去年為老公誕下一女的名媛邢嘉倩現身慈善午宴，現場所見她肚凸凸，疑懷有第二胎。
她受訪時承認懷孕三個月，問到是男仔還是女仔，她說：「我唔想知住。（想驚喜？）係。（想仔定女？）冇特別想。（老公呢？）佢都冇所謂。（係咪都咁興奮？）會，攰啲。（有冇睇定BB用品？）冇乜，用番囡囡嗰啲。」
恭喜哂！
(on.cc東網)
【全家糖黐豆】羅敏莊一家趕住返鄉下……
藝人羅敏莊（Mimi）到沙田出席亮燈晚會，老公陳國邦及女兒陳禛到場支持。陳國邦謂不論自己或是Mimi出席活動，全家人都會到場支持。
Mimi透露囡囡下周五開始放聖誕假，問到會否到外地旅行，她透露將到曼谷兩星期，早前於當地置業的Mimi笑說：「我當返鄉下，同埋我怕凍，依家香港嘅天氣都覺得凍。（過埋今個月30號生日先返香港？）唔係，因為31號係搵錢嘅日子。」
問到陳國邦會如何為太太慶祝生日，他笑說：「我哋兩個連結婚周年紀念都唔記得。」Mimi亦說：「所以平時都冇乜慶祝，都係啲朋友係社交網站提我。」至於陳國邦會否親自下廚煮生日飯，Mimi笑言：「如果係佢煮我會驚，哈哈！」
今日天氣咁凍仲透視裝上陣！
超有台風！
不過會31號前返，因為除夕呢啲日子係最搵錢！
帶埋阿女陳禛到場支持！
好有壓台感！
陳國邦話不論係自己定Mimi出活動，都會全家人到場支持。
佢哋話嚟緊會去泰國旅行。
(ON.CC)
【慣咗啦⋯】吳綺莉：諗一啲決定唔到嘅嘢，都無謂！
藝人吳綺莉（Elaine）出席慈善步行活動，她表示近年都習慣早起，雖然主持工作較多在下午，但平日都會早起身。談到她心情甚佳，她說：「ok，係要適應嘅，依家喺屋企露台種菜，啲生菜都種得成功，仲有茄子、辣椒仔咁！」
問到可有與女兒卓林聯絡？她表示最近沒有，但大家都知道對方安全，至於可有擔心對方？她表示：「要適應嘅，件事都差唔多成年，依家都慣咗喇！（搬走一年？）搬走嘅話，都差唔多半年！」
唔敢諗聖誕一齊過
至於聖誕節可會約卓林一齊慶祝，她表示隨緣，一切順其自然，亦沒有去想會否一齊過聖誕，因為不想失望，並謂現在的生活，似是未生小朋友的生活而開心，至於可有以自己18歲時的心態與卓林溝通？她說：「年代唔同啦，小朋友都唔一樣，諗嘅嘢都唔同！」
講到早前卓林從家中拿走物品，她報警求助，卓林後來向她承諾會歸還，問到物品是否已歸還？她未有正面回答：「朋友好好，叫我買過晒，唔好成日着嗰幾件！（卓林上次send message畀你話會還？）唔去諗啦，諗一啲決定唔到嘅嘢，都無謂！」至於可有到警局銷案？她則表示不回應。
(on.cc東網)
【雙宋合璧】宋仲基宋慧喬Sweet住睇演唱會……
韓國男星宋仲基於10月31日與宋慧喬結婚，於亞洲受到極大關注，宋仲基於月初再度來港，為《MAMA音樂頒獎禮》擔任主持，當時有傳老婆宋慧喬將一同來港，但最後未見其蹤影。
而一向十分喜歡女歌手IU的「雙宋」，今日便一同拍拖去睇IU的首爾場演唱會，據目擊他們的粉絲表示兩人一直展現燦爛笑容，看來十分享受演唱會，宋仲基亦有戴着婚戒。此外，今晚IU首場首爾騷有G-Dragon做嘉賓，他表示患上感冒，聲音狀態不好，望觀眾見諒。
From:微博/lcemelody
宋慧喬笑得勁甜
From:微博/娛樂有飯
宋仲基（圖）同老婆宋慧喬睇IU演唱會
G-Dragon擔任嘉賓
IU
IU
(ON.CC / SINA)
【湊孖B唔容易】頭3個月係人生最黑暗嘅日子：好地獄㗎
鄭萃雯（Karen）日前帶同快將2歲嘅孖仔、哥哥卓言及弟弟卓喬接受《蘋果》訪問，一對孖B超似樣，但性格各有不同，弟弟性格明顯較活躍，Karen話轉工後最開心係多咗親子時間，小朋友亦比以前乖。
然而，Karen承認，決定辭去主播一職確有不捨，但為咗家庭及小朋友都要作出選擇，「以前公司都好好，話就我時間，但我覺得對其他同事唔公平，人人都有家人，以前我成日要將小朋友放喺媽咪屋企，會好多嘢擔心，又驚佢哋冇新鮮母乳，佢哋又有濕疹，怕佢哋狂抓，又怕媽咪半夜要照顧會好辛苦。」
問到Karen生孖B有冇打亂計劃？她即笑言：「都有呀！本來都想有2個，老公仲話3、4個，但o依家生咗孖要封肚喇！」
Karen透露，老公家族都有孖胎紀錄，但一直未有為意，做產檢時都嚇咗一跳，佢更形容生B後首3個月係人生最黑暗嘅日子：「好地獄㗎，小朋友兩個鐘飲一次奶，每次循環咁做，得半個鐘休息，好似癲婆咁，冇一份工比阿媽辛苦，所以奉勸想生孖嘅要諗清楚。」
講到新工作，Karen即眉飛色舞，更認為轉工係緣份，新老闆都係以前做記者負責醫療新聞時認識嘅人：「離開大台後，醫療界朋友都問我有冇興趣喺一個平台講下醫療知識，用一個新嘅模式去等人接觸多啲，所以o依家去咗一間醫療公關度做，主要做啲拍片同production工作，都幾得意。」
Karen表示，她已經開咗facebook專頁，現時着手聯絡一啲醫生，希望可以邀請佢哋講關於唔同疾病嘅資訊。
(蘋果日報)
【兩父子餅印睡姿超好笑】Bob嫂：而家點先？
眾所周知，女兒係爸爸嘅前世情人，成日都會搞到媽媽們呷醋，不過原來囝囝都會令阿媽冇碇企！
就好似藝人林盛斌（Bob）咁，今日Bob嫂（Pearl）喺Instagram上載咗張合照，就係兩父子瞓喺大床，每人一個床位，霸晒張床，Bob嫂變咗第三者咁，完全被排斥冇覺好瞓，搞到佢留言話：「而（依）家點先？兩個林生霸曬（晒）張床」
相中嘅阿Bob同囝囝仲要「神同步」，一樣嘅睡姿滿載溫馨，網民都大讚可愛！
另外，阿Bob日前就上載老婆幫大女霏霏剪腳甲嘅相，見到霏霏瞓喺梳化上面露痛苦，而另外兩個女就喺旁邊「食花生」，阿Bob笑言：「每次見到佢哋是但一個剪腳甲我都覺得好正，醫生負責做手術，其餘家屬在旁安慰……」
有網民都問點解咁大反應，仲笑言「似生仔多啲」！
(on.cc東網)
【幫自閉仔仔剪髮】網民大讚：倪詩蓓係全能媽媽
前藝人倪詩蓓最近就留港專心照顧患有嚴重自閉症嘅仔仔Royce，雖然好辛苦，但倪詩蓓為咗仔仔佢覺得一切都值得，絕對係好媽媽！
倪詩蓓自回港後，都不時喺網上同大家分享受同仔仔嘅生活點滴，好似今日佢就幫仔仔剪頭髮，仲上載至社交網，並留言：「今早要變身理髪師和同寶寶剪個靚髪。」見到詩蓓剪得有板有眼，相信一定成日幫仔仔剪頭髮喇！剪完頭髮，詩蓓又再上載同仔仔散步同食晚餐嘅相，有咁好嘅媽媽，難怪見到其中一張相Royce都搭住媽媽，相當溫馨！好多網民都大讚詩蓓係全能媽媽，會全力支持咁話添！
倪詩蓓親自操刀幫仔仔剪頭髮。
倪詩蓓仲有煮兩味！
仔仔搭實媽咪。
係咪好想食呢？
掂晒啦！
(ON.CC)
【包包好識照顧人】徐榮太太封肚 因為⋯
徐榮今日同埋細女徐心怡（包包）一齊去到馬鞍山為繪畫學校宣傳，徐榮同包包用蔬果畫畫，為小熊同聖誕樹上色。
徐榮話之前有監製想搵包包拍劇，佢話：「拍電視劇時間太長，佢o依家得兩歲，中間時間都要瞓覺，唔想令佢辛苦。」
徐榮指10歲大仔聖誕會到日本沖繩踢足球比賽，佢話：「大仔比較獨立，七歲開始已經自己出去外地比賽，唔使照顧。」
徐榮之前帶埋包包去張達倫屋企探BB，佢話包包好識照顧人，問到會唔會生多個，徐榮話：「太太封肚，叫張達倫再生啦，我冇錢呀。」
(蘋果日報)
【晚晚餵雀仔 】蕭正楠求煎蛋高手 黃翠如呢？
蕭正楠（Edwin）今日出席商場活動時表示聖誕節要開工拍攝新劇《十二傳說》，慶幸仍有時間出席活動掙外快，當中亦有找他和女友黃翠如情侶檔出席的活動，可寓工作於拍拖。
蕭正楠透露兩年前開設的漢堡包店，目前已有分店，最近有人想加盟，成事的話會自設工場。談到黃翠如的廚藝，他無奈地說︰「問到我的傷心事﹗我收工回家後，還要煮飯給她吃，很似餵雀仔。她以前還會煎燶蛋，現在連蛋也不煎，我真命苦！」
蕭正楠笑言煮飯給女友食似餵雀
(明報)
【老婆鬧爆勁投訴】古巨基：好過去滾啦！
歌手古巨基出席《英皇電競菁英盃 WE ARE THE FUTURE》記者會，他表示自己是元祖級機迷，由卡片機開始每代遊戲機都有打，入行後玩一個可以網上連線的足球遊戲，更試過取得世界排名第八位。
他亦表示試過不沖涼不洗頭，打完機就睡覺，瞓醒又再打機的生活，問到試過幾多日這樣的生活？他謂：「都有三至四日，有幾日唔使做嘢，嗰陣衝緊排名。」問到古太可有鬧到他反艇？他表示：「我依家雖然冇以前打得咁癲，但都有打手機遊戲，佢就會叫我快啲瞓覺。（有冇沒收你部機？）冇，邊沒收得到。（叫得停你？）要拖拖拉拉好耐。」
古巨基o依家都會打手機遊戲，佢話老婆冇佢咁好氣：「太太嘅朋友圈子大家會傾偈，話我打機好過出去蒲，起碼喺屋企可以睇到，好過去滾啦！咁我又唔係不良嗜好，只係仲有一份童心。」他亦表示想不到打機可以發展成電競運動，問到可想向這方面發展？他笑言：「真係好想，覺得好熱血，但依家先加入佢哋玩嘅game就蝕底，大家已經行到好遠，我就旁邊支持好啲。」
講到工作，他表示做緊新大碟，亦有到外地做巡演，剛拍完一套微電影，亦準備緊一套自編自導的電影：「依家一齊傾緊劇本。（會演埋？）要度埋劇本先知，因為要睇吓搞唔搞得掂。（幾時成事？）未有咁快，依家仲度緊劇本。（你可以揀埋女主角？）係，不過呢套係勵志片，男仔為主。」
講到聖誕節，他表示會到外地工作，問到可會趁機造人？他點頭表示：「加油。」他又表示在後台見到一個BB囡很可愛，問到可會想生女？他謂：「仔女冇所謂，係自己嘅已經好開心。」
(on.cc東網)