歌手衛蘭（Janice）一連三場假紅館演唱會正式開鑼，中段Janice坐着吊喺半空嘅「樹藤車」出場，並唱出《穿花蝴蝶》。Janice表示因為自己早幾日病咗，自己已經係盡力唱畀大家聽，直言有好多人都叫自己上到台講多啲嘢，加上自己比較靜，都係透過音樂同畫畫表達自己。
演唱會半空吊出場
Janice自爆表示兩年前先至發現自己脊椎側彎。 
依家要重新學習行路姿勢。 
唯有堅強面對
Janice續指兩年前發現脊椎側彎：「我嘅脊椎係S型，要重新去學行路，咁大個人要重新學行路唔係容易嘅事，其實同我嘅音樂路都好相似，呢兩年我先表達多啲自己，以前成日收埋自己，其實呢個都係好脆弱嘅一面，同大家分享，好少喺咁大嘅場合公開呢樣嘢。」
諗起都心酸辛苦
並指醫生叫自己唔好做運動，但都尋找到方法去享受做運動，所以鼓勵大家唔好放棄。然後，Janice自彈自唱《Make You Feel My Love》及《情深說話未曾講》，唱之前Janice更自爆今次增了10磅：「上一次演唱會我減咗10磅，但今次我增咗10磅。」到獻唱時，就因為個咪滑落而由頭再唱，更笑言：「搞到我好緊張啊！」
(東方日報)
今晚無綫劇集《誇世代》播出大結局，開始時交代「七小姐」江嘉敏並非許紹雄及馬海倫的女兒，因而令江嘉敏與張繼聰這對情人沒有亂倫關係，故可繼續相戀。而「四小姐」李佳芯因心臟問題暈倒街上，陳豪見狀即抱住她送院，醫生建議佳芯中止懷孕，佳芯亦趁機表態想與陳豪離婚，但其實內心仍愛着陳豪。及後更不理性命危險拒絕墮胎，陳豪即想出一個辦法，拿住一張磅重卡去醫院搵佳芯，之後二人情深一吻再加上電擊，之後佳芯與陳豪交換靈魂，陳豪因而變了「大肚婆」，但亦因二人改變了時空，促使核爆沒有發生，世界得以和平。
而懷胎十月的陳豪最終誕下BB，及後二人用僅餘兩張磅重卡回復真身。至於一直以為害死好兄弟張繼聰的陳豪，於阿聰墓前拜祭時，張繼聰突然出現令陳豪驚喜非常，三人繼續做回好兄弟。劇集末段播出彩蛋，講述李麗麗於戲院玩磅重機，結果亦因而改變了時空，鏡頭一轉李麗麗搖身一變成為佘詩曼，而如此一現令觀眾驚喜非常，該劇監製陳維冠於播畢劇集的節目中，透露阿佘今次乃不收分文作友情客串，認真有義氣。劇尾呢個彩蛋，會唔會就係暗示《誇世代》續集由佘詩曼擔正做女主角？唔少網民都話好期待。
(ON.CC)
藝人余文樂（樂仔）上年12月初突然在Instagram宣布與拍拖一年的皮帶大王千金王棠云結婚，男神正式封盤！
兩人於澳洲舉行婚禮，婚後更不時放閃晒恩愛，近日更有傳樂嫂有喜。
而樂仔、樂嫂亦終於在香港正式入紙註冊，擬結婚通知書上，樂嫂就現「真身」，真名原來叫王予柔。
如果樂嫂真係有喜的話，真係要恭喜完再恭喜喇！
(on.cc東網)
謝霆鋒早前請來潘瑋柏擔任其最新一集《鋒味》嘉賓，豈料錄影前夕，潘瑋柏竟然因為患上肺炎而被迫缺席﹗幸好，霆鋒在圈中人緣好，結果臨時找到何超蓮、鍾欣潼（阿嬌）飛往揚州拍攝其節目。
霆鋒在這一集要完成「300人食用的大鍋揚州炒飯」挑戰，奈何患上重感冒的他竟然病到失去了味覺，只好帶住阿嬌和超蓮在揚州掃街，「捐窿捐罅」試食不同的炒飯。
謝霆鋒今集要煮300人食用的大鍋揚州炒飯，豈料他病到失去味覺。
謝霆鋒雖然患上重感冒，但仍堅持上陣。
(明報)
張柏芝和謝霆鋒有過一段5年婚姻，離婚後獨立照顧2個兒子Lucas和Quintus，平時常透過社群網站，分享生活、育兒點滴的她，11日竟現身台灣，並且一連2天，都現身信義區某間百貨公司，戴著毛帽、墨鏡安靜畫著油畫，作風相當低調親民。
張柏芝11日現身台北信義區某間百貨，同時也透過Instagram發文，PO出一系列影片，分享自己正專心畫油畫的模樣，開心地和台灣的粉絲們打招呼，「台灣的粉絲大家好！」畫面中，只見她低調戴著黑色毛帽及墨鏡，低頭專心畫畫，也令不少人注意到，她似乎是左撇子，全程都用左手拿筆。
「為什麼我會來台灣呢？」鏡頭前，張柏芝吐露其中原因，雖然香港也有畫油畫的地方，且自己從小到大都沒有學過畫油畫，先前在大兒子Lucas還很小的時候，曾帶孩子來這裡的遊戲區玩，當時她看見有好多大人在這裡畫油畫、畫風景，「那時我心情沒有很好，度過很多不開心的事情…。」
雖然張柏芝說到一半，影片卻在中途斷掉了，但不少網友揣測，或許是當時心情不好的她，來台畫油畫時，獲得抒發心情的空間，才會想再次造訪台灣，令不少粉絲心疼不已、紛紛留言鼓勵，「開朗的媽媽…加油」、「願你每天開心哦」、「未來的日子裡，一切都會好好的，加油」，意外引發不少討論。
(ETTODAY)
屯門五歲女童陳瑞臨（臨臨）懷疑被人虐打致死，女童生父陳海平（26歲）和繼母黃曉彤（27歲）被控謀殺。有網民在Facebook成立專貢並發起悼念活動，呼籲明晚七時到屯門市集合悼念臨臨，送上花和最後的祝福。
臨臨自從搬入繼母位於屯門時代廣場的寓所後，她與兄長連月來同遭人虐打，有同學稱曾見過兄長阿逸眼部瘀腫，似曾被虐打，校方雖曾把個案交社工跟進，並向社署諮詢，惜未及時察覺嚴重性，社署交回校方自行處理，事件不了了之，結果發生慘案。
有傳媒今日再向路德會富泰幼兒園查詢，所屬的路德會社會服務處發言人指，案件進入司法程序，未能詳細交代。
網民發起悼念活動，希望為臨臨送上最後祝福。
受害女童臨臨
（headline / topick）
森美之前帶同麥美恩、黃心穎、高海寧玩盡東京，不過日本真係一個去唔厭嘅地方，森美噚日又去咗東京玩，佢坐車時，諗住影相向朋友報平安，點知朋友話我身後面有一個女仔，好似謝安琪，唔通森美約咗謝安琪(Kay)去日本有嘢做……噚日無啦啦「洩密」同謝安琪外遊，呢件事相當有嫌疑!?
森美亦有喺IG貼出一張selfie嘅相，寫道：「朋友話我身後面個日本妹似謝安琪。」相似程度就連Kay老公張繼聰都回覆一個驚訝嘅emoji，唔少網民睇完張相都回應「都幾似啵，你特登影人哋之嘛」、「我第一眼都以為係」、「我一開始都以為係謝安琪」，不過之前傳過Kay同黎瑞恩撞樣，所以有網民覺得「似黎瑞恩多啲」、「黎瑞恩同謝安琪混合體」。
至於真嘅Kay，老公張繼聰當然知佢喺邊喇，Kay就喺佢身邊囉，噚日係阿聰38歲正日生日，Kay喺IG貼出全家福，稱舊年老公投訴Kay冇送生日禮物，所以今年阿聰收到囝囝張瞻同老婆Kay自製嘅生日pop up card，「有老爺親手炮製別出心裁嘅生日大餐、有姐姐睇YouTube學製嘅homemade生日蛋糕、仲有一位令你情難自制嘅BB女喺你房等你」，Kay祝老公每天開心。
唔少網民都笑阿Kay呷囡囡醋，留言「KaKa Ball係佢小情人，一年一次，你唔好呷醋」，阿聰亦好受落咁喺IG貼咗囡囡坐喺床嘅相，寫道：「有位好正嘅靚女坐係我張床等我……佢話今晚決定唔瞓覺，同我癲番晚……」真係前世情人，確係魅力無法擋!?
（蘋果日報）
陳小春與應采兒結婚7年，感情依然十分恩愛，有網友11日在香港迪士尼巧遇2人正在錄製節目，身旁跟了不少工作人員。應采兒穿上短褲，露出超細鉛筆腿，讓陳小春全程眼神緊盯太座不放，相當甜蜜。
照片中的應采兒紮起俏麗馬尾，穿著黃色運動外套，下半身搭配黑色短褲，露出一雙大長腿，僅管天氣寒冷，敬業的她依然全程保持笑容。
過程中也引來大批遊客圍觀，只見陳小春的眼神始終盯著應采兒，看老婆的神情，流露出滿滿的愛意，兩人互動超閃。
From:微博/娛評人
結婚7年，陳小春和應采兒這對夫妻感情依舊甜蜜，陳小春曾分享夫妻相處秘訣，他認為自己已經認定了應采兒，「我絕對不會跟她分開」，既然不打算分開，那麼忍一下、退一步也無妨，也因為互相包容、退讓才能讓婚姻長久保鮮，Jasper在如此有愛的家庭中長大，難怪總是會在第一時間懂得體貼及關心別人。
From:微博/陳小春家的粉絲團
（SINA /微博）
《藍天白雲》首映噚晚係九龍灣舉行首映，出席演員有鄧麗欣(Stephy)、梁雍婷、寶珮如、鄺芷凡，Stephy話：「三年前拍，終於都上映、好開心，專登着條紅裙，裙褂咁。」
有傳Stephy同小方去大馬出席佛教活動，看似復合，Stephy話：「之前同一啲朋友去佛學活動，朋友嘅朋友，大家一齊冇所謂，都係傾佛偈。」咁有冇火花？佢話：「一齊參與活動，冇話做咩嘢，完咗即刻走，見面冇尷尬，唔會刻意避開，又唔會約食飯。」有冇朋友叫你哋一齊？佢話：「會講笑咁講，唔會講得多，驚我唔鍾意，學佛平靜咗。嚟緊去其他地方做慈善探訪，打咗針，o依家有反應，少少發燒，遲啲去非洲同尼泊爾。」
出席首映禮嘅許鞍華，就憑電影《明月幾時有》角逐「第十二屆亞洲電影大獎」最佳導演，佢話：「無論邊個攞都好開心。」問佢有冇信心，佢話：「冇，對手好強，睇過幾部，冇睇外國(入圍電影)。」最近佢睇緊劇本，我都唔會揀，只係會盡量做好，一般人對睇戲要求高咗，要搞好劇本，佢話：「幫搵演員同投資，好演員等一年幾，一般演員都要時間等，新人都有用，一般新人加舊做會更加好。」
(蘋果日報)
今日親自報喜，預產期係六月。。。
由日本諧星古坂大魔王化身成嘅豹紋look大叔PIKO太郎，年前靠洗腦歌《PPAP》賺到豬籠入水，有見入行多年終於事業有成，佢上年8月宣佈同拍拖四年嘅29歲女星安枝瞳結為夫妻，仲去埋夏威夷舉行婚禮。
PIKO太郎一直自稱結婚多時，老婆多味已經78歲，而真身古坂大魔王去年報喜時順度公開與老婆安枝瞳嘅合照，安枝瞳亦扮老化身PIKO太郎老婆多味，認真玩嘢。結婚5個月，PIKO太郎今日以古坂大魔王受訪時親自報喜，表示太太目前正懷孕5個月，預產期係今年6月，佢仲公開夏威夷禮禮上嘅照片，並表示婚禮當時只安排12位雙方家人出席。
(蘋果日報)
