今年37歲嘅何嘉莉，自從05年退出娛樂圈之後就將心思放落同前夫甜品店太子爺黃逸璋育有5歲囝囝Jean身上，前年何嘉莉宣佈再嫁機師Gerald，今年6月，佢喺IG宣佈再度陀B。
現時陀住8個月BB嘅何嘉莉，除咗勤做孕婦瑜伽外，仲將個耳筒放喺個肚上，俾肚裡BB聽音樂，實行胎教政策。
距離生B仲有唔夠兩個月，今日何嘉莉就貼咗張全裸嘅相上IG，平時勤做產前運動嘅佢，望落keep得好好，除咗個肚之外身上都冇乜多餘贅肉，佢仲hashtag咗##pregnancy #journey #secondchild，似乎想記錄低自己對即將出世嘅愛情結晶嘅心路歷程。
(on.cc東網)
藝人劉永出席有份客串的英皇電影《Mrs.K》首映禮，他表示近年多數在大陸工作，現住在深圳，只要有工作甚麼地方也會去，最近亦接拍了由麥浚龍執導的電影，感覺良好，希望有更多返港開工的機會。
對於前妻黎燕珊日前透露要按樓供兒子到英國升學，而劉永則只封了一封利是，劉永直認經濟能力不夠，但很開心兒子有心繼續讀書。
他說：「我係綠葉咋大佬！坐港鐵，要用長者優惠，我都想畀大封啲利是，但能力有限，我仲係默默耕耘，我梗係希望有一大筆錢，搵專機送佢去，再買別墅！（睇到呢類報道有冇唔開心？）唔會嘅，唯有自己再勤奮啲，只怪自己做老豆冇用，都冇辦法！佢鍾意讀書，我都好開心，我自己都盡咗力喇！」
在澳洲，雙語學校指的是用第二外語教授語言及語言之外的課程每周不少於5小時的學校。目前，澳洲全國有近30間雙語學校，中英文雙語學校的發展近些年來尤其地快，到現在為止，除在北領地州份之外，其他各種和領地都設有至少一所中英文雙語學校。
儘管各地對雙語學校的情況不盡相同，例如有些學校每周上5至7小時中文課，並以中文教授其他課程，而位於墨爾本東部內城區的Abbottsford Primary School校長Latham Burns則認為他們學校的雙語項目可以說是真正意義上的雙語，因為他們的中英文教學比例為：一半對一半，也就是所有課程一半用中文教授，一半則以英文教授。不僅如此，他們學校的學生從學前班到六年級的學生都按照這個比例學習中英雙語。他說：“這個項目很受歡迎。自從我2013年擔任此校校長以來，我們的學生註冊人數上升了50%。這在四年中是個不小的增長。甚至有些學生從很遠的地區專程到學校上學。家長們看到了這種教學的價值。”
在墨爾本，有學校更會教小學生寫書法，不過這需要家長們的理解和支持，並且向孩子們表達家長們看到子女學習中文的正面感受。對於學生們來說，他們每天都能在中英文中學到新詞彙，對於學生認知來說，這是一大挑戰。
在澳洲各地的雙語學校當中，幾乎有一半是位於維多利亞州（墨爾本）的小學，墨爾本大學教育研究生院高級講師說傳統上講維州對語言教學，尤其是雙語教學及母語非英語學生的母語教育都非常重視，投資不少。她說此外，昆士蘭州和南澳洲也很願意嘗試雙語教育。
由於這個雙語項目特受歡迎，因此阿伯茨福德小學今年正式成為一所百分百雙語學校。中文已經成為非常受歡迎的語種。它也成為維州一種發展最快的第二外語。正是這種語種優勢就進一步加強了中英雙語教學項目。
（原文：澳洲新聞網）
紥根澳洲．絕非移民顧問或中介！
澳洲執業會計師律師直接主理
申請簽證、撰寫計劃書全程跟進
分期收費流程清晰透明
一條龍提供澳洲商業顧問、業務買賣、稅務策劃
熱線：2111 9055
Whatsapp：9888 5563
https://goo.gl/ns1lf1
惠州政協陳小春最近帶4歲嘅Jasper一齊上大陸真人騷《爸爸去哪兒》第五季掘金，唔少大陸網民都覺得陳小春對囝囝超凶，不過某啲細節都睇得出佢對囝囝係幾貼心。
喺《爸爸》首集，小春都認之前要工作，四年時間好少同囝囝相處，囝囝一直由太太應采兒照顧，佢同Jasper嘅父子嘅關係唔太親密，今日有大陸報道指小春早前接受《調戲大明星》專訪時，直言試過兩父子去食飯，感覺尤如陌生人。
有一次老婆應采兒約咗朋友食飯，叫老公好好睇住Jasper，搵個地方一齊食飯，小春嘆咗一口氣：「吓!她跟兒子談好，你今天跟爸爸，媽咪出去跟朋友吃飯約會，那時候我不喜歡我兒子給人家看，因為自我感覺不良好，所以找了一家沒甚麼人的餐廳，就兩個人吃，當時大家吃完就沒甚麼話。」
小春扮囝囝啲表情，當時佢問囝囝好唔好食，囝囝只係「嗯」咗一聲，無奈咁點點頭，小春再問囝囝，同爸爸出嚟食飯開唔開心，囝囝Jasper無言，低頭左望右望，然後繼續食飯，未有回答，小春瞪大眼：「這真的是親生兒子，上次跟他吃飯好像剛認識一樣，好像兩個男女在約會一樣。」
身為爸爸嘅小春，雖然喺節目中，對住囝囝Jasper，成個嚴父咁，不過小春喺專訪中，搖搖頭，坦言：「他從來不怕我，看不起我，做爸爸厲害沒用啊，他喜歡跟公公，公公是早飯、午餐、晚飯都煮很好吃的東西給他吃，但這次他會有點……不要說怕吧，他起碼(No)，他會收。」
小春笑笑口話今次同囝囝關係有進步，至少識點應付小朋友，完全自己照顧囝囝，學識湊囝經，知道點o氹囝囝瞓覺，當囝囝覺得喉嚨痕，又或者話「我不困」，其實就好想瞓，只要爸爸講睡前故事，或者扮瞓着，囝囝就好易恰着，o依家囝囝多咗黐佢，令小春覺得很幸福，父子好似「好兄弟」。
(蘋果日報)
正於加拿大溫哥華嘅陳冠希家姐陳見飛，香港凌晨時間喺ig貼咗兩張相，其中一張喺佢左手無名指上，套上一隻藍寶石加鑽石嘅戒指，另一張就係戒指原圖，佢以英文留言話：「ENGAGED to @tomlern ! Thank you for the engagement ring of my dreams. Beyond my expectations! (多謝為我打造出夢寐以求的訂婚戒指，超出預期的好)」真係好Sweet呀！
據知陳見飛同Thomas拍拖差不多一年，而Thomas就係溫哥華華僑，二人都係鬼聲鬼氣，所以十分投契。
睇翻10年嘅報道，陳見飛曾公開宣佈話11年會同飲食界才子Eric結婚，當時佢仲話會搵細佬Edison做伴郎，但一直就未聞婚訊同分訊，原來唔聲唔聲陳見飛已經情歸Thomas喇。
(蘋果日報)
昆凌今年6月為台灣天王周杰倫誕下第二胎。
近日昆凌與英國型男荷李活男星Orlando Bloom現身內地綜藝節目宣傳新片。
喺節目中，昆凌表演咗「極速變面」，扮同老公拍拖時畀狗仔隊撞破，竟立即走上前對住狗仔隊咆哮：「你可不可以不要再拍了！」仲搶埋電話，嚇到大家！
不過，昆凌下一秒後又立即回復本來嘅和顏悅色，氹得奧蘭度不知幾開心！
除咗即場晒演技外，昆淩仲畀奧蘭度爆料指「在片場都在打電話給老公」，搞到昆淩初時勁怕醜唔畀佢再講落去。
不過昆淩最後仲忍唔住玩自爆：「我的確是拍戲中途懷孕的。」
據知昆凌喺新片中有頗多動作場面，佢仲試過不慎跌親，直至拍完先至知自己大咗肚。好彩最後有驚無險啫！
(on.cc 東網)
朱咪咪今年2月喺紅館舉行《利利是是演唱會2017》時，就已經預告咗大仔馬健庭會喺今年年尾結婚。
當時咪咪姐仲話10月先喺新加坡註冊，11月先分別返大馬同香港擺酒。但原來噚晚健庭同女友Jeanette已經噚晚結咗婚喇！真係恭喜晒咪咪姐！
今朝凌晨3點幾，咪咪姐嘅官方微博上載咗幾張大仔健庭嘅結婚相。
「馬生&咪咪姐榮升新老爺、新奶奶之喜，看着他囝囝長大，現在成家立室了，真替他們高興，恭祝一對新人百年好合永結同心。三年抱兩，滿堂吉慶席間還遇到好多老友添，這個不一様的新奶奶，職業病無計喇，好攪，自己做埋司儀添！」
一向圈中人緣甚好嘅咪咪姐，到賀嘅圈中人當然唔少啦，包括姜皓文、譚炳文、黃一山、黃俊棠、李家仁醫生、尹揚明、方伊琪、喬寶寶等等，真係好熱鬧！
（Apple Daily）
娛樂圈夫妻郭偉亮與葉佩雯為ViuTV錄影節目《飯聚現場》，郭偉亮擔任節目主持人，邀請太太一齊食飯，更親自下廚，煮太太最愛的納豆與臭豆腐！
葉佩雯直言驚喜，事前並不知道老公會下廚：「我特登留肚過嚟食飯，點知嚟到知道係佢煮，我就驚喇，早知食定少少嘢啦，不過都好好食！」
郭偉亮指太太最鍾意食榴槤，臭豆腐及納豆，被問到會否再為太太下廚？葉佩雯代答說：「佢（郭偉亮）話係最後一次！」
葉佩雯在節目中感動到喊，她說：「係因為有一啲片段播出嚟，係讚我嘅，佢好少讚我㗎嘛，但係知道佢講真心話，好感動！」
兩人將於11月23日便結婚6周年，問會怎樣慶祝？葉佩雯說：「唔會下廚啦，畀我放假啦，可能出Trip，都未定！今年係結婚6周年，相識就17年！」
她透露與郭偉亮拍拖初期，曾問對方二人可以拍拖多久，因為自己最長的一個男友是拍拖5年，郭偉亮當時就對她說：「一定會過5年，因為信得過大家！」
(on.cc 東網)
陳琪平日都會喺社交網分享一家人嘅生活點滴同一啲心得。
今次，陳琪就分享佢奶奶點整「梅菜扣肉」！
陳琪就寫道：「按照相片次序，大家就可以睇到我奶奶嘅梅菜扣肉係點做！
1,首先買甜梅菜切到細細粒
2,五花腩切成方形, 出水後再旁邊煎熟肉四周，特別是頂的豬皮
3,為肉上色，放雪櫃，一小時代用
4,將切好嘅梅菜炒香
5,將準備好豬肉切厚片
6,梅菜同肉要六四比例,60%梅菜40%肉
7,將佢哋一層層放好，喺一個較深嘅碗
8, 放好後,用錫紙包好,再放入真空鍋炆燉
9, 煮45分鐘就完成
呢個方法， 原汁原味！肉味同梅菜嘅正話唔會流失。 勤記五花腩不能太瘦， 應該要肥瘦均勻就最好。」
（Facebook）
揀到一個適合自己的奶泵，人奶路簡直事半功倍。。。
如何揀奶泵﹖資深營養師 李杏榆Annie就分享到：
因為一直是全泵媽, 所以對揀奶泵有點心得,
奶泵通常分幾點:
• 手泵定電泵 – 個人一定推薦電泵. 手泵雖然輕, 但除非你手瓜起展, 否則泵到手軟. 我家有個手泵, 用了幾次, 只放著做後備.
• 單泵定雙泵 – 如果是邊泵邊埋身, 可選單泵; 如果是全泵媽, 則一定是雙泵好, 既節省時間, 又唔駛一邊泵另一邊滴那麼狼狽. 最好額外加配一個Free Hand Bra, 兩隻手free 出來可以做其他嘢.
• 泵的力度 – 大力啲, 吸力好啲, 快啲, 當然用電量大啲, 重啲. 所以放在家中那部是巨無霸級都不妨 (醫院那部巨無霸最好用, 不過原來好貴), 反而要一部比較輕巧的可以帶出街. 我之前用一部雖然好用, 但用10粒AA電, 每次出街, 帶泵, 電, 配件, 冰袋, 再加上我原有的手袋, 似大媽走難.
• 泵的頻率 – 一般分為單頻率 (似開電鬚刨)或 吸啜模式, 亦可分力度等 – 這個是最重要, 不過每位媽媽適應方式不同, 所以真係要試過先知.
揀到一個適合自己的奶泵, 人奶路簡直事半功倍. 相反, 泵量少, 有可能是個泵唔適合你, 不妨試吓第二款, 唔好太快否定自己.
(資料來源：資深營養師 李杏榆 / 授權分享)
