【了解疏導最緊要】紓緩情緒四部曲減子女負面情緒

2017-10-02

香港大學醫學院精神醫學系名譽臨床副教授陳國齡提醒，父母要學懂了解和疏導子女情緒。不少父母根本沒有深入了解子女感受，「見到你唔開心，喊咩呀唔准喊，快啲做功課。」根本沒有接受子女的情緒，更遑論教導他們正確紓緩方法及解決問題根源，「谷到爆，結果錯誤地以自殘發洩。」

陳指出，因自殘入院的兒童個案，一般曾出現自殺念頭或意圖，或已重複多次自殘。十二歲以下自殘兒童主要由於本身有自閉症或發展遲緩，未能與外界溝通而「忟憎」，以撞頭、踢人表達及宣洩；青少年階段自殘個案以情緒問題為主，可能承受學業壓力，或因朋輩圈子感焦慮，同樣以自殘發洩，甚至尋死。

她解釋，金融市場波動可能令成年人精神緊張。當父母心理壓力沉重，可能失控傷害或辱罵子女；升市時心情好，態度突然好轉，令子女無所適從，「一時錫到燶，一時打死你，小孩都不知道幾時可以表達感受。」

陳國齡提出紓緩子女情緒受困的「四部曲」。家長首要追溯他們的力源頭；第二部帶領他們認識自己的負面情緒，並向人傾訴；第三部是教導子女以不同方式發洩，例如深呼吸、做運動或聽音樂；當心情平復，第四部是讓他們學習解決問題，回想自己是否想得太負面或災難化事件，慢慢調解情緒，以解決問題代替鎅手或自殘。

(on.cc東網)

【范冰冰爆料！】李晨拍新戲無限NG 借對白放閃

2017-10-02

范冰冰現身巴黎當地舉行的2018春夏時裝騷，冰冰以全身白色打扮示人，她表示會在巴黎逗留五天。

談到出門必帶的東西，她坦言一定要帶面膜及潤唇膏，每天要用兩張面膜。

問到會否帶未婚李晨送的東西傍身嗎，她笑言：「好似冇，我將佢嘅心帶出嚟。」

之前范冰冰獲李晨求婚，問她對婚紗有甚麼構思，她直言：「當然有計劃、有想法，但係仲未有落實，只係一個小小嘅想法。」

提到由李晨首次執導由冰冰演出的電影，冰冰指李晨非常不容易。問她會給多少分，她說：「空軍題材好難拍，如果要我畀分，會畀85至90分。」

問到NG最多嘅場景係咩，冰冰表示：「個對白係佢講『你可真難追呀』，我話『你也是追上了嘛』，講呢句對白嘅時候成日笑，他點都要將呢句說話寫喺戲入面，一定要展示畀大家睇。」

（on.cc 東網）

【最感動見到父母受浸】鄭秀文：我必須再站起來

2017-10-02

鄭秀文(Sammi)曾經患抑鬱症，她亦從不介意公開，希望能夠幫到更多人，近日她在《恩雨之聲》節目親述自己走過抑鬱症之路，其節目名更選用「唯獨祢是不可取替」，見證她藉著信仰，能夠走出低谷。

她指過往指自己性格剛烈不懂謙卑待人，所以有不雅外號–臭四，所以她的領悟而改變，令到家人及不少身邊人都感受到，亦令她最開心就是用了10年時間，向父母傳福音，雙親見到她的重生才慢慢不抗拒，直到今年初，父母受浸，那一刻作為女兒的她好感動。

Sammi更說:「以前我以為事業成功代表一切，連家人的事都沒時間關心，但原來去到一個階段這種成功已不能令我快樂，反而變成壓力，後來才發覺自己出了問題。」

2005年她拍《長恨歌》是帶著抑鬱情緒，她以為自己可以克服，甚至強忍到拍完為止，但身體狀況卻已達到崩潰地步，感覺最恐佈是她找不到人生希望，當時更要返港休息，卻在家中樓下遇到一班去查經班的女性朋友，邀請她返教會，讓她經歷感覺有如重生，她說:「我必須再站起來，面對我自己及這個世界。」

(明報即時娛樂)

【吳彥祖囡囡？！】馮德倫哂合照　賀吳彥祖生日

2017-10-02

吳彥祖同馮德倫當年憑電影《美少年之戀》結緣，馮德倫首次執導嘅電影，都搵埋吳彥祖嚟出演，可見二人老友鬼鬼。

日前就係吳彥祖嘅43歲生日，作為好兄弟嘅馮德倫喺社交網站甫出二人嘅合照，並留言：「Happy birthday my friend @吳彥祖」

相中二人鬚根盡現，可謂佬味十足！雖然佢哋兩個都已為人夫，不過就未見二人嘅太太，而吳彥祖身邊就有一個小妹妹，而且仲遮住咗個樣。

好多網民都猜測係吳彥祖嘅囡囡，唔少網民都話時間過得真係快。

以前嘅美少年依家都做咗人哋老公，亦有人問吳彥祖都做咗爸爸，幾時輪到馮德倫喎！

（on.cc 東網）

【梁浸浸缺乏安全感】Yumiko坐言起行：最好的方法係⋯

2017-10-02

早前鄭希怡（Yumiko）孖2歲半愛女梁浸浸（梁子柔）參與內地真人騷節目《不可思議的媽媽》，播出的片段中梁浸浸非常依賴媽媽，經常要媽媽抱，做任務時Yumiko要出動朱古力及糖果，梁浸浸才能完成任務，又哭着要回家，搞到Yumiko都崩潰喊埋一份，後來Yumiko覺得浸浸係因為缺乏安全感，所以先會成日黐住媽媽。

Yumiko搵到原因後，就決定想辦法令女兒有安全感，佢最近就帶咗梁浸浸去台北旅行，佢今日喺社交網上載同梁浸浸一齊游水嘅相，然後寫道：「陪伴就是培養安全感最好的方法。」

Yumiko今次坐言起行，真係值得鼓勵！

另外Yumiko都有上載梁浸浸去台北動物園嘅相，見浸浸睇動物睇得非常開心，仲話要拎番屋企養添。

(on.cc東網)

【笑到見牙唔見眼】有片！黎諾懿肉緊狂錫小春雞

2017-10-02

藝人黎諾懿同太太李潔瑩育有一個可愛指數爆燈嘅囝囝「小春雞」，黎諾懿不時都會喺社交網站上載小春雞嘅可愛片段，唔少網友都話小春雞愈大愈似爸爸！

而呢日，黎諾懿就上載咗兩段同小春雞一齊玩嘅影片，見佢抱起咗囝囝，當正佢係玩具咁轉，不過人仔細細嘅小春雞似乎都好enjoy同爸爸玩，而且仲笑得好大聲添！黎諾懿留言話：「神之摩天輪#小春雞」

而另一條片，就見到黎諾懿不停咁錫囝囝，小春雞又係笑到見牙唔見眼，睇見都覺得好溫馨！

黎諾懿亦留言：「傳說中的魔音又來也」一班網民都大讚小春雞愈大愈靚仔，亦有人笑言小春雞嘅魔音好上腦。

(on.cc東網)

【馬浚偉勁擔心】吳綺莉掛女狂吞11個月餅勁傷身

2017-10-02

45歲的單親媽媽吳綺莉（Elaine）獨力撫養快將18歲的女兒卓林，可今年年初因交友問題發生爭執，其後卓林入院留醫兩個多月，期間Elaine在記者會中壓力爆煲聲淚俱下求女兒回家，最後Elaine守得雲開，卓林重投母親懷抱。

但事件未告一段落，母女關係早前卻起變化，原來卓林早己厭倦學校生活，最後更輟學離家，更與外籍網紅人Andi同居，先後被發現二人於灣仔、珀麗灣及銅鑼灣一帶出現，二人更親密攬抱，旁若無人。雖然Elaine亦曾表示不會反對女兒交同性密友，亦明白快將成人的女兒不能過於管束，只好放手。

不過，母女親情始終血濃於水，所謂每逢佳節倍思親，更何況本周三10月4號便是人月團圓的中秋佳節，令到思女成狂的Elaine連日來都見她甫文抒發孤獨過節之心情。中秋節乃一家人吃月餅團聚賞月時候，可惜單親媽媽Elaine在今個中秋卻沒有這份福氣，皆因女兒卓林早前因輟學離家，卓林閒時只給個電話報平安，或有需求才會見面，早於Elaine上月生日亦未見現身為母慶生，莫講時值中秋團圓佳節，同樣冇影，冇得人月團圓，難怪落寞的母親日前甫文稱獨食11個月餅，相信籍此解思念之苦！

要知道月餅成份高卡、高糖、高膽固醇，一個傳統月餅等同三碗半的白飯，Elaine為解思念之苦而獨食11個月餅，對她這副精神受壓力的身體而言，相當不健康，見Elaine近上載月餅圖片，亦稱自己任性，她說︰「還沒到中秋，食了第十一個月餅，有點過份（分），還是改不了自己的任性，算了吧，只是傷害自己的身體，沒有傷害别人，過了中秋小（少）吃甜，除了不能傷害別人，也要努力學習不要傷害自己身體，不要太任性，感謝天父。」

其後又再上載卓林的兒時照片，並留言︰「不能怪妳（你），因為我比妳（你）還任性，一起努力學習，感謝天父感恩每一天。」明顯對女兒的思念每日增添但又未能團圓之無奈！

而曾經跟Elaine合作拍無綫劇《非常保鑣》的馬浚偉，更在Elaine的甫文上留言鼓勵，而不少網民亦戥這位單親媽媽獨守空房慘情。

馬浚偉接受訪問，他表示與Elaine同屬教友，明白天下父母的心情，但得知她食11個月餅亦擔心對方很傷身：「食十幾個月餅，好傷害自己㗎！希望佢要好好保重自己身體！祝福佢！（與卓林識嗎？）我同Elaine就識，但唔識佢囡囡，不過我都祝福佢兩母女日後可以培養番好嘅感情，只要願意溝通，始終一家人，血濃於水，做女或做媽媽，只要願意打開心窗，乜嘢都可以解決，寄語佢哋，珍惜活着這份血緣。」

(on.cc東網)

【三代同堂慶中秋】李泳漢讚仔仔Alfie有主見！

2017-10-02

臨迎中秋佳節，藝人李泳漢日前特地與母親施明及太太Conny，帶同約一歲半的兒子Alfie，三代同堂往揀選燈籠及應節食品慶祝。

當日一家人入到店舖後，精靈的Alfie表現興奮，坐於購物車的他如到超市般，伸手掃了各款大大小小的燈籠落購物車。

當泳漢拿着大白兔燈籠給兒子時，Alfie即頭擰擰拒絕，揀了另一隻豬仔燈籠。

泳漢即笑言：「個仔好有主見，上年仲幫佢揀，今年已經自己揸主意，其實過往我都唔太重視中秋，不過為人父後感覺就唔同，依家點忙都安排時間同個仔去玩下燈籠，更加有一家人團聚嘅感覺。」

他更透露Alfie是個大食BB，每次面對美食時也笑嘻嘻，樣子可愛。

因而有人邀兒子拍廣告，也是童星出身的泳漢對兒子加入娛樂圈表示沒所謂，最緊要囝囝開心。

（on.cc 東網）

【楊怡呻唔夠浪漫】謙謙即補鑊合體！

2017-10-02

楊怡同羅仲謙呢對姊弟戀，拍拖5年終於喺舊年修成正果，喺英國古堡結婚。

不過婚後兩公婆努力搵錢，唔好話造人，見過面都難，卒之搞到老婆楊怡扭計，早排喺微博大呻老公唔再浪漫。

老婆詐型，謙謙即刻識做喺微博貼夫妻合照，仲留言：「當傻瓜遇上天使！」

要o氹老婆大人，貼張相梗係未夠，其實謙謙一早有安排，噚日楊怡就喺微博貼咗條短片，片中佢風騷話飛機就起飛，到咗目的地先開估話俾大家知，自己去咗邊，臨尾仲附加佻皮單眼嘟埋嘴，又hashtag「amazing day」同「amazing trip」。

啱啱楊怡就喺IG中開估，原來佢同謙謙去咗波蘭旅行，除咗兩公婆，仲有單拖嘅袁偉豪、郭晉安同周麗淇。

不過一心想喺IG開live嘅楊怡佢哋，就不停喺片中，大嗌自己唔識開live，成班人雞手鴨腳手忙腳亂嘈喧巴閉(但明明開緊live㗎其實)，楊怡又晒命話自己老公謙謙其實都好想開㗎，但IG只係follow佢一個，唔知開嚟仲乜，不過因為謙謙唔知整咗咩setting，所以開唔到咁囉！

原來今日同時係佢哋結婚一周年！

結婚一年點慶祝？楊怡今日就喺社交網上載咗張同謙謙Sweet到爆嘅合照，相中兩人深情對望，謙謙一隻強而有力嘅臂彎攬實楊怡，真係好閃呀！阿怡留言：「Our first wedding anniversary️.Thanks for being in my life.」（我哋第一年結婚周年，感激你喺我生命裏出現。）而謙謙都好識做，冧爆咁話：「一年後的今日️，老婆！多謝你！愛你！願你一世平安快樂！」網民都祝佢哋一周年快樂要永遠幸福快樂下去咁話！