藝人姚子羚與男友鄭子邦不時傳出好事近，一眾「胡說八道會」成員於今晚播出的一集《胡說八道真情假期》拿子羚的婚事開玩笑。
一眾好姊妹為子羚安排幸福婚禮，她們先帶子羚到教堂，早已戴上鄭子邦面具的胡杏兒早已於教堂等候她，搞到子羚哭笑不得，猶如為她的婚禮綵排。
杏兒其後更叫鄭子邦快些預備婚禮，因為她們要度期出席。
(on.cc東網)
【永遠的18歲！】鍾麗緹孖實老公sweet住過47歲生日
「性感女神」鍾麗緹與老公張倫碩向來恩愛，不時都喺網上大放閃光彈。
日前就係鍾麗緹嘅47歲生日，佢孖老公張倫碩同朋友一齊慶祝。
鍾麗緹喺社交網上載多張照片，留言話：「好開心哦，過了一個那麼健康的生日，你們說照片棒不棒！」
相中就見到佢哋去咗長城，全部都係以白色裝束示人，擺出多個甫士，又跳起又單腳企咁，睇相都開心！
另外有張相就睇到張倫碩拎住一束好靚嘅氣球，上面寫住「Happy Birthday」嘅字眼，仲同太太拖住手跳起。
鍾麗緹手拎一個蛋糕插上「18」嘅數字，網友都留言問係咪老公預備嘅心思，代表喺佢心目中係永遠嘅18歲，認真Sweet爆！
(on.cc 東網)
【唔想媽咪幫手】Torres親手整曲奇冧爆楊千嬅
歌手楊千嬅向來都係圈中嘅模範媽媽，即使工作幾忙都好，都會抽空陪伴囝囝丁進諾（Torres）享受親子樂。
呢日千嬅就喺社交網同網友分享同Torres整曲奇嘅相，相中見到千嬅同Torres好認真一齊整曲奇，不過Torres似乎就唔想千嬅幫手，就話：「mom .. I wanna do something for u doing by myself ！（媽咪，我想親手整嚟送畀你）」搞到千嬅就話：「sorry … 阻住你！」
雖然最後製成品個形狀就比較特別，不過相信千嬅都唔會介意，皆因囝囝咁sweet話想親手整嚟送畀佢，難怪千嬅都冧爆話：「母親的感動。」
網友都大讚畫面非常有愛，仲話Torres咁乖巧，相信千嬅都好放心呀！
(on.cc東網)
【幫手改BB英文名！】陳凱琳做賴慰玲BB契媽
陳凱琳（Grace）日前孖住男友鄭嘉穎，與好姊妹陳嘉寶、賴慰玲及其另一半聚會。
Grace說因賴慰玲預計年底生B，生完又坐月較忙，因此預先慶祝。
Grace笑指男友並非參與這些聚會，與大家都很熟。
當晚一行人炮製泰國大餐，問到佗B的賴慰玲是否食慾大增？Grace說：「都有，唔好睇小佢，佢本身都幾食得，但都要戒口。」
Grace更表示自己已經係契媽：「佢都想我幫手改BB嘅英文名。」
問到BB係仔定女，Grace就表示自己知道：「但暫時唔講得，要幫手守秘密。」
（on.cc 東網）
【小心至上】孕婦汽車安全椅 避免壓親BB
巧妙避開脹大的腹部，安全有保障。。。
目前大部分汽車安全帶設計，都沒有考慮懷孕女士的身型變化。令準媽媽乘車時若戴上就會壓迫腹部影響胎兒，但不戴除了擔心一旦發生意外時沒有保障，更害怕會觸犯法例遭到檢控。南韓一名修讀產品設計的學生以此出發，為孕婦專門設計了一款安全汽車座椅，讓她們可以安心坐車。
該汽車座椅的外型跟兒童安全椅類似，也是一張加裝於汽車上的臨時座椅，其線條偏向圓渾，以便緊包圓渾的孕婦身型。斜角三點式可調節的扣帶設計，扣緊用家的頸項、上腹及大腿，巧妙避開脹大的腹部。孕婦更可以根據自己的身體形狀調節安全帶，避免壓傷自己及胎兒。
（互聯網圖片）
(東方日報)
【餅印母女出巡】42歲湯盈盈：我望住啲囡就好嗒糖
在加拿大滿地可長大嘅湯盈盈，出名熱情，性格又夠開放，曾經係無綫御用「狐狸精」，演技到位。
不過，盈盈自從2012年嫁咗俾錢嘉樂之後就「從良」，謝絕性感演出，仲為嘉樂誕下4歲大女錢凱晴（Alyssa）同下月便2歲嘅細女錢凱琪（Kassidy）。
據悉盈盈婚後曾想過退出幕前，專心相夫教女；但由於無綫近年常有好戲之人離巢，盈盈獲極力挽留，並安排演出處境劇《愛回家》系列，返工同放工時間較穩定，令盈盈可以騰出多啲時間照顧小朋友，又可以幫輕頭家，搵多啲奶粉錢。
大前日下午四點鐘，盈盈駕駛寶馬接載大女Alyssa去灣仔洛克道一楝商廈，大廈內有幾間playgroup，估計盈盈係帶囡囡去上堂。
盈盈先將車停喺附近讓代客泊車，見佢一馬當先落車，行去後座位攞咗一個背包同手袋，然後就開前座車門俾囡囡落車。
而由落車位置行去商廈，雖然只有約兩分鐘步程，但見Alyssa拎住隻匙羹，好用心咁舀起膠袋裏面嘅食物，全程行得好慢好慢，一直跟住背後嘅盈盈好有耐性，冇鬧囡囡之餘仲笑得好開心。
用咗大約雙倍時間行到去門口，Alyssa突然扭計仔，踏咗幾下地，仲唔小心將食物跌咗落地下，盈盈就幫手執番起，好有公德心。
盈盈噚日接受傳媒訪問時，就否認囡囡有扭計，佢話﹕「佢將啲食物放上匙羹上面，因為要平衡唔想食物跌，所以行得好慢。(見你好開心？)我望住啲囡就好嗒糖，覺得佢哋好得意。」盈盈透露囡囡當日係去上美術堂，話大女已過咗頑皮階段，反而細女有啲會曳啲，佢笑笑口話﹕「細女頑皮啲，仲好大膽，有佢老竇身手。」
(蘋果日報)
【結婚25周年】「歡喜哥」一家三口溫馨慶祝銀婚
「歡喜哥」許紹雄演技精湛，充滿幽默感，擁有不同年齡層嘅粉絲，真係唔輸蝕畀一班後生年輕偶像。
最近無綫就播緊佢有份演出嘅劇集《使徒行者2》，大家又可以睇到「歡喜哥」嘅演出！
今年就係「歡喜哥」同太太結婚25周年「銀婚」紀念。
佢喺社交網上載咗同太太、女兒嘅合照，見到三人面前有個結婚周年紀念蛋糕，一家三口好溫馨。
許紹雄簡單留言「銀婚快樂」，一切盡在不言中。
許紹雄女兒已經長得亭亭玉立，漂亮可人，顏值相當之高！
(on.cc 東網)
【小一自行派位】今年競爭情況更激烈 填表需攻略
每年9月，K3學生的父母都要為子女遞交「小一入學申請表」，有專家預計今年遞交申報表者會達到大約6萬3千人，競爭情況。。。
【小一自行派位 填表攻略】：
每年9月，K3學生的父母都要為子女遞交「小一入學申請表」，在全港所有官立及資助小學之中，選出一間作為「自行分配學位」階段的申請對象。如申請人手持25分或以上，當然能Sure Win，但對於只手持「入場券」15分的申請者而言，又有甚麼妙法可以提高成功機率呢？不如聽聽著名本地教育及升學顧問Ian Tsang有何意見。
Ian指出，由於2011年的出生率較2012年高，故許多家長都誤以為去年的申請競爭會較今年大，但其實於2011年時，本地兒童其實只得5萬1千多人，而3萬多人其實是雙非兒童，相反於2012年，本地兒童高達5萬8千多人，所以相對之下，Ian預計今年遞交申報表者會達到大約6萬3千人，在這樣的情況下，我們預計到申請的競爭情況是會比去年更高。
由於大部分的熱門小學，也會在自行分配學位階段內，需要有20分或以上才有機會被抽中。那如果手持15分的家長，可以怎麼做？Ian建議他們可以嘗試申請一些不太熱門的小學，而當11月底收到自分配學位的結果後，再視乎是否獲私立小學取錄，如成功考獲私校，便可以放棄註冊自行分配學位，然後繼續參加統一派位；相反如果未獲私立小學取錄，家長應先考慮註冊自行分配學位階段所分派的學校，手持着這個學位，然後索性放棄統一派位，及至叩門時，才嘗試物色一些更喜歡、更心儀的小學。
對於一些已經手持20分的申請人，Ian謂其實真正會派到學位的機會，許多時也會低過25%，許多學校都是約20%，所以在自行分配學位階段，Ian並不建議家長過於進取，這個與以往坊間所介紹予家長的策略不同，Ian直言因為自行分配學位階段的機會率，一般比統一派位階段抽到學校的機會更低，所以應利用這20分去選擇一些不錯的學校，而未必去揀選一些熱門的小學，希望能在自行分配學位階段裏，可以先獲派到一間不錯的學校，穩定軍心，才繼續去處理餘下的選擇。
在全港的派位結果中，也會留意到沙田91校網的派位結果，獲派首3志願的成功率是全港偏低，所以Ian提醒家長，面對參加人數比較多的校網，許多時候略為受歡迎的小學，它們也很大機會在統一派位的乙部第一志願，全部學位已派完，故家長別掉以輕心，別在自行分配時過於進取，然後在統一派位再試，然後才在第二、第三志願揀選一些不太熱門的學校作為保險線，這個情況在近年申請人數比較多的情況下，此方法已經行不通。因此Ian建議大家，在自行分配學位階段時應保守一點，這個方法其實是用來配合、如果你有一個不錯的派位結果，然後又有一個私立學校選擇作Backup，便可以利用統一派位來再做一個進取的選擇。
(文章來源：東方日報)
想知更多可瀏覽教育局網頁 (小一入學統籌辦法)：
http://www.edb.gov.hk/tc/edu-system/primary-secondary/spa-systems/primary-1-admission/
【當「鷲哥」遇上「易先生」】拍住上登台獻唱！
近排憑《同盟》一劇走紅嘅歐瑞偉，日前同「鷲哥」吳岱融上咗郵輪登台唱歌，原來佢哋兩個合作拍劇多年，份屬好兄弟，但登台做騷今次都係第一次，當「鷲哥」遇上「易先生」，台下觀眾反應當然好熱烈，其中吳岱融同歐瑞偉合唱咗鄭少秋嘅《倚天屠龍記》，易先生原來唱功都唔錯。
佢哋兩兄弟今次上郵輪做騷，兩邊屋企人都有出嚟撐場，吳岱融同鍾淑慧個仔雖然喺新加坡當兵嚟唔到，但鍾淑慧媽咪、細妹、妹夫等等都有上埋遊郵輪玩，至於歐瑞偉太太同一對仔女亦有陪爹哋上船。首次見歐瑞偉對仔女，原來都係靚仔靚女，遺傳咗父母嘅靚靚基因。
吳岱融今日接受傳媒訪問時話：「我同瑞偉真係好多年朋友，當年大家都係古裝人，拍過好多劇，今次第一次一齊登台唱歌，真係好開心好好玩。」
鍾淑慧今日接受訪問時就話：「之前郵輪搵岱融做，叫佢搵個拍檔做嘉賓，所以搵咗瑞偉，點知咁啱呢期瑞偉個易先生又咁紅，『鷲哥』遇上『易先生』，現場觀眾反應好到不得了，佢哋兩個諗緊組成一個組合唱歌㖭。」
(蘋果日報)
【知道喺仔定女啦】陳凱琳幫手改英文名
藝員陳凱琳（Grace）與歐錦棠到銅鑼灣出席活動，大晒長腿的她在歐錦棠指導下擺出李小龍的招牌pose。Grace透露爹哋亦是李小龍的瘋狂粉絲：「喺屋企相簿見過爹哋扮李小龍造型嘅相，黃色緊身衫、髮型都跟足！棠哥話如果喜歡嘅話，佢可以送一個李小龍珍藏品畀Daddy，實開心死佢。」Grace覺得習武可訓練到人的毅力，自己亦有意向李小龍學習做打女：「之前拍劇都有打過，覺得女仔細細粒亦都可以好有型，最緊要學識擺Pose。」
講到日前Grace孖住男友鄭嘉穎，與好姊妹陳嘉寶、賴慰玲及其另一半聚會。Grace說因賴慰玲預計年底生B，生完又坐月較忙，因此預先慶祝。Grace笑指男友並非參與這些聚會，與大家都很熟。當晚一行人炮製泰國大餐，問到佗B的賴慰玲是否食慾大增？Grace說：「都有，唔好睇小佢，佢本身都幾食得，但都要戒口。（做契媽？）已經係契媽啦，佢都想我幫手改BB嘅英文名。（知道係仔定女？）知道，但暫時唔講得，要幫手守秘密。」
(東方日報)