正於加拿大溫哥華嘅陳冠希家姐陳見飛，香港凌晨時間喺ig貼咗兩張相，其中一張喺佢左手無名指上，套上一隻藍寶石加鑽石嘅戒指，另一張就係戒指原圖，佢以英文留言話：「ENGAGED to @tomlern ! Thank you for the engagement ring of my dreams. Beyond my expectations! (多謝為我打造出夢寐以求的訂婚戒指，超出預期的好)」真係好Sweet呀！
據知陳見飛同Thomas拍拖差不多一年，而Thomas就係溫哥華華僑，二人都係鬼聲鬼氣，所以十分投契。
睇翻10年嘅報道，陳見飛曾公開宣佈話11年會同飲食界才子Eric結婚，當時佢仲話會搵細佬Edison做伴郎，但一直就未聞婚訊同分訊，原來唔聲唔聲陳見飛已經情歸Thomas喇。
(蘋果日報)
昆凌今年6月為台灣天王周杰倫誕下第二胎。
近日昆凌與英國型男荷李活男星Orlando Bloom現身內地綜藝節目宣傳新片。
喺節目中，昆凌表演咗「極速變面」，扮同老公拍拖時畀狗仔隊撞破，竟立即走上前對住狗仔隊咆哮：「你可不可以不要再拍了！」仲搶埋電話，嚇到大家！
不過，昆凌下一秒後又立即回復本來嘅和顏悅色，氹得奧蘭度不知幾開心！
除咗即場晒演技外，昆淩仲畀奧蘭度爆料指「在片場都在打電話給老公」，搞到昆淩初時勁怕醜唔畀佢再講落去。
不過昆淩最後仲忍唔住玩自爆：「我的確是拍戲中途懷孕的。」
據知昆凌喺新片中有頗多動作場面，佢仲試過不慎跌親，直至拍完先至知自己大咗肚。好彩最後有驚無險啫！
(on.cc 東網)
朱咪咪今年2月喺紅館舉行《利利是是演唱會2017》時，就已經預告咗大仔馬健庭會喺今年年尾結婚。
當時咪咪姐仲話10月先喺新加坡註冊，11月先分別返大馬同香港擺酒。但原來噚晚健庭同女友Jeanette已經噚晚結咗婚喇！真係恭喜晒咪咪姐！
今朝凌晨3點幾，咪咪姐嘅官方微博上載咗幾張大仔健庭嘅結婚相。
「馬生&咪咪姐榮升新老爺、新奶奶之喜，看着他囝囝長大，現在成家立室了，真替他們高興，恭祝一對新人百年好合永結同心。三年抱兩，滿堂吉慶席間還遇到好多老友添，這個不一様的新奶奶，職業病無計喇，好攪，自己做埋司儀添！」
一向圈中人緣甚好嘅咪咪姐，到賀嘅圈中人當然唔少啦，包括姜皓文、譚炳文、黃一山、黃俊棠、李家仁醫生、尹揚明、方伊琪、喬寶寶等等，真係好熱鬧！
（Apple Daily）
娛樂圈夫妻郭偉亮與葉佩雯為ViuTV錄影節目《飯聚現場》，郭偉亮擔任節目主持人，邀請太太一齊食飯，更親自下廚，煮太太最愛的納豆與臭豆腐！
葉佩雯直言驚喜，事前並不知道老公會下廚：「我特登留肚過嚟食飯，點知嚟到知道係佢煮，我就驚喇，早知食定少少嘢啦，不過都好好食！」
郭偉亮指太太最鍾意食榴槤，臭豆腐及納豆，被問到會否再為太太下廚？葉佩雯代答說：「佢（郭偉亮）話係最後一次！」
葉佩雯在節目中感動到喊，她說：「係因為有一啲片段播出嚟，係讚我嘅，佢好少讚我㗎嘛，但係知道佢講真心話，好感動！」
兩人將於11月23日便結婚6周年，問會怎樣慶祝？葉佩雯說：「唔會下廚啦，畀我放假啦，可能出Trip，都未定！今年係結婚6周年，相識就17年！」
她透露與郭偉亮拍拖初期，曾問對方二人可以拍拖多久，因為自己最長的一個男友是拍拖5年，郭偉亮當時就對她說：「一定會過5年，因為信得過大家！」
(on.cc 東網)
陳琪平日都會喺社交網分享一家人嘅生活點滴同一啲心得。
今次，陳琪就分享佢奶奶點整「梅菜扣肉」！
陳琪就寫道：「按照相片次序，大家就可以睇到我奶奶嘅梅菜扣肉係點做！
1,首先買甜梅菜切到細細粒
2,五花腩切成方形, 出水後再旁邊煎熟肉四周，特別是頂的豬皮
3,為肉上色，放雪櫃，一小時代用
4,將切好嘅梅菜炒香
5,將準備好豬肉切厚片
6,梅菜同肉要六四比例,60%梅菜40%肉
7,將佢哋一層層放好，喺一個較深嘅碗
8, 放好後,用錫紙包好,再放入真空鍋炆燉
9, 煮45分鐘就完成
呢個方法， 原汁原味！肉味同梅菜嘅正話唔會流失。 勤記五花腩不能太瘦， 應該要肥瘦均勻就最好。」
（Facebook）
揀到一個適合自己的奶泵，人奶路簡直事半功倍。。。
如何揀奶泵﹖資深營養師 李杏榆Annie就分享到：
因為一直是全泵媽, 所以對揀奶泵有點心得,
奶泵通常分幾點:
• 手泵定電泵 – 個人一定推薦電泵. 手泵雖然輕, 但除非你手瓜起展, 否則泵到手軟. 我家有個手泵, 用了幾次, 只放著做後備.
• 單泵定雙泵 – 如果是邊泵邊埋身, 可選單泵; 如果是全泵媽, 則一定是雙泵好, 既節省時間, 又唔駛一邊泵另一邊滴那麼狼狽. 最好額外加配一個Free Hand Bra, 兩隻手free 出來可以做其他嘢.
• 泵的力度 – 大力啲, 吸力好啲, 快啲, 當然用電量大啲, 重啲. 所以放在家中那部是巨無霸級都不妨 (醫院那部巨無霸最好用, 不過原來好貴), 反而要一部比較輕巧的可以帶出街. 我之前用一部雖然好用, 但用10粒AA電, 每次出街, 帶泵, 電, 配件, 冰袋, 再加上我原有的手袋, 似大媽走難.
• 泵的頻率 – 一般分為單頻率 (似開電鬚刨)或 吸啜模式, 亦可分力度等 – 這個是最重要, 不過每位媽媽適應方式不同, 所以真係要試過先知.
揀到一個適合自己的奶泵, 人奶路簡直事半功倍. 相反, 泵量少, 有可能是個泵唔適合你, 不妨試吓第二款, 唔好太快否定自己.
(資料來源：資深營養師 李杏榆 / 授權分享)
現年28歲的抗癌歌手李明蔚（Sarena）於2012年不幸患上罕見的腺樣囊性癌，令其歌唱事業被迫叫停。
雖然患上癌症，亦進行過4次電療和30多次化療，令其聲帶和鼻腔亦有影響，需要重新練習怎樣咬字發聲，但她從來沒有怨天尤人，反而更加樂觀勇敢面對自己的病。
Sarena夢想是想做歌手，近日她終於推出其第一首歌《交換愛情》，成功圓夢，藝人馬浚偉的公司更出錢出力幫她出歌。
可惜她近日情況再度惡化，需要入院治療，而現在Sarena已回家休養。
問到現在健康狀況，Sarena表示：「因為上個月就流咗好多鼻血，差啲抖唔到氣，就入咗醫院喺喉嚨開咗個窿抖氣，但遲啲可以封番，所以依家就講唔到嘢住。而我個腫瘤仲喺度，但暫時都做唔到咩治療住，會嘗試中醫先，希望可以令身體強壯啲。不過最近嘅後遺症就係面部三叉神經痛，所以就出現面癱，有時要食止痛藥。」
問到Sarena能夠推出的自己的歌，心情如何，她表示：「我感到好感動，依家有自己嘅歌，做到歌手，完成夢想真係好開心！而我呢首歌係講愛情，當中都有一啲我對愛情嘅睇法，即使面對伴侶嘅唔專一，都可以堅強咁面對！」
（on.cc 東網）
愛美、想瘦身的男女常愛上網Google減肥方法，並關注於「幾點吃比較不會胖？」的話題上。國外網站《Daily Mail》就報導，選在早上8～9點吃早餐；晚上則在6～7點前吃完晚餐較不易囤積熱量。澳洲營養師Susie Burrell透露這是讓她快速減肥的技巧，此外還有些讓你想不到的好處。
夏天想完美穿上比基尼，限制用餐時間就能幫助你甩肉。Susie Burrell說，早餐8～9點吃；晚餐6～7點吃能幫助身體創造一個「隔夜禁食效應」，能將晚餐到早餐的時間延長，雖然會使身體儲存更多脂肪，但卻能使我們擺脫一肚子餓就吃東西的習慣。她說，限制吃飯時間不僅能優化脂肪代謝激素的能力，再與前者加成，就能降低熱量攝取達到減重目標。
如果你計畫在午餐時間吃「很飽」，能將卡路里攝取量往前挪動，能讓你一整天感到更有飽足感，晚餐自然可以吃得比較少。她也建議，在三餐之間可喝點咖啡、吃點水果或堅果，雖然可能在一天中額外增加300～400大卡，但相反的保持「平衡飲食」，能降低挨餓感，還能降低一的進食量。
另外，Susie Burrell也提醒，喝飲料並不會增加飽足感，反而會讓身體血糖水平造成破壞，增加熱量，所以建議用大量的水或涼茶代替喝飲料或喝酒的習慣，如此一來才能讓減肥之路走得更輕鬆。
(ETtoday)
入園初期容易生病，似乎成了一種必經的過程？特別是剛上幼兒園的新生，還沒來得及適應校園生活，就先被各種疾病打敗了，導致孩子受苦，家長也跟著煎熬。
那到底為什麼孩子到了幼兒園就比平常更容易生病呢？
１、交叉感染
這是小朋友之間最直接感染疾病的方式。八、九月開學季，台灣的天氣還正熱，孩子進出冷氣房的溫差或是晚上睡覺踢被子，都很容易引起感冒症狀，而有些小朋友生病還沒完全好就回到學校上課，這都是很容易互相傳染的。
２、情緒焦慮、緊張
對於孩子來說，上幼兒園應該是他自從出生後，生活改變最大的一次了！第一次離開家、第一次沒有熟悉的人陪在身邊，面對陌生的老師跟同學，他不能想要幹嘛就幹嘛。面對分離焦慮、適應新的環境及人群，緊張的情緒也容易讓孩子生病！
３、水喝得不夠多
在學校，老師都會叮嚀孩子們喝水，尤其大量的運動過後，老師更會督促孩子多補充一點水分。但只在學校喝水是不夠的，孩子回家後，家長還是得多提醒小朋友多喝水，補充足夠的水分。
４、便祕
寶貝開始上幼兒園之後，本來習慣早上便便，但因為出門太過倉促，來不及便便就要到學校去，到了校園後可能因為不適應新的環境，不敢上廁所，很容易就造成便秘。所以在入園初期，家長們要多留意寶貝上廁所的情形，確保寶貝排便通暢，避免因此生病！
(ETtoday)
好多爸爸媽媽，花好多心思訓練小朋友答題技巧，不過好多時就忽略咗一啲細節，搞到失哂分，其實由等待面試，到面試期間，再到完成面試，都有好多地方要注意。。。
首先，等候面試時，切記不要玩手機，因為會影響老師對家長和小朋友的印象。
踏進面試室前，記得一定要敲門，等老師示意可以進入才踏步入去。
踏進面試室後，小朋友可能會因為較緊張，而忘記跟老師打招呼，所以，家長可以在進去之前，提醒小朋友要打招呼。
面試期間，家長可能會好緊張，害怕孩子不會回答，於是不時對小朋友作出提點，但要記住不能夠時常提示小朋友，因為老師好可能會因此而扣分。
眼神接觸和笑容好重要。家長平日就應該多培訓小朋友跟人對話時要望住對方，而且要教導小朋友保持笑容是有禮的表現，要多笑笑，老師見到都開心一點，加分就當然。
聲線亦好重要。如果小朋友回答問題時太小聲，是絕對的扣分位，因為老師未必聽得清楚，而且會讓人感覺沒有自信，所以平日就要教導小朋友說話時聲線不能太低，同時又要幫小朋友做好心理準備，告訴他們跟老師談談話不需要害怕，老師見小朋友年紀小小都不怯場，自然加分。
最後，完成面試時，記得要把椅子放回原位，然後說聲再見才離開。甚至可以與老師握個手，一方面可以表示自己有禮貌、有誠意，同時又會令老師留下較深的印象，絕對是加分位。仲有，一定要保持笑容到最後，咁就更加分﹗
