娛圈當年粒粒巨星，無論台風、靚樣、唱功、演技都係殿堂級，時至今日，有人認為係青黃不接，有人認為係年代唔同，不過一眾巨星嘅靚樣，仍然喺大家腦海之中，商業二台喺1989年青一個「十大靚人選舉」，得獎男星有陳百強、張國榮、周潤發、劉德華及譚詠麟，而女星就有李嘉欣、李美鳳、鍾楚紅、張曼玉、林青霞。
新城嗰陣都搞咗一個「勁爆靚人選舉」，得獎都係一眾圈中型男!杜德偉今早喺微博貼咗一張超過20年前嘅相，留言：「整理家中舊照片，忽然看到這張！是甚麼年份呢？超過20年吧，「勁爆靚人獎」這個奬項很有趣。真的，時間證明全都是靚人，哈哈!」
相中有劉德華、鄭伊健、張智霖、羅文、梁朝偉等。
不過有網民就唔認得企正中間嗰個係邊個，竟然問係唔係張國榮嚟，嗰位其實係莫少聰，莫少聰喺九十年代曾經唱過歌。
(蘋果日報)
藝人關禮傑嘅兩位千金顏值高到不得了，仲可以話成家都係型男索女！近日關禮傑嘅千金關楓盈16歲生日，佢哋喺IG晒咗齊齊去慶祝嘅相，仲加埋兩位長輩三代同堂添！之但係相中就唔見家姐關楓馨，唔知係咪之後補祝番妹妹生日呢？不少網友送上祝賀之外，焦點仲放咗喺爸爸關禮傑度喎！就係話關禮傑睇起嚟勁後生，唔講完全唔覺得佢55歲，仲講佢同愛女企埋一齊似兄妹多過父女添呀！
(東方日報)
楊洛婷喺今年9月誕下囡囡Tanya，榮升新手媽咪嘅佢，現時專心坐月兼照顧囡囡。
楊洛婷不時喺網上分享湊女點滴。
呢日佢喺社交網晒囡囡嘅短片，片中Tanya表情多多，一時瞇瞇眼微笑，一時「反白眼」兼伸脷，又搞笑又得意！
難怪楊洛婷咁冧，仲興奮地留言：「She has so many facial expressions!」果然有女萬事足！
唔少網民都大讚Tanya Cute爆，仲話佢頭髮咁濃密好似公仔，兼且愈大愈似爸爸Tim，兩父女餅印一樣！
(on.cc 東網)
森美出席《心晴跑 跑全程》活動，提到因為患了抑鬱症而愛上跑步。
「運動會影響心情，令人快樂，我經常跟自己個腦說，跑走煩惱，跑得快過煩惱。」
不過，森美跑了2年也未能痊癒。
結果去了睇醫生，以服食藥物來減慢病情。
「已睇了5年醫生，抑鬱是長期病，心情會時好時壞。」
（明報即時娛樂）
行政長官林鄭月娥在今日宣讀上任的首份《施政報告》中表示，願意投放更多資源，把兩類服務輪候時間減至零：一類是為有特殊需要的幼兒，例如患自閉症、過度活躍症、或有語言及讀寫困難的幼兒，提供學前康復服務；而另一類是為需要照顧的長者，包括離院病人，提供適切的家居及社區照顧服務。
此外，特首林鄭月娥於《施政報告》指要成為受市民愛戴的政府，要做到「以人為本」、無微不至，故她提出多項建議措施，其他家庭民生政策包括：
1）法定侍產假由三天增至五天，開展延長10星期的法定產假研究及工作；
2）下學年起為公營學校提供經常「空調設備津貼」；
3）殘疾學生在政府部門實習計劃名額，由每年50個倍增至100個
4）為患有不常見疾病人士提供更多援助，包括按個別情況，為有特殊臨牀需要病人，就特定藥物治療提供資助，以及資助合適病人參與個別藥廠的恩恤用藥計劃
5）「低收入在職家庭津貼」計劃，一個有兩名合資格兒童的四人住戶，如果月入19,000元或以下，而該住戶總工作時數達每月192小時，可獲得的津貼由目前每月2,600元，增加至3,200元。
在未來一年，政府將分別把幼兒學前康復服務名額由目前的三千個增加到七千個，而「長者社區照顧服務券」名額就會由本年初的三千張增加到六千張。
（881903/明報）
將於下月25日出嫁的陳嘉寶(Anjaylia)，將下嫁拍拖4年的初戀男友黃頌祈（Epaphras）。
她更邀請了陳凱琳、陳瀅、蔡穎恩做姊妹。
今日一班好友就為陳嘉寶舉行婚前派對Bridal Shower，並以Sailor Moon為主題。
皆因陳嘉寶是美少女戰士迷，而懷胎8個月的賴慰玲都有參與。
她更留言指陳嘉寶這位狂迷一穿上水手裝就癲了，還有一群人陪她去癲，自言努力在旁邊教她做一個『蠱惑人妻』，及後賴慰玲又再留言:「好嘈!個個都爭住影人裙底」
穿上美少女戰士裝的Cosplay美女們，個個都短裙騷長腿，陳凱琳就陪大肚賴慰玲穿睡衣，大家玩得好開心。
朋友們都祝福Anjaylia早日有BB，接連報喜！
(明報即時娛樂)
陳瀅上位於《四個女仔三個BAR》之時，但其實佢喺出道作《女人俱樂部》（M Club）中，戲份少少，但都幾搶眼嘅，佢飾演年輕版容丹丹（即陳慧珊個角色）。唔知係咪有咁啱得咁橋，其他幾個負責演年輕版嘅《M Club》演員，都紛紛有着落，好似已經31歲嘅賴慰玲咁，今年7月宣佈未婚陀B 5個月，仲話係份好好嘅生日禮物，到上個月終於低調簽紙，同男友梁子峰結婚。
至於賴慰玲個好姊妹陳嘉寶（Anjaylia）今年4月喺社交網站宣佈下月25日嫁俾半億闊少黃頌祈，雖然Anjay話啲嘢交咗俾wedding planner去搞，但呢幾個月嚟，都要籌備一下，日前佢出席公開活動時，仲話因為派帖同搵喜餅嘅細節，搞到好頭㾗，而且搞婚禮壓力太大而失眠；同時佢話想增肥，等上圍升cup。
至於喺劇中飾演年輕版袁潔瑩嘅吳嘉熙（Cheronna），今年7月宣佈同宣佈同夏雨個仔黃奕晨（Dixon）拍拖，雖然男方被指有未婚妻，但Cheronna對男友信心十足。
憑演「翻版李麗珍」上位嘅王敏奕（Venus），同曾志偉兒子曾國祥拍拖多年，單係今年之內，已經數度被周刊目擊佢哋拍拖行超巿，其中喺今年1月，Venus搭扶手電梯嗰陣向男友撒嬌，到俾錢時當住收銀員面前挨落男友膊頭，疑似錫咗男友一啖；到4月再撞到佢哋行ifc拍拖買餸玩煮飯仔，到6月再撞到佢哋曾國祥同Venus攬腰行超巿放閃，sweet到咁，除咗羨煞旁人，都真係唔知用咩形容詞講佢哋好。
講到仲喺單丁嘅，就係糖妹同埋陳瀅。
嚟緊嘅星期日就會踏入3字頭行列嘅黃山怡（糖妹），佢最「出名」嘅戀情，就係同何浩文，可惜自2013年甩拖後，糖妹身邊……好似冇乜聲氣，難怪佢月前喺書展度話，生日願望想搵到男朋友同埋減肥成功。
而陳瀅，舊年7月同賭王四房大仔何猷亨分手，二人拍拖半年，當時有指陳瀅想逼婚，嫁入何家做豪門新抱，而當時陳瀅就堅稱冇逼婚，只係由情侶退後一步變返做朋友。日前，二人又被影到喺中環ifc對出天橋睇國慶煙花匯演，由相片見到二人背後並排咁企睇緊煙花，睇睇下猷亨除下LV外套插袋望住陳瀅，而陳瀅都望住猷亨笑晒。爆料人指佢地「冇親暱動作，唔似情侶，但就有不斷傾偈，同另外兩個朋友都有傾偈。」似乎真喺再見亦是朋友。
(蘋果日報)
預產期預定為10月2日，陀B足足「過期居留」一星期的37歲女藝人，有台灣江若琳之稱的旅遊界女神Janet謝怡芬，與老公George在今年4月1日愚人節公布懷孕喜訊。
JANET堅持不打催生一切要求自然生產，終於在今（11日）清晨4點半她終於在臉書透露平安生產，而且公布是個B仔。根據台媒報導，Janet是在今凌晨2點37分喜獲麟兒，重達8磅，老公George陪她進產房，並親自接生剪了臍帶。看到兒子出現的一剎那，夫婦倆非常感動，也很開心，George感動po文寫下：「我有兒子了，Janet是神力女超人，我晚點再弄清楚。」他們抱著BB仍不敢相信是折騰待產了38小時才從肚子裡蹦出來的。
事實上，Janet因為寶寶過了預產期還遲遲還不出來，她日前開玩笑表示，「我們的baby真的住得太太太太太太太舒服了！已經超過預產期一個禮拜但還是不想退房。」她和老公George想盡辦法催生，除了坐瑜伽球上彈跳、狂吃墨西哥辣椒等，無所不用其極。如今寶貝終於平安出生，讓網友紛紛留言祝福「終於退房囉」、「他終於肯出來了」。
（SINA）
鄧麗欣(Stephy)、楊諾思等今日喺鑽石山廣場出席「愛·女孩」鉛筆捐贈活動開幕禮，Stephy話喺培幼會助養咗兩個小朋友，因為Stephy自細都喺單親家庭長大，所以佢都好想送愛畀一啲喺家庭上有缺失嘅小朋友。
最近Stephy同時為3部電影宣傳，所以搞到病病哋，而佢主演嘅《女士復仇》同《藍天白雲》就分別參加咗釜山同高雄電影節，佢話：「今年好開心，覺得係豐收嘅一年，其實幾部戲都係早年拍，會覺得當時係播種期。」
事業得意但愛情失意，問Stephy會唔會覺得差咁啲嘢？佢就話：「世界係公平嘅，冇諗咁多，開心咪得囉。」15號就係Stephy嘅34歲生日，問到佢願望會唔會想快啲搵個男友？Stephy話：「係都畀咗套戲先啦，暫時寄情工作，成績好啲先諗拍拖，好似細個有獎勵咁，有成績就有得獎勵自己，成績唔好就唔可以分心。」
提到之前網傳佢同方力申復合，仲話佢哋明年結婚，Stephy話：「我仲以為咁假冇人信，但係原來好多人信以為真，有屋企人以為我靜雞雞唔講，好搞笑。反而唔多人問我，可能驚係真，冇咁嘅事，裏面好多都係舊新聞，點解好似沒完沒了。」記者話佢已經走唔甩，佢就話：「唔刻意話要走甩，唔係我控制，希望大家唔好誤會就得。」
(蘋果日報)
楊千嬅與老公丁子高昨晚出席「四洲太子女」戴凱欣（Kennis）的婚宴，丁子高還在席間獻唱。
他表示跟新娘子認識了12年，見到好友出嫁，非常感動。
「我成日同佢講『你係一個好女仔，值得有個好男人錫你。』我覺得新郎係個好細心嘅好人，見佢好照顧Kennis，相信可以照顧佢一世，佢同我一樣係上海人，好多人都話上海人係細心啲，好多人都話娶要娶潮州女人，嫁要嫁上海男人，所以我娶咗千嬅，因為佢係潮州人。」
送禮方面，丁子高坦言送錢最實際，又以過來人身份向一對新人傳授夫妻相處之道。
他坦言：「兩夫妻行呢條路要好耐，大家互相體諒，感恩每日喺埋一齊，遇到咩問題唔好隔過夜，要攤出嚟講，就好似我同千嬅咁。」
他又指一對新人非常有心思，請來著名排舞師Sunny Wong為他們排舞，與兄弟姊妹在席上齊齊跳，很特別。
(on.cc 東網)
