早前鄭希怡（Yumiko）孖2歲半愛女梁浸浸（梁子柔）參與內地真人騷節目《不可思議的媽媽》，播出的片段中梁浸浸非常依賴媽媽，經常要媽媽抱，做任務時Yumiko要出動朱古力及糖果，梁浸浸才能完成任務，又哭着要回家，搞到Yumiko都崩潰喊埋一份，後來Yumiko覺得浸浸係因為缺乏安全感，所以先會成日黐住媽媽。
Yumiko搵到原因後，就決定想辦法令女兒有安全感，佢最近就帶咗梁浸浸去台北旅行，佢今日喺社交網上載同梁浸浸一齊游水嘅相，然後寫道：「陪伴就是培養安全感最好的方法。」
Yumiko今次坐言起行，真係值得鼓勵！
另外Yumiko都有上載梁浸浸去台北動物園嘅相，見浸浸睇動物睇得非常開心，仲話要拎番屋企養添。
(on.cc東網)
藝人黎諾懿同太太李潔瑩育有一個可愛指數爆燈嘅囝囝「小春雞」，黎諾懿不時都會喺社交網站上載小春雞嘅可愛片段，唔少網友都話小春雞愈大愈似爸爸！
而呢日，黎諾懿就上載咗兩段同小春雞一齊玩嘅影片，見佢抱起咗囝囝，當正佢係玩具咁轉，不過人仔細細嘅小春雞似乎都好enjoy同爸爸玩，而且仲笑得好大聲添！黎諾懿留言話：「神之摩天輪#小春雞」
而另一條片，就見到黎諾懿不停咁錫囝囝，小春雞又係笑到見牙唔見眼，睇見都覺得好溫馨！
黎諾懿亦留言：「傳說中的魔音又來也」一班網民都大讚小春雞愈大愈靚仔，亦有人笑言小春雞嘅魔音好上腦。
(on.cc東網)
45歲的單親媽媽吳綺莉（Elaine）獨力撫養快將18歲的女兒卓林，可今年年初因交友問題發生爭執，其後卓林入院留醫兩個多月，期間Elaine在記者會中壓力爆煲聲淚俱下求女兒回家，最後Elaine守得雲開，卓林重投母親懷抱。
但事件未告一段落，母女關係早前卻起變化，原來卓林早己厭倦學校生活，最後更輟學離家，更與外籍網紅人Andi同居，先後被發現二人於灣仔、珀麗灣及銅鑼灣一帶出現，二人更親密攬抱，旁若無人。雖然Elaine亦曾表示不會反對女兒交同性密友，亦明白快將成人的女兒不能過於管束，只好放手。
不過，母女親情始終血濃於水，所謂每逢佳節倍思親，更何況本周三10月4號便是人月團圓的中秋佳節，令到思女成狂的Elaine連日來都見她甫文抒發孤獨過節之心情。中秋節乃一家人吃月餅團聚賞月時候，可惜單親媽媽Elaine在今個中秋卻沒有這份福氣，皆因女兒卓林早前因輟學離家，卓林閒時只給個電話報平安，或有需求才會見面，早於Elaine上月生日亦未見現身為母慶生，莫講時值中秋團圓佳節，同樣冇影，冇得人月團圓，難怪落寞的母親日前甫文稱獨食11個月餅，相信籍此解思念之苦！
要知道月餅成份高卡、高糖、高膽固醇，一個傳統月餅等同三碗半的白飯，Elaine為解思念之苦而獨食11個月餅，對她這副精神受壓力的身體而言，相當不健康，見Elaine近上載月餅圖片，亦稱自己任性，她說︰「還沒到中秋，食了第十一個月餅，有點過份（分），還是改不了自己的任性，算了吧，只是傷害自己的身體，沒有傷害别人，過了中秋小（少）吃甜，除了不能傷害別人，也要努力學習不要傷害自己身體，不要太任性，感謝天父。」
其後又再上載卓林的兒時照片，並留言︰「不能怪妳（你），因為我比妳（你）還任性，一起努力學習，感謝天父感恩每一天。」明顯對女兒的思念每日增添但又未能團圓之無奈！
而曾經跟Elaine合作拍無綫劇《非常保鑣》的馬浚偉，更在Elaine的甫文上留言鼓勵，而不少網民亦戥這位單親媽媽獨守空房慘情。
馬浚偉接受訪問，他表示與Elaine同屬教友，明白天下父母的心情，但得知她食11個月餅亦擔心對方很傷身：「食十幾個月餅，好傷害自己㗎！希望佢要好好保重自己身體！祝福佢！（與卓林識嗎？）我同Elaine就識，但唔識佢囡囡，不過我都祝福佢兩母女日後可以培養番好嘅感情，只要願意溝通，始終一家人，血濃於水，做女或做媽媽，只要願意打開心窗，乜嘢都可以解決，寄語佢哋，珍惜活着這份血緣。」
(on.cc東網)
臨迎中秋佳節，藝人李泳漢日前特地與母親施明及太太Conny，帶同約一歲半的兒子Alfie，三代同堂往揀選燈籠及應節食品慶祝。
當日一家人入到店舖後，精靈的Alfie表現興奮，坐於購物車的他如到超市般，伸手掃了各款大大小小的燈籠落購物車。
當泳漢拿着大白兔燈籠給兒子時，Alfie即頭擰擰拒絕，揀了另一隻豬仔燈籠。
泳漢即笑言：「個仔好有主見，上年仲幫佢揀，今年已經自己揸主意，其實過往我都唔太重視中秋，不過為人父後感覺就唔同，依家點忙都安排時間同個仔去玩下燈籠，更加有一家人團聚嘅感覺。」
他更透露Alfie是個大食BB，每次面對美食時也笑嘻嘻，樣子可愛。
因而有人邀兒子拍廣告，也是童星出身的泳漢對兒子加入娛樂圈表示沒所謂，最緊要囝囝開心。
（on.cc 東網）
楊怡同羅仲謙呢對姊弟戀，拍拖5年終於喺舊年修成正果，喺英國古堡結婚。
不過婚後兩公婆努力搵錢，唔好話造人，見過面都難，卒之搞到老婆楊怡扭計，早排喺微博大呻老公唔再浪漫。
老婆詐型，謙謙即刻識做喺微博貼夫妻合照，仲留言：「當傻瓜遇上天使！」
要o氹老婆大人，貼張相梗係未夠，其實謙謙一早有安排，噚日楊怡就喺微博貼咗條短片，片中佢風騷話飛機就起飛，到咗目的地先開估話俾大家知，自己去咗邊，臨尾仲附加佻皮單眼嘟埋嘴，又hashtag「amazing day」同「amazing trip」。
啱啱楊怡就喺IG中開估，原來佢同謙謙去咗波蘭旅行，除咗兩公婆，仲有單拖嘅袁偉豪、郭晉安同周麗淇。
不過一心想喺IG開live嘅楊怡佢哋，就不停喺片中，大嗌自己唔識開live，成班人雞手鴨腳手忙腳亂嘈喧巴閉(但明明開緊live㗎其實)，楊怡又晒命話自己老公謙謙其實都好想開㗎，但IG只係follow佢一個，唔知開嚟仲乜，不過因為謙謙唔知整咗咩setting，所以開唔到咁囉！
原來今日同時係佢哋結婚一周年！
結婚一年點慶祝？楊怡今日就喺社交網上載咗張同謙謙Sweet到爆嘅合照，相中兩人深情對望，謙謙一隻強而有力嘅臂彎攬實楊怡，真係好閃呀！阿怡留言：「Our first wedding anniversary️.Thanks for being in my life.」（我哋第一年結婚周年，感激你喺我生命裏出現。）而謙謙都好識做，冧爆咁話：「一年後的今日️，老婆！多謝你！愛你！願你一世平安快樂！」網民都祝佢哋一周年快樂要永遠幸福快樂下去咁話！
(蘋果日報 / on.cc)
10.1除咗係國慶日，原來呢日對圈中唔少藝人夫婦嚟講，同樣有特別意義。
好似今年51歲嘅溫碧霞(Irene)，17年前嘅今日，就同富商何祖光喺布吉結婚。雖然今年7月二人被爆分居四個月兼婚姻亮紅燈，不過有指何祖光專誠飛美國箍煲，令佢哋嘅婚姻化危為機。
Irene昨日就喺微博貼出同何祖光當日嘅婚照，留言話：「這天是我人生中最難忘快樂的一天，有你的倍伴是最幸福的。我相信我們可以天長地久到永遠，love u always。」
Sweet到爆！
(蘋果日報)
劉美君（Prudence）因綵排紅館個唱而受傷，在社交網上載雙腳紮滿繃帶的受傷相。原來除身體受傷外，她更受情創，首度承認跟拍拖8年的混血兒男友Steve分手。
早前她與相戀8年、已達談婚論嫁的混血兒男友Steve低調分手，不過她不欲影響個唱，加上不想外界將焦點放在感情事上，故每當受訪被問及男友時，她只輕輕帶過。
經歷兩段婚姻的Prudence，其實早在月前在社交網透露心聲，於9月中曾指「nice to be single and available again」、「享受獨身生活中」、「兩個人要掙扎來維持，倒不如分開，勉強無幸福」。
Prudence接受訪問首度自爆已分手。
「既然大家都問起佢，不如我講出嚟，我哋分咗手，雖然我哋相處咗8年，我發現大家喺人生價值觀唔同，相處期間都有拗撬，咁不如分開，俗語嗰句係『因為了解而分開』，之前唔想講係唔想人哋以為我宣傳。」
Prudence又叫大家不用擔心其傷勢：「因為有一Part係好似畀人圍剿咁，有啲拉扯，我又着高踭鞋，加上有啲舊患，所以我去睇跌打去瘀，唔想對腳又黑又瘀咁，綵排時間都好長，排4個鐘至8個鐘不等。」
(on.cc 東網)
文恩澄執導網絡電影喺太子搞煞科宴，參演嘅演員Dear Jane嘅Tim、張惠雅(Regen)、董敏莉等。
Tim就喺戲入面做典型好男人，笑言做番自己。
問到佢習慣湊BB未，佢就話：「仲係習慣中，聽大家講，BB就好易湊，淨係食同瞓，又唔會扭計。」
Tim就話唔使捱眼瞓湊BB：「唔瞓得好長，佢要食奶，中間都要起身一次湊吓。」
佢仲讚老婆好好會爭住湊B，換片爭住做。
呢家中文名未決定，Tim爸爸就諗咗三個中文名畀佢揀，但佢話自己三心兩意緊。
問到會唔會搞百日宴，佢表示：「有提過，未計劃，啱啱100日係平安夜，如果搞就派對都好有意思。」
(Apple Daily)
今年4月榮升人母嘅吳若希（Jinny），不時喺社交平台晒B女淼淼（Giselle）啲相片。
今日Jinny又晒B。
先有佢攬住現時已經5個月大嘅Giselle瞓覺豬嘅相，母愛滿瀉。
Jinny轉頭就嚟一段近距離拍Giselle手仔同腳趾嘅短片。
不過片中最好睇，其實係Giselle嗰兩隻可媲美「米芝蓮」嘅肥美髀仔，好想咬一啖。
（Apple Daily）
黎姿（馬黎珈而）今日（10月1日）46歲生日，公司同事為她送上驚喜，預備生日蛋糕慶祝，當黎姿見到同事的心思，即開心得掩咀笑，同事們亦大唱生日歌。
黎姿隨即在微博分享生日的喜悅。
「今年生日收到了一份驚喜。同事們預備了蛋糕，唱著生日歌為我預祝生日，開心又感動。謝謝你們一直這麼愛錫我，感恩有你們一直在工作上同行，這是我的福氣，謝謝你們。」
她亦大讚眾人跟她心有靈犀，送上的蛋糕跟身上的衫很襯色。
黎姿公司同事亦表示：「最靚CEO生日，點少得一班窩心同事送上滿滿祝福和驚喜，祝願老闆繼續日日開心美麗、幸福滿滿！Happy Birthday！」
(明報即時娛樂)
