賴慰玲的BB快將出世，身邊好姊妹亦替她緊張！
新婚的陳嘉寶（Anjaylia）自認做契媽：「我成日摸佢個肚叫BB要乖、要聽話，仲話契媽錫晒你，咁佢哋冇反對，我就當咗係！」
問到賴慰玲做咗媽媽之後點，Anjaylia就表示：「佢好多時都好敏感同緊張，驚自己唔夠瞓，又驚咁樣做有冇影響BB，咁我相信第一次懷孕嘅媽媽有咁嘅反應好正常！佢個人好樂觀，所以都冇咩嘢嘅。」
Winki的BB快將出世，一早自認要做契媽的好姊妹陳嘉寶（Anjaylia），於社交網上大讚Winki這輯大肚寫真靚之餘，仲「口快快」加咗句「乖契仔」。
唔少網民都推斷Winki佗嘅就係B仔。
(on.cc 東網)
賴慰玲即將生B榮升媽咪，預產期在本月初的她目前已全面停工待產。
她日前在女性攝影師好友操刀下拍攝大肚寫真，以靚相為十月孕期寫下尾聲。
賴慰玲笑言對好友信心十足，在對方指示下剝完一件又一件，最後僅剩下黑色喱士內衣，凸顯整個腹部的曲線美！
雖然自爆有更大膽的相片，但她只留給自己欣賞。
賴慰玲更表示BB還生日時首次向她「打招呼」，成為孕期中最難忘：「第一次胎動喺我生日出現，佢郁咗一下時我都仲懷疑緊，然後再等多陣真係郁喎！後來仲郁到個肚三尖八角咁，好搞笑！」
(on.cc 東網)
嫌虐待友人交託的4歲「大孖」女兒、昨日被捕的36歲及41歲女子，今日已被暫控以合共一項傷人罪，後天星期一（12月4日）九龍城裁判法院提堂。至於被虐女童則仍然情况危殆，在廣華醫院深切治療部留醫。
警方西九龍總區重案組高級督察鄔凱寧日前簡述調查的一宗虐兒案最新進展。鄔指昨日接獲一自稱家庭主婦報案，自言因「唔得閒」，將其4歲女兒交予自己兩名女性友人照顧約兩星期後，當昨日早上接回女兒時，發現女兒半昏迷，身體有多處受傷。
該主婦隨即帶女兒送廣華醫院治理，初步發現頭、手腳及身體都有多處可疑傷痕，遵醫生建議報警。警方初步調查後，暫列「意圖造成身體嚴重傷害」，交西九龍總區重案組第五隊跟進。到昨日下午警方在砵蘭街一賓館內，拘捕兩名分別36歲及41歲女子，通宵扣查。
據了解，報案人跟兩名女子是在獄中認識，當日原本是將一對孖女交予對方照顧，後因兩名女子表示「湊唔掂」，故報案人2日後接回細孖，留大孖予兩人繼續照顧，此後一直未再見過大孖。到今晨報案人接回大孖時發現事件，質問時對方只稱傷勢是大孖「撞邪、周圍撞」造成，與自己無關。
（明報）
吳尊帶著一雙兒女neinei和Max參加親子真人秀節目《爸爸去哪兒5》，一家人人氣暴漲。近日，有網友在吳尊微博下面留言，說他靠孩子搏版面，引來網友們的罵戰。而吳尊回應說「吵架和不開心是這個世界上最不值得的事」，如此溫柔的回應被網友讚爆！
吳尊po文為某個節目做宣傳，豈料有人在評論區引起罵戰，狠酸他唱歌技巧、演技都很差，只是靠著自己的孩子走紅、上頭條，還曬出一張網路上流傳他老婆的正面照，與英國媒體大亨梅鐸前妻鄧文迪的對比照，攻擊說「其實說你老婆怕觀眾認出太像鄧文迪，所以撒謊自己感冒戴口罩上節目，被網友噴沒自信這個看點能大一些。」
From:微博/吳尊
From:微博/吳尊
From:微博/吳尊
網友這樣酸吳尊就不對了，早期吳尊還是有相當多優秀的作品的，包括《公主小妹》、《籃球火》等等，還和飛輪海成員一起出唱片，絕對稱得上是「優質偶像」！如今，吳尊帶孩子上節目，讓大家認識乖巧懂事的neinei和Max，兩個孩子都有良好的家教，當爸爸的吳尊也是功不可沒啊！
（SINA）
謝安琪今年3月為老公張繼聰誕下囡囡張靖（Karina）後，一直專心湊女，早前有指她加盟麥浚龍公司，為復出做準備。她早前已率先拍攝護膚品牌廣告，穿著白色露膊衫，下巴尖尖、身形纖瘦，已成功收身，狀態大勇。她形容今次復出拍廣告心情緊張又興奮，雖然她之前暫時放下工作，但她從未放下音樂。謝安琪有感家庭對她最重要，亦是她的動力來源，她說﹕「我覺得每個人都可以選擇自己想走的路、想過的人生。」她在社交網站轉發廣告片段，寫着﹕「復出後參與的第一個工作，對我來說意義重大。」粉絲都留言支持，期待她的新歌及演出。
(明報)
85歲胡楓同83歲嘅羅蘭今日穿起婚紗、禮服，喺海洋公園為「愛.永恆」活動擔任大使，見證在場百對長者伉儷再次宣誓，慶祝細水長流嘅愛情，場面感人，謝寧同鄭明明都有出席。
百對長者伉儷一齊穿上婚紗禮服宣誓，慶祝細水長流嘅愛情。
向來風趣幽默嘅修哥甫見記者就笑笑口話﹕「今次係工作，唔好誤會。」羅蘭姐今次打扮得好貴氣，儼如英女皇，修哥仲喺台上獻唱契仔張學友嘅《愛是永恆》。
羅蘭姐喺台上感觸咁話:「今日我真係見到愛是永恆，見到修哥，由佢開始拍拖到結婚我都知，到最後一刻仍喺醫院陪住佢太太。」去年失去老伴嘅修哥忍唔住掩嘴眼濕濕。修哥與太太呂詠荷喺1957年結婚，相愛逾半個世紀，修哥表示自己係地下情始祖，拍拖數年後結婚，但都冇大事宣告。
修哥話﹕「當年冇影婚紗相，要後補影番，老闆(公司)叮囑唔好張揚，所以連睇戲都要分開入場。」明年2月，修哥將會喺紅館再度舉行演唱會，門票反應熱烈，問會唔會加開至10場？佢笑話:「你估我係張學友，唱百幾場都得咩。」
羅蘭姐讚修哥專一情深，一提太太，修哥忍唔住掩嘴眼濕濕。
太太離世一年，修哥每次提起，腦海都有無盡嘅回憶。
(蘋果日報)
郭羨妮、吳浣儀、麥子樂、陳逸寧等今日喺邵逸夫創意媒體中心出席「獅子山下2017」優先放映會，郭羨妮指花咗兩日拍攝其中一個單元，其中一日更拍咗18個鐘。
好捱得喎！郭羨妮就話：「以前喺無綫開工，試過3日3夜冇瞓，未死得，不過以前後生嘛！」佢話下月23日及24日登台，之後就同家人去日本過聖誕節，趁機「造人」？佢話：「好驚，又講呢啲，其實我急㗎，有得生，仔女都冇所謂。」吳浣儀透露經常冇記性，曾經試過3次煲湯唔記得熄火，開門又唔記得拎鎖匙，有人提議佢要睇醫生，佢話：「係可以，因為都危險，o依家好神經質，成日睇下有冇開火。」麥子樂表示兒時睇《人在邊緣》，入行後一直已經好想同吳浣儀合作，如今夢想成真，佢話：「佢好媽咪，成日諗做佢個仔會點呢！」吳浣儀笑住話：「我喺呢行好多仔仔女女，個個都紅架！」對於邵音音患癌，吳浣儀同麥子樂大讚對方為人樂觀，人好夠義氣，希望音音姐開開心心。
(蘋果日報)
「七魔女」之一的鍾麗淇，現時主力教瑜伽，她與丈夫育有2名女兒，分別是快將7歲的Isabella以及2歲的Michela，不過大女半歲時，發現患上罕有基因病「四號染色體缺損綜合症」，手腳軟弱無力，需靠助行架輔助走路，而鍾麗淇盡心盡力照顧女兒，她更於前年誕下細女Michela，目的想為大女添個伴。
快將7歲的Isabella亦漸漸進步，今日鍾麗淇在instagram放上短片，片中見Isabella撐住助行架慢步行，但每步都行得堅定，這位靚媽在旁不斷鼓勵女兒：「one by one」、「good job」，最後Isabella亦順利行完，場面感動，鍾麗淇留言表示雖然每步路都行得慢，但非常穩定，是戰士小公主，她為女兒感到相當驕傲。
(明報)
陳錦鴻今日帶埋太太杜雯惠同囝囝陳駕樺，到薄扶林協康會綜合服務大樓，為大樓內嘅壁畫參與創作，向來較少帶囝囝出席公開活動嘅錦鴻表示：「之前駕樺喺兩歲嘅時候確診患上自閉症，當時好彩得協康會幫手，所以每次佢哋有活動都會盡量出席，大家互相幫忙。」
陳錦鴻透露，囝囝今年十歲學習能力不俗：「成績總算中上，最初嘅時候搵一對一教師教，佢試過考第一添，後來我哋想佢學識跟同學仔相處，即使做錯，成績唔好都無所謂，最緊要畀佢自己感受吓。」為照顧駕樺，陳錦鴻近年都屬半停工狀態，佢話其實戲癮一直都有：「不過就要好謹慎咁選擇角色，因為佢諗嘢冇我哋咁立體唔識得分，如果佢一陣見到爸爸喺電視入面做殺人犯、強姦犯，佢會以為係真，所以要過多幾年先。」錦鴻又話其實囝囝都一路有叫佢出去做嘢：「 不過囝囝正值青春期，想喺身邊陪住佢，畀多啲指導佢。」佢仲講笑話：「O依家佢開始話想拍拖，想識女仔，會注意自己儀容，仲同我講話第時想結婚生仔，我話好呀，係就最好啦，聽到開心晒。」
(蘋果日報)
水果煮熟比生吃還要好？冬天已到，過於冰涼的水果易造成腸胃不適，若將之加熱作為料理，能把不舒服感降低，甚至讓營養程度提高，有機會不妨試試！
▲將鳳梨加熱可以吸收較完整的β胡蘿蔔素。（圖／達志／示意圖）
據陸媒《生命時報》報導，中國農業大學食品科學與營養工程學院副教授朱毅表示，將水果煮熟可促進β胡蘿蔔素的吸收，像是芒果、鳳梨等橙色水果，單靠咀嚼無法釋放β胡蘿蔔素，若將之加熱可充分破壞水果組織，在攝取後可在體內轉化成維生素A，不僅能緩和疲勞，對於護眼也有益。
若你屬脾胃虛弱者，將水果加熱可以減緩寒冷氣候導致的腸胃問題，亦可藉煮熟的動作減緩水果中對消化道有害的蛋白酶；另外胃口不佳的民眾，因為加熱的水果味道比直接吃更濃郁，能達到開胃效果，對於牙齒不好的人也是不錯的選擇。
據美國農業部調查，對於民眾擔心水果加熱後營養會流失的問題，數據顯示僅有少量維生素C會流失，約佔10%-25%，可藉由維生素C豐富的大白菜、蘆筍、蓮藕等蔬菜作補充。
▲枸杞搭配煮熟水梨可以達到護眼功效。
最後朱毅也提供「2個食譜」，想嘗試將水果煮熟的朋友可以參考看看，不過兩者果膠含量偏高，不宜過量食用。
1.枸杞煮梨水：護眼、潤肺
將梨子去皮、去核後切塊，連同枸杞一起用水煮，至枸杞皮完全舒展和梨子熟透即可。
2.蒸山楂蘋果：促進食慾、助消化
將1-2顆山楂和1顆蘋果皆去皮及去核後放入碗中，利用鍋子蒸熟即可。
(ettody)
