吳卓林於網上承認出櫃，身為母親的吳綺莉接受周刊訪問時，被問到會否接受？她似有弦外之音說：「冇話接唔接受，樣樣都要試吓！無壞嘅！開心個女有個咁嘅朋友，日日24小時坐喺度講我愛你，聖經有句說話，施比受更為有福，如果我個女可以照顧到朋友，我都好開心。」
問她有否聯絡卓林時，她表示上星期因為生活費有聯絡卓林，問到會否再因這件事聯絡女兒，又謂：「唔會！知道個女安全就可以喇！（擔心佢？）唔擔心，換轉係男仔，我咪要抱孫，我咪要養埋佢全家？我冇咁嘅能力去養囉！」對於有傳卓林有情緒病，她說：「其實，又唔見非洲嗰邊飢荒有抑鬱！」
(東方日報)
由香港旅發局主辦的單車節將於10月8日（本周日）舉行，比賽當日警方將由凌晨1時起於各區實施封路措施，賽道附近路段封路長達10多小時，逾150條巴士與專線小巴路線受影響。其中香港挑戰賽為本港首次舉辦的UCI 1.1級賽事，預料吸引約6萬人前來觀賞。
旅發局主辦的單車節由當天早上5時半開始，下午5時正結束，其中香港挑戰賽為本港首次舉辦的國際單車聯盟亞洲巡迴賽1.1級公路賽，全球18支世界職業車隊將有兩隊來港競技，預料可吸引約6萬人前來觀賞。活動期間會有特別交通安排，凌晨1時至下午6時，警方分階段於大嶼山、新界南、葵青、西九龍及尖沙嘴多條道路實施封路措施。
挑戰賽賽道附近，尖沙咀公主道連接路南行線、紅磡繞道近梳士巴里道和麼地里一帶部分路段將於整段時段封閉。青嶼幹線上層往九龍方向將由當日凌晨1時至上午8時實施封路。運輸署表示，有超過150條巴士與專線小巴路線需要實施改道、臨時遷站、縮短或暫停服務。受影響的路線包括行經西九龍公路、機場及油尖旺區的巴士路線。
運輸署呼籲市民當日要留意在青嶼幹線、汀九橋、昂船洲大橋、尖山隧道、九龍西、尖沙咀及尖東實施的封路及公共運輸安排。受廣泛封路影響，運輸署預計屆時青嶼幹線往九龍方向、渡船街往尖沙咀方向，以及佐敦道以南及海港城附近的廣東道交通將會非常擠塞，駕駛人士如非必要，應避免駕車前往受影響或擠塞的地區。如遇交通受阻，駕車人士請保持忍讓，並遵從警方的指示。
（運輸署）
於腹中孕育小生命的感覺，從來都是女士們獨享的甜蜜負擔，寶寶每下心跳、每下胎動，都是懷孕媽媽專屬的體會。
42歲的鄺文珣，今年4月宣佈懷上小公主，加上9歲大仔家澄同7歲細仔家泊，幾乎可以說是大肚專家了，小公主Chesney終於在9月25日出世，鄺文珣回覆時稱：「早咗出世，個個都好開心，尤其醫生拎佢出嚟，我哋聽到佢喊聲，好感動，完全控制唔到自己眼淚，先生都好感動，佢都喊，哥哥都期待見妹妹，最初見到有彈開，妹妹太細粒，後來佢哋都好幫手照顧妹妹。」
於Chesney出世前，鄺文珣接受周刊專訪，她坦言從前是緊張大師，現時已輕鬆不少，唯一讓鄺文珣不能放鬆的是教育一環：「養好容易，教先係重點。」
鄺文珣與應德榮走出婚姻低谷，Chesney到來，對鄺文珣來說又驚又喜：「做媽媽真係好多嘢兼顧，以前好想快啲卸貨，今次想佢大隻啲先，人哋話第三胎會早啲出嚟，所以我成日同佢傾偈，叫佢住耐啲。」
孕婦心情總是忽晴忽雨，鄺文珣卻總是笑意盈盈，她笑謂要擁有快樂孕期，必先擁抱問題：「其實係要自己諗得正面啲，放輕鬆心情去面對就得。早排我都好辛苦，會有啲擔心，不過要接納呢啲情況，同老公分享下，擁抱嗰啲問題，甚至可以喊出嚟，喊完就冇事。」
坊間笑稱「第一胎跟書養，第二胎跟豬養」，問她這次是否再次「跟豬養」？鄺文珣說：「係喎，其實我乜都未買，連走佬袋都未執。第一個嗰陣好緊張，連飲奶都緊張，60ml就60ml，真係多一滴都唔敢，仲要mark低晒啲大便、小便，o依家我咩都冇搞，放鬆心情，我會著重點教育佢多啲。」
肥B不肥媽，鄺文珣陀B期間手腳依然纖瘦，是孕媽媽夢寐以求的身型，談到她的飲食安排？鄺文珣說：「早排瘦得好犀利，o依家飽滿啲、精神啲。我自己就會食多種維他命，因為最容易吸收，多咗又會排番出嚟，其他就雞湯、肉汁、蛋、鮑魚都會長胎，仲有澱粉質好呀，澱粉質可以肥B唔肥媽。」至於日常生活，她會減少走路、不拿重物：「好彩有兩個仔，佢哋會幫手。雖然湊住兩個仔會辛苦啲，但係我會訓練佢哋做家務。我叫工人姐姐唔好幫佢哋做晒所有嘢，摺衫、執玩具要佢哋自己做番。」
提到初生嬰兒的教育？她指坊間有很多不同的說法，但只有作為媽媽的才最清楚子女個性和習慣：「好似人哋話0至1歲要抱定唔抱咁，我覺得唔係出面點講你就要做，要用自己嘅方法。初為人母，真係好容易俾人影響，聽得多會質疑自己，但其實最緊要係培養小朋友嘅價值觀同埋同家庭嘅關係。千祈唔好人學你又要學，唔好驚佢會輸，應該教佢好好照顧自己，教佢生存嘅意義，唔使迫佢行邊條路，只要佢對自己有信心、識得負責任，條路就唔會行錯。」
(蘋果日報)
早在1993年由加拿大回港參加國際華裔小姐摘冠而入行的鍾麗鍉(Christy)，分別在1998年及2004年結婚但離婚收場，兩段婚姻為她帶來三個女兒。
到了2015年7月，與張倫碩合作內地真人秀節目《如果愛》日久生情，更被媒體拍到戲假情真，大方確認姊弟戀關係 。二人在去年11月8日於北京舉辦婚禮。
久未露面的Christy，日前身穿露肩鬆身衣服現身北京機場，有網民留言：「是否又有好消息？」、「又要懷孕了嗎？」
（圖片：騰訊）
中國跳水女王吳敏霞終於出嫁了！吳敏霞今天（5日）與「翻版林峯」張效誠在陝西富平舉辦了一場熱鬧的中式婚禮，跳水隊姊妹陳若琳擔任伴娘。新郎新娘跪地向長輩敬茶，張效誠現場簽下結婚保證書，並有家裏孩子來「壓床」及拍攝了中式全家福相，完成整個中式傳統婚禮程序。
今午兩人在男方家陝西舉辦了一場熱鬧中式婚禮，邀請了跳水隊好姊妹陳若琳做伴娘，親眼見證幸福甜蜜結婚騷，但並未見到其他中國跳水隊的朋友出席！
去年里約奧運奪得生涯第5面奧運金牌，吳敏霞隨即在里約公布戀情，去年底宣布退役結束15年國家隊征戰，上月與男友張效誠共同創業設立品牌！現年31歲的吳敏霞出身上海，今年5月與相戀8年的男友張效誠領證結婚，隨即在微博上晒恩愛公布婚訊！
(東方日報)
26歲李蘊（Renee）與商人老公羅章冠結婚兩年後育有1歲大的女兒羅紫晞，嫁人後的Renee相夫教女，並不時上載家庭樂照片。最近李蘊就更新IG，與大家分享她的湊女樂！
仍餵母乳的Renee，今次就一家三口去了台灣觀光，其中兩公婆仲陪女兒去海洋館玩。他們欣賞海豚表演之餘，仲趁機近距離接觸兼合照，但相中見紫晞的表情不太開心，似乎好驚驚！不過亦有網民將重點放在Renee身上，皆因穿上貼身長裙的她肚凸凸甚有孕味，難道又有好消息？但之後Renee親自回覆網民，搞笑否認有喜：「絕對不是，不要歧視我的小肚腩。」
而今次旅行，Renee還帶了女兒去游水，穿上泳衣與女兒拍照。
亦都強調：樣靚身材好都冇用，一定要。。。
一家舞蹈公司喺社交網出post招請dancers，為楊千嬅紅館個唱搵伴舞，但就惹來一場公關災難，被指「平價請舞蹈員」，又被好多行家批評…. 事源….
楊千嬅嘅年尾紅館騷，有公司喺網上貼文招募舞蹈員，註明「少量演出經驗者優先」，引起議論紛紛！公司負責人係著名排舞師High King，其太太接受周刊電話訪問澄清：「意思係冇經驗一定唔得，少少都可以，冇講過平定貴，我哋好公平，最大抱歉搞到楊千嬅。」
High King太太質疑因同行如敵國遭攻擊，強調其公司對舞蹈員要求好高：「喺我公司做咗十幾年嘅dancers，肯定係全行最貴，平均月薪有5萬幾，嚟我哋公司睇吓就知乜叫專業，樣靚身材好都冇用，一定要跳得好。」
(蘋果日報)
4位人妻一人捧一碟。。。
想當年，鍾嘉欣、岑麗香、王君馨、李亞男同苟云慧，因為有相同宗教信仰嘅關係，組成「Amazing Esther」——即係後來被稱為處女黨嘅組合，從此，多咗一個朵。
至今，5名成員中4名已出嫁，只剩下苟姑娘待嫁，叫處女黨好似有點那個，其中今日舉行婚禮嘅王君馨曾經喺社交網站話處女黨要改名做「索爆人妻團」，但係好似冇乜人記得……到今日，嫁雞隨雞但又返香港返得幾密吓嘅鍾嘉欣抽時間同班姊妹見面，佢今日喺Instagram貼相，並以英文留言稱：
「我想念與我的姊妹們一起已經很久了。每個人都有成長及內外都變得更美。為你們感到自豪。特別多謝Leanne BB（李亞男）下廚煮午餐，很美味。下次在溫哥華，輪到我（下廚）。」
仲不忘落番佢個amazing esther嘅hashtag。睇番張相，4位人妻一人捧一碟，咁啱就得番苟姑娘冇嘢揸手，唔知係咪因為未做人妻未使下廚呢？Anyways，5女都的確仲keep到，至於早前被老公王祖藍爆有抑鬱、會喺屋企喊嘅李亞男，除咗晒廚藝，仲晒咗個好sweet嘅笑容，睇嚟應該冇咩事。
(蘋果日報)
「Fisherman Lok」余文樂出名係籃球躉，呢日佢應NBA邀請，到內地睇NBA中國賽深圳賽勇士對木狼嘅比賽！
場內比賽激烈，而場邊就夠晒閃，點解？事關余文樂同埋女友王棠云，呢日齊齊睇波，仲畀大會鏡頭捕捉到，之旦係佢同女友似乎有啲怕醜，只係笑笑口咁擰轉面！
唔少人都話可惜唔係Kiss Cam，如果唔係有得睇佢哋錫錫！
(Sina)
