黃子揚日前被發現在港入紙申請與內地經理人Bobo結婚，這次是他第3度當新郎。 
豈料喜事曝光後即被翻舊帳，他遭揭發早年被好兄弟林俊賢「撬牆腳」，其第二任太太Winnie先與他拍拖，但之後林俊賢介入並與Winnie結婚，二人育有一名兒子。
及後Winnie與林俊賢感情決裂再與黃子揚復合，而黃子揚一直視林俊賢兒子如己出，更負責養育多年！
今日凌晨時分，黃子揚於微博上載婚照，且留言寫道﹕「Praise the Lord讚美主，謠言止於智者，過去幾十載的事不想再去重提傷害無辜，所有真相上帝全知曉，神是最公義的…唔解釋，一切交托畀神，感謝神給我真正的幸福很感恩，有神的祝福已經很足夠…為所有關注我嘅人禱告，願神祝福你們福滿溢，say grace amen！」
只見他與未來太太分別穿上中西禮服拍婚照，二人無論笑容及視線都甚有默契，相信對未來婚姻生活相信充滿憧憬，認真恭喜！
（on.cc 東網）
受到颱風「卡努」吹襲嘅影響，唔少本來要工作嘅人都因此多咗一日假期，呢位大台女星都唔例外。
佢因為打風所以留咗喺屋企執吓嘢，佢仲搵到張佢細個嘅相。
大家又估唔估到係邊個呢？
咪就係龔嘉欣（Katy）！
不過就留言話好似唔係好似Katy自己：「颱風天 休息一天 剛好可以整理一下 找到這女孩 看了很久 這……一點都不像我 我是懷疑的 但這個確實是我來的 還有那小手 太優雅了吧」
其實睇真啲都唔係唔似呀！
就連網友都留言讚佢細個好可愛添！
（on.cc 東網）
藝人楊洛婷（Rabeea）上月14日榮升做媽媽誕下小公主Tanya Faith Wong後，一直專心湊女嘅Rabeea，周不時都喺社交網分享生活點滴，呢日佢就上咗為載囡囡慶祝一個月大嘅相，Rabeea仲忍唔住「爆粗」留言添！
相中被媽媽抱住嘅Tanya喊晒口，而Rabeea就同老公Tim交晒戲擘大個口扮晒想咬人咁，佢哋嘅朋友就為Tanya整理頭帶，個個都七情上面，唔知以為發生咩事，一個BB被三個大人「夾攻」，張相真係喜感同驚嚇程度十足！
Rabeea就留言「WTx」，而呢3個字母亦係囡囡（黃子霏）英文名縮寫，非常巧合噃！佢哋亦簡單為囡囡慶祝，用咗唐詩詠送嘅迷你蛋糕砌咗個1字！
另外一張相，就見到Tanya瞓咗喺張氈上，畀張被包住，非常可愛！
(on.cc東網)
謝安琪（Kay）去年宣布暫別樂壇，回歸家庭展開人生的另一個10年，結果她如願以償再度懷孕。今年為丈夫張繼聰誕下細女張靖（Karina）。
外界一直關心產女後專心照顧家庭的Kay何時復出，惟她早前表示身體未回復最佳狀態，暫未考慮復出的事。
不過，世事無絕對，終於傳來Kay復出有期的好消息﹗
有指Kay獲好友麥浚龍（Juno）以8位數字的天價力邀加盟Silly Thing，鐵定明年復出樂壇﹗
正忙於拍攝電影《風林火山》的Juno今日在facebook上載與Kay的合照，留言︰「期待。謝安琪 Kay Tse」。
Kay轉貼Juno的照片及回答一句「我也期待」，默認加盟Juno公司及復出的消息﹗
(明報即時娛樂)
繼陳奕迅同梁漢文睇香港網球公開賽後，藝人鄭嘉穎同陳凱琳（Grace）昨日十指緊扣現身維園睇波。
睇波期間，嘉穎主動拖實素顏Grace隻手，真係甜到漏。
鄭嘉穎其實小學開始已經打網球，依家身形keep得咁弗，相信因為成日做運動，Grace睇波經常同男友密密斟，唔知係咪想請教吓打波技術呢。
(on.cc東網／騰訊)
馮德倫與吳彥祖近日兩兄弟拍住上，為內地真人騷《漂亮的房子》任嘉賓，為上將鄉村舊屋大翻新。
馮德倫於首集曾拿住行李上山，反而吳彥祖l則是背包上陣，並嘆氣自嘲不及好兄弟靚仔有型，及後又於節目中展現搞笑天分，既扮謝霆鋒切蔥，又扮包青天同睇相佬。
馮德倫更於節目中在竹林劈竹，又要搬接近200磅的竹下山，結果觸及以前拍打戲時的腰傷舊患，但仍然忍痛完成。
吳彥祖亦於節目中大爆當年拍《美少年之戀》時，其實並不喜歡馮德倫，笑指當年大家都覺得自己比較靚仔。
直至拍《特警新人類》時遇上謝霆鋒，馮德倫說他實在太有型：「我跟Daniel兩個加起來都不夠，所以就成了好朋友聯手對抗他。」
(on.cc 東網)
孫慧雪7月尾時誕下份量十足、重8磅10安士的囝囝Riley。
轉眼間，Riley已經2個半月大，遺傳了爸爸大隻基因的他全身肥嘟嘟，絕對是個大隻BB，尤其被身材瘦削的孫慧雪抱在懷中時就顯得更加巨型。
難怪孫慧雪在社交平台留言︰「媽媽抱住，BB好巨型 VS 爸爸抱住，BB好細粒。結論係：因為媽媽好瘦，爸爸好大隻，不過2個半月來講都係好巨型。」
（明報即時娛樂）
Twins為全新粵語專輯《花約》舉行簽名會，吸引過百粉絲到場支持，更與現場粉絲大玩遊戲，蜜運中的阿嬌更全程春風滿面！
接受訪問時，談到阿嬌醫生男友賴弘國有冇陪自己開工，她指男友唔係住香港，兼要經常周圍飛。
問到阿嬌有冇掛住男友，佢話：「你話呢？咁你寫唔知啦。（成日冇得見？）佢都好好，會organize schedule去就啲期，佢本身都周圍去，編番近啲香港。啲行程實在冇人忍受到，車程過飛機嗰啲，佢堅持到好勁。」阿嬌更覺得對方犧牲好多。
提到阿Sa早前有指幻想過同阿嬌一齊舉行婚禮，阿Sa直言要實行很有難度，問到兩人邊個會跑出先結婚。
問到對方有冇視自己為將來嘅太太，阿嬌：「係啩，唔知呀，你哋問佢啦，搵王陽明，佢哋咁似樣。（婚後會定居台灣？）講到咁遠，講講吓冇咗呀，唔好講！冇諗過咁快畀人知，咁快畀人知好快冇㗎！」
另外，談到男友嘅情史被網友起底，阿嬌即護男友：「每個人有歷史，每個人都有過去，唔介意、包容同鍾意咪得囉，最緊要唔好影響都人哋之前嗰個，唔好騷擾到人。」
問到見咗家長未，阿嬌：「未見呀，都唔係拍咗好耐，識咗3個月都冇。」
（on.cc 東網）
王祖藍近日頻頻到內地吸金，有傳太太李亞男與他分隔兩地而患上抑鬱症，祖藍接受電台訪問否認有關報道。
「形容得太誇張，佢只係因為想念而成日喊。」更表示會調節工作時間，抽多些時間陪太太。
他又透露二人計劃明年起努力造人，藍祖說：「生夠20個小朋友都可以，不過一定要雙數，怕單獨小朋友被排斥。」
另外，王祖藍直認與李亞男有這段美滿婚姻，必定要多謝兩個人，他說：「除咗媽咪外，另一位就係蔡少芬。」
對於早前一口氣狂掃3間總值過億萬豪宅，祖藍說：「初時都覺得有啲誇張，喺別人眼中，呢啲係我財產，但喺我眼中只係遺產。因為爸爸40幾歲就病逝，我依家都37歲，世事難料，想將最好嘅嘢留給屋企人。」
更憶述昔日求學時的生活慘況，祖藍說：「經歷兩年同時接受綜援又要還債嘅日子，銀行戶口得番200蚊，最終都咬實牙關撐過去。」
(ON.CC 東網)
藝人陳浩民同太太蔣麗莎（Lisa）育有三女一子，而Lisa平時要照顧四個小朋友都真係幾辛苦。
今日Lisa就喺社交網分享自己嘅行程，話一日要走兩場：「一天轉2場，從最北跑到香港最南邊，上午陪女兒面試小學，中午陪兒子唱歌。」
嘩！又要陪囡囡面試又要陪囝囝唱歌，行程咁趕，所以話做媽媽真係唔簡單！
不過相中見到囡囡陳雅薷好開心咁指住學校，又同媽媽嘟嘴合照，似乎雅薷都好有信心成功喎！
另外一張相，就見到囝囝陳璟逸錫咗Lisa一啖，畫面有愛，難怪Lisa都好開心咁話：「一個香吻，已經讓我感覺贏了全世界！哈哈哈」
網民都留言話幸好今日天氣清涼，排隊等候面試都冇咁辛苦，仲大讚Lisa果然係好媽咪，抵啲仔女咁錫佢呀!
(on.cc東網)
