排位向來都係藝人地位指標。
於無綫台慶亮燈活動宣傳的四套台慶劇《溏心風暴3》、《誇世代》、《降魔的》及《老表，畢業喇！》中，一眾演員都來個排位大晒冷！
除了阿姐級司儀汪明荃及鄭裕玲站於最正中位置外，陳豪及馬國明分別站於兩旁傍到實。
黃宗澤因已滿約無綫加盟邵氏，自然被安排站於馬國明身旁。
而陳豪旁邊則為田蕊妮、王浩信、黃翠如、黃浩然、黃智雯及洪永城。
至於黃宗澤旁邊就是岑麗香、李佳芯、王祖藍及黃心穎。
(on.cc 東網)
【大台最新排位】兩大型男企正中間做「一哥」
【Quintus表情勁盞鬼】張栢芝孖住仔仔Chok爆擺Pose
張栢芝早前開咗Instagram後不時分享生活點滴，不過突然成個ig嘅相清空晒！消失咗一輪嘅栢芝前幾日終於回歸，繼續甫相，而呢日佢就帶咗兩個仔去享受家庭樂！
栢芝一連上載多張相，見佢同兩個仔仔Chok晒擺Pose，7歲嘅Quintus依然一面稚氣，表情多多又調皮，相反10歲嘅Lucas就比較正經！
同場仲有栢芝細佬張豪龍同埋兩個小女孩，真係非常熱鬧！
栢芝帶班細路又食又玩，佢仲留言：「今晚仲會食buffet」
節目真係好豐富呀，難怪Lucas同Quintus都笑得勁開心！
而一班網民大讚栢芝兩個仔仔都好靚仔，叫佢甫多啲相咁話！
(on.cc 東網)
【曾患抑鬱暴食症】王君馨試過最肥有…
藝人王君馨接受節目訪問，她表示自當選港姐亞軍後，被安排參加內地節目《舞動奇跡2》，她在比賽中順利贏得冠軍在香港及內地一炮而紅，本以為事業從此會一帆風順，可是因主持《日日有食神》表現差，被網民狠狠抨擊令事業急跌谷，面對一連串的狠批，令情緒好抑鬱和壓力失控導致患上暴食症：「自己開始變得好假，冇辦法，因為人哋抨擊你嘅時候，你仲要笑住講：『我以後會做得好啲。』但其實內心係好唔舒服，好唔開心。我唔夠膽喺餐廳食飯，惟有返到屋企不停食。整個焦慮同暴食嘅情緒維持咗九個月至一年，最肥嘅時候曾有127磅，雖然對我嘅身高嚟講唔算係肥，但對一個香港藝人嚟講已經很肥！」
幸好王君馨找到改變她一生的宗教信仰：「多得趙希洛、周家蔚帶我去教會。」
王君馨與老公Daniel異地相戀12年，聞說二人曾經分過手，君馨指：「因為佢好妒忌。我要嚟香港做交流生，我唔希望認識每個新朋友，每次Post一張相，佢都要問好多問題。如果連呢啲信任都冇，咁我點可以同你結婚呢？長痛不如短痛，所以我們分咗手。」後來又是信仰的關係，兩人建立了穩定的信任。
(on.cc東網)
【被傳婚期將至】姚子羚承認首次置業：會一齊住
據地產消息透露，姚子羚今日以933萬港幣，購入將軍澳全新豪宅「晉海」，一個三房、面積達623呎單位。
該單位原價為1,130萬，經折扣後減了200萬，名副其實筍盤！
適逢近期不時傳出子羚與男友鄭子邦婚期將至，如此敏感時期置業，未知是否為婚後添置新居所！
有傳媒向子羚求證，子羚承認首次榮升業主。
「價錢合理啦！都係同屋企人夾份，會一齊住，想佢哋住得舒服啲！」子羚又指因為要供樓，所以希望之後有更多工作。
(on.cc 東網)
【好多謝陳慧琳】鍾嘉欣：突然變成大熱
藝人鍾嘉欣近日於溫哥華返到香港，回來兩天便接受好友馬浚偉主持的電台訪問。
嘉欣是馬浚偉於圈中廣為人知的契妹，二人於訪問中滔滔不絕，更大談嘉欣19歲選美時個性羞澀，因陳慧琳提攜才成為大熱，她說：「我第一次開音樂會邀請到陳慧琳（Kelly）做嘉賓，我真係好開心，開心到喊。因為佢當時係我選美嘅評判，係佢畀我信心，因為我當時係唔被睇好，冇人話我會贏，因為我靜到不得了，見到記者我會走，唔想影到我。到見評判嗰日，即係比賽嘅前一日，陳慧琳對記者話：『我鍾意12號鍾嘉欣，嚟自溫哥華，因為佢笑容甜美。』由嗰一刻、一日內，我由乜新聞都冇，突然變成大熱，就係因為陳慧琳嘅睇好。」
陳慧琳成為鍾嘉欣演藝生涯中的伯樂，影響力絕對不少。被馬浚偉問到她有沒有在音樂會中重提此事，嘉欣謂竟然是陳慧琳先提起：「佢對我講：『你睇唔到啫，我哋個個都睇到你係掂㗎！』之後我真係超開心：『吓，真喺㗎？多謝！』因為我真係好欣賞佢，覺得佢真係個好人！」
雖然很喜歡陳慧琳，但嘉欣重申女兒命名Kelly卻與陳慧琳無關。
她說：「當時我喺懷孕時，同老公瞓覺時喺度諗改咩名，突然間就諗到『Kelly』，因為classic（經典）。依家好多父母會改好特別嘅名，有三、四個音節。所以我就想女兒有個classic啲嘅名，仲有我想佢唔好太女仔嘅感覺，而『Kelly』嘅感覺正正比較爽朗、硬淨，但又不失女性感覺。」
(on.cc東網)
【賈靜雯43歲生日】老公修杰楷Sweet爆送驚喜
日前就係賈靜雯嘅43歲生日，作為愛妻號嘅修杰楷當然唔會忘記呢一個大日子啦！
賈靜雯就喺社交網站上載同老公嘅合照並發表長文多謝老公畀咗個驚喜佢，仲話覺得自己好幸福添！
相中就見到一個用蠟燭拼湊成嘅心心，中間仲擺咗一個寫有「Happy Birthday」蛋糕，除咗蛋糕之外，修杰楷仲送咗紮花畀太太，睇見都覺得好Sweet呀！
修杰楷亦都喺社交網站上載同太太慶祝生日嘅相，修杰楷仲留言：「親愛的老婆，我和小寶貝們都會永遠在你身邊讓你每天都能笑的這麼開心，生日快樂，永遠愛你。」
(on.cc 東網)
【激罕同框】哈林庾澄慶主播老婆產後首曝光
台灣藝人庾澄慶（哈林）去年與台灣新聞主播張嘉欣結婚後，不久就宣布造人成功，今年6月更喺社交網宣布BB出世，再次升呢做爸爸！
而剛剛榮升為人母嘅張嘉欣，產後一直未有露面，亦甚少同哈林齊齊合體，而呢日就罕有地出現喺台灣女星徐若瑄社交網度，相當難得！
徐若瑄喺社交網上載咗一張同哈林夫婦及友人吃聚嘅照片，並留言：「在這𥚃（裏）吃到用珍珠奶茶做成餅乾的小甜點！覺得很特別！謝謝哥和嫂啊！有人請客必需吃光光😎這天是不會減肥的！#快樂也很重要 這麼多都進肚子了會跑2小時 #運動是為了可以吃更多美食 很喜翻我的 #可愛復古懷舊小綠包」。
相中見到哈林企喺老婆身後，兩公婆都笑得好燦爛，精神甚佳，不過就未見BB仔嘅蹤影，唔知BB似爸爸定媽媽呢？
(on.cc東網／蘋果日報)
【去年先離婚】阿嬌新歡再被爆出有「老婆」
鍾欣潼（阿嬌）終於認戀「醫界王陽明」賴弘國！
然而賴弘國雖然被爆離過婚，阿嬌依然話想同對方開花結果。
賴弘國高大靚仔，仲要係醫生，自然討女生喜歡，有一名身材Fit爆的女生Wendy，於9月8日在fb甫與賴弘國合照，並且留言：「半年見一次老公，畢竟他事業做太大。」
有指Wendy都係讀醫科。不過Wendy之後fb在澄清同賴弘國只係學長學妹關係。
「認識我的就知道我一天24小時都在開玩笑」她更強調跟男友感情好好，幫番賴弘國洗白。而賴弘國透過任職的診所表示Wendy只是學妹，全冇感情瓜葛。
(on.cc 東網)
【攬住蔡思貝合照】王浩信：唔好傷害佢
人夫王浩信（Vincent）早前傳出拍攝無綫劇集《踩過界》期間，曾單獨與劇中演員蔡思貝打邊爐，及後更指浩信與太太陳自瑤婚姻亮紅燈，結果要浩信澄清。
而昨晚一對緋聞男女浩信及思貝齊齊現身無綫台慶亮燈活動，起初二人拍照時有輕攬兼有講有笑，未有半點尷尬，及後更雙雙受訪，浩信對於被指揸車到思貝家樓下，他表示當日只是在該屋苑附近泊車開工，寄望外界不要再有報道傷害同事，更揚言欣賞思貝，他謂：「佢好用心，所以唔好因為拍劇傾得多而有所誤會。（太太陳自瑤誤會？）梗係唔會，過兩日我哋有活動先講。」
而思貝則澄清自己並非該屋苑住戶，當日亦只是於該處泊車，浩信聞言即謂：「你早講嘛！」思貝就坦言為此感無奈。
問到與浩信再見面會否感尷尬？她謂：「唔會，拍劇咁耐係好拍檔。（同陳自瑤熟唔熟？）拍過一套劇。（你好惹是非？）拍一套劇就會有，之前拍《踩》劇都有同張振朗傳過。（覺得好無辜？）我學習緊點同同事相處愉快之餘，而又冇緋聞。」
至於浩信被問到會否因緋聞影響自己與太太的心情？他謂：「唔會，太太知我哋係朋友，第一日拍都一齊研究劇本，話唔係Friend都冇人信。（會唔會因為呢件事避嫌？）唔需要，套套劇都要避點會拍得好。」
王浩信與陳自瑤周一（9日）下午到天水圍一商場出席活動，亦是二人自婚變的消息傳出後首度「合體」於公開活動現身。據知，二人席間會大玩遊戲，兩公婆拍住上齊齊搵真銀，相信會成為傳媒焦點。而陳敏之與囝囝雷子樂亦會出席同一活動。
(on.cc東網)
【王力宏發聲明護妻】老婆李靚蕾遭網民圍剿
王力宏最近推出新碟《A.I.愛》後引起不少樂迷及網民正反兩極批評。
有台灣消息指有網民聲稱在相關社交網站留下負評後即遭刪文甚至被舉報，更無端端把王力宏太太李靚蕾扯落水，有部分網民更成立「鐵血蕾後刀下冤魂」網上聯盟以「呻冤」！
王力宏工作室在微博發聲明為李靚蕾護航，先指如有「涉及人身攻擊、不雅用詞、或激烈的負面言論，本公司會視情況刪除、限制留言。」並指對於有部分媒體對李靚蕾的不實報道會保留法律追訴權利。
聲明指：「靚蕾很愛護粉絲，平時會花時間私自用心整理收集粉絲的禮物、卡片、留言跟力宏與團體分享，報道所稱之『親上火線對槓粉絲』是絕無可能的不實報道。」
(on.cc 東網)