16.7 C
Hong Kong
星期一, 十二月 29, 2025
Home Blog Page 2301

【咀嘴相瘋傳】羅天宇開生日P情不自禁:實在太正

前日是羅天宇30歲生日,人緣甚廣的他獲多名圈中好友開P慶祝,包括陳瀅、劉佩玥、何廣沛、袁偉豪的新歡張寶兒及舊愛岑杏賢同場等,女友靚湯當然有份,並在其香閨替男友大搞派對,慶祝踏入三字頭的大日子。事後羅天宇不避嫌於社交網晒大合照,並留言:「You guys are awesome! Thanks for coming.(你哋呢班人實在太正,多謝晒。)」相中靚湯恍如女主人般,企正羅天宇身旁甜蜜合照之餘,更見靚湯妹妹Cass亦一同現身,足證兩家人關係融洽。眾人玩到興起之際,靚湯更不禁送上深情一吻,與捧着蛋糕的羅天宇肉緊咀嘴,相當Sweet!冧爆一幕不但被拍下,更在網上流傳,相信二人「了解」得非常深入!

羅天宇昨日接受電話訪問時,被問到兩人錫錫,他甜絲絲地說:「其實我哋都了解咗一段時間,我生日喺佢屋企搞,又有好多朋友嚟。好多報道成日寫我哋,所以啲人喺度起哄話:『錫佢!錫佢!』所以最後佢畀咗個Birthday Kiss我!咁係開心嘅!」

(東方日報)

【賭城慘劇】古巨基驚爆身在現場

美國「獨狼」槍手向拉斯維加斯露天音樂節亂槍掃射,死者增至59人,另有527人受傷,是美國歷來最嚴重槍擊案。本港歌手古巨基今早在商台講述自己與太太及兩名友人在拉斯維加斯的經歷,當時他們正走路欲回酒店,其間遇到大批遊人衝入酒店,情況混亂,他們當時未清楚是否自己身處的酒店出事,故4人一度躲在賭場的賭桌下,自己「攬住」太太,心情緊張。

古巨基日前完成三藩市演出,昨午抵達拉斯維加斯原想度假數天,到埗時市面正常,至晚上他們欲返回酒店時,另一邊廂卻發生嚴重槍擊案。古巨基4人入住的酒店正是與槍手位置相隔兩間酒店之近。

槍擊案發生後,大批遊人湧入附近酒店避難,當時古巨基4人未知情況亦一度躲在賭場的賭桌下,但心感不安,又擔心手機無電,其後4人再走到酒店後樓梯,現場有外國人及韓國家庭,及後入住該酒店的韓國家庭准許他們到其入住的樓層稍息,古巨基一行人只能在該樓層的走廊靜待及不斷留意新聞發展,以及向家人及友人報平安。其間,他們亦遇到好心住客開門問其需要,借出被鋪及手機充電器等,古巨基最後透過著名經理人陳淑芬在當地的友人協助,幾經波折才返回自己入住的酒店。他形容當地消息不斷,當中不少是流言,包括指酒店有炸彈、槍手正前往某處等等。

古巨基描述經歷時雖然語調平和,但他接受主持人陳志雲訪問時不時稱自己當時很緊張。古稱當地今晚的表演全部取消,機場昨晚亦一度封鎖,相信航班很混亂,未知能否提早回港。

(原文:明報)

【幾忙都要拍拍拖~】陳豪陳茵媺十指緊扣巧遇…

最近忙於為無綫新劇《使徒行者2》宣傳的陳豪及周柏豪,日前難得不用工作,兩位人夫不約而同抽空慰妻!

陳豪與太太陳茵媺(Aimee)就賣甩三個仔女,拍拖睇戲享受二人世界,原本戴住口罩的陳豪,甫見記者拍照,即除低口罩與太太十指緊扣合照,Aimee甜絲絲望向老公說:「我哋趁囝囝休息瞓咗覺,就出嚟過吓二人世界。」期間兩公婆還巧遇胡定欣,定欣主動上前跟二人打招呼,並大方給記者拍照。

至於周柏豪日前晚上則同老婆Stephanie及一名女友人於上環晚膳,至晚上11時,柏豪醫肚後與老婆步往取車,即使有電燈膽女友人在場,亦無損兩夫妻拍拖興致,沿途邊行邊談情,極為Sweet!

【從來不會虧欠誰】陳自瑤回應王浩信?

王浩信被爆同老婆陳自瑤(Yoyo)關係亮紅燈,雖然佢已經回應話同老婆冇分居,但大家仲好關心佢,提到點解手上冇戴婚戒,佢話:「因為工作,所以好少戴,我怕唔見,唔會因爲依家有啲唔啱嘅嘢而去改變自己嘅方式,有啲嘢係在於心。」

至於陳自瑤就喺微博貼獨自去咗坐船嘅相,留言話:「你若想得到這世界最好的東西,先得讓世界看到最好的你。生活從來不會虧欠誰,它給你一塊陰影,必會在不遠處撒下陽光。」

(原文:SINA)

【今日好多好消息…】恭喜晒JC安志杰﹗

影星安志杰與名模Jessica C.(JC)早年愛得癡纏,拍拖未夠一年,Jessica即宣布懷孕,去年誕下一女Tessa。轉眼間Tessa已經一歲多喇!Jessica產後要兼顧幕前又要湊女,早前安志杰腳傷,Jessica亦忙於照料,令安志杰非常感動。

囡囡擔任花女

對於未婚妻為了愛情甘做未婚媽媽,安志杰認為對她有所虧欠,故一早已計劃送Jessica一個浪漫甜蜜婚禮。最近他們終落實了婚期,定於10月15日在夏威夷舉行婚禮,兩人更已出發到當地打點兼順道探親。到時Tessa會擔任小花女一角,而婚禮只邀請家人及至親好友出席,其中Jessica的閨蜜Ana R.與老公會帶同女兒Maya一同出席。

伍允龍度期出席

至於安志杰的好友藝人伍允龍亦答應出席婚禮,對於好兄弟結婚,他興奮地説:「依家忙緊拍無綫劇《兄弟》,但無論如何都會向劇組度期出席佢哋婚禮。(送咩禮物?)未諗到,總之到時會交人。」

(東方日報)

【恭喜晒】6.3磅「小麵粉」出咗世啦﹗

  42歲嘅鄺文珣宣布生咗喇!之前佢已經生兩個公子,今次再生埋小公主,真係可喜可賀喇!

佢喺IG晒B女嘅腳仔相,仲宣布B女「小麵粉」嘅英文叫Chesney,佢用英文留言:「Announcing an overwhelming yet tiny delivery. Our little miracle is here!! Little Chesney joined our family weighing 6.36 pounds. Thanks everyone for walking with us all these time, and watched my belly grow. We would like to invite you all to continue with love and support to join us in watching little Chesney grow!!(公布好消息,Little Chesney 出世喇,重6.36磅,多謝陪伴我哋走個呢段日子嘅人,睇住我個肚慢慢咁大!我希望大家繼續以愛同埋支持見證BB嘅成長!)」網友都紛紛留言送上祝福!

(蘋果日報)

【一隻手抱起一個】奶爸吳尊對子女超寵愛!

國慶小長假,有些明星放下工作外出旅行,有些明星外出感受國慶的氛圍。吳尊則帶著兒女去到商場湊熱鬧,還在個人帳號哂出一張圖。

有網友偶遇吳尊,當時一家人在一家餐廳就餐,爆料者稱正好帶著女兒在這家餐廳吃飯,於是就拍下了照片。

從照片上看,吳尊和女兒NeiNei和兒子Max都在,旁邊還有一位穿牛仔褂的女子。

吳尊是個寵娃狂魔,怕Max吃不好,一直忙著照顧,這才是名副其實的奶爸!

隨後吳尊帶著兩個娃去到一家玩具店。

(騰訊娛樂)

 

【喜迎50歲生日】鄭伊健重現30年前「學生王子Look」

鄭伊健於10月4日生日就入「五」踏入50歲,日前他先與300名粉絲大搞卡通制服誘惑派對。

伊健重現他30年前拍「陽光檸檬茶」廣告,一身純情學生王子帥爆出場,孖住老友陳光榮齊齊穿上校服,來一場校園回憶音樂會。

當獻唱《爸爸的汽水》時還一度感觸哽咽眼濕濕,在場歌迷即全場大合唱,場面感動。

好友草蜢更送上蛋糕,給伊健一個驚喜。

伊健挑選在今年入行30年的大喜日子,與300位來自各地的粉絲聚會。

最後神秘嘉賓草蜢推出蛋糕唱生日歌給他驚喜,蔡一智笑說歡迎壽星入五,預祝他有一個難忘的「廿五對」,他們又齊齊唱一曲《友情歲月》。

至於生日願望,伊健說:「生日願望是將開心帶給大家,希望一個傳一個,好簡單。」

(on.cc 東網)

 

【現實寫照】趙頌茹拍新劇 飾演單親媽媽

趙頌茹(阿Yu)與王寶葆到大埔超級城出席中秋活動。

趙頌茹表示大女於中秋節出生,因此每年都是蛋糕與月餅同時切:「細囡都幾乎喺中秋節出世,我就叫佢唔好,唔係同家姐同一日就好蝕,分開過會唔同啲,結果細女就遲咗三日。其實咁樣過節都開心,對小朋友而言多啲難忘事。」

問到今年點樣慶祝,阿Yu表示:「自己都唔主張送禮物,因為屋企都冇地方擺,通常都帶佢哋出去行吓睇吓,如果佢哋講過想睇卡通片,就嗰日同佢哋出去睇。」

趙頌茹表示最近將忙拍劇,直言想有新突破:「又接咗套新劇,角色對我嚟講都幾老土,死咗老公嘅單親媽媽。」

問到點投入角色,阿Yu就話:「咪當個老公死咗囉!作為演員都會盡力咁去做,死老公都有好多不同演繹方法,老公真的死了,就很容易喊出來。(想有感情戲?)小鮮肉都好呀!自己其實鍾意成熟啲嘅類型,依家唔鍾意姊弟戀㗎喇!」

(on.cc 東網、明報即時娛樂)

【有兩段片睇添!】「最強粉絲」小周周跳舞 揮螢光棒支持爸爸

周杰倫(周董)一連四日喺台北舉行《地表最強》演唱會。

噚晚終於嚟到尾場,而佢嘅老婆昆凌亦帶埋2歲幾囡囡「小周周」(Hathaway)撐爸爸場。

昆凌喺Instagram上載咗兩條片,第一條片嘅小周周攞住燈牌仔睇住爸爸唱歌,又不斷郁動燈牌!

而另一條片嘅小周周非常之High,聽到爸爸首《陽光宅男》時舉高雙手揮螢光棒,左右搖擺手舞足蹈,非常之興奮!

雖然只係見到小周周背面,但網民都留言話小周周長大了,仲大讚好可愛,又搞笑話:「羨慕Hathaway可以天天讓杰倫開唱不用搶演唱會門票!」

(on.cc 東網)