黎諾懿今日到荃灣參與中秋嘉年華活動，同現場觀眾玩收賣佬遊戲，今朝零晨五點先收工嘅黎諾懿，就透露由於劇集要趕埋尾，而一幕遊船河戲份因之前颱風關係，o依家押至下月11日煞科當日先拍。
不時喺網上分享愛兒雞仔片段嘅諾懿，直認經常都掛住雞仔，尤其享受每次雞仔似樹熊咁伏喺心口時候，佢話：「雞仔只係嗲外母同我，可能當咗媽咪係工人姐姐。嚟緊期待佢叫爸爸，不過佢叫媽媽先都啱，但好多時都事與願違。」太太都有呷醋話好少同雞仔合照，因為太太成日留喺屋企揼奶，冇出街唔化妝，所以噚日太太化妝出街，黎諾懿即刻幫佢影多幾張。至於會唔會再追多胎，諾懿話希望豬年可以生女。
(蘋果日報)
舊時好多人都覺得老公比老婆年紀大會更好，感覺可以更好照顧老婆。但時代唔同咗，姊弟戀都變得好尋常。圈中亦有好多對星級姊弟戀夫婦，仲要sweet到爆！
張家輝同老婆都係姊弟戀，不過佢哋之間只係差半年，同年唔同月。
佢哋結婚10幾年以嚟，雖然鮮有喺螢光幕前晒恩愛，但張家輝係出咗名嘅愛妻號，婚後關詠荷專心照顧屋企。
早幾年家輝喺香港電影金像獎再度封帝時，公開感謝太太照顧屋企，等自己可以安心出去打拼。
林心如同霍建華去年結婚，兩人年齡相差近4年，做咗10年朋友後，終於修成正果。今年二人於1月仲生埋B女小海豚，一家三口勁幸福。
早兩個月又被目擊兩公婆拍拖睇戲，平日兩公婆各有各忙，但仲識把握時間拍拖，真係好難得。
楊怡同羅仲謙上年結婚，又係姊弟戀，女大男5年。
二人非常恩愛，喺社交網仲不時放閃，真係閃到爆！
單係謙謙個Instagram只係follow老婆楊怡一個就知幾咁恩愛。
近年比較誇張嘅姊弟戀，可算係鍾麗緹同大陸男星張倫碩，二人足足相差12年。
鍾麗緹曾經兩度失婚兼育有3個女，前年同張倫碩因合作真人騷節目《如果愛》第二季撻着。
上年佢哋錄節目時，張倫碩突然向鍾麗緹求婚，女方更即時答應，並喺三名女兒陪同下出嫁，成件事非常浪漫！
(Apple Daily)
今年50歲嘅陳小春，大方講到。。。
大陸真人騷《爸爸去哪兒》嚟到第五季依然有捧場客，尤其小春Jasper父子更引嚟唔少話題。當中絕大部份網民都指一味靠兇、唔識教仔嘅小春，同乖巧、EQ超高嘅Jasper，形成強烈對比。
節目出街後，面對網民一面倒批評，小春接受大陸傳媒訪問時，亦承認自己脾氣大，兼有反省過。小春喺訪問中話：「兇是有點兇，既然大家覺得現在是Jasper帶我去做『變形記』，我就慢慢去變形，變回一個溫柔體貼的爸爸吧。」
小春仲話睇完頭兩集節目時，俾Jasper感動到有啲想喊：「我看到鏡頭裡面我不知道的一些內容，每一次播完之後我再看那個節目，眼睛都有點淚，因為兒子也會想我了，當爸爸真幸福。」事實上，喺參加《爸爸去哪兒》之前，陳小春只有一次獨自帶囝囝出門嘅經驗，平時Jasper都係公公婆婆照顧，對於囝囝嘅懂事，小春話：「應該不關我的事，我一點都不乖，他很乖的。」
而呢個亦係老婆應采兒決定俾兩父子參加節目嘅原因，等兩父子好好交流一下。對於Jasper將來會唔會入娛樂圈，陳小春就斬釘截鐵話：「我希望這個節目錄完之後，大家也別想他了，我偶爾會在微博放一些他生活的東西，但小朋友還是要回去好好學習。有一天他真的願意去娛樂圈裡面漂的話，我也沒辦法，但如果真的可以很嚴厲，我會不允許他在娛樂圈裡面混。」
而今年50歲嘅小春，原來都意想追第二胎：「我看到畊宏的女兒小泡芙，唉呀太可愛了，有想過再（生）二胎呀，但看老天爺賜不賜給我吧，如果再賜給我一個小泡芙一樣的小可愛，我人生就滿足了。不過，當然不要像我，如果有個女兒像采兒一樣，我覺得應該會比小泡芙更優秀咯。」
(蘋果日報)
賈靜雯於社交網站上載兩張細女「Bo妞」剪髮前及剪髮後的對比照。
她表示因為不習慣看囡囡的長頭髮，忍不住親自為女兒剪髮。
「早上與傍晚的Bo妞，那根豎立的沖天炮讓我有了幫她剪髮的衝動，就在剛剛剪完～」
「Bo妞」剪了一頭瀏海髮型後，賈靜雯又攞兩張相作比較，續笑說：「兩張對比，明顯有氣質上的差別，親和與時尚～不賴吧。」
她更謂完成當髮型師的夢想，hashtag話：「只有孩子們願意任我擺布」，仲問老公修杰楷要不要預約。
有網民留言指「Bo妞」剪髮後更似爸爸。
（on.cc 東網）
林盛斌（Bob）9月24日生日。
阿Bob身在泰國與陳凱琳、黃翠如、洪永城、許紹雄、陸浩明、麥美恩等拍攝節目。
晚上獲眾人安排驚喜生日會，麥美恩更向壽星仔送上香吻。
唔好以為輕輕錫面咁簡單，麥美恩係捉實Bob塊面玩嘴對嘴，非常激烈。
阿Bob接受媒體訪問時，表示今年生日要在工作中度過。
「因為拍攝新遊戲節目，剛剛食晚飯大家畀我驚喜送上生日蛋糕，非常開心，感謝拍攝團隊的安排。」
講到獲麥美恩咀嘴賀壽，他否認是真吻。
「麥美恩係好朋友，純粹因爲配合現場氣氛假扮送上香吻，其實並冇真錫到嘴，因為中間隔住佢啲手指，哈哈！」
(on.cc 東網)
兒科醫生表示，曾有女童吃月餅後出現敏感反應，仔細檢查始發現對。。。
有周刊報導，無論是傳統的蓮蓉餡到新款冰皮月餅，大部分都含蛋、奶、小麥、果仁等常見致敏原。有兒科醫生表示，曾有女童吃月餅後出現敏感反應，仔細檢查始發現是對蓮蓉敏感。同時，他提醒市民要注意，即使月餅標籤的成分不含致敏材料，但仍有機會於生產時混入殘留物，定要小心致敏危機。
傳統蓮蓉月餅，餅皮由花生油、小麥粉製作；冰皮月餅含乳化劑、牛奶等成分。香港過敏協會顧問醫生何學工指出，這些材料屬常見致敏原，過敏病人接觸後，輕微症狀包括皮膚痕癢、出風瘌、腸胃不適、惡心、怠倦；嚴重反應可於數分鐘內引發，嘴唇腫成「孖潤腸」，「眼腫到連成一線，個頭雙倍咁大」，部分病人感氣管不適，出現氣促、血壓下降及心跳加速，甚至休克。
何學工又表示，有六歲女童本身對果仁過敏，吃一點即口腫面腫，日常飲食已避開蓮子，惟百密一疏，忘記月餅的蓮蓉由蓮子製作，服後即現過敏反應。過敏協會主席林紅的十六歲次子自小對花生、雞蛋、牛奶、小麥敏感，一家人多年中秋節未試過一起品嘗月餅，「大女都好大犧牲，最多只買冰皮月餅自己食。」林紅形容，次子過敏反應極嚴重，試過在家飲奶後全身無力、呼吸困難，需送往醫院。他上中學前，所有食物在家烹調，自己見過材料才安心，「街外食物有醬汁，不知道混入了甚麼。」
隨着兒子長大，難每餐靠屋企，林紅聯絡住所和學校附近的相熟餐廳，逐間向老闆提出特製防敏感餐，並到廚房確保過敏成分不會混入食物，才帶兒子試食。不過，有時仍出意外，「有間越南餐廳肯為他煮餐，但同學食的檬粉有花生，飯後傾偈太興奮可能噴到口水，都可以出事。」兒子隨身帶備急救針和藥物，所有食物放入口前要想一想，並留意同行人士吃甚麼，避開致敏原。
兒科醫生又表示，一千名小童中，約五至十人對牛奶敏感、十人對蛋敏感、三人對花生敏感。香港法例規定食物標籤列明已知致敏成分，過敏人士或家長買月餅時，應仔細留意標籤。過敏人士嘗新款產品前，可先試一小口，半小時內未見異樣，再開懷進食。
(東方日報)
趙文卓同老婆張丹露婚後生咗三個小朋友，大女子儀轉眼仲已經10歲大。
呢日張丹露喺微博上載多張幫大女慶祝生日嘅相。
「我的大公主子儀今天10歲了，時間好快，轉眼間你已然是一個亭亭玉立的美少女了，各種感慨各種回憶，爸爸為了能參加你的生日連夜從劇組趕回來，匆匆切了蛋糕，現在已在回劇組的路上了，我的玫瑰爸媽祝你生日快樂，永遠開心幸福的成長。」
睇相可以見到子儀同爸爸生得好似樣。
着住公主裙嘅佢仲已經去到媽咪膊頭咁高。
佢哋一家五口仲影咗張全家福，真係好溫馨！
(on.cc 東網)
有過來人分享到：「要照顧小朋友同太太，新手爸爸已經好唔習慣，又有好多嘢要學。。。
計劃生兒育女的打工仔有好消息！據了解，在男士侍產假措施落實兩年半後，政府正研究額外增加兩日法定侍產假，即一般打工仔亦可享有五日侍產假，向公務員「看齊」。勞工界代表認為五日侍產假是「最低標準」，該措施生效已兩年半，並沒對僱主帶來負面影響或濫用情況，料資方也不會有強烈反對。資方代表則稱，增加兩日侍產假「有得傾」，惟需進一步檢視措施落實後對中小微企的人力及經營影響。
法定侍產假於一五年二月廿七日生效，政府藉此鼓勵市民生育及推廣家庭友善。男性連續合約僱員，為同一名僱主工作不少於四十周，即可享有三日有薪侍產假，僱員休假時每日薪金按其平均工資的五分之四計算。不過，香港公務員自一二年四月一日起已享有五日侍產期，且休假時領全薪，因此，勞工界及社會上早有意見認為法定侍產假訂定得「太低」，政府更有厚待「自己人」之嫌。
政府已就法定侍產假展開檢討，年底會公布結果。據悉，由於法定侍產假運作暢順，政府有意上調兩日，讓新爸爸們有更多時間照顧家庭，不過，侍產假中是否領全薪，則暫未有定論，消息指，假期薪酬問題要視乎增加法定侍產假對企業帶來的額外具體成本。翻查紀錄，政務司司長張建宗在一二年擔任勞工及福利局局長任上曾披露，五日侍產假的當時勞工成本約涉四億港元。
勞工顧問委員會勞方代表鄧家彪指，如政府調升法定侍產假至五日，是一個向前行的做法，雖與工會要求七日有距離，但仍表歡迎，且措施推行逾兩年，看不到對企業有負面影響或有濫用的情況。他分享過來人的感受，指三日侍產期實在不夠用：「要照顧小朋友同太太，新手爸爸已經好唔習慣，又有好多嘢要學，五日真係最低標準啦！」
勞顧會資方代表施榮懷亦稱增加侍產假「有得傾」，因現時大企業的員工侍產假已達五日或以上，但中小微企就因為勞動力短缺，可能面對較大影響：「如果得一兩個夥計，咁個老闆究竟請唔請到替工呢？請唔到人對佢嘅生意有冇影響呢？」他希望政府羅列有關數據，再交由勞顧會討論。
(東方日報)
莫文蔚日前作客台灣著名主持黃子佼的網上節目，身為一個超級「吃貨」。她坦言非常鍾意食薯條，但表演、錄音前必定要戒油。
「我一定要吃白飯，尤其要唱歌我要先吃飯，唱歌才會有力量，而且唱一唱就餓了，要繼續吃。我吃滷肉飯的油會封喉，但是吃肉燥飯就有如神助一樣！」
談到其婚姻生活，她就指自己與老公在英國有屋。
「回家老公還會煮飯給我吃，一般是意大利粉，我很喜歡吃！」
莫文蔚又透露老公每年情人節都會送她戒指。
「我沒有暗示，是他自己要送的，都是不同款式，前兩年我們去南美、澳洲旅行三個月，都是大自然的美景，那年他送我的戒指就有綠色的圖案。我回送他飛吻一個！」
（on.cc 東網）
S.H.E成員Ella（陳嘉樺）4月時誕下囝囝「勁寶」，升呢做媽媽。
近日佢同老公賴斯翔（賴解孵）帶埋囝囝一家三口第一次遊。
Ella仲喺社交網上PO相，留言話感謝「勁寶」嘅配合：「謝謝你這麼好相處，謝謝你這麼享受这（追）趟旅行，媽媽好幸福，好愛你，期待下一次的旅行」
相中可見Ella嘅濃眉亦遺傳咗畀囝囝，其中一張Ella抱住「勁寶」嘅側臉，輪廓完全一模一樣，難怪連網友都大讚好可愛！
另外，Ella仲晒咗張佢孭住「勁寶」，老公說蹲喺旁邊錫囝囝隻腳嘅相，搞笑咁話：「這張照片說明了家中地位排行」
不過就有網友為解孵抱不平指囝囝一出生，爸爸果然就冇晒地位了，認真可憐！
(on.cc 東網)
