【三求剖腹產被拒】嬰兒最終搶救無效

2017-12-04

陝西榆林今年8月爆出產婦馬茸茸想剖腹產不果後跳樓身亡，事件震驚全國。雲南亦有一名快將40歲的高齡產婦因難忍痛楚，曾三度要求醫生剖腹產，但都被拒絕。最後她無力自然分娩，要透過剖腹誕下男嬰，但嬰兒卻因在母體內吸入太多羊水而夭折。產婦與丈夫認為這是醫院一再拖延導致的結果，醫院最終需賠61.7萬元（人民幣‧下同，約74萬港元）。

居於昭通市巧家農村的婦人王芬（化名），與丈夫已經快40歲，但膝下卻無子女。兩口子幾經波折，王芬終於懷胎。快要臨盆時，夫妻倆考慮到王芬是高齡產婦，寶寶又來之不易，故決定到昆明入院生產，沒想到此決定卻成悲劇的開始。

去年1月14日晚，王芬在丈夫陪同下到昆明某醫院，因醫生指「羊水已經破了」，他們以為寶寶快要出生。但到了翌日上午，寶寶沒有出世，王芬也沒出現宮縮分娩迹象，醫生遂為她注射縮宮素。當時王芬擔心寶寶，首度要求剖腹產，但醫生沒理會她。

到了入院第3天即1月16日上午8點，王芬依舊沒有宮縮迹象，醫生又加大劑量注射縮宮素和抗生素。但此時王芬已感覺胎動在減少，於是她第二次向醫生提出剖腹產要求，醫生還是沒理她。同日下午，她的肚子開始劇痛，但肚裏的寶寶動得愈來愈少，她第三度提出要剖腹產，但醫生還是沒理會。

直到入院第4天的凌晨2時許，王芬的宮口全開了，但她已累得沒氣力把孩子生下來，此時醫生才為她剖腹產。1個多小時後，王芬誕下重2.8公斤的男嬰，醫生當時還說：「孩子很好。」未料王芬將寶寶抱在懷裏沒多久，家人發現嬰兒全身皮膚都變紫。醫生把孩子抱走，但到天光時卻稱「孩子經搶救無效死亡了」，噩耗令王芬一家都崩潰。經司法機構鑑定，證實男嬰「符合新生兒肺羊水吸入導致呼吸衰竭死亡」。

「這都是醫院一再拖延導致的結果。」王芬夫婦將涉事醫院告上昆明五華區法院。惟院方堅稱不存在醫療過錯，「整個過程中，我們採取的醫療措施不存在醫療過錯，醫院不應當承擔責任。」法院之後委託另一家鑑定機構重新鑑定，但得出的結論還是一樣。最終法院裁定醫院向王芬夫婦支付死亡賠償金、喪葬費、醫療費等合共58.7萬多元（約70.4萬港元），另支付3萬元（3.6萬港元）精神撫慰金。

(東方日報)

【又到聖誕】Bob父女擋開心搵銀過聖誕小花生逼住戒奶？

2017-12-04

藝人林盛斌（Bob）帶住兩個囡囡現身商場活動，透露因太太與長女及囝囝要出席同學燒烤聚會，故未有到場，但此舉卻令細女有點怯場，幸得二家姐主動幫忙。

問到與女兒出席活動酬勞如何？Bob謂：「開心聖誕價，趁機當做親子活動，寓工作於娛樂嘛！其實酬勞會交晒畀太太，每個仔女都會有自己銀行戶口，工作後會將部份錢捐畀有需要嘅人，一年兩、三次，同埋都鼓勵佢哋去做義工。」

而張頴康與太太麥雅緻就帶女兒張雅喬現身，問到為何不帶細仔到場，他謂：「個仔跟咗老婆美國時間，夜晚唔瞓覺，咁樣大人好陰功，老婆餵人奶要休息張頴康，所以今日狠心留佢喺屋企，同埋都想幫個仔戒夜奶，唔想老婆咁辛苦。（聖誕去旅行？）要開工，仲要疊兩套劇，平安夜都唔知使唔使開，所以可能喺屋企開party算啦！」

星級家庭出動！

林盛斌一拖二。

張頴康同太太麥雅緻帶埋囡囡出動。

洪天明就帶物大仔。

(ON.CC)

【一家六口過聖誕】仔似媽媽女似爸爸﹖

2017-12-04

藝人陳浩民同太太蔣麗莎育有4個仔女，一家六口可謂幸福滿瀉。近期蔣麗莎就帶同大女Elizabeth、二仔Cyrus及三女Isabella齊齊出演內地真人騷《不可思議的媽媽》，唔少網友睇完之後都話為人母親甚艱難，上節目湊住三個都咁辛苦，更何況四個？

呢日蔣麗莎就喺社交網站上載多張同一班仔女齊齊為迎接聖誕節做準備嘅相，雖然距離聖誕節仲有一段日子，不過四個小朋友已經急不及待着起聖誕服飾，實行提早慶祝聖誕節呀！不過要佢哋四個坐定定咁一齊影相真係話都冇咁易，Elizabeth同Isabella乖乖哋望鏡頭嘅時候，Cyrus同細妹Victoria又不停搞怪。到Elizabeth同Victoria望鏡頭，另外兩個又掛住玩，難怪蔣麗莎會留言話佢哋係四大天王：「四大天王很強哦～本想拍個美美的相片，結果……又以喜劇效果而結束，你們感受到了四大金剛的威力了吧！」

(東方日報)

【力的表現！】咪咪姐孭陳豪行石春路!

2017-12-04

無綫劇集《誇世代》劇情愈來愈好笑，昨日陳豪、歐陽震華及朱咪咪等藝人現身做宣傳，玩遊戲時本來陳豪想抱咪咪姐，但慘遭拒絕，咪咪姐更反客為主揹起陳豪兼舉起v字手勢，陳豪則反晒白眼大搞氣氛！朱咪咪要孭住陳豪行石卵路，一向識搞氣氛的朱咪咪更笑言感覺到對方用「硬物」頂佢背脊，唔通陳豪……「動L」？‘被咪咪姐孭住的陳豪，High到反眼！

陳豪、歐陽震華（Bobby）及朱咪咪等昨日到商場宣傳劇集《誇世代》，玩遊戲時咪咪姐要孭住陳豪行石卵路，其間陳豪擺出爆笑反白眼表情，咪咪姐則說：「好似有啲硬物頂住我背脊。」不過千祈唔好諗歪，只是皮帶扣咋！陳豪被咪咪姐氹得好歡喜，向傳媒說要跟對方學搞笑。
而同樣搞笑的還有Bobby，日前他從新加坡的《第二十二屆亞洲電視大獎2017》頒獎禮奪得「最佳喜劇演員獎」，有粉絲為他送上香檳，他笑言會請《誇》劇組食飯，當講到想不想於無綫的頒獎禮再下一城，Bobby認為無綫都應該增設「喜劇演員獎」，並說：「如果唔係，啲獎畀晒偶像派，喜劇演員就冇獎攞，增設咗咁就年紀大啲嘅人都可以拎！」不過如果真有其獎，Bobby表示並不會投票畀自己，而會投畀許紹雄呀！

(都市日報)

【怪病康復中】和爸爸修補關係回港重新生活

2017-12-04

歌手藍奕邦早前就受怪病困擾，仲表示自己患上顳顎關節症候群（TMJ），所以當時佢就去咗多倫多休養咗一段時間，暫停歌唱事業嘅發展，雖然患病過程艱辛，不過佢依然樂觀面對病魔，早前佢仲講過會再戰樂壇，令唔少樂迷都非常期待！

今日藍奕邦就喺社交網發咗長文細訴當時患上情緒病嘅經歷和感受，仲話今年初搵到治療方向，已逐漸康復：「我扭轉了我治療方向，繼而找到我真正需要的協助，著（着）手處理多年來沒有真正處理過我焦慮、團積的壓力與創傷後遺，終於，我從困了三年的死胡同內慢慢走出來，真的開始康復起來了。」仲話過往幾年尋遍過唔少醫生：「幾乎什（甚）麼檢查都做過，當中雖然遇過好幾個很熱心幫忙的醫生，仍然無法解決身體上的各樣問題，當中包括去年治療顳顎關節症候群（TMJ）的牙套療程。」

佢又再分享當時被診治為TMJ時嘅經過：「去年年中被診斷患上TMJ之後，牙套戴了不夠半年其實紓緩已經樽頸，身體其他地方如膝蓋、手腳亦開始痛起來，焦慮也惡化起來，驚恐症發作 (panic attack)亦愈來愈頻密。」仲同大家講情緒病最可怕嘅地方係唔單止影響情緒，仲會為身體帶來無窮無盡真實的症狀：「由15年到16年看了整整一年，亦吃了一年不同種類的精神科藥物，高峰時期一日八粒藥，身體的毛病仍沒有什（甚）麼改善，只是麻木到人不會對自己的不適作出反應，把自己原本已抑壓要釋放的情緒再更抑壓。」

最後佢話經過大半年努力，令情況大有又改善：「我已經將我的創傷後遺差不多完全療癒（愈）了，身體的各樣痛症毛病好了一大半，焦慮減輕了，驚恐症發作亦完全停止了。」而且佢仲話呢段期間同爸爸亦重新修補關係，更可以回港慢慢重新投入正常生活，所以佢希望佢嘅分享可以令到更多人認識同體諒呢啲病患者。

藍奕邦

發長文訴心聲，也直此鼓勵還未找到出路的人

期間與爸爸藍兆文重新修補關係

藍奕邦曾與爸爸觀賞陳奕迅演唱會

(ON.CC)

【去完韓國唔同晒】范冰冰細佬被指顏值大進化

2017-12-04

范冰冰弟弟范丞丞和她一樣擁有高顏值，還有1米9身高。日前才被爆赴南韓當練習生，現又有消息指出他已回國，將參加選秀節目密謀出道，而有網友曝光幾張他在機場的照片，外型更帥氣，已經具備偶像的特質。

范丞丞日前被陸媒爆到韓國接受練習生訓練，因為是秘密集訓，所以他對外極為保密，也沒說出自己是范冰冰的弟弟，近日他被網友曝光已悄悄返回國內準備參加選秀節目《偶像練習生》，雖然消息還未證實，但已受到高度關注。

而有網友PO出他在機場照片，雖然帶著口罩，依舊難掩帥氣臉龐，外表看起來就像韓流偶像，單眼皮小眼睛，又有模特兒身材，頗有明星架式，還有人找到他沒戴口罩的模樣，表示「蠻像朴寶劍」，網友看到後都大讚他「帥慘了」，顏值比以前又更進化了。

（中時）

【FB自揭曾遭性侵犯】前大狀林作：雕琢而成嘅商業文案

2017-12-04

麥明詩今晚在FB自揭曾遭性侵犯，稱「我亦都唔例外，仲要係唔止一次添；有啲係我阻止唔到；有啲係之後諗番，如果我醒覺啲我可能可以阻止到… 受害者能夠鼓起勇氣面對呢件事，知道錯唔係自己，呢個係第一步。但係之後呢？」hashtag#metoo。

而陶傑日前在fb出post，亦hashtag#metoo，稱「我在幼稚園低班時，曾經俾一個女教師摸過塊面，我現在回想，雖年代久遠，我也無辜一度淪為性侵犯性欺凌之低端人口之一。」質疑「欄后」呂麗瑤在網絡上公開十多年前遭性侵一事，「感謝Facebook新世代，只須單方面貼張Selfie，就可以令好多人變成『維恩斯坦』，或者Kevin Spacey。荷李活處處色魔，香港體育界又咁淫賤，咁學界有冇教獸？宗教界有冇牧屍？香港影視娛樂圏，唔通又只係一個人人追求戲劇藝術進修的清淨天堂？」

陶傑接受周刊電話訪問時直指：「佢『覺得』係佢自由，我尊重佢『得』，我絕對冇comment，你自己睇啦。有人『覺得』重點喺最後，有人『覺得』第二段，有人『覺得』重點係張相，呢個世界立場自由、言論自由，『覺得』亦係自由，唔好將呢啲『覺得』去侵犯人嘅清白、人權就得喇。呢個係重點，我覺得。」

當年陶傑全力支持出選區議會選舉的林作，昨晚亦在fb出post，對陶傑指「見到荷李活女明星個個玩得咁型，崇洋的我，又豈能不追上西方先進國家潮流呢？」頗有感受，他稱「欄后」呂麗瑤的fb自白，「確實有種『美國嗰邊時髦做呢樣，等我喺香港又嚟先』嘅感覺。」

又稱：「一句講晒，佢篇嘢成篇係雕琢而成嘅商業文案，你幾時有泡眼淚蘊藏住，幾時要你滴都計到呀。」他補充謂：「我當然相信佢唔會貿然講大話，都冇謂，10幾年前可以仲有咩證據？假如當年佢仲係無知同驚到咁。」

林作又指疑似涉案教練「其實佢未定罪喎，案件甚至連司法程序都未進入，已經俾石頭掟死啦，使乜判？定真係覺得網民定生死就可以？無辜嘅就俾你哋屈一世變態0架喇喎。」林作舉例稱：「當年我跟師見過師傅清洪為一被控性侵犯教師辯護，到今日我都相信被告係清白，佢卻被判入獄，呢世難翻身。」但他補充稱，「如事件屬實當然係不幸，而犯案者固然要處罰。but now，i cannot see this case is coming even close to this.」又加一句：「等下一個運動界kol出現接job算啦！」

林作全文：「How many more #metoo ‘s are coming？經過幾日觀察，同情還同情，我有以下感想。
Ok. 承認受性侵係需要勇氣，肯出嚟講係好有決心嘅一件事。但，真係有啲唔妥：

1.三個星期前講俾學校知，然後學校辭退Y教練。本身已可進入法律程序，何止學校內部查呢？
2.講咗，然後呢？蘊釀三星期，對網民告解？你信網民多過你自己以致警方甚至法律？
3.篇稿，的確好多人睇到好感動好身同感受，但其實睇到嘅係一段充滿舖排，挑起你對弱者保護情緒嘅文章。
4.話我現實啦，得到支持後，真係做乜都得。出書啦講talk啦做顧問啦，繼續做運動員培養新人，開個免受性侵page基本，呢個世界只需要集網民之氣就做明星架喇
5.個男人呢？其實佢未定罪喎，案件甚至連司法程序都未進入，已經俾石頭掟死啦，使乜判？定真係覺得網民定生死就可以？無辜嘅就俾你哋屈一世變態0架喇喎。當年我跟師見過師傅清洪為一被控性侵犯教師辯護，到今日我都相信被告係清白，佢卻被判入獄，呢世難翻身。
6.個女呢？我當然相信佢唔會貿然講大話，都冇謂，10幾年前可以仲有咩證據？假如當年佢仲係無知同驚到咁。
7.世界係唔公平嘅，如果佢冇咁嘅運動成績，又冇美國嗰個更出眾嘅行出嚟講句由victim 變survivor，你估佢出唔出嚟呀嗱？
8.香港而家最興一窩蜂人云亦云0架啦，擺明搵位泊，泊呢個穩陣嘛。23歲女前途光明，體育成績優秀，未報警都全世界企佢嗰邊啦。
一句講晒，佢篇野成篇係雕琢而成嘅商業文案，你幾時有泡眼淚蘊藏住，幾時要你滴都計到呀。
如事件屬實當然係不幸，而犯案者固然要處罰。but now，i cannot see this case is coming even close to this.
等下一個運動界kol出現接job算啦
確實有種『美國嗰邊時髦做呢樣，等我喺香港又嚟先』嘅感覺。」

(東方日報)

【張國榮原來係月老】哥哥當年撮合翁靜晶劉家良(有片)!

2017-12-04

翁靜晶與劉家良，兩人於1984年結婚，原來紅線一早就連繫兩人。

翁靜晶與劉家良的圖片搜尋結果兩人最初相遇，要數到劉家良43歲時，喺酒店門外邂逅當時只有14歲嘅翁靜晶，兩年後佢哋喺邵氏化妝間重逢翁靜晶話：「其實我哋一見鍾情咗好耐喇，係張國榮(Leslie)令大家拉近咗。當年我同Leslie拍《楊過與小龍女》，嗰時佢未紅好多人蝦佢，又冇錢『萬歲』(所謂萬歲則請全片場同工食野飲野)