於經典劇集飾演「包青天」一角深入民心的演員金超群近年鮮有露面。
今年初更因腦部有腫瘤要動手術，期間更傳過三次死訊，幸好最近見他現身台灣活動時精神奕奕。
見到傳媒後，即說：「就是要跟大家說，我沒有死！」
金超群承認的確做了開腦手術，還展示手術後頭上的疤痕。
金超群透露一切於去年於泰國演出時說起，皆因表演時竟唱不出演出過無數次的「包青天」歌曲，結果返台後即到醫院險查，發現腦內有5cm的瘤及4cm的積水，引至突發性語言障礙，診斷後需進行開腦手術，取出腫瘤。
為免有不快事情發生，金超群於手術前向老婆陳琪講定「遺言」。
「我跟他說，待我走了以後，你可以嫁，但不要找小白臉就好，這樣我就會不甘心。」幸好一切順行度過，笑指如今走過了鬼門關，決定今後要好好調養身體。
（on.cc 東網）
女星Angelababy（楊穎）有個錫到佢燶嘅老公黃曉明，今年初又誕下囝囝「小海綿」，加上近年喺內地大受歡迎，絕對係人生勝利組。不過，如今事業家庭兩得意嘅Baby，其實曾經有過低潮期，仲試過患上抑鬱。
Baby最近接受訪問時，提及早年轉戰內地市場，當時搏命工作，試過足足三日三夜冇瞓過覺：「最累的時候試過三天三夜沒睡覺，最後一天還要飛到美國拍廣告。去機場時太晚，只能窩在經濟艙中間的位置。那樣的苦其實不苦，身體懂得自我修復。讓人過不去的往往是心的疲憊和無奈。」
休息時間唔夠，加上初到北京思鄉，Baby亦形容當時自己係「舉目無親」。期間佢喺冬天時間拍戲，拍到一半患上肺炎，身心疲累下更患上抑鬱，Baby亦直言：「天冷時要在戲服裏加一件充電的保暖內衣，身體暖了情緒問題卻無法解決，每晚回到酒店看着天花板睡不着只想哭，誰勸都聽不進去。」幸而Baby後來靠打機抗抑鬱，佢話發現打機時會完全集中喺遊戲上，打到攰就瞓，第二日起身個人變得有精神。
訪問中仲講到Baby被視為人生勝利組，佢就有唔同嘅睇法：「我身邊的朋友有的剛結婚，有的還在工作，有的剛談男朋友。選擇了這個，肯定放棄一點別的，看她們自己怎麼選擇。都是認識了十幾年的老朋友，反正身邊沒人跟我說羡慕我，因為她們都有自己的生活方式，價值判斷，以及她們想要的選擇。」
(on.cc東網)
蘇永康今年3月榮升爸爸，太太馮翠珊為他誕下囝囝蘇展弘（Jazz）。
自從蘇永康做咗爸爸後，簡直父愛爆棚！
明天係蘇永康50歲生日，而佢太太喺尋日就提早為老公搞咗個驚喜生日派對。
原來蘇太四日前靜靜雞回港，暗中相約蘇永康好友雷頌德夫婦、徐濠縈、劉浩龍、黃偉文等為老公慶生，而蘇太好有心準備咗一家三口造型嘅壽包為老公慶生。
個蛋糕仲寫住「公公豬」真係sweet到爆～
蘇永康感動留言：「我從不喜歡替自己慶生，感謝太太的安排及Wyman配合.昨晚的surprise dinner原來於四日前太太從倫敦回港立刻暗中行事及訂製我家三口子的人型壽包.衷心感謝好友的到賀,因工未能共聚的亦派太太出席.人到半百還夫復何求？感恩 ps:感謝雷太的homemade b-day cake肥都肥得值 ！」
不過蘇永康最開心應該係今年第一次同仔仔過生日喇！一家團聚最開心。
（on.cc 東網）
曾國祥（Derek）入行16年，憑電影《七月與安生》而踏上各大頒獎禮舞台，由「曾志偉兒子」到「王敏奕男友」，曾國祥終於獲得「著名導演」這個銜頭。
在電影圈打滾多年，讓Derek體會父親的愛及遇上終身伴侶，已不枉16年的青春。
眾所周知，曾志偉是一位出色演員，但在Derek眼中，曾志偉是否將父親這個角色做得稱職？Derek坦承以前曾質疑對方是否一個好爸爸，因為他分給家人的時間實在太少。
「我同爸爸嘅關係唔可以用疏離去形容，但佢真係好忙，以前同佢冇咁熟，我又喺外國讀書，但我入咗行之後，先明白到點解佢當年會咁忙，原來真係可以斷六親！佢其實好錫屋企人，只係佢用自己嘅方法去關心家人。」
Derek指父親對子女向來採取放任政策，不會干涉他揀學校、拍拖以至工作：「佢會由得我行自己嘅路，佢認為一個人要搵到自己鍾意嘅嘢，唔會將父母嘅價值觀放喺小朋友身上，佢咁嘅理念係好正確。」
至於Derek生命中重要的女人、拍拖三年半的女友王敏奕（Venus），Derek坦言未有結婚計劃，但已視對方為終身伴侶，希望可以與Venus長相廝守。
（on.cc 東網）
51歲嘅郭富城喺今年完成兩個重要嘅人生大事，先係喺今年4月同大陸女模方媛（Moka）結婚，正式成為人夫，前日又喺微博貼一家三口勾手指相，宣佈榮升爸爸兼留言：「開心！我們仨！」
今日有周刊報道，本來Moka嘅預產期喺9月中，點知喺9號嗰日有作動嘅跡象，本來喺佛山開工嘅城城，收到通知之後，即刻趕漏夜趕返嚟香港，最後喺10號生咗B女。
做咗爹哋嘅城城，喺劇組嘅配合下，可以有一個禮拜嘅湊女假期，聽講囡囡眼大鼻高，同爹哋成個餅印！城城接受周刊嘅訪問，佢話第一次抱住BB嘅感覺好難去形容，望住BB，好似抱住迷你版嘅郭富城，嫲嫲當然覺得好開心。
城城o依家已經回歸劇組，佢除咗每一日同老婆視像之外，一有空檔就會返香港湊b。
(蘋果日報)
周家蔚出席活動，問到她老公洪天明是否已約定一家人共賀中秋。
她說：「天明依家喺馬來西亞工作，佢同兩個仔講視像電話嘅時候喊晒，話好掛住屋企，兩個仔同我都有喊，天明中秋節應該會返嚟一齊慶祝。」
問到老爺洪金寶嘅膝蓋手術好番晒未，周家蔚表示：「我兩個仔都有關心爺爺，做完手術係應該靜落嚟，但爺爺係唔停得落嚟。」
家蔚又提到向兩子灌輸關心社會、幫助別人訊息。
「之前都有帶佢哋去玩遊戲，係從事唔同職業，再賺啲錢，然後用嚟買嘢，我都有教佢哋捐錢，另外我都有畀佢哋睇啲戰爭中嘅小朋友嘅紀錄片，又講佢哋知，世上有啲小朋友畀人捉咗，然後叫佢哋去乞食，呢啲要畀佢哋知，其實佢哋都算幸福。」
(on.cc 東網)
結婚17年，一直相敬如賓，女方也覺得，這個男人一定一定一定會在身邊，而且關係也很穩定，然而突然有一天，她說覺得這段關係，已經沒有了愛。
是她。溫碧霞說，我想過番做女嘅生活。
離家一段時間，返到去一家團聚，她發覺她最掛念的是他，不是他。第一個他是7歲Xavier，
第二個他是丈夫何祖光。
然後，溫碧霞決定分開。她今午接受《蘋果》專訪時說：「分開頭嗰一個月，我係好開心，覺得好free，好似可以同朋友去邊度都得。但係耐咗又會覺得冇咗個人喺身邊係好唔慣。」分開期間，兩人可是沒有見面？溫碧霞說：「咁又唔係，其實佢有send message俾我，但佢真係搬走咗。我都唔明點解會有呢啲新聞，佢睇到新聞都打個突，因為佢嘅親人都唔知我哋分開嘅，亦都未講到離婚，個報道係有少少誇張咗。」
「我哋只不過係覺得大家有問題，要唞下，嗰個moment好多人都好關心我，佢（何祖光）都好關心我，佢講咗一番說話令我好感動，令我覺得呢個男人真係好好。」說時溫碧霞已經眼濕濕。
她續說：「其實變嗰個係你，我一直以嚟都冇變過，一直好想好好同你喺埋一齊。我覺得佢真係對我好好，令我好感動。雖然呢番說話係喺電話入面講，但我覺得好感動，覺得係應該要同佢一齊番。」
(蘋果日報)
《胡說八道真情假期》今晚先講到姚子羚與胡蓓蔚繼續在澳洲遊覽。
在澳洲讀書的姚子羚自爆在當時遇上馬來西亞男友。
不過，現時纖瘦的姚子羚當年原來十分圓潤，比起現時大一個碼以上，還被同學改了花名「豐乳巨臀」。
姚子羚笑謂當時雖然圓潤，但有不少追求者，但回港後清減了，反而沒有男仔追求。
之後，姚子羚又與胡蓓蔚乘坐直升機在空中欣賞澳洲名勝十二門徒石。
(on.cc 東網)
藝人李家鼎到尖沙咀出席活動，即場示範以苦瓜製作名為「苦盡甘來」的涼拌菜，又透露將到郵輪上開Talk Show。
提到早前李家鼎三代同堂食飯影合照，他笑言孫仔即是苦盡甘來的「甜」，雖然他口中抱怨孫仔百厭，但仍遮不住喜悅：「佢幾咁百厭呀！（怕唔怕爺爺？）又唔係驚我，係知道我唔蝦得囉！佢依家13個月大，學緊行，佢阿媽就心痛佢跌，我就覺得由佢跌囉，唔跌點學行呀？」
問到中秋會否與孫仔過？李家鼎大呻好忙，講到郵輪之旅或可帶孫仔同行？他說：「都想帶埋佢去，但佢太細喇，咩都唔識！（帶女友去？）女咩友呀？師奶就有！」
李家鼎首次上郵輪開騷，問到會分享哪些話題？他謂：「睇吓到時咩環境囉！（沖繩係港人結婚勝地？）我又唔係日本人，佢哋傻啫。（海外結婚浪漫啲！）落雨拍拖仲浪漫呀！以前一個包一杯水一齊食，捱到咁就浪漫喇！我哋上咗年紀嘅唔講呢啲，大家係睇真性情，係Love Story，邊似你班後生仔呀！」
(on.cc東網)
38歲歌手官恩娜婚後生咗個仔仔BéBé G，早前佢再宣布喜訊懷有第二胎，認真幸福滿瀉。
懷有約5個月身孕嘅佢，同時又要照顧仔仔BéBé G，真係少啲精力都唔得。
BéBé G呢日就病咗仲發高燒高達攝39.5℃，官恩娜喺社交網上載咗抱住BéBé G嘅相，睇到BéBé G冇晒精神咁合埋雙眼伏喺媽媽胸前，官恩娜除低口罩扁嘴，留言話：「Waiting for the doctor（等待醫生中），39.5°C。」
網民都紛紛留言送上祝福，希望BéBé G快啲好番啦！
(on.cc東網)
