張智霖（Chilam）、胡杏兒到尖沙咀出席腕錶活動。
Chilam指腹大便便的杏兒令他覺得似曾相識。
「我太太（袁詠儀）臨生嗰陣就好似咁。以前杏兒好有侵略性，個樣好Sharp，依家就好溫柔，好有女性嘅光輝。」
問到有何育兒心得教杏兒，Chilam說學校方面會盡力幫：「我知道杏兒讀書好叻，係高材生，DNA一定都好叻。」
杏兒認為讀書最緊要開心，不想做怪獸家長，覺得一早找學校太誇張：「佢應該做番個BB。」
提到與一眾好姊妹拍攝的《胡說八道真情假期》，杏兒表示有收看，Chilam說她在節目中粗身大細跳舞很大膽，但杏兒就強調很安全。
（on.cc 東網）
日本人的創意無限，就連食品亦加入不少全新點子。好像日本KitKat最近就推出全新的期間限定新口味，這次用了喉糖做主題。
據說這款喉糖味KitKat，是將涼浸浸的喉糖混合白朱古力之中，吃起來有點像薄荷朱古力餅。
此外，日本樂天亦由即日起供應全新的盒裝梨子爽冰，將新鮮梨子果肉製成果蓉再雪凍，啖啖都清涼透心。至於DOMINIQUE ANSEL BAKERY TOKYO就推出奇異果乳酪夾餅，烘焗至金黃色的奇異果味糕餅，中間夾滿乳酪醬，入口清甜不膩。
(東方日報)
陳浩民與太太蔣麗莎（Lisa）婚後五年抱四，育有三女一子。
身為媽媽嘅Lisa平日喺屋企相夫教子，閒時亦喺網上分享家庭生活。
Lisa日前仲出席囝囝Cyrus嘅生日派對，並喺微博上載多張花絮照。
相中見到好多小朋友為Cyrus預祝四歲生日，仲準備咗以超級英雄人物為主題嘅大蛋糕，熱愛超英嘅Cyrus亦眼仔睩睩望實蛋糕，表現興奮！
Lisa仲留言：「兒子學校提前幫兒子在班上舉行了生日派對4歲了，兒子高了不少，懂事了不少，更加貼心了不少！願你一世平安快樂！兒子媽媽超級愛你！」So sweet！
（on.cc 東網）
唔少貪靚女士都會注射羊胎素「美顏」，而近日有周刊更發現有餐廳賣「羊胎盤」，成個胎盤斬件用湯煮。。。
(圖片：東方日報)
女士們為貪靚注射羊胎素時有聽聞，但如果把整個羊胎盤吃落肚，你又接受到嗎？旺角一間主打羊肉餐的食肆，推出百元一碗羊胎盤。不過有專科醫生指，羊胎盤有機會含布魯氏桿菌，萬一烹煮過程不當，市民進食後可能染病。
(圖片：東方日報)
有周刊記者以顧客身份，到訪聲稱出售羊胎盤的餐館。該餐館以貴州風味為主題，菜式由羊肉、羊腿，以至羊的內臟包括羊腦、羊睪丸等都有。店員介紹菜式時表示，羊胎盤是切件，再以羊肉湯煮熱，甚受歡迎：「多數係男人叫羊鞭，跟住幫個女嘅叫份羊胎盤」。
老闆娘稱，香港應無別家餐館出售羊胎盤，他們的食材由貴州運港，間中出現斷貨，想食都要碰運氣。記者即場試食，一碗羊胎盤盛惠100港元，大約有六、七件，口感似豬腸，爽口彈牙，羶味不算大。
藝人王馨平接受電台訪問，講到她保養得宜，她分享到，盡量每日都會跑步，平時亦會做瑜伽，每日會早睡早起，她又謂：「以前做歌手活躍時係中午先起身，凌晨兩、三點先瞓，但依家夜晚11、12點就會瞓。（點解會有咁嘅改變？）因為老公嘅生活作息時間唔同，佢起身時我都希望可以為佢準備早餐，再加埋做瑜伽要早起身。」
她亦表示老公在做人方面影響了她：「佢好多朋友，我圈中熟嘅都係由細到大識嘅朋友，因為一放工我就會返屋企，但結咗婚之後我覺得自己圈子擴闊咗，學識同人交往嘅技巧同做人處事。」
(東方日報)
02年離婚嘅曾華倩，同囝囝林浩賢相依為命，為咗培育阿仔成材，無論晴天或雨天，華倩都會陪囝囝去泳池操水。舊年華倩終於守得雲開，囝囝喺比賽中，打破兩項香港學界紀錄，更勇奪學界50米同100米自由泳冠軍。
華倩視阿仔如命根就係人都知，噚晚佢就陪出國比賽嘅阿仔去機場。點知喺機場就遇到不快事。
事緣噚晚有網民喺網上討論區開Po，點名指斥曾華倩送阿仔入禁區後，始發現自己銀包漏咗喺阿仔袋中，曾華倩要求機場職員代佢入禁區取回銀包，讀者指當時有人喺機場大吵大鬧發爛渣，更因此阻礙部份機場職員收工。
事後網民意見各有分歧，指華倩唔小心將物件帶入禁區，最後想勞煩機場職員代勞，自己有錯在先。但亦有網民指發帖者形同公審，而且言辭刻薄，當事人由於身份證以及信用卡，一併被送到入禁區，情急之下唔識處理亦係人之常情。
對於機場「銀包事件」一事俾網民公審，曾華倩回覆周刊時，否認自己發爛渣，更反指斥噚晚喺機場遇到一個冇禮貎，兼且態度有問題嘅職員。「其實成件事就係我銀包放咗落阿仔個背囊入面，但佢入咗禁區我先醒起，當刻我衝去航空公司個櫃台，問職員有咩辦法，當時個人好徬徨，因為之前都未試過，都想問吓有冇人有呢個情況出現過。點知counter嗰度有個女職員就好冷漠咁話『冇㗎喎，我哋幫你唔到喎，呢啲係機管局安檢嘅問題，或者咁啦，當你個仔架飛機到境，咁佢咪可以去番入境大堂囉，但張機票就作廢啦，不過o依家飛機都就起飛，未必夠時間喎。』
「我唔明客人已經好着急，點解個職員仲會咁講嘢，根本唔係幫人，似係潑冷水多啲，其實佢做啲假動作，或者話『等我試吓』去安撫個客，成件事已經唔同晒。學劉德華話齋，今時今日咁嘅服務態度點得㗎，其實中間都有個男仔想起身話幫我試試，點知嗰位女職員即刻行埋嚟，個男仔就坐番低，所以個女職員應該係上司。」
華倩透露事後亦有搵入境署職員同警察幫手，但得出結果都係話安檢問題，叫華倩最好問番航空公司，最終銀包亦隨阿仔上咗飛機。華倩話本來件事喺噚晚已經告一段落，估唔到今朝瞓醒，竟然見到有人貼文將是非顛倒。
「我唔明點解會有人寫啲咁刻薄嘅字眼去傷害人，亦再證明呢個世界上有好人同衰人，係邊個寫，自己心中有數，噚晚係半夜機，機場好少人，而噚晚遇到嘅，絕大部份都係好人……其實寫得出呢啲字眼，佢本身個人嘅人格都好有問題，自己對得住良心，都係嗰句，種善因得善果。」
(蘋果日報)
江美儀與吳君如胞弟吳君祥拍拖多年，近年二人聚少離多。吳君祥經常在內地工作，加上江美儀冇出席上月吳君如52歲生日派對，傳出二人感情亮紅燈。
不過吳君祥就趁住日前係女友江美儀46歲生日，喺微博上載同女友慶生相。
「今天是江美儀的正日生日，在馬來西亞拍攝節目的她在工作中度過，當地工作人員送上榴槤蛋糕為她慶祝，實在太感動了，但真的能吃嗎？江美儀！」
雖然生日要工作中度過，但江美儀一啲都唔寂寞，獲一大班工作人員送榴槤狀嘅蛋糕慶祝之餘，最重要有男友陪伴嘛！江美儀亦有喺網上晒出同一張相，感謝大家為佢慶祝。
同一日亦係吳君祥爸爸夏春秋86歲生日，唔喺香港嘅吳君祥就上載咗多張同爸爸合照，留言：「今天其實也是老爸的正日生日，但今年由於我工作關係不能回香港跟老爸過生日了，只好在這裏祝願他身體健康、事事順心！」
(on.cc 東網)
郭晶晶今年4月為老公霍啟剛誕下一女，休息一排，上星期四產後首次喺香港現身，出席一個慈善跑活動記會。
愛心爆棚嘅郭晶晶，今日又為慈善跑記者會擔任嘉賓，佢同李小鵬喺中環出席「健康快車 建行(亞洲)慈善步行跑記者會」，會上小鵬同晶晶一齊玩遊戲，體驗患眼疾嘅苦況，又教大家熱身拉筋，小鵬被笑手瓜起蹍，佢笑稱係經常要抱分別五歲多同一歲多嘅仔女所至。
小鵬又話會帶大女去學唔同嘅運動，打網球、游水同騎馬，11月25號會帶埋對仔女參加慈善跑。
而已經第三年做大使嘅晶晶，就被爆上年參加慈善跑時已經懷孕，晶晶就搞笑話：「孕婦是需要運動的。」晶晶輕易咁示範拉筋動作，原來每日晶晶都習慣做拉筋，有時間仲會跑步，問到一對仔女嘅性格，晶晶話：「細嘅還未知，哥哥很活躍。之前有參加游泳班，但他不喜歡，已經沒有繼續學。」
問到囝囝中曦係咪好識冧爺爺霍震霆？晶晶笑話：「係，爺爺見到佢會好開心，佢會同爺爺講I love you，都會同我哋同嫲嫲講。」提到碧咸前日接受訪問時被問到幫仔女上車，碧咸就話仔女做乜都會支持，咁問到晶晶會唔會買樓畀仔女？晶晶就話：「冇諗咁遠。」係咪會將最好嘅留畀佢哋？晶晶話：「盡量啦。」而中秋節，晶晶就話會一家人食飯，佢仲買咗個紙燈籠同囝囝一齊整，晶晶話自己好鍾意做手工，平時都喜歡針黹。
(蘋果日報)
協恩中學附屬幼稚園參加免費幼稚園教育計劃，下學年入讀幼兒班K1的學童，學費全免，吸引不少適齡學生家長今日(20日)到場排隊交表，校門外人龍橫跨兩條街，高峰期有近100人。
協恩中學附屬幼稚園網頁提供申請表，供有意報讀的學生家長下載，填妥後須於今明兩天(20日、21日)辦公時間內遞交。今午有近100名家長於協恩中學附屬幼稚園門外排隊輪候，為子女遞交報名表，人龍一度由天光道延綿至農圃道。
該校校長何鳳貞表示，首日交表人數較去年同期稍多，但她相信翌日交表的人數相對會減少，「交表情況一路都係咁上下」。對於校門現交表人龍，她直言，校方已提供互聯網下載表格服務，並連續第三年攤分兩日收表。校方將安排申請人參加面試，包括分組唱歌、玩玩具及遊戲等，「我哋發現普遍申請人都讀過兩歲班，面試都係睇下申請人的表現」。
(東方日報)
據周刊報道，市民廖太早前遇到外傭虐兒事件，廖太更直言：「我這一輩子都不會再請外傭，我寧願自己辛苦點。」廖太情緒還未能平伏，因為她請了一個「魔傭」。這個印傭不僅涉嫌虐打她兩名孫兒，更涉嫌性侵他們，造成不能磨滅的陰影。
印傭在廖太女兒家中工作八個月，數月前要求回鄉探親一週，但她從印尼回來後就變了另一個人。廖太形容事前兩個孫兒性情活潑、聰明好動，喜歡唱歌跳舞。大孫女四歲，小孫子兩歲半，一直相親相愛。唯出事後，孫女性情大變且變得暴力，甚至把弟弟一隻門牙打掉。小孩曾向廖太親口透露被虐打、被扯頭髮。印傭更做過不少過分行為，如讓小孩穿濕透的校服，把小朋友的飯菜拿去餵狗等。所以，幼稚園曾要求家長給予小孩補充營養食物。更過分的是，工人對他們的私處做出不必要的接觸，灌輸錯誤的價值觀。
廖太觀察到孫女去完洗手間後不出來，更見她用廁紙塞進陰道，問她為什麼這樣做，她說是姐姐教的，指這樣做會「發光」。廖太無奈表示，「因為一切都在廁所發生，我們沒法裝鏡頭，沒有證據，全部都由小朋友講出來。」廖太一家現時只能找社工，重新教導孩子正確的性價值觀。
廖太一家報警求助，但經過八個月的調查，仍未有進展，搜證時警察沒有問學校、鄰居、婆婆等多方的證供，令他們對香港警察感到失望。而律政署最後以證據不足為由，沒有提出檢控，更使調查至今仍未能還小孩一個公道。廖太打算去信特首，希望林鄭能關注外傭問題，呼籲一眾僱主簽名支持。
最後被解僱的印傭自行離開，她反告僱主未有支付代通知金一個月，為此鬧上小額薪酬索償仲裁處，追討四千一百一十元。而勞資審裁處考量了印傭的惡行，最後判廖太一家勝訴。但她「博炒」成功，仍留下一堆問題，還有借下財務公司的債務。
護苗基金總幹事譚紫茵（Michelle）指出，由二零一二至二零一六年，這四年間共接收四百五十五宗懷疑性侵個案，當中涉及家傭作為侵犯者有三十九宗，佔當中8.9%。「兒童被性侵犯，對其生理和心理的影響都很大。所受的傷害，如沒有即時心理輔導，他們長大後會對性很扭曲、對自己很沒自信、自尊心低，嚴重可影響將來的婚姻生活。」Michelle建議布請外傭的家長要與子女保持溝通，多留意子女。
（壹週刊）
