吳鎮宇兒子Feynman昨日9歲生日，他與太太王麗萍為兒子舉行生日會。
鎮宇的工作室昨晚在微博上載生日會的照片。
見到甚少出鏡的王麗萍與鎮宇攬著Feynman影全家福。
網民都留言大讚吳太保養得好，一家三口好溫馨。
生日會的蛋糕、佈置，甚至Feynman穿著的衫，都是圍繞動漫《龍珠》的人物，Feynman更變身小悟空。
工作室留言祝賀：「Feynman生日快樂，爸爸媽媽、小伙伴們以及所有愛你的人，都會一直陪伴身邊。」
（明報即時娛樂）
【媽媽罕有出鏡】吳鎮宇一家三口同框 慶祝Feynman九歲生日
【網民：第三胎？】靚媽昆凌深夜晒「圓圓肚子照」
昆凌27日晚間曬出露肚美照，意外引發網友暴動驚呼「肚子裡有三寶了嗎？」
她和周杰倫結婚後，已經生下女兒Hathaway和兒子Romeo。
小兒子6月才剛出生，沒想到再度引起懷孕聯想。
照片中的昆凌身穿緊身無袖短版上衣，除了突顯出傲人上圍，更隱約中空露出小腹。
網友見到昆凌曬出裸肚辣照，陸續有人狂猜「怎麼覺得肚子圓圓的」、「有喜」、「三胎？難道你們真的要生五個」 、「如果真的是！歡迎加入三寶媽行列。」
短短一小時內湧入大量網友關心女神肚子。
(騰訊娛樂)
【網民激讚教得好】應釆兒：對於Jasper來說…
新一季內地綜藝節目《爸爸去那兒》去到第五季，當中的陳小春與仔仔Jasper令人關注。Jasper不單精靈可愛，而且十分懂事，獲網民大讚。
媽媽應釆兒亦都不時在社交網分享自己的感受，日前，她PO出一張Jasper在吃雞蛋的照片，再講到：
「自從去了 #爸爸去哪兒 體驗生活之後、對於Jasper來說… 現在能吃顆蛋都這麼開心👍 Jasper：你現在衣食無憂、是因為爸爸媽媽努力工作努力奮鬥！幸福不是必然的！要懂得珍惜！懂得感恩！ok？」
好多網民都留言大讚應釆兒的「教育很好」，教出一個又懂事、又溫暖的兒子。👍👍👍👍👍
(instagram)
【今年四月秘婚】Gary哂海邊合照！網民：好sweet
現年39歲的韓國男星Gary於去年10月退出韓國人氣綜藝節目《Running Man》後，便專注發展音樂活動。
Gary於今年4月閃電宣布與圈外人結婚，震驚所有粉絲，其妻身份更相當神秘，至今仍未曝光。
而婚後繼續四處觀光的Gary，於本月中驚喜現身香港國際機場玩直播，之後再轉飛檳城與女團少女時代前成員Jessica一起參加音樂騷。
Gary昨日便在Instagram上傳一張自己與另一名神秘女子在沙灘的合照，雖然看不清女方的樣子，但原來將照片較光一點，會隱約看到女方的輪廓。
而不少粉絲也認定Gary是與妻子合照，不少網民更留言大讚兩人好sweet，又指Gary的老婆身材很高挑！
(on.cc 東網)
【經理人要求刪相】喬妹腹部微隆勁有孕味
準新娘被野生捕獲。。。
韓國神劇《太陽的後裔》兩位主角宋仲基同宋慧喬今年7月忽然認戀兼宣佈下月31號結婚，兩人早前飛到美國影婚紗照，近日更飛到去法國巴黎預支蜜月。
連日來，雙宋喺巴黎都被捕獲，當中有網民就喺法國Le Bon Marche商場撞到喬妹蹺實宋仲基行街，噚日又有粉絲公開兩人喺街頭嘅相片，而喬妹亦有公開其正面相，由於腹部微隆，即時惹來大肚疑雲。
噚日深夜有網民公開咗雙宋嘅合照，雙宋仲要好大方，唔避忌與同鄉影合照，企定定任影。照片中，喬妹素顏上陣，穿上長褸，手挽Hermès手袋影靚相，雖然喬妹冇化妝，但依然好省鏡，而佢外套下，穿上白色衫，其中一張相，明顯見佢腹部微隆，令人覺得佢懷孕之說，更加似層層。
另外，有網民就指收到喬妹經理人方面嘅短訊，要求佢哋刪除喬妹合照，唔知係唔係怕被人指懷孕？
(蘋果日報)
【識於微時…】拍拖17年秘密結婚再生女
好多人尋尋覓覓，經歷過好多次情傷先搵到真愛，張達倫上年同青梅竹馬兼同學Kimmy結婚，仲造人成功，好快有仔抱。
要講到識得最耐最耐嘅，一定係DJ少爺占（甄子康），佢同太太Tina係幼稚園同學，兩人喺中學時重遇，拍咗17年拖，秘密喺06年情人節結婚，呢件事低調到原來商台同朋友都唔知，兩人愛情結晶品喺14年出世，之後一家三口時不時出街都俾人見到，幾溫馨㗎。
吳尊同樣都選擇咗秘婚，喺09年同高中同學林麗瑩結婚，11年被踢爆唔認數，直到13年先承認老婆身份，o依家育有一子一女。最近吳尊仲帶埋阿仔Max同阿女Neinei拍大陸節目《爸爸去哪兒5》。
吳雨霏15年宣佈同初戀男友洪立熙喺美國註冊婚婚，兩人識於微時，曾經三離三合，最後都可以拉埋天窗。今年初結婚2周年，Kary發表愛的宣言，讚老公係「最善良最有愛心最man的男人」。
早前朱千雪被發現同圈外醫生男友拍拖，佢喺活動上話同男友識咗29年，但最近先有感情發展，兩家人仲熟絡到一齊去旅行。至於係咪封盤喇？佢雖然話唔識答，不過睇個笑容，相信都近喇。
(蘋果日報)
【B囡係城城迷你版】袁詠儀大讚：東莞妹一定靚
袁詠儀（靚靚）到老人院出席慈善活動，期間與老人家玩遊戲。
講到好友郭富城終於大方講囡囡，問到探了BB未？靚靚表示：「未有機會，其實佢生咗有通知我哋，但我生過都知，唔想咁快去騷擾一個新手媽咪，大家講一句會令佢哋亂，所以過多一頭半個月等佢哋熟手先探，點知到之前想上去探時，但城城又唔喺度，冇理由自己踩上去。」
她亦謂未睇過BB的相，但講到城城謂BB似迷你版的自己。
靚靚就謂：「女仔似好唔好呢？不過東莞妹一定靚！」一次過讚埋同是東莞人的城城及自己。
靚靚又踢爆城城近來唔見人：「之前我哋話生完，啲人陪老婆坐月，佢就話使乜陪，點知到佢就真係唔見咗人，但佢真係好爹哋。（連電話都冇覆？）有覆，但冇出嚟，都明佢想陪老婆。」
問到會送咩禮物畀BB，靚靚就話：「本身想送BB嘢，但佢都大把，可能到時同沈嘉偉一齊打個金牌。」
問到可會與BB上契，她笑言：「依家唔興啦，不過我個仔係沈嘉偉嘅契仔。（契咗佢當你個女？）我又唔拘，如果城城肯我就肯，我得閒可以幫佢湊B。」
（on.cc 東網）
【連串美容事故】網購透明質酸針劑 隨時貪靚變玩命
連串美容事故未有嚇怕一眾愛美女士，有美容師為免上身，在網上直接出售透明質酸針劑，更以郵寄方式，把身份保密。
有賣家隱身於商業大廈、旺區商場小店內出售。
皮膚科專科醫生警告，透明質酸針劑必須存放在醫療雪櫃內，若注射透明質酸針劑失敗，導入血管內會令血管栓塞及皮膚壞死，甚至填充物料會導致失明及中風。
網上交友平台不難發現不少自稱美容中心的帳號，明目張膽貼出各式各樣的透明質酸（又稱玻尿酸）針劑，售價由800至2000港元不等，甚至有客人注射透明質酸的前後對比圖片。不少賣家未有列出售賣地點，亦沒有相關美容中心資料。
含有透明質酸作為有效成分而供注射入人體的藥劑製品屬第1部毒藥及醫生處方藥物，必須由醫生或按醫生指示使用，亦須在註冊藥房由註冊藥劑師或在其監督按醫生處方才可售賣。任何人非法售賣或管有，一經定罪，每項控罪最高可處罰款10萬港元及監禁兩年。
網上亦有多名賣家表示只會以郵寄方式出售，不會進行面對面的交易，有賣家表明以往曾為女士注射透明質酸針劑，但因近月多宗美容事故發生，令她「怕怕」，擔心會被「累死」，故現時只作郵寄出售。
立法會議員郭家麒批評，透明質酸針劑已納入第一部毒藥及醫生處方藥物，但衞生署多年來仍疏於執法，擔心美容事故持續發生，會將有關議題再次在立法會討論，促請衞生署執法。
衞生署發言人指，由2015年至今年7月，該署處理共131宗因銷售或管有未經註冊藥劑製品而被定罪的個案。另外，根據《進出口條例》規定，從香港境外進口藥劑製品的人士，必須事先向該署申領進口許可證，違例者一經定罪可被罰款50萬港元及監禁兩年。
（on.cc 東網）
【兒童孕婦勿亂用】皮下吸收或影響胎兒健康
對付腰酸背痛或運動肌肉拉傷，不少人選擇貼一塊冰感清涼的止痛貼。麻醉科專科醫生提醒，市面上不少止痛貼含甲基水楊酸等消炎藥物成分，部分長期病患者、對藥物敏感、十二歲以下兒童、孕婦等不應胡亂使用。此外，止痛貼種類繁多，有溫涼之分，選購前宜了解產品配方。
麻醉科專科醫生李而安表示，市面上可自行購買的止痛貼不少含甲基水楊酸，雖然屬於非類固醇消炎藥物，但結構與阿士匹靈相似，對相關藥物敏感和胃出血人士忌用。曾有文獻指出，十二歲以下兒童使用阿士匹靈類藥物，長遠可增患雷氏綜合症風險，導致脂肪肝和肝衰竭。她說：「用一塊半塊，影響看似不大，但不少人慣性每日使用。」
此外，部分標榜「效力較強」的止痛貼，常見成分更包括雙氯芬酸鈉和酮洛芬等須醫生處方的消炎藥物，多用於較嚴重的退化性關節炎和明顯創傷。這些藥物成分有機會引致胃炎、胃潰瘍等副作用，長遠可影響心、肝、肺、腎等器官功能。患心臟病、腎病和哮喘人士應小心使用。孕婦應避免接觸這些消炎類藥物，以免經皮下吸收影響胎兒健康。
止痛貼滲透皮膚後可產生局部刺激性效果，原來有溫感和涼感之分。含薄荷醇的涼感止痛貼對運動後的急性肌肉關節紅腫和酸痛，有冰敷冷卻功效；含辣椒素的溫感止痛貼則適用於慢性炎症和肌肉勞損。她提醒，皮膚容易敏感人士，宜選用辣椒素含量不高於百分之一的產品，以防出現痕癢、發炎甚至灼傷。大部分藥膏狀的止痛產品，藥物劑量和刺激度比止痛貼低，適合容易過敏人士使用。
她提醒，使用止痛貼時應避免額外進行熱敷，以免因體溫上升而吸收過多藥物。若使用止痛貼後皮膚出現敏感徵狀，應即時停用並以清水沖洗。止痛貼只能發揮短暫紓緩效果，若持續痛症應及早求醫，對症下藥。
止痛貼常見功效及成分：
功效 / 成份 / 注意事項
~消炎止痛 / 甲基水楊酸(Methyl Salicylate)、雙氯芬酸鈉*(Diclofenac Sodium)、酮洛芬*(Ketoprofen) / 對阿士匹靈敏感、胃病、心臟病、腎病、哮喘、十二歲以下兒童、孕婦等人士忌用
~產生冰涼感覺 / 薄荷醇(Menthol) / 適用於運動肌肉酸痛
~產生溫熱感覺 / 辣椒素(Capsaicin) / 適用於慢性炎症和肌肉勞損，皮膚敏感者應小心使用
*須由醫生處方
(資料來源：麻醉科專科醫生李而安)
(東方日報)
【承認李亞男有抑鬱】王祖藍：佢真係可以嫁好啲
王祖藍同李亞男喺2014年高調在台慶直播中求婚，15年完婚，到依家都係過住二人世界。唔少人會催佢哋生小朋友，但祖藍就話一定要完成手頭所有工作，明年先開始努力造人。
記者好奇一問：「又唔係你陀BB，點解要停晒所有工作？」祖藍突然收起笑臉，好認真咁話：「我驚佢抑鬱呀！佢會㗎，一定要我陪住㗎。」原來兩人婚很不久，王祖藍就接拍大陸劇集《哪吒與楊戩》，上咗橫店3個月，當時亞男試過入院，但身邊冇人陪住，祖藍一直好內疚。
「跟住佢真係抑鬱呀，試過自己無啦啦喺屋企喊，爸爸媽媽唔喺身邊，嫁咗個老公又唔喺身邊，咁點呀？嗰件事之後，我就冇再接電視劇同電影喇…佢剩係要我，我唔喺度，佢就空虛，咩人喺度佢都空虛㗎啦。」
祖藍同亞男喺06年相識，第一次見面，祖藍已經對呢個女仔有深刻印象，佢話﹕「見佢拎住個名牌袋，入面有本聖經，而最有趣嘅係咩呀，佢個手袋原來係A貨嚟嘅，哈哈，哎呀對唔住。」祖藍話當時兩人已互生情愫，但自己仲做緊兒童節目，收入唔多，而亞男係華姐冠軍，要拍拖真係困難重重。
佢話﹕「祈過禱覺得唔平安呀…..真係唔係竹門對竹門，嚇死佢屋企人呀！佢屋企人嗰時約咗我出嚟傾吓偈，佢屋企係上海好有教育嘅家庭，父母喺藝術大學畢業，諗住生個亞男咁嘅女，第日都可以嫁名門望族，啲闊太見佢都會話『呢個係我新抱就好喇』，佢真係乖到飛起。但一下子見到我，唔係剩係矮呀，仲有咩咩咩慳啲啦Baby呀，咩嚟㗎，我個女點解會同個唔男唔女嘅人一齊呀？畀我都驚啦，所以好明嘅。」
結果佢哋拖拖拉拉，到咗09年先開始拍拖。祖藍笑謂：「其實亞男都唔鍾意我扮女人，佢見到我扮梁朝偉會話『哎呀好靚仔』，我都唔知點解？作為一個基督徒，我覺得自己應該係落咗佢降頭0架。佢為咗我決定唔返加拿大喎……佢真係可以嫁好啲，你唔好計依家嘅我吖，佢同我一齊嘅時候我都未……咁富有。」
(蘋果日報)