阮兆祥有份主演的《平安谷之詭谷傳說》、《溏心風暴3》以及《皆大歡喜》，被TVB分別安排於黃金時段以及深宵時間播出，加上周未的《荃加福祿壽》同《性在有情》，令網民笑指今次真係「祥在你左右」，對於自己老是祥出現，阮兆祥日前為《福祿壽十周年演唱會》宣傳時，就叫大家好好珍惜呢段時光啦，因為《平安谷》之後，他已沒有存貨在TVB，換言之，今年內都未必有機會在公仔箱見到他。「開心係作品咁快在觀眾面前呈現，因為每套都有不同的滿足感同回憶，自己在《平安谷》的角色唔似得以前咁成日笑，監製同我都投放了很多心機在這角色之上。」
由於仲未有接劇，所以《平安谷》之後，阮兆祥暫時會消失於TVB，不過佢就話會以唔同的工作模式見大家，並預告四月尾將有舞台劇演出。(網上圖片)
阮兆祥入行多年，但至今仍然會花時間同心機去研究每一個角色，並用心呈現。（《性在有情》劇照）
之不過，原來祥在你左右的情況，阮兆祥就話其實已非首次，他說自己有份參與的《為食神探》與《巨輪II》去年也被安排在黃金時段播出，而當其時深宵亦重播《皆大歡喜》。「可以話好彩亦都可以話唔好彩，唔好彩係在咁密集的時段，將自己的作品一次送給觀眾，但興幸自己每一套的作品都會用不同的方式去呈現角色，如果唔係觀眾都幾混淆，有人會話我人氣好好，哈，唔好忘記仲有電台節目呢！真係當然有幸有不幸。」
（HK01）
