「在什麼時間吃比較不會胖？」是減肥者們熱衷的課題之一，多數解答都會告訴你，早上8~9點吃早餐，晚上趕在6~7點前進食完畢最不會囤積熱量，但為什麼要這麼做？根據「Daily Mail」網站報導，澳洲營養師Susie Burrell表示，這麼做不僅是為了減少消化系統負擔，其實還有一些你意想不到的好處。
限制用餐時間，早餐在8~9點，晚餐在6~7點有哪些好處？Susie Burrell表示，這能幫助身體創造一個「隔夜禁食效應」將晚餐到早餐的時間延長雖然會讓身體儲存一些脂肪，但是它能幫助我們擺脫一餓就進食的習慣，控制吃飯時間則能提升脂肪代謝激素的能力，兩者加成之下，就能達到降低熱量攝取量並達到減重的目的。
除此之外，Susie Burrell還建議在三餐之間喝點黑咖啡或是吃點水果、堅果當點心，他說：「這麼做雖然會在一天中額外攝取300~400大卡，但是能減輕挨餓的痛苦，還能減少每一餐的進食量。」另外他也提醒，喝東西並不會增加飽足感，降低食慾，反而會讓身體攝取多於熱量，破壞血糖平衡，所以請戒掉喝飲料和喝酒的習慣，改用水和涼茶代替，才會讓減肥更加輕鬆容易。
(自由時報)
膀胱炎一般可用抗生素治愈，但若反覆發作或久醫未愈，可能是慢性的間質性膀胱炎。泌尿科專科醫生表示，此病主要出現於年輕女性，病人極易尿急。有女病人病情嚴重至港鐵搭兩個站即「撲廁所」，目前醫學界仍未找到確實病因，難以預防，亦無有效的針對性治療，醫生亦束手無策。
膀胱內壁有一層黏膜，用作防水及保護膀胱肌肉。泌尿科專科醫生傅錦峯解釋，常見的膀胱炎只影響這層黏膜，一般由細菌感染引起，病人出現尿頻、小便赤痛或帶血等症狀，處方抗生素可康復。不過，間質性膀胱炎病人的內壁黏膜受損，令尿液的刺激物經黏膜缺口滲入膀胱肌肉，刺激肌肉慢性發炎。黏膜為何出現缺口，如何導致膀胱發炎，醫學界現時未有定論。
傅錦峯指出，此病主要影響二十至四十歲女士。一般人膀胱盛載四百毫升尿液會尿急，但間質性膀胱炎病人只有一百毫升尿已經要找廁所，「雖然個病不是損害病人器官功能，但好困擾他們的生活。」
根據他的臨床經驗，部分病人曾因忍尿而感染細菌性膀胱炎，服抗生素治好細菌感染後，仍持續尿頻，排除其他原因導致尿頻後，懷疑屬間質性膀胱炎。要確診間質性膀胱炎，需用水谷脹膀胱，以內窺鏡檢查內壁黏膜有沒有出現紅點或潰瘍，做此項檢查需全身麻醉，不少病人怕麻煩卻步，無法確診，因此難以估計全港多少人患此病。
他提到，有四十多歲女士經常忍尿，令膀胱感染細菌發炎，即使服藥治好感染，尿頻情況仍未見改善，搭港鐵每兩個站要落車找廁所。有廿九歲女士搭巴士尿急，死忍到落車，但尿意此後緊纏着她，每隔個多小時要去一次洗手間。更有中學女生一天要去二十次廁所，每晚起床五至六次排尿。
現未有有效治療間質性膀胱炎的方法，傅錦峯表示，可向病人處方藥物抑制尿急感覺，但治標不治本；有療法是把水注入膀胱，以「谷大」膀胱容量；亦有灌藥水入膀胱或口服藥物，以修補內壁黏膜，但效用均成疑。他建議，市民應防範感染細菌性膀胱炎，包括多飲水及避免忍尿，盡量減少風險，若膀胱炎久治未愈，需諮詢醫生。
(蘋果日報)
藝人陳美詩（Macy）多年來默默做孫耀威（Eric）背後的女人，陪伴對方經歷過不少高低起跌，今年兩人終於修成正果結為夫婦，當然得到不少人的祝福！
講到兩人的拍拖點滴，Macy透露與Eric在朋友階段已非常有默契，之後兩人自自然然在一起，而她最被Eric打動之處，就是對方在生活鎖事上的窩心舉動：「試過一次我甩咗鞋帶，佢唔係話畀我聽，而係直接踎低幫我綁鞋帶，嗰時我哋啱啱一齊冇耐，我係好surprise嘅，同埋街上好多時好多人，佢好自自然然就會保護你，有樓梯就會翹實你，佢唔係講，而係行動上會一個臂彎咁攬住你，你就會好冧！」
她更大讚Eric會講得出做得到，亦很疼錫身邊的人：「佢事無大小都記得，就算好簡單話約食飯，佢真係會約，可能係話幫人整電話，佢講完真係轉個頭會做，會睇日曆mark期，唔會話得閒先啦，佢就真係好上心，呢啲嘢表現到佢好着緊佢身邊嘅人！」不過她坦言絕不擔心Eric的細心體貼會吸引到狂蜂浪蝶，對Eric有百分之百的信心：「愛有好多種嘅，朋友嘅愛同男女朋友嘅愛都唔一樣，好照顧朋友都唔一定需要擔心嘅，反而開心，因為依家願意表達愛嘅人唔多。」
而Macy承認不多不少會受Eric這個「行動派」所影響：「我以前好多idea諗咗，但唔知點去做，或者懶同唔敢去做，但佢好行動型，畀好多勇氣鼓勵我，依家有啲諗法，我都會識去實行。」所以一直未有放棄音樂夢的她今年亦決定再戰樂壇，推出新歌《我會照顧你》，她說：「呢幾年放慢咗腳步去充實自己，今年就好想專注番工作，又有咁嘅機會，所以係個好嘅時機去畀大家了解我。」她又指希望之後可推出更多作品，鋼琴了得的她更有意嘗試親自作曲及填詞：「我對填詞都幾有興趣，我之前有寫專欄，詞就未寫過，嚟緊都會試吓。」
(on.cc東網)
阿媽真喺唔易做啊﹗相信好多媽媽都一樣試過。。。
無綫劇集《老表，畢業喇！》反映香港教育問題，由蔡少芬與郭晉安孭飛演出。兩人上次合作已是17年前，現已為人父母，對現今家長及學生面對的學習壓力特別有共鳴。他們拍攝時，話題自然離不開交流子女經，蔡少芬說：「大家啲仔女都差唔多年紀，我哋好多嘢分享，好似小朋友反叛問題。」她又讚郭晉安組織家庭後變得更顧家，多年來都是一個好男人。
劇中飾演「虎媽」，蔡少芬自嘲現實中教小朋友讀書則是「苦媽」，道盡家長心聲：「同兩個女好Friend，玩嘅時候可以攬頭攬頸，但要定下啲界線，好似做功課就要有家長嚴厲一面。教兩個女做功課係最辛苦，試過忟憎到拍枱！」不過，她坦言看見老公張晉對女兒嚴肅，卻會心軟：「爸爸好溫柔咁教咗幾次，但佢哋仲係掛住玩，到爸爸好惡咁最後通牒話『係咪仲唔做？』我心諗其實可以再畀多次機會嘅。」
(東方日報)
34歲嘅王浩信去年拍《EU超時任務》彈起，今年仲先後拍《不懂撒嬌的女人》同《踩過界》，而佢喺劇中大多都係飾演暖男角色，形象正面到爆。而喺現實中佢11年早早就封盤結婚，同當時大台小花陳自瑤奉女成婚，而人夫同好爸爸形象亦幫佢成為新一代「師奶殺手」。
不過最近屢傳王浩信嘅婚姻亮起紅燈，「蛛絲馬跡」包括兩公婆由經常互貼sweet相到漸漸「冇互動」，甚至老婆同阿女嘅合照，王浩信亦未有俾「like」支持。事後王浩信馬上澄清造只係太忙冇俾like，之後仲「跟得好足」，陳自瑤每次post相，王浩信都好似收到訊號咁，馬上俾like。
至於之前不時兩公婆晒恩愛嘅post已經絕跡，反而不時post陪阿女嘅相，「慈父」形象GET！
即使係咁，王浩信分居傳聞亦甚囂塵上，不少同事都有聽聞，昨日更有傳媒報道指，王浩信已搬出日出康城愛巢，與細佬同住維景灣畔，更指兩公婆出現問題原因係地位「男尊女卑」，喺再添丁問題上出現分歧。《蘋果》收到消息指兩人分居，但女方缺乏獨立經濟能力，故關係一直膠著；但關係生變原因唔係生仔，而係王浩信嘅異性緣太勁，令一直啞忍嘅陳自瑤，最後亦忍無可忍。
其實由婚前到婚後，王浩信媾女傳聞一直不絕，喺婚前有傳偷食Cammi，而近年喺大台走紅後，每次拍劇都會與同劇嘅女拍檔表現曖昧。而最近播映緊嘅《踩過界》，開拍時有指「癲姐」蔡思貝同張振朗因為拍劇而撻著傳緋聞，不過有指「真命天子」另有其人。另外，又有傳雖然《踩過界》一劇早已拍完，不過王浩信仍主動約女拍檔食飯聚舊，甚至某次仲開埋VIP房約女演員去火鍋店食飯，甚至更二人孤男寡女獨處。至於係邊位女演員，應該唔難估啦！
依家係無綫力捧小生嘅王浩信，當然有嘢想講，不過依家唔講住。佢噚日回覆傳媒稱，日內會出席公開活動，到時一次過交代。係咪交代「唔好嘅消息」？佢又話唔係喎。
(蘋果日報)
Lynn稱：「我不嬲都係咁嘅，我都唔止一個ex，個個都係咁，一視同仁。。。
_____________
城城郭富城一索得女，前日佢出席活動，好開心咁咬住眼鏡框同大家介紹佢呢位小公主，又話好感謝太太Moka咁辛苦，仲自爆有份剪臍帶添！佢又自爆，唔使開工嗰陣，佢就一定返屋企湊女。而且，一眾好友都輪住恭喜佢初為人父。
而熊黛林（Lynn）昨日就去到中環文華酒店出席珠寶展，傳媒自然追問佢：城城生女做爸爸，問Lynn可會祝福佢？Lynn答：「你哋（指傳媒）祝福佢就夠啦！多一個唔多，少一個唔少。」
傳媒再問：「BB似城城喎（城城自己講0架），咁你會唔會覺得好靚女？你會唔會想睇下？」Lynn就答：「我冇乜想唔想睇，我唔好奇。自己嘅嘢咁多，仲理人哋嘅嘢咩？」
咁係咪即係，以後有關城城嘅嘢，你都唔會理？Lynn話：「理我老公嘅嘢啦，第二啲人嘅嘢我冇興趣。」咁你老公咪好冧？「等佢冧下啦。」咁呢啲係咪你老公意思？Lynn稱：「我不嬲都係咁嘅，我都唔止一個ex，個個都係咁，一視同仁，唔係對人。」
言下之意是否同每個ex都做唔到朋友？Lynn稱：「冇，完全係冇聯絡，所有都係咁。」係咪因為分手唔開心？「我個人性格就係咁。」再問Lynn係咪可以做到好絕？佢話：「係呀，睇唔出呢？」言下之意係咪想俾安全感老公？Lynn答：「係啦，費事啦。」
(蘋果日報)
麥貝夷日前認戀樂隊KillerSoap低音結他手陳樂恒，噚晚佢喺社交網放閃，貼出拖手相，男友嘅中指戴咗隻戒指，唔通咁快就宣佈訂婚！？
麥貝夷留言：「我終於找到讓我幸福的人啦！這位陳先生除了非常懂得疼愛我之外，還耐心的鼓勵我進步和成長，也教會了我愛是互相包容和體諒。每段關係都有不協調的時候，但我相信相愛就是在爭吵中仍然選擇擁抱對方。」
《蘋果》今日致電問恒仔係咪求婚成功？身在大陸嘅佢話：「未敢求住呀，邊敢求呀，可能人哋唔嫁畀我呢！因為成日都唔喺香港，去咗大陸做嘢，所以送隻hand made嘅純銀戒指，大家戴住可以掛住對方，見到戒指就諗起啫，如果要求婚，我梗係當住所有觀眾面前，喺live演出求啦，可以令到fans一齊見證呢件事嘛！」
(蘋果日報)
「個樣變咗、鼻都大埋」嘅胡杏兒，懷胎八個多月，下月底生得，日前更公佈BB性別——一索得男，仲有傳佢想40歲之前生夠三個，今年37歲嘅杏兒，要爭取時間造人！
近月胡杏兒依然陀住巨肚開工，一時飛澳洲拍旅遊節目，一時為自家婚紗品牌搞騷，頻撲到老公都在ig投訴。客家新抱多飲湯水少吃補品，有過增肥做「肥田」再極速減磅嘅經驗，杏兒話：「有毅力一定可以生完修身，呢樣我唔擔心，BB而家成日踢我，直情好似在入面打筋斗咁！」
胡杏兒與老公李乘德（Philip）結婚兩年，今年年頭成功造人，現時陀B八個多月的她，重了20幾磅。之前對腹中嬰兒性別保密，但被老公無意間踢爆陀了男嬰，臨盆在即，杏兒亦開始心情緊張：「要開始準備，都開始有啲驚，因為我想順產，啲人話順產復原得快啲，但我未試過，一生人都未經歷過個種痛，唔知自己捱唔捱到，因為朋友都話會痛到發癲、痛到會暈，所以都有啲驚。」
講到BB，每日都有新鮮事，杏兒又開心又亂擔心，「有時個肚會摸到一舊嘢，唔知手定腳，爸爸有時會摸下佢。BB成日郁，係咁踢我，直情好似在入面打筋斗咁，係郁到我要問醫生：『佢郁得咁緊要，係咪有問題？』，醫生先話BB郁得多係好事。」
老公Philip係客家沙頭角禾坑村原居民、三代單傳，難免有後繼香燈壓力，胡杏兒成功陀仔，將來囝囝更有丁權，而奶奶及李家長輩都由外地返港照顧她。其實客家新抱，有甚麼禁忌？「冇喎，我奶奶整好多嘢俾我食，煲好多湯，但唔係好補嗰種，佢開始整薑醋。」她希望至少生兩個，三個亦唔拘，「一個好悶，我希望唔係好痛，唔好有陰影，如果冇嚇親，會生三個。」
陀B過程，杏兒謂倒是不辛苦：「好多人都話我個鼻大咗，個樣有啲唔同咗。其實頭三四個月係最辛苦，我喺無錫拍緊劇，成日發冷，成日想嘔，冇乜胃口；到四五個月就穩定咗，想食吓嘢，嗰段時間係最舒服。到咗依家，去到第三個階段，又開始辛苦，因為BB重，我就瞓得唔係好好，同埋唔會暴飲暴食，唔想俾佢太大隻，因為生出黎好難生。」
產婦最怕肥人不肥胎，她就不擔心自己產後修身，「只要付出努力，肯去做運動，就一定得，呢樣嘢係毅力，我都試過增肥、減肥拍劇。」孕婦情緒波動大，杏兒多謝老公體諒及開解，「老公有留意我情緒，我都發覺有時會突然好down，佢都有提醒我，叫我：『喂，你唔好諗埋一邊，自己走咗入個窿喎！』」至於影好激嗰啲大肚寫真，杏兒就話唔會喇。
(蘋果日報)
劉浩龍喺2012年6月承認同容祖兒（Joey）拍拖，外界唔睇好呢段戀情，連楊受成都鬧爆劉浩龍過早張揚戀事，行為鹵莽兼笨拙，言語間又懷疑有人此舉暗藏機心，點知Joey同劉浩龍感情穩定，拍拖5年，更多次傳出好事近，不過Joey均否認，指目前以事業為重，早前開出38歲嫁人嘅「期票」，後嚟改口風，謂40歲左右會結婚，Joey今年37歲，即係工作多3年先。
不過今日有周刊指，一向孝順嘅Joey，知媽咪想自己40歲前結婚，打算今年年尾就結婚，等媽咪見證佢幸福時刻，圓媽咪心願，據知容母三年前患肺癌第三期，Joey情願推咗逾千萬酬勞嘅job，花費逾百萬，由美國請專家幫媽咪去醫，上年容母癌病復發，Joey就陪媽咪吃素祈福。
周刊報道又指Joey今年同媽咪再睇醫生，6月又租淺水灣曼克頓大廈暫住，原來舊居松柏新村要裝修。不過容母最大心願係睇住囡囡出嫁，未知係唔係呢個原因，先忽然傳出Joey嘅婚訊呢!?不過之前Joey上大陸節目《金星秀》講過容母總係唔滿意自己嘅另一半，成日覺得自己囡囡可以揀個更好，之但係相處過後，覺得劉浩龍都唔錯，近年主動搬去松柏新村附近，方便照顧容母，漸漸fans同容母都接受咗劉浩龍。
跟住，有周刊致電劉浩龍求證係咪年尾結婚？佢連聲否認：「唔係呀！唔係呀！」祖兒經理人霍汶希同樣回覆：「沒有這件事！」
(蘋果日報)
如果你有睇頭兩集嘅《爸爸去哪兒5》，見到小春到寶貝仔Jasper嘅互動，又或者再推前啲，有睇第二季吳鎮宇同囝囝Feynman嘅相處，你係咪都有同感，港版爸爸相對大陸版爸爸，會比較嚴厲同欠缺耐性。
上兩集，小春為咗着襪着褲鎖碎事，發晒脾氣，到之後Jasper唔小心用槌仔揼到佢，兩眼冒火嘅小春，直頭嚇到Jasper騰騰震。結果，小春就俾唔少網民話唔識教仔。
今日節目播出第三集，一班爸爸同小朋友由頭兩集嘅漁村，轉咗去山區老鎮，但節目一開始，鏡頭就只影住其他包括吳尊嘅四個家庭，一直唔見小春同Jasper。原來Jasper出發前一晚，病倒入咗醫院留醫，要延遲出發。到節目播出超過一半，先見到佢兩父子姍姍來遲。
鏡頭前，Jasper望落仲有少少病病哋，但經過之前全天候同老竇相處，嚟到第三集，兩父子互動明顯親密多咗，而小春亦冇之前咁惡。不過脾氣同性格，好難話一朝一夕就改到，結果去到節目尾聲時，小春差啲又發作。事緣Jasper同其他小朋友追逐時，唔小心仆倒，背脊撞瘀咗嘅佢，一臉痛楚，其他爸爸即扶起佢，問佢有冇事，不過身後嘅小春就有啲嬲豬話：「I told you…」第二句語氣先變番溫柔話：「 I told you, everthing slowly！」
之後再用普通話講：「有沒有撞哪裡？」檢視一輪背脊瘀傷後，小春就話：「沒事！」不過未企得穏嘅Jasper，行兩步又再跌多一吓，小春呢次忍唔住用廣東話帶點嬲怒話：「你睇你…喂」睇嚟兩父子仲需要多啲時間磨合一下。
(蘋果日報)
