

(蘋果日報)

【小海綿超多頭髮】網民野生捕獲Angelababy孖九個月大囝囝出巡

2017-10-16

10月15日，有網友在上海的K11購物藝術中心遇到Angelababy（楊穎）一家人。

圖片可見，雖然有嬰兒車，但打扮隨意的Baby還是選擇抱著兒子「小海綿」。

不知不覺，1月出生的小海綿已經9個月大了，看起來挺壯的，但嬌小的Baby抱著他好像並不吃力，想來是平日訓練有素吧！ 10月12日，Baby發微博宣告自己將會到上海出席風尚大典活動：

沒想到，原來她這次是帶著兒子小海綿出行，就像她接受采訪時所說，希望能夠兼顧好事業與家庭，工作完了回家就照顧兒子，果然是說到做到。雖然網友沒有拍下Baby一家的正面照，但從身影看來，好像有Baby的媽媽以及黃曉明的父母。

至於黃曉明，不知道是不是在電梯裡負責按著電梯門的那一位。

小海綿穿著黃色的外套，看不到臉，但就像他爸爸所說，頭發超級多。

有報道稱，「小海綿」長相和爸爸比較相像，尤其有個超挺鼻子和翹下巴，且耳朵很飽滿，看起來頗有福氣，模樣也相當可愛。黃曉明則透露，兒子比他要好看許多。

(騰訊)

【消委會】汽車防撞測試一款兒童保障表現差

2017-10-16

近年汽車生產商都致力提升汽車的防撞表現，消委會測試47款型號汽車，涵蓋不同車種，包括家庭房車、跑車、行政人員房車、越野車及客貨車等，其中34款總評達5分，8款獲4分，5款獲3分。當中獲3分的包括「雷諾Renault Traffic」、「鈴木Suzuki Swift」、「起亞Kia Morning」、「福特Ford Mustang」、「雙龍SsangYong Tivoli」。

在「司機及成人乘客安全保障」方面，測試各樣本在正面、側面及從後撞擊的保護。大部分樣本在正面撞擊的表現良好，但「雷諾Renault Traffic」客貨車樣本的儀表板等結構可能令司機及前座乘客的膝部和大腿骨在撞擊時受傷；另一款小型家庭房車樣本「雙龍SsangYong Tivoli」，雖能為司機提供不俗的保護，但對後座乘客頭部的保護欠佳。

在從後撞擊測試方面，11款樣本的座椅保護程度相對較弱，當中「奧迪Audi TT」和「福特Ford Mustang」的後排座椅設計被評為對後座乘客頸部的保護欠佳，以3分為滿分，僅獲1.2分。

至於側面撞擊方面，19款樣本都獲滿分16分，除1款客貨車樣本「雷諾Renault Traffic」的歐洲版因頭部車側安全氣囊並非標準裝備而只獲8分，其餘27款都獲14分或以上。

另外，在兒童乘客安全測試中，36款樣本的評分達80%或以上，但「福特Ford Mustang」只獲32%評分，其在撞擊測試中的10歲兒童模型假人，頭部撞到車內結構，表現最差。

消委會提醒消費者購買汽車前應先留意部分汽車型號香港版本的安全裝置，可能會跟歐洲測試版本略有不同，配置較多安全裝置的汽車，其安全表現通常較佳；應留意其標準設備是否包括車側氣囊、膝部氣囊、窗簾式氣囊及AEB系統等；部分型號可額外選配安全裝置，在買車前可向原廠代理商查詢可否額外加裝。

（明報）

【59歲梁家輝依舊man爆】拖實老婆囡囡幸福滿瀉

2017-10-16

恩愛又溫馨﹗

梁家輝、老婆江嘉年日前帶埋孖女Nikkie同Chloe，成家去咗馬爾代夫，入住Cheval Blanc Randheli，同陽光玩遊戲，連日喺社交網貼咗唔少相，噚晚終於po出全家福，一家人望住藍天白雲，配埋個海景，嘆住美食，作為爸爸嘅梁家輝有囡囡陪住，當然笑晒!

話晒梁家輝出名係圈中「愛妻號」，老婆江嘉年常伴在側，今次佢哋去旅行都影咗唔少手拖手嘅恩愛相，放閃又溫馨，孖女Nikkie同Chloe更着上比堅尼，同爸爸一齊玩水，當中有一張家庭相，見現年59歲、身型fit爆嘅梁家輝仲大晒「老鼠仔」拖實囡囡，認真man爆。

(蘋果日報)

【世界零距離！】1.6倍音速豪華客機倫敦飛香港慳一半時間

2017-10-16

上世紀研發的「協和式客機」在2003年退役後，至今仍然沒有航空公司提供商業營運的超音速客機服務，但情況可能會有所改變。美國航天科技公司Spike Aerospace表示，正研發一款1.6倍音速的豪華客機，號稱是「協和式之子」，據官網表示，其速度之快，可令倫敦飛往香港的直航時間縮短至5.7小時。

據悉，這款未命名、編號為S-512的豪華客機，最大載客量可有22人，續航力接近9900公里，每部造價高達6000萬至8000萬美元（折合約4.6億至6.2億港元），速度達到1.6倍音速，預計在2023年開始投入服務。

據Spike介紹，這款超音速客機可以節省一半飛行時間，從倫敦出發，飛往香港的直航時間由傳統的10.7小時，縮短至5.7小時；而從上海出發，飛往洛杉磯的直航時間由傳統的11.6小時，縮短至6.2小時。

Spike稱，這款豪華客機「不僅是奢華體驗，更是一個機會，一種力量去讓你成就更多、享受更多、放心更多」。該款豪華客機強調先進發動機技術及空氣動力學設計，令飛行時完全安靜，機身內壁亦捨棄了舷窗，改以一整塊液晶電視屏幕覆蓋，以提供全景影音享受。

（明報/太陽報/每日郵報）

【囡囡手多多扭計超搞笑】JC安志杰結婚啦！

2017-10-16

混血女模Jessica C.（JC）與影星安志杰將在美國時間（15號）於夏威夷結婚，正式進入人生第二個階段。

唔少賓客都有飛到當地恭賀佢哋，仲上載靚相同片同大家開心Share。

啱啱就有賓客晒出JC與安志杰宣誓嘅片，片中見着上白色婚紗嘅JC抱住囡囡Tessa，而安志杰其中一隻手就拖住JC宣讀誓詞，兩人對望甜笑，而安志杰就顯得有少少怕醜同緊張！

宣誓時，由於Tessa仲係太細個聽唔明父母做緊乜嘅關係，畀JC單手抱住嘅佢，竟然手多多不停想拉媽咪隻手兼扭計，十分搞笑！

(on.cc東網)

【中四女生高184cm被嘲】充滿愛心助長者成功奪獎

2017-10-16

曾經被同學嘲笑「阻住晒」，自信心低落，不過。。。

長者注重健康飲食，不過受生理限制，眼睛較難看到食物標籤的細字，變相容易買下不健康食品，兩名匯知中學女學生劉鎂儀及程家蔚因此利用手機應用程式，設計出一套適合長者使用的工具，只要長者的家人預先拍下該些食品的照片，如午餐肉、公仔麵等，及輸入食品熱量、糖分、鈉等成分，待長者到超市購物時用手機拍下同一款食品或飲料，手機螢幕便彈出放大版食物標籤，「好多長者睇到食物標籤後，先發現原來咁唔健康，唔會再買」。此工具還有其他功能，奪得今屆教育局的「今日公益明日領袖計劃」大獎。

高一米八的中四女生劉鎂儀自幼被男同學嘲笑身高，「笑我阻住晒」，自信心低落，中學參加長者義工活動後，覺得長者不會隨便嘲笑自己，又被稱讚「你真係高大！」因而建立自信，希望回饋長者。

劉去年九月與同學程家蔚透過學校義工計劃訪問了一千名社區長者，了解他們購買食物的準則，「佢哋普遍鍾意價錢實惠的食物」，不過選購時卻看不到食物標籤的細字，惟有看價錢，結果買了一些便宜卻不健康的食品，二人於是用應用程式「Aurasma」製作出可放大字體的工具，當長者使用預先設好的工具，影低想購買的食品或飲料，便可從螢幕看到字體已放大的食物標籤。

為方便長者記事，家人亦可用應用程式影低月曆日期，再輸入當天長者的活動或拍照，如睇醫生、食藥、參加康樂活動等，當長者用手機拍下同一個日子時，便可看到活動資料。學生還根據長者喜歡送禮給子女及孫兒的喜好，加入炮製「驚喜」短片的功能，長者可隨意拍下任何物品，如紙巾、杯麵等，再錄製自拍祝福短片或製作字句，待收禮人士影低同一款紙巾或杯麵等，便可從手機看到祝福字句及短片，充滿驚喜。

(東方日報)

【消委會】兩款冷壓果汁或影響胎兒發育

2017-10-16

消委會今日公佈，在抽查市面40款常見預先包裝果汁樣本，在其中兩款冷壓果汁，驗出「棒曲霉素」含量是每公斤67及130微克，高於本港規定的每公斤50微克水平，分銷商已將有關產品即時下架。

「棒曲霉素」是一種霉菌毒素，以蘋果最常受到污染，即使經加熱消毒處理亦難以消除。根據聯合國及世衛的報告指，「棒曲霉素」有基因毒性，會抑制免疫反應、損害神經，以及影響胎兒發育。消委會在「Presha Fruit」Cold Pressed Pink Lady Apple及同一牌子的Cold Pressed Apple & Strawberry的測試樣本，分別檢出每公斤含67微克和138微克「棒曲霉素」，均高於食安中心的行動水平。

另外，抽查的四個果汁樣本中，含微量防腐劑，其中三款未有在食品標籤上標明，可能違反相關食品標籤規例，已轉交食物安全中心跟進。

消委會指，全部抽驗的果汁樣本，膳食纖維含量遠低於人體每日所需，大部分蘋果汁及少量混合果汁的維他命Ｃ含量偏低，提醒消費者不應以喝果汁完全代替吃水果。消委會又提醒消費者，切勿誤信一些冷壓果汁產品標榜的「排毒」功能，指消費者有機會因為在短時間內攝入大量果糖，腸道未能立即適應而導致肚瀉，而誤以為是「排毒」。

（881903）

【阿嬌喺片場俾賀軍翔爆粗鬧？】經理人Mani：佢停唔到咁喊

2017-10-16

個個都拍拖，唔通阿嬌(鍾欣潼)唔想拍拖咩！
就係咁，今年36歲，以往好少講感情事嘅阿嬌，日前甜蜜承認同台灣婦科醫生賴弘國拍拖，仲話想呢段感情可以開花結果o忝！

阿嬌同賴弘國撻着，有傳係因為女方早排過台灣拍新戲《動物系戀人啊》，經朋友介紹認識嘅。不過，蜜運緊嘅阿嬌，今日就俾台灣《蘋果日報》爆出，指佢喺拍《動》片時，試過有一場戲狂NG，搞到拍檔賀軍翔(小美)好鬼嬲，仲忍唔住即場爆粗，搞到阿嬌爆喊。

報道指有劇組人員爆料，話套戲其實要拍3個月，但臨煞科前，阿嬌中途要請假，飛大陸參加商演活動，之後再趕返台灣拍戲，唔知係咪舟車勞頓太過頻撲，劇本冇背好頻頻NG，因此激嬲同佢有大量對手戲嘅賀軍翔，結果遭賀爆粗問候，自責加上當眾受辱，所以咪喊起上嚟囉。

日前喺煞科宴上，劇組人員仲講緊呢件「花生」事件。記者就此事問導演瞿友寧，佢話：「那天我沒有聽到也沒看到賀軍翔有罵髒話，但阿嬌有哭，她事後有傳簡訊給我道歉，說真的是太累所以詞沒有背好。我說沒關係，休息就好了，之後都拍得很順利。」

問導演會唔會因為賀軍翔對戲有人心不在焉，先會忍唔住爆粗？瞿友寧話：「這我就不知道了，至少最後殺青時他們還是好好的，還互相擁抱。」針對此事，賀軍翔透過發言人否認話：「合作得非常愉快，不需要渲染不實的傳言。」

對於阿嬌被指遭賀軍翔鬧爆而喊爆，阿嬌經理人霍汶希Mani今日回應話：「個巡迴演唱會一早喺個劇之前接咗，佢做演唱會之後返番去劇組，20幾個鐘頭冇瞓好攰，嗰場戲其實冇對白嘅，唔係傳聞咁樣話佢甩劇本，只不過有個動作係導演叫佢擺啲cream落小美(賀軍翔)個口，佢聽唔到擺咗落塊面，所以佢好自責，唔夠精神聽唔到導演講嘅嘢，所以佢好自責咁喊囉，停唔到咁喊，但小美絕對冇鬧佢，同埋嗰日佢係拍唔到，所以佢想喺度同各位影響到嘅人仕包括小美同導演講聲對唔住。」

(蘋果日報)

【媽媽勁年輕】楊秀惠晒母女餅印合照

2017-10-16

楊秀惠早排拍完大台新劇《大帥哥》，就趁空檔返家鄉探親同過中秋節。

本身屋企喺馬來西亞柔佛新山嘅楊秀惠，仲抽時間喺當哋探訪安老院，又揞荷包買麵包同派薏米水派俾一班老人家。除咗探屋企人，做緊美容生意嘅佢，由朝到晚巡視當地業務，而爸爸媽媽為咗爭取多啲時間見阿女，惟有車出車入接阿女開工收工。楊秀惠話：「感覺好似返番去細個咁，佢哋接我返學放學，喺車上面傾偈，好窩心！」此行楊秀惠仲把握機會，充當攝影師，幫媽咪影咗一輯靚靚相，而母女輪廓仲有幾分似o忝。

(蘋果日報)