藝人王馨平接受電台訪問，講到她保養得宜，她分享到，盡量每日都會跑步，平時亦會做瑜伽，每日會早睡早起，她又謂：「以前做歌手活躍時係中午先起身，凌晨兩、三點先瞓，但依家夜晚11、12點就會瞓。（點解會有咁嘅改變？）因為老公嘅生活作息時間唔同，佢起身時我都希望可以為佢準備早餐，再加埋做瑜伽要早起身。」
她亦表示老公在做人方面影響了她：「佢好多朋友，我圈中熟嘅都係由細到大識嘅朋友，因為一放工我就會返屋企，但結咗婚之後我覺得自己圈子擴闊咗，學識同人交往嘅技巧同做人處事。」
(東方日報)
【49歲】王馨平Keep得超好全靠…
【被刻薄鬧爆兼公審】曾華倩：有人將是非顛倒 自己對得住良心
02年離婚嘅曾華倩，同囝囝林浩賢相依為命，為咗培育阿仔成材，無論晴天或雨天，華倩都會陪囝囝去泳池操水。舊年華倩終於守得雲開，囝囝喺比賽中，打破兩項香港學界紀錄，更勇奪學界50米同100米自由泳冠軍。
華倩視阿仔如命根就係人都知，噚晚佢就陪出國比賽嘅阿仔去機場。點知喺機場就遇到不快事。
事緣噚晚有網民喺網上討論區開Po，點名指斥曾華倩送阿仔入禁區後，始發現自己銀包漏咗喺阿仔袋中，曾華倩要求機場職員代佢入禁區取回銀包，讀者指當時有人喺機場大吵大鬧發爛渣，更因此阻礙部份機場職員收工。
事後網民意見各有分歧，指華倩唔小心將物件帶入禁區，最後想勞煩機場職員代勞，自己有錯在先。但亦有網民指發帖者形同公審，而且言辭刻薄，當事人由於身份證以及信用卡，一併被送到入禁區，情急之下唔識處理亦係人之常情。
對於機場「銀包事件」一事俾網民公審，曾華倩回覆周刊時，否認自己發爛渣，更反指斥噚晚喺機場遇到一個冇禮貎，兼且態度有問題嘅職員。「其實成件事就係我銀包放咗落阿仔個背囊入面，但佢入咗禁區我先醒起，當刻我衝去航空公司個櫃台，問職員有咩辦法，當時個人好徬徨，因為之前都未試過，都想問吓有冇人有呢個情況出現過。點知counter嗰度有個女職員就好冷漠咁話『冇㗎喎，我哋幫你唔到喎，呢啲係機管局安檢嘅問題，或者咁啦，當你個仔架飛機到境，咁佢咪可以去番入境大堂囉，但張機票就作廢啦，不過o依家飛機都就起飛，未必夠時間喎。』
「我唔明客人已經好着急，點解個職員仲會咁講嘢，根本唔係幫人，似係潑冷水多啲，其實佢做啲假動作，或者話『等我試吓』去安撫個客，成件事已經唔同晒。學劉德華話齋，今時今日咁嘅服務態度點得㗎，其實中間都有個男仔想起身話幫我試試，點知嗰位女職員即刻行埋嚟，個男仔就坐番低，所以個女職員應該係上司。」
華倩透露事後亦有搵入境署職員同警察幫手，但得出結果都係話安檢問題，叫華倩最好問番航空公司，最終銀包亦隨阿仔上咗飛機。華倩話本來件事喺噚晚已經告一段落，估唔到今朝瞓醒，竟然見到有人貼文將是非顛倒。
「我唔明點解會有人寫啲咁刻薄嘅字眼去傷害人，亦再證明呢個世界上有好人同衰人，係邊個寫，自己心中有數，噚晚係半夜機，機場好少人，而噚晚遇到嘅，絕大部份都係好人……其實寫得出呢啲字眼，佢本身個人嘅人格都好有問題，自己對得住良心，都係嗰句，種善因得善果。」
(蘋果日報)
【粉碎分手傳聞！】吳君祥晒女友江美儀慶生照
江美儀與吳君如胞弟吳君祥拍拖多年，近年二人聚少離多。吳君祥經常在內地工作，加上江美儀冇出席上月吳君如52歲生日派對，傳出二人感情亮紅燈。
不過吳君祥就趁住日前係女友江美儀46歲生日，喺微博上載同女友慶生相。
「今天是江美儀的正日生日，在馬來西亞拍攝節目的她在工作中度過，當地工作人員送上榴槤蛋糕為她慶祝，實在太感動了，但真的能吃嗎？江美儀！」
雖然生日要工作中度過，但江美儀一啲都唔寂寞，獲一大班工作人員送榴槤狀嘅蛋糕慶祝之餘，最重要有男友陪伴嘛！江美儀亦有喺網上晒出同一張相，感謝大家為佢慶祝。
同一日亦係吳君祥爸爸夏春秋86歲生日，唔喺香港嘅吳君祥就上載咗多張同爸爸合照，留言：「今天其實也是老爸的正日生日，但今年由於我工作關係不能回香港跟老爸過生日了，只好在這裏祝願他身體健康、事事順心！」
(on.cc 東網)
【慈善跑當胎教？】郭晶晶：孕婦是需要運動的
郭晶晶今年4月為老公霍啟剛誕下一女，休息一排，上星期四產後首次喺香港現身，出席一個慈善跑活動記會。
愛心爆棚嘅郭晶晶，今日又為慈善跑記者會擔任嘉賓，佢同李小鵬喺中環出席「健康快車 建行(亞洲)慈善步行跑記者會」，會上小鵬同晶晶一齊玩遊戲，體驗患眼疾嘅苦況，又教大家熱身拉筋，小鵬被笑手瓜起蹍，佢笑稱係經常要抱分別五歲多同一歲多嘅仔女所至。
小鵬又話會帶大女去學唔同嘅運動，打網球、游水同騎馬，11月25號會帶埋對仔女參加慈善跑。
而已經第三年做大使嘅晶晶，就被爆上年參加慈善跑時已經懷孕，晶晶就搞笑話：「孕婦是需要運動的。」晶晶輕易咁示範拉筋動作，原來每日晶晶都習慣做拉筋，有時間仲會跑步，問到一對仔女嘅性格，晶晶話：「細嘅還未知，哥哥很活躍。之前有參加游泳班，但他不喜歡，已經沒有繼續學。」
問到囝囝中曦係咪好識冧爺爺霍震霆？晶晶笑話：「係，爺爺見到佢會好開心，佢會同爺爺講I love you，都會同我哋同嫲嫲講。」提到碧咸前日接受訪問時被問到幫仔女上車，碧咸就話仔女做乜都會支持，咁問到晶晶會唔會買樓畀仔女？晶晶就話：「冇諗咁遠。」係咪會將最好嘅留畀佢哋？晶晶話：「盡量啦。」而中秋節，晶晶就話會一家人食飯，佢仲買咗個紙燈籠同囝囝一齊整，晶晶話自己好鍾意做手工，平時都喜歡針黹。
(蘋果日報)
【面試包括唱歌、玩…】幼稚園門外百人排隊
協恩中學附屬幼稚園參加免費幼稚園教育計劃，下學年入讀幼兒班K1的學童，學費全免，吸引不少適齡學生家長今日(20日)到場排隊交表，校門外人龍橫跨兩條街，高峰期有近100人。
協恩中學附屬幼稚園網頁提供申請表，供有意報讀的學生家長下載，填妥後須於今明兩天(20日、21日)辦公時間內遞交。今午有近100名家長於協恩中學附屬幼稚園門外排隊輪候，為子女遞交報名表，人龍一度由天光道延綿至農圃道。
該校校長何鳳貞表示，首日交表人數較去年同期稍多，但她相信翌日交表的人數相對會減少，「交表情況一路都係咁上下」。對於校門現交表人龍，她直言，校方已提供互聯網下載表格服務，並連續第三年攤分兩日收表。校方將安排申請人參加面試，包括分組唱歌、玩玩具及遊戲等，「我哋發現普遍申請人都讀過兩歲班，面試都係睇下申請人的表現」。
(東方日報)
【離譜！】涉虐兒搏炒 印傭教幼童塞廁紙入陰道
據周刊報道，市民廖太早前遇到外傭虐兒事件，廖太更直言：「我這一輩子都不會再請外傭，我寧願自己辛苦點。」廖太情緒還未能平伏，因為她請了一個「魔傭」。這個印傭不僅涉嫌虐打她兩名孫兒，更涉嫌性侵他們，造成不能磨滅的陰影。
印傭在廖太女兒家中工作八個月，數月前要求回鄉探親一週，但她從印尼回來後就變了另一個人。廖太形容事前兩個孫兒性情活潑、聰明好動，喜歡唱歌跳舞。大孫女四歲，小孫子兩歲半，一直相親相愛。唯出事後，孫女性情大變且變得暴力，甚至把弟弟一隻門牙打掉。小孩曾向廖太親口透露被虐打、被扯頭髮。印傭更做過不少過分行為，如讓小孩穿濕透的校服，把小朋友的飯菜拿去餵狗等。所以，幼稚園曾要求家長給予小孩補充營養食物。更過分的是，工人對他們的私處做出不必要的接觸，灌輸錯誤的價值觀。
廖太觀察到孫女去完洗手間後不出來，更見她用廁紙塞進陰道，問她為什麼這樣做，她說是姐姐教的，指這樣做會「發光」。廖太無奈表示，「因為一切都在廁所發生，我們沒法裝鏡頭，沒有證據，全部都由小朋友講出來。」廖太一家現時只能找社工，重新教導孩子正確的性價值觀。
廖太一家報警求助，但經過八個月的調查，仍未有進展，搜證時警察沒有問學校、鄰居、婆婆等多方的證供，令他們對香港警察感到失望。而律政署最後以證據不足為由，沒有提出檢控，更使調查至今仍未能還小孩一個公道。廖太打算去信特首，希望林鄭能關注外傭問題，呼籲一眾僱主簽名支持。
最後被解僱的印傭自行離開，她反告僱主未有支付代通知金一個月，為此鬧上小額薪酬索償仲裁處，追討四千一百一十元。而勞資審裁處考量了印傭的惡行，最後判廖太一家勝訴。但她「博炒」成功，仍留下一堆問題，還有借下財務公司的債務。
護苗基金總幹事譚紫茵（Michelle）指出，由二零一二至二零一六年，這四年間共接收四百五十五宗懷疑性侵個案，當中涉及家傭作為侵犯者有三十九宗，佔當中8.9%。「兒童被性侵犯，對其生理和心理的影響都很大。所受的傷害，如沒有即時心理輔導，他們長大後會對性很扭曲、對自己很沒自信、自尊心低，嚴重可影響將來的婚姻生活。」Michelle建議布請外傭的家長要與子女保持溝通，多留意子女。
（壹週刊）
【提早老化】有四個現象要小心！
或許你常常聽到，常曬太陽、長時間使用手機的人老得快，但是除此之外，還可以從哪些地方觀察到自己容易長皺紋？「LBR LIFE&BEAUTY REPORT」網站提出4個提早老化的跡象，提醒你快速改正，勤快保養！
1 無意識把嘴巴張開
嘴巴看電視的時候會無意識張開？這代表你的臉頰和眼周肌肉已經鬆動囉！回家記得好好幫臉從下到上、左到右好好按摩一下，或者讓舌頭沿著所有牙面運動都能緊實肌肉唷！
2 身體左右兩側歪一邊
高低肩代表你用力不均，導致肌肉和骨骼不對稱，間接也會影響臉部肌肉，導致臉頰變形，除此之外，通常有這種情況的人還會伴隨肩頸痠痛的問題。
3 太少開懷大笑
或許你會覺得笑容易有表情紋，但是笑可以使用到臉部肌肉，間接來說可以緊實肌膚，而且還能放鬆心情，對保養皮膚也是一大好處，平常可以和朋友多出門踏青，過得輕鬆一點。
4 吃東西用單一邊咀嚼
習慣用單一邊吃東西會讓其中一側的法令紋變得更深， 長期下來也會變成左右不對稱的大小臉，甚至造成牙齒疼痛，有這種習慣的人請快點改掉吧！
(自由時報)
【陸漢洋默認】傳意大利向苟芸慧求婚成功
34歲嘅苟芸慧（苟姑娘）同44歲男友、錫礦大王後人陸漢洋拍拖冇耐經常傳出婚訊，早前男友仲送咗陸媽媽留俾佢嘅家傳鑽石鑲製而成嘅訂情戒指，女神正式封盤！
今日有周刊報道，陸漢洋終於有行動，早前有人見到佢哋二個人去咗西半山睇豪宅，日前佢哋仲齊出發去意大利，苟姑娘就睇時裝騷，陸漢洋就去賽車，聽講陸漢洋仲計劃好喺呢個旅程求婚兼舉行訂婚儀式，甚至搵埋攝影師，到時同女友影埋結婚相！
報道仲話佢哋嘅婚禮預計喺明年初舉行，因為苟姑娘嘅屋企人都喺加拿大，所以婚禮其中一站會喺加拿大，不過香港嘅形式就仲未決定，所有嘢交俾苟姑娘決定喎！而佢哋接受周刊訪問時，陸漢洋就未有否認呢伴事，話睇吓工作嘅安排，跟住話等佢哋返嚟先話俾大家知！
(蘋果日報)
【早前太太開腔護航】鄒兆龍孖住囡囡玩「瑜伽」享天倫
武打演員鄒兆龍早前被一名女子在網上開設名為「鄒兆龍出軌記錄」嘅微博帳戶，聲稱與他有過甜蜜關係。
事件擾攘多時，鄒兆龍太太翁為德終極「開腔」為丈夫護航，事件亦總算暫時告一段落。
近日，鄒兆龍喺社交網上載咗一張新相。
相中見到佢喺度「做瑜伽」，瞓喺地上高舉雙腳將女兒升起，女兒表現得相當受落，鄒兆龍亦展露出笑容，表現得十分享受與女兒共聚的時間。
相信早前的事件沒有再影響他的心情，而早前他在美國遇上車禍受傷，相信傷勢已康復不少。
(on.cc 東網)
【教你點分日貨定內地貨】用內地貨冒充「日本香印」提子
中秋臨近，市面湧現不少進口水果應節，惟部分標榜「日本香印」的提子，包裝卻出現簡體中文字，價格更低至百多元一串。但東網向其中一間內地供應商查詢，對方直認其出售的提子為內地出產，批發價只是40港元一串，有關果檔商戶涉嫌違反《商品說明條例》的同時，更將價錢標高3倍牟利，以冒牌貨每串180港元為例，每串可賺過百元。
日本出產的香印提子每串售價300多港元，南韓出產的也要180港元。惟大埔一間標榜售賣「日本香印」的水果店，紙盒包裝上只有簡體字，每串售150港元，店員聲稱是「日本公司包裝，出口中國，再入口」。另一檔標榜香印提子來自台灣，紙袋上印有日文字及簡體字，店員說：「台灣當然（用）簡體字啦。」
深水埗一個街市內的水果檔有兩種級數的提子出售，檔主聲稱同是日本出產，惟「二級貨」的橙色包裝袋上印有香印提子的日文，同時印有中文字「金XX縣產」。荃灣多檔生果檔亦有售賣印有「金XX生產」的香印提子，聲稱是日本進口，有檔主解釋是日本農場，亦有檔主只強調非內地入口。
至於「金XX」究竟是日本縣市還是農場呢？東網記者聯絡到深圳一間同名水果批發商，負責人承認有供應香印提子，從內地雲南、四川、廣西等地種植，平均每串售價約40港元。相比起日本的香印提子，批發價平均也要150港元一串，價錢相差近3倍。
海外入口果菜商會會長吳永恩指，水果零售商根據貨質及貨價就能悉別是否內地貨，又認為零售商有魚目混珠之嫌。
海關回覆指，商戶如就有關貨品作出虛假或具誤導性達關鍵程度的陳述，可構成虛假商品說明的罪行。至今，海關開立12宗涉及水果的調查個案，而其中1宗已將相關貨物充公，餘下11宗則未有足夠證據證實違反條例。
立法會議員麥美娟表示，海關應「放蛇」或主動巡查。立法會批發及零售界議員邵家輝則指，海關應向業界加強有關法例的宣傳。
香印青提是近年掘起的港人新歡，以產自日本岡山、長野及山梨縣最受追捧，來自不同農場出產的香印提子，包裝均有不同，加上南韓及內地亦有出產，一般市民買到的香印可如何分真假呢？
專售高價水果專門店負責人楊文新教路，可先從賣相分辨，真正日本出產的香印提子，「望落熠熠炅」，比較大顆及顏色青綠；價錢上亦有差異，「100港元一串（日本）香印，冇可能」。他又指日本出產的香印，能吃到「花香味」，而且沒有核；相反，內地出產的「冇味」，而且大部分有核。
楊表示，一般來自日本的水果，批發的紙盒上印有農場或生產者的名稱，旁邊亦附有檢測印。他提醒消費者如有懷疑，購買前可以要求查看包裝紙箱，看清楚真假。
另外，日本進口的水果如水晶梨、柿、皺皮瓜、巨峰提子等，包裝精美，吃下去甜度十足，大受歡迎，價格亦相對較內地、台灣、澳洲等地出產的水果高。由於進口水果能「賣個好價錢」，不少無良商家會以平價的內地貨冒充。
東網記者在巡查水果檔時，亦發現懷疑冒充日本出產的巨峰提子，價錢只賣30港元兩串；聲稱來自日本的皺皮瓜亦只賣55港元一個，包裝卻與內地批發的無異。過去東網亦曾報道有水果檔以澳洲進口的士多啤梨，冒充日本福岡縣出產。
九龍果菜同業商會有限公司副理事長張志祥指，日本種植的品種較優勝而且量少，來貨價高，內地水果較便宜，水果檔「想賣得快、賺得多少少」，就會用內地貨冒充日本貨。張又認為市民可到相熟店舖購買進口水果。
(on.cc東網)