【兒童脊科基金研究】7成學童姿勢不正確家長認知不足

2017-11-27

有調查發現，近7成學童因坐姿不正確、長期低頭使用手機等，出現體態問題，更有學童僅4歲已出現高低膊和寒背。脊醫提醒，持久重複性的動作和缺乏運動，都會導致脊骨錯位，建議學童要經常轉換姿勢，及做護脊操等保護脊骨。

兒童脊科基金訪問了1,280位參與「賽馬會護脊社區推廣計劃」的家長，結果顯示，逾9成人認為不良姿勢會影響學童健康；近85%人認為自己懂得分辨子女不良姿勢；近65%人認為自己能幫助子女改善姿勢。另外，基金早前為1,392名學童分析體態，發現有近7成人出現寒背和高低膊。脊醫伍仲恒認為，雖然家長認為自己有能力改善子女不良姿勢，但仍有7成學童有體態問題，反映家長對學童錯誤姿勢的認知仍然不足。

家長對錯誤姿勢認知不足

5歲的琳琳於9月經檢查後發現有頭部前傾、高低膊及寒背問題。其母黃太指琳琳常在梳化彎腰看書，她多次提醒仍無改善。琳琳接受基金會10次免費脊骨治療，由脊醫教導正確坐姿後，黃太認為其問題有改善。

香港賽馬會慈善信託基金2014年推行為期3年的護脊推廣計劃，為3至16歲學童提供免費脊骨檢查及治療。有份參與的脊醫陳鎰生指，有學童僅4歲已出現高低膊和寒背等問題。他表示，因書包過重、長期低頭玩手機、缺乏運動等，令近年愈多愈多學童出現脊骨問題。

經濟日報 / 晴報

【會唔會太得意啊﹖】啃親冇事 BBQ開心食嘢舔舔脷

2017-11-27

藝人車婉婉喺今年3月為中澳混血兒老公Jonathon生咗囝囝「BBQ」後，不時都喺網上分享囝囝生活點滴。早前婉婉就大爆囝囝食香蕉啃親，搞到婉婉都被嚇到喊，不過好彩最後囝囝都冇事，自己吞咗舊蕉！雖然成件事相當驚險，但人仔細細好快就已經忘記，呢日婉婉又喺社交網上載一段BBQ嘅食嘢片，BBQ食得相當滋味，舔晒脷呀！

經過上次事件後，婉婉餵囝囝食嘢都相當小心，片中見到BBQ一羹羹咁食，食到手舞足蹈，笑晒咁不知幾開心，簡直萌爆！大批網民都留言大讚「BBQ」仲識得擺出一個「天然呆」嘅樣，真係可愛到暈！有網民仲話雖然見唔到邊個餵緊「BBQ」，不過大家都估一定係婉婉嚟喇！

(東方日報)

【恭喜恭喜！大美人亨亨結婚九周年】東京拖實影相好恩愛

2017-11-27

大美人李嘉欣前幾日喺微博貼番佢同老公許晉亨喺08年結婚相，慶祝9周年結婚紀念，除咗重溫舊照，兩公婆原來喺結婚紀念日去咗東京過二人世界，日前有讀者郭先生發現李嘉欣同許晉亨喺明治神宮外苑睇銀杏葉，但就唔見佢哋囝囝Jayden。

當時大概中午12點，嘉欣着住件橙紅色大褸戴住黑超，亨亨就羽絨背心西褲打扮喺公園出現，相片入面見到嘉欣捧住一大堆銀杏葉，而亨亨就用手機幫老婆影靚相，之後輪到嘉欣拎自己部手機同老公selfie。讀者郭先生話佢哋兩公婆全程都好恩愛：「見到佢哋好恩愛，好甜蜜，由公園尾尾行到街頭，老公拖住老婆，去到中段許晉亨執地下銀杏葉畀李嘉欣揸喺手影相，見佢哋影得好開心。」睇返條片，嘉欣就已經拎住堆銀杏葉擺緊甫士，揸機嘅亨亨就好細心，要老婆行前行後、行右幾步避吓陽光，影完幾張，又再幫嘉欣整理兩邊頭髮再影過，一啲都唔hea，而嘉欣被老公影相，都份外笑得甜。

Apple Daily

【以後唔同TVB合作？】陳國邦：係一啲人嘅問題！

2017-11-27

藝人陳國邦及羅敏莊（Mimi）到鴨脷洲為ViuTV拍攝劇集《VR驅魔人》，陳國邦說：「我哋對上一次夫妻檔拍劇，已經係十幾年前嘅事，而喺劇裏面扮演夫妻，今次係第一次添！以前拍劇我哋各自同其他演員演一對，有圈外朋友話睇唔慣，我都有同啲熟嘅監製講，如果搵我同Mimi同劇，一定要演一對，反正我哋一路以嚟都咁公開！」

拍劇要問阿女

Mimi則為此劇做了大量準備功夫，她說：「我同國邦唔只喺屋企為個劇排戲，我哋仲出動埋屋企人幫手，大家都知我屋企有個老闆（女兒陳禛），要我哋兩個同時拍劇，一定要過咗老闆嗰關，今日工人姐姐放假，我哋尋晚就已經安排咗老闆去佢婆婆度，等有人幫手睇住佢，如果唔係點搞得掂？」

國邦被問到早前被無綫游說回巢拍攝劇集《包青天》演出公孫策一角，但因他參與ViuTV劇集《身後事務所》，因而臨門被飛，他說：「呢個係一間公司嘅一啲人嘅問題，其實唔只幕前，幕後手足都有呢啲不被尊重嘅情況，只不過佢哋幕後，所以未必有被報道出嚟！（為呢件事覺得好嬲？）冇，但希望就算唔合作，佢哋都可以交代得好啲，反而ViuTV高層有打畀我講唔好意思，其實可能喺TVB某啲人心目中，唔覺得有乜嘢問題。（以後唔同TVB合作？）或者將來呢啲人『叮』一聲開竅，又或者處理手法改善番，有問題嘅唔係公司，係某啲人嘅處理手法。」

(東方日報)

【幸福肥？】宋仲基婚後近照曝光嚇親網民

2017-11-27

「雙宋」宋仲基、宋慧喬婚前婚後一直都是眾人矚目的焦點，日前，有網友在微博上分享一張宋仲基的近照，照片中的他，看起來似乎比之前圓潤許多，讓粉絲笑說他是不是「幸福肥」了。

宋仲基近日出席友人婚禮，照片中他看起來似乎有些發福，腮幫子線條不見了。（翻攝自微博）宋仲基近日出席友人婚禮，與新人的合照中，他雖穿著深色服裝，卻還是略顯發福，引發網友討論他是不是胖了，腮幫子線條也變得不是那麼明顯，粉絲看了表示「畢竟結婚之後還是很幸福」、「我們稱之為幸福肥」，照片曝光後，立馬引發熱烈討論。

（自由時報）

【林珊珊自幼管教好嚴】單親家庭長大冇缺失：仲多咗愛

2017-11-27

林珊珊跟前夫李啟淦所生嘅囡囡李澄（西瓜）同李怡（野人），花名反射性格，人如其名。西瓜同野人日前喺葵芳接受周刊專訪，兩姊妹話雖然單親家庭長大，但一啲都冇缺失，異口同聲話仲多咗愛。

APPLE DAILY PHOTO
LAM SHAN SHAN AND HER DAUGHTER
1996/07/09

到底多咗啲愛邊度嚟？原來林珊珊同李啟淦離婚後各組新家庭，李啟淦跟第二任妻子生咗一名囝囝，西瓜同野人就係咁多咗個細13同11年嘅同父異母細佬，兩位家姐錫到細佬燶。

西瓜話：「爸爸媽咪分開，佢哋各有另一半，我哋多咗兩個屋企，變成『四親家庭』，細個有兩個爺爺、嫲嫲，多咗兄弟姊妹，所以唔缺失，反而增多咗愛。細佬讀書叻，善解人意同好乖，好enjoy同我哋傾偈，唔會嫌我哋老餅，好錫我哋兩個。」

30歲西瓜同28歲野人年齡只差兩年，佢哋話細個會「隔離飯香」，乜都爭，「媽咪偏心」係野人慣性口禪，西瓜亦話：「細個時，當媽咪話我唔啱，我就話佢偏心過骨。」

西瓜從長輩口中得知童年時曾出陰招推跌當時學行嘅野人：「妹妹到o依家都論盡，會撞柱。」野人承認總係行路唔帶眼：「唔係掛住睇嘢，就係其他嘢，我唔想影響到側邊人，我會直行，甚至撞埋燈柱，好彩家姐扶持我好多。」

西瓜話父母自幼管教好嚴：「細時父母教我哋兩樣嘢，做事要堅持到最後，同做到最好，唔係要成才，態度最緊要，父母冇迫我哋學好多嘢，但一定要完成。爸爸重視成績，媽咪重視我哋對人態度，嚴厲程度一樣。」　孭住「星二代」個名，有人覺得學係護身符，有人覺得有壓力？西瓜話：「冇乜壓力，冇乜優惠，冇乜唔好，平凡唔係在於你身份，係在於你做緊乜嘢事，有啲人孭嘅背景都可以選擇做平凡嘅事，係個人心境選擇，唔關任何事，睇一個人點去面對人對事。」

野人都好認同：「我覺得係心態，呢樣嘢喺外面，壓力係自己畀自己，大於外面畀自己，我冇得去介意晒所有人點睇。」當西瓜遇上困難要求助，佢話唔會搵媽咪林珊珊，亦唔會搵兩位舅父林海峰同林曉峰，佢求救有門：「梗係搵叻人幫手，叻人係我哋婆婆呀，邊個生佢哋（林珊珊、林海峰、林曉峰），梗係搵佢哋嗰個源頭啦。」野人就話家姐西瓜永遠係佢SOS求助熱線：「我o依家返工填緊急電話聯絡人都係家姐。」西瓜不忘搞笑一番：「保險受益人，鑽石委托人都填埋家姐吖。」

(蘋果日報)

【另類親子派對】九十年代強勁音樂一家盡情狂歡

2017-11-27

狂野派對（Rave party）於上世紀90年代大行其道，吸引眾多年輕男女徹夜狂歡，這班「派對動物」現已30、40歲，想回味年少輕狂的歡樂時光？英國父母現在流行「迷你版狂野派對」－－帶小朋友一起去跳舞聽音樂。

夜店裏響著強勁節拍的音樂，燈光昏暗而迷幻，還有霧煙增加氣氛，一看就知是讓人狂歡的派對現場，來玩樂的人看來有點疲倦－－因為他可能只有八個月大，而這是他的午睡時段！英國90後父母近來流行帶著年幼子女參加「迷你狂野派對」，單是其中一家公司「大魚小魚」(Big Fish Little Fish)在過去12個月就舉辦了150場。有英媒記者帶著丈夫和兩歲、四歲的女兒一探究竟，大家除了吃喝聊天，還可以帶小朋友做勞作，她也見到有兩名男子動作敏捷似乎在跳舞，其實他們只是抱著孩子在哄他睡覺；有男子眼睛大睜「神態可疑」，不過他也只是在尋找走失了的孩子，小孩原來跑到一角玩耍了。這家「大魚小魚」是48歲的桑達斯（Hannah Saunders）2013年創辦，希望讓父母帶同小孩齊齊狂歡，做個「負責任地不負責任」的家長。為了讓派對看起來貼近90年代的狂野派對，BFLF部份活動會在真的夜店舉行，只是活動時段多是周末下午而非夜晚。派對除了設有服裝主題，亦會有酒吧及駐場DJ播放90年代經典舞曲，讓入場家長盡情起舞，小孩除了可和父母度過親子時光外，亦可玩BFLF為他們準備的玩具及遊戲，例如波波池、玩具隧道及臉部彩繪等。這種「親子狂野派對」相當受歡迎，已擴展到英國不同城市甚至澳洲。

Apple Daily / 英國《每日郵報》

【顧家顧老婆】幫大仔物色好學校陳豪：小學係斷定人生

2017-11-27

陳豪、陳貝兒同甄澤權今日喺將軍澳出席「魔幻廚房揭幕禮」，陳豪透露最近忙緊籌備大仔12月嘅生日同聖誕Party，佢仲話上年嘅聖誕節，太太陳茵媺負責煮火雞。

下月4日係大仔Aiden嘅4歲生日，陳豪表示會籌備一個以Super Hero為主題嘅生日party，問佢會唔會扮Hero？佢話：「我未諗，0依家搞場地先、安排食物、娛樂環節，好多嘢都要安排，但係太太好叻，係party能手，帶到驚喜，所以交畀太太搞，保證開心。」

12月適逢係大仔生日同聖誕節，但陳豪話唔會買太多禮物：「上年嘅禮物都未拆晒，我會收起部份，太多禮物會令小朋友分心，所以會捐去慈善機構。」

陳豪又指現時忙緊為大仔搵小學，報咗幾多間學校？佢笑住話：「唔話你知，其實小學係斷定人生，所以要物色一間好嘅學校，面試多，對小朋友係一個好好嘅訓練，自信心都會多啲，會選擇國際學校。」

講到陳豪日前喺Ig上載同太太二人世界嘅相，佢話：「必定，就算有咗小朋友，父母都要安排時間俾自己，俾晒小朋友係唔健康，兩個人嘅愛要延續，唔好冷卻。」所以食飯都要拖手？佢笑笑口咁話：「好小事啫，仲有個trip都未去。」

(蘋果日報)

【被唐狗咬面停工留疤】子羚拎獎忍唔住喊：請大家支持領養

2017-11-27

姚子羚憑《同盟》拎咗TVB馬來西亞星光薈萃嘅最喜愛TVB女配角，子羚上台之前就攬住拍檔陳山聰，佢都怕自己眼淺，驚會喊出嚟，多謝佢啲姊妹，感謝拍檔陳山聰，「冇你冇Kate」，講講下都係忍唔住喊，呢一年係姚子羚好難忘嘅一年，去年被所領養嘅唐狗「通仔」咬傷塊面，有段時間拍唔到劇，停工幾個月，嗰時每日照鏡見到條疤痕，覺得係一個經歷，希望大家唔好放棄領養動物，亦唔好棄養。

子羚又多謝男友「的士邦」鄭子邦，子羚覺得要學識感恩，活在當下，因為人生無常，喺台下嘅朋友陳山聰、胡定欣同胡蓓蔚聽到都忍唔住喊出嚟。子羚同龔嘉欣上年喺深水埗發現唐狗「通仔」，搵咗幾個月都冇人領養，如果冇人要就可能俾人拎去人道毀滅，最終由子羚領養「通仔」。

(蘋果日報)

【孖新歡錫嘴放閃慶祝兩周年】間中仍有掛念太太司馬燕

2017-11-27

司馬燕(Michelle)在前年1月不敵癌魔病逝，司馬燕生前一直獲老公不離不棄照顧，但期間爆出有疑似內地小三孫君子（Summer），孫君子不滿Michelle生前好友周美鳳相約Togi行山爆罵戰，最後Togi與孫君子戀情無疾而終。

司馬燕離世差不多3年，其夫吳忠義(Togi)亦已重新開展新生活，並已覓得另一半Beth。Togi不時會在社交網貼與Beth甜蜜片段，噚日原來喺佢哋嘅拍拖兩周年紀念，Togi又在ig放閃，並貼上親吻相。

見兩人在一間情調好好嘅西餐廳食燭光晚餐，又開香檳，非常浪漫。其中一張相見佢哋手仔交叠，女友分別戴上鑽石和珍珠戒指，吳忠義留言：「Happy 2nd anniversay，honey，withlove，together。」女友回覆﹕「Many more to go Hun , love you.」足見感情十分穩定。

不過，Togi間中仍有掛念太太，去年11月就貼咗司馬燕幾張合併相片，留言﹕「In our hearts: always happy, gracious, so cool.」

(蘋果日報)