【想補身就要知點補先最好】原材料最緊要！

2017-12-14

近幾年娛樂圈愈嚟愈多星媽、準媽媽，仲有啲調理緊身體準備佗B嘅人妻們。。。無論係邊一個階段，「補身」都係好重要嘅。

相信唔止佢哋，其實大家不約而同都會好關心「點樣補身先最好」呢個問題。

補身好緊要，但唔代表個個都識補，究竟要注意啲咩呢？

冇錯，就係原材料啦！因為如果原材料質素唔夠好，補極都只會事倍功半。

唔少星媽都會選擇飲滴雞精補身，到底滴雞精有咩魅力令到咁多位星媽都咁鐘意飲呢？

滴雞精，換言之原材料就係雞，要睇一隻雞高唔高質素，就要睇下點樣養！

就好似台灣元進莊呢間智能化雞舍咁，佢同一般嘅雞舍唔同，土雞嘅養殖方法十分先進，所有步驟都要一一記錄，嚴密嘅智能監控可以確保雞舍保持適當嘅溫度同濕度，務求令每隻雞都係健健康康。

有啲仲餵緊母乳嘅媽媽可能擔心飲咗滴雞精之後會收奶，但其實晨露滴雞精用嘅係90至100日大嘅「少爺雞」，不但冇激素，飲咗仲可以幫助媽媽上奶。

而佢哋嘅原材料土雞都唔係咁簡單，皮下一層啫喱狀嘅原來唔係脂肪，而係膠原蛋白。

如果用呢隻土雞嚟製成滴雞精，相信其營養價值會比一般雞隻製成嘅豐富好多！

最特別嘅地方係佢哋處理土雞嘅方法，首先會敲碎骨頭，再將原隻鮮雞入鍋，從而保留全雞精華，一滴都唔好浪費。

由飼養、屠宰到加工都係一條龍，成個過程只需要三小時，確保新鮮製造，質量好自然就食得安心又放心。

【收山養病？】李司棋生活顛倒元氣大傷…

2017-12-14

67歲嘅李司棋喺99年患上子宮頸癌，電療時出現骨枯情況，一度要用拐杖代步，不過最後喺司棋姐驚人嘅意志下，終於康復兼且復出，但係因為拍劇嘅工作太頻密，基本上一年司棋姐都會拍兩部劇，結果司棋姐喺14年決定離開，當時佢喺《蘋果》嘅專訪話：「我都冇諗過會離開，我真係好攰，希望有多啲時間休息，想活多幾年，人生有好多嘢，點解淨係對住個錢奔跑呢？」

今年年初司棋姐仲喺劉家豪力邀下，同舊拍擋夏雨、米雪同關菊英再度合作拍《溏心風暴3》，不過咪司棋姐開工嗰陣好精神，查實佢嗰陣受到耳患困擾，左耳聽覺出現問題，聽力退化了四成，司棋姐話依然會樂觀面對。

今日有周刊報道話司棋姐拍完《溏心3》之後元氣大傷，有意收山養病，所以近期佢除咗做宣傳活動之外，其餘時間都約埋啲朋友周圍去，加上佢喺香港同大陸都有物業，生活方面一啲都冇影響。報道仲話司棋姐嘅耳患嚴重咗，多咗啲蟲聲、風聲同洗衣機嘅轟轟聲。司棋姐回應周刊時就話係一隻牛，多謝大家關心佢嘅身體健康，o依家因為戴咗耳機，所以聽嘢嘅情況好咗好多，目前冇食藥，呢個情況係唔會好番。司棋姐仲話自己長期睇中醫調理身體，亦會爭取時間休息，做人最緊要開心。

司棋姐開咗ig，得閒會更新舊況況。(資料圖片)

(資料圖片)

司棋姐笑言自己係一隻牛。(資料圖片)

(資料圖片)

(Apple Daily)

【之前傳大肚】宋慧喬着貼身裙現身個肚就…

2017-12-14

今年10月底下嫁韓國男神宋仲基的女星宋慧喬，昨日在婚後首度復工，經首爾仁川國際機場出發到北京，準備與南韓總統文在寅在北京出席國賓晚宴，並與男團EXO的小分隊EXO-CBX一起參加中韓經貿合作交流會的開幕禮。

宋慧喬今日身穿粉色恤衫襯白色短裙現身北京國家會議中心，出席中韓經貿合作交流會的開幕禮，之前經常身穿鬆身衫的宋慧喬多次傳出大肚疑雲，但她今日穿上白色貼身短裙卻未見肚。

她在開幕活動上更與南韓總統文在寅握手及言談甚歡。

至於現年38歲的韓國女星秋瓷炫今年4月與36歲內地男星于曉光舉行婚禮，上月宣布首度懷孕的她，亦會偕夫參加在北京舉行的國賓晚宴，昨日二人率先與南韓總統文在寅夫婦參加中韓建交25周年紀念的文化交流活動，秋瓷炫與于曉光及總統夫人更即場體驗中國傳統樂器。

(on.cc東網)

【消委會口罩報告】價格相差百倍兩款細菌過濾效率欠佳

2017-12-14

為對抗流感，不少港人家庭都備存口罩。消委會從市面搜集了29款口罩，測試其細菌過濾效率、顆粒過濾效率等項目。測試結果顯示，大部分型號的細菌過濾效率都高於95%，其中3款的細菌過濾效率高於99.9%。惟有兩款細菌過濾效率較低，分別只有60.4%及88.5%，未能通過美國材料和試驗協會訂立的要求。

消委會於今年5月至6月期間，於市面搜集29款口罩的樣本，每個口罩的售價約0.25元至36元，價錢差異大，每個平均售價由最低的0.25元至最高的36元，相差逾140倍。其中，最貴的樣本在總評分5分中只得3.5分，而僅售0.75元的總評卻獲最高的5分。

測試結果顯示，大部分型號的細菌過濾效率都高於95%，整體表現良好。其中3款的細菌過濾效率高於99.9%，包括「Elleair超強阻隔PM2.5成人口罩(標準)」、「麥迪康彩色生活口罩耳掛式」及「理的外科手術口罩」。

可是，消委會測試發現，兩款口罩細菌過濾效率欠佳，分別是「Disposable Face Masks Two Ply」的60.4%和「加護CANCARE SurgicMask」的88.5%。「加護CANCARE SurgicMask」更標有「高效細菌過濾」的聲稱字眼，惟量得的細菌過濾效率比起大部分測試型號低。

同時，消委會指「3MNexcare醫用口罩」和「Medical Face Mask U.S.A」都聲稱具有超過99%的細菌過濾效率，但測試結果顯示，兩者的樣本的細菌過濾效率分別是97.4%和96.8%，消委會指，雖然細菌過濾效率不算低，但與其聲稱有一定落差。

另外，消委會亦測試了反映口罩透氣及舒度的壓力差指數，「屈臣氏衛生口罩」、「3MNexcare醫用口罩」、「EG 3-ply Surgical Mask」及「加護CANCARE」表現較佳。而「詩樂氏Swashes 3-Layer Disposable Face Mask」和「藍雀 Hygenia 3-ply Surgical Ear-Loop Face Mask」表示較差。

消委會於今年5月至6月期間，於市面搜集29款口罩的樣本測試。

圖為總評分最差的5款口罩。

細菌過濾效率最差的「Disposable Face Masks Two Ply」60.4%。

（明報）

【兩款未能通過針燄測試】最高分嘅浴室暖風機係…

2017-12-14

消委會測試市面10款浴室暖風機，發現各樣本質素非常參差，最高出風溫度可相差達26℃，乾衣時間最多相差逾9小時，所需電費更可相差逾7倍。另外，兩款中國製樣本「樂信RBV-8」和「Gasense NBCT13-2S」，未能通過針燄測試，阻燃能力不足。

測試的浴室暖風機樣本，分別為天花式和窗口式型號，售價1880元至4800元。總評分最高分獲4.5分（5分滿分）的2個樣本，分別為天花式的「三菱電機 V-241BZ-HK」和天花式的「Alasking AH-500R」。「樂聲牌 FV-23BW1H」和「惠而浦 HB10813」在窗口式的浴室暖風機中獲最高總評分4分。

樣本中總評分最低分的為「Gasense NBCT13-2S」，只有2.5分。

消委會發現，各樣本的乾衣時間由少於2小時至接近11小時不等，相差約5倍。報告指，窗口式樣本乾衣表現則較遜色，7款樣本中，有4款需要超過6小時才完成乾衣。其中1款最終需要11小時8分鐘才完成，和速度最快的天花式樣本比較相差超過9個小時。

消委會亦測試各樣本乾衣效能，即是在最長設定乾衣時間內吹乾相同重量衣物的耗電量，測試結果由0.7kWh至6kWh不等。測試結果發現，天花式樣本耗用能量較低，特別是設壓縮機抽濕乾衣功能的「Drymaster DM228R」，耗電量為0.7kWh。假設用戶每月乾衣15次，一度電平均費用為$1.2，耗電量最低的樣本，一個月的乾衣費用僅為$12.6。耗電量最高的樣本則需$108，兩者電費相差超過7倍。

消委會發現各樣本的最高出風溫度由約22℃至48℃，相差達26℃。報告亦指，只有2款天花式取得4分或以上的較佳成績，能透過高氣流量將暖氣吹得更遠，令浴室內的溫度較平均。

消委會提醒消費者，浴室暖風機的耗電量極為參差，若需長期使用該類產品乾衣，宜選擇耗電量較低的產品；消費者可在選購浴室暖風機時，參考產品的功率，數字愈大即代表耗電量愈高。

(明報)

【開展造人計劃】江若琳日食四五餐……

2017-12-14

歌手江若琳（Elanne）、陳嘉寶、Aka@Super Girls及杜德智出席醫學美容發布會，接受訪問時，Elanne透露啱啱同男朋友蕭潤邦（Oscar）去荷蘭同英國旅行回港。而今次旅行滿足咗男朋友嘅願望，就係去曼徹斯特奧脫福球場睇曼聯嘅球賽同埋睇雪，笑言：「落大雪有好多班機都會取消，今次旅行貴過乜，好好彩返到嚟出席個活動。」Elanne自爆去旅行日食四、五餐，所以肥咗好多。問到今次去旅行可有開展造人計劃，她說：「冇啦！（意外？）啋！唔好啦。（秘婚？）唔係唔係！呢啲開心嘢留番同大家分享，我哋唔會咁冇義氣自己做。」

江若琳話日日係咁食！

仲話自己肥咗好多。

江若琳

(ON.CC)

【好感激蔡少芬】大家又認唔認得係邊個？

2017-12-14

參與無綫節目《3日2夜》後嶄露頭角，童星出身的她，四歲已入行，更有份參演早前重播的經典劇《天地豪情》。。。

黃文意（Mandy）說：「雖然鏡頭唔多，但估唔到網友都認得出我，仲話細細個嘅我演得唔錯，好多謝佢哋嘅好評。」

Mandy更有幸與蔡少芬同場演出，她大讚對方毫無架子，鏡頭前後亦十分照顧她：「我對佢最大嘅印象係好有愛心，因為當時我留齊蔭，成日唔小心整到隻眼，加上拍劇時間長好攰，所以成日捽眼。佢知道之後即刻搵熱毛巾畀我敷眼，好感動！」

(on.cc東網)

【被影射無照顧自閉兒】黃玉郎急發「嚴正聲明」

2017-12-14

著名漫畫家黃玉郎前度倪詩蓓13年前為了患嚴重自閉症的兒子Royce移居新加坡，久未露面的她早前罕有回港出席公開活動，並透露為現年17歲的Royce返港居住，更講到Royce經常無故發脾氣，甚至令她受傷，她亦透露因長時間照顧兒子，除了試過跌斷腳外，更多次因高血壓入院，身心俱疲。

而連日來未有發聲的黃玉郎於晚上就向傳媒發出「嚴正聲明」。

全文如下：

近期有些報章、雜誌、網上傳媒報導（道），內容影射本人没有照顧患有自閉症兒子Royce，其內容與事實完全相反，顛倒黑白，抹殺了我對兒子的愛護和照顧。

真相是，我兒子Royce自2015年初回港定居後，至今2年多，他的校外生活，絕大部份（分）都是由本人照顧安排的，包括起居飲食、郊遊、行山、運動、游泳、騎單車、看電影、去教會、看醫生、看西醫、中醫，牙醫、皮膚醫生、心理醫生、語言治療師等等，絕非如那些報導（道）所說我並無照顧，相反是絕大部份（分）由我照顧的。

今次的聲明是以正視聽，本人並保留對發放虛假消息者，法律追究之權利。

聲明人：黃玉郎

黃玉郎昨晚在社交媒體發聲明

黃玉郎與仔仔

倪詩蓓與仔仔

(ON.CC / 黃玉郎微博)

【入大台廿年、拍過超過50套劇】正式離巢：係自己想要嗰種自由

2017-12-14

入行30年，喺97年回歸無綫嘅黃德斌，上個月正式離開呢個合作咗20年嘅地方，出去闖一番事業。不過呢個消息似乎一啲都唔意外，其實早喺十月中，已經有網民留言話德斌將會離巢，無綫又少咗一個好戲之人，甚至話少咗個猛將！

日前德斌喺尖沙嘴接受《蘋果》訪問，講到網民話嘅留言，德斌就話：「我唔會咁諗，佢哋有大把人材，少咗一個公司又唔會話有乜嘢大影響，可能係一啲睇慣咗嘅觀眾，不過真係好多謝佢哋，對我嚟講係一種鼓勵，我又唔係唔會拍，可能將來有機會再合作。」

但係話晒喺一間公司做咗20年，要離開唔係一件容易嘅事，佢都話：「係㗎，嗰陣點都有啲掙扎，但係又係嗰句，老土啲，天下無不散之筵席，再加上o依家嘅環境已經唔同咗，我相信有多咗合作機會，唔會話走咗就係走咗。」唔知回復自由身，吸咗嗰啖自由嘅空氣嘅感覺又係點呢？德斌話：「好舒服，係positive，其實係自己想要嗰種自由，嗰啖空氣係想咗好耐，o依家有好多嘢傾緊，有啲係意想不到。」

唔知有冇覺得遲咗？德斌就話：「冇話遲或者早，呢啲嘢自己隨心喇，想出去咪出去。o依家覺得係時候做多啲唔同嘅嘢，試多啲唔同嘅路，同多啲唔同嘅人合作。」佢仲話：「其實做咗咁多年，有啲乜嘢角色係未做過？拍過電影，又做過舞台劇，喺呢幾年我都喺出面做嘢多，公司嘅工作反而唔多，出面嘅世界真係好大，電視城係一個小世界，我咪趁住呢個機會，出去開吓眼界。」

德斌仲話嚟緊會喺上海做舞台劇，明年可能有機會去澳洲、加拿大演出，o依家仲喺度傾緊。近年韓劇攻佔咗中、港兩地市場，小鮮肉固然吸引，但係大叔亦都有一定嘅叫座力，唔知呢方面又有冇加強德斌嘅信心？佢就話：「唔關事，不嬲都係咁，有份量嗰啲演員，其實好多都好有資歷，你睇吓嗰啲經典台，做得嘅人唔係個個都係年青貌美，既然我都仲做得，點解唔出去試吓？」

出得嚟行，風險一定會有，德斌笑笑口話：「對我嚟講，入呢行已經係好冒險，自己又照吓鏡，點解你又會喺度嘅？唔爭在試多次。做人一定要有冒險精神，我以前都過做過好多冒險嘢，好似去沙漠跑步，又走去喜馬拉亞山，連唔識唱歌都走去唱，如果你唔去做，又點會知道自己得唔得？點解唔出去試吓？有時做人諗嘢又唔使咁複雜，可能去返後生嘅想法，唔好諗咁多，想做就去做，反正將來係未知之數，諗咁多都冇用，做唔到又唔使死，香港地只要你肯做就得。」

總結喺無線呢20年嘅生活，德斌話：「多謝晒，始終佢係幫咗我好多，嗰陣由路人甲乙開始，再做到o依家，好想講多謝一啲俾過工作我嘅人，係佢哋俾咗好多磨練，咁先可以今日嘅黃德斌。」

(蘋果日報)