王祖藍、郭晉安及岑麗香等到葵盛一間中學宣傳無綫新劇《老表，畢業喇！》。
王祖藍新劇《老表，畢業喇！》以教育作題材。
祖藍說：「好多人都問我幾時生、邊度生，講到喺香港讀書充滿陷阱咁，外母都有問我，仲話不如去溫哥華生。」
「因為李亞男都係喺嗰邊讀書，呢段時間我不斷向包括郭晉安在內嘅家長們收風，但仲未決定幾時，真係殺到埋身先至算！」
對於范冰冰接受李晨求婚，祖藍稱是「雙喜臨門」，他說：「今朝早恭喜咗佢，可以話雙喜臨門！」
(on.cc 東網)
【香港讀書多陷阱】外母希望李亞男飛溫哥華生B
【囡囡好番就放心晒】洪欣朱茵齊賀蔡少芬44歲生日
今日44歲正日生日嘅蔡少芬，早幾日兩個囡囡張楚兒(湯圓)同張信兒(包子)因為發高燒，搞到媽咪擔心又疼心。
依家囡囡已經好番晒，喺大陸拍緊戲嘅老公張晉，又專登落嚟香港陪老婆慶祝生日，壽星女當然開心。
啱啱蔡少芬就喺微博貼相，有一家四口錫錫相，仲有蔡少芬一班好朋友，洪欣同老公張丹峰、朱茵、陳法蓉、經理人為佢慶祝生日。
蔡少芬就留言同自己講：「蔡少芬，我祝福你，又大一歲，感恩有家人愛，朋友愛，粉絲愛！，美麗。。內心外表！良善。。行為！能榮神益人！PS：愛你們啊！」
陳法蓉亦有轉貼老友Po，搞笑留言祝佢「福如東海！壽比南山！」
(蘋果日報)
【陳禛Fans有福啦~】陳國邦畀囡囡出鏡
藝人陳國邦與女兒陳禛為奇妙節目《冇大冇細》錄影，首次孖住囡囡做主持的他，表示兩年前太太羅敏莊曾帶同陳禛拍節目，由於陳禛僅得兩歲多，故過程間經常出現真性情，如發脾氣及哭泣。
但現時女兒已長大，亦累積不少演出經驗，懂得控制情緒，更謂：「頭先同佢講定一陣會問佢問題，跟住陳禛喺耳邊問我使唔使Rehearsal一次，好搞笑。」
陳國邦表示，甚少機會自己一個帶埋阿女出街，多數都係一家人行動，而於訪問期間，陳禛不時整蠱作怪，又扮鬼臉，非常可愛，問到喜歡跟爸爸還是媽媽去玩？陳禛非常醒目謂：「我想爸爸、媽咪一齊去西貢同我打鞦韆。」
陳國邦話阿女雖然有表演慾，但係都需要慎重考慮先至會俾佢加入娛樂圈：「生活節目可以，但演戲就未必，爸爸係演戲，媽媽唱歌，我哋唔係一般家長，因為我哋知道工作環境，我驚我對演出水平嘅要求比導演仲高，相信唱歌較容易實踐。」
(on.cc東網/蘋果日報)
【陳琪被全家睇小】俾JayJay嫌棄：點解唔係爸爸陪我？
陳琪與大女胡芷苓（Jay Jay）齊齊參加親子三公里賽跑。
自認零運動細胞的她笑指比賽前一晚囡囡已經向她訓話：「佢覺得我一定跑得慢，叫我一定要畀心機，好唔明白點解唔係爸爸陪佢跑，話爸爸陪就可以贏，但我同佢講，賽跑係志在參與，唔一定要贏。」
她又笑指好跑得的老公胡諾言聽到囡囡向她訓話時加多把口：「佢話我800米行得晒已經好叻，成家都睇小我！」
問最後跑第幾，她即笑謂：「後面數番上嚟嗰啲名次就有，不過我依家同老公距離近咗，以前係42公里，我跑到三公里，依家得番39公里，拉近咗距離。」
（on.cc 東網）
【城城搶先榮升爸爸】熊黛林時刻準備生B、唔會恭喜舊愛
熊黛林現身時裝騷，提到有傳Lynn舊愛郭富城最近升呢為人父。
熊黛林坦言：「我唔知佢生咗。」
問到會唔會恭喜城城，熊黛林：「唔知，未有消息。我唔多事，唔做呢啲嘢。」
問到如果城城正式公布，會唔會傳短訊恭喜佢，熊黛林亦表示：「都唔會，咁耐冇見。（係咪冇聯絡？）唔需要喇！」
另外，問到她何時造人成功，熊黛林叫大家多給點時間，順其自然：「時刻努力，時刻準備。」
熊黛林透露由她與老公郭可頌合作的時尚運動品牌下星期便正式在網上開賣。
「最近真係好忙，又要聽電話、收訊息同開會，忙到斷氣，從來冇試過咁憎個電話，見到就想嘔。我哋有請人幫手，但自己生意要親力親為先放心，之前放手畀人搞咗兩個幾月，依家接手都太遲。」
（on.cc 東網）
【心心好多頭髮又超大力！】原來係因為關心妍佗B時食⋯
歌手關心妍出席Moiselle時裝騷，她表示女兒一日未上學前班，她也不想工作：「囡囡依家一歲兩個月，我出嚟之前都要安排好晒佢食飯同沖涼，佢八、九點瞓覺，我先開始自己嘅夜生活。依家一、三、五陪囡囡上Playgroup，一齊學三文兩語，我都幾Enjoy，而且可以見到佢個性格。（囡囡同其他小朋友相處成點？）佢未係好識同其他BB溝通。
不過老師好鍚佢，囡囡又識飛吻同好識電人，啲人都好鍾意佢，又問我點解囡囡咁多頭髮，以為我畀啲生髮水佢搽。不過我懷孕嘅時候食好多菠菜，所以佢好大力同多頭髮，佢大力到可以拉咕𠱸個扣，佢好鍾意做嘢，我培養吓佢做家務，佢真係好似大力水手咁食咗大力菜。」
提到網民大讚其女兒是小美人，關心妍稱不要這樣讚她，又指老公對女兒很嚴格，免她養成公主病，她說：「佢好擔心個女，見到有男仔BB想掂個女，就話要望住，我估個女將來都要讀女校。」
(on.cc東網)
【三喜臨門】范冰冰李晨台上感動擁抱：謝謝我的李生
范冰冰日前生日獲男友李晨在生日派對求婚，成為準李太的她出席金雞獎頒獎典禮。
冰冰果然不負眾望，憑《我不是潘金蓮》奪得最佳女主角，實行三喜臨門！
冰冰發表得獎感受時說：「大家晚上好，謝謝金雞奬，謝謝評委會，把這個「最佳女主角」頒給我，謝謝！今天真的是特別好的日子，今天9月16日是「金雞奬」晚會，也是我的生日，謝謝「金雞奬」給了我一生銘記的生日禮物。」
「謝謝馮小剛導演，12年前我拍他的《手機》拿了第一個百花獎影后，12年後拍《我不是潘金蓮》再拿金雞影後，我沒有丟人，我們常說大家是彼此的福星，謝謝馮導把好運氣給我…我要謝謝父母，我的工作團隊，也謝謝我的李先生，今天他有空來跟我一齊過生日，我很幸運！」
她又說：「晨哥求婚成功，今天拿到這個獎項，可說是三喜臨門，今天自己特別幸運，要把這個幸運傳遞給所有關心我的人！」
而李晨更衝上台擁抱着冰冰，冰冰更無限放閃地說：「我不要天上的星星，我只要塵世的幸福！謝謝我的李生，今天來陪我過這生日！」
（on.cc 東網）
【仔定女？】鄺文珣宣布BB性別！
現年42歲嘅藝人鄺文珣（May），婚後為老公應德榮誕下兩個囝囝，今年四月仲分享懷有第三胎嘅喜訊。不過May一直好口密，未有公開肚入面BB嘅性別，尋日佢仲喺ig叫網友估吓佢佗仔定女添！
而今日終於揭盅宣布佗B女，真係恭喜晒！
已有兩子嘅May如願追女湊夠「好」字，令家庭更加幸福美滿，當然開心啦！
臨盆在即嘅May仲話好期待囡囡「小麵粉」嘅來臨，佢話：「卸貨倒數中，很高興我的小麵粉就快出來和大家見面啦！這段懷着她的日子的確不容易過，可是可以再次成為媽媽的喜悅勝過了一切，她的來臨也讓我們的家庭多了一個『好』字，願這個『好』也同時臨到大家。感恩和感謝大家一直以來的關心和支持。」恭喜恭喜！
(on.cc東網)
【一定要戒茶啡？】準備佗、佗緊B嘅準媽媽留意啦！
夫婦經歷二人世界後，想增添新成員，就要做足準備。坊間流傳不少準媽媽禁忌，「有咗」不可以洗牙？計劃生育前要食葉酸？懷孕前開始戒吃哪些食物？衞生署高級醫生(家庭健康服務)林慕勤及營養師(家庭健康服務)葉欣琪提醒準媽媽各項準備功夫，確保誕下健康寶寶。
問：夫婦倆要做哪些身體檢查？
答：主要針對遺傳病、傳染病、身體包括口腔檢查。常見的隱性遺傳病都要檢驗，包括地中海貧血、Rh因子。婦女應檢查有否足夠的德國麻疹及水痘抗體，萬一懷孕期間受感染，可導致胎兒先天性缺陷；乙型肝炎帶病毒者亦有機會在分娩期間將病毒傳給嬰兒。若婦女從未接受相關疫苗接種，可於懷孕前向家庭醫生查詢，打針後三個月內要避孕。計劃懷孕前要接受牙科醫生口腔檢查，治療牙患，避免懷孕期間檢查牙齒時要照X光。
問：懷孕前戒咖啡、濃茶？「咖啡癮」起點算好？
答：計劃懷孕及懷孕期間必須限制飲用含咖啡因的飲料，例如咖啡、濃茶、某些汽水及能量飲品。攝取過多咖啡因可增加流產及嬰兒體重過輕的風險。每日不可攝取多於300微克咖啡因，但一般茶餐廳的奶茶、咖啡一杯隨時含逾千微克咖啡因。「咖啡癮」起，可考慮飲脫咖啡因的咖啡或奶茶。
問：葉酸有甚麼作用？
答：計劃懷孕至懷孕首十二周，應每日服400微克葉酸補充劑，有助減低胎兒患神經管缺陷，例如先天腦部或脊椎發育異常。雖然胎兒患神經管缺陷在外國較常見，香港準媽媽也要小心駛得萬年船，日常飲食可多吃深綠色葉菜、各種豆類和乾豆，水果及一些添加葉酸的早餐穀麥片等。
問：素食準媽媽要營養補充？
答：素食者有機會攝取不足維他命B12、鐵、奧米加-3、DHA等，可選用適當的營養補充劑，或多吃豆類、果仁、雞蛋攝取蛋白質；可考慮服維他命B12補充劑或添加維他命B12的早餐穀麥片。
問：準備懷孕不宜服西藥？
答：一般在註冊藥房購買到的撲熱息痛止痛片可按指示服用，若證實懷孕前曾求醫，並獲醫生處方多種藥物，最好帶同藥物再向醫生查詢藥物是否合適，有否需要調節等。
(on.cc東網)
【雙喜臨門】楊洛婷老公Tim：好似剪緊牛雜
楊洛婷（Rabee’a）周四喺養和醫院誕下6磅半囡囡Tanya，老公Dear Jane主音歌手黃天翱(Tim)收工後趕得切入產房為囡囡剪臍帶！
啱啱榮升做爹哋嘅Tim，今朝一早去咗迪士尼出席跑步活動，講起老婆Rabee’a同囡囡Tanya，Tim笑容滿面話：「其實好攰，呢兩日瞓得6個鐘，醫護人員教點餵人奶，不過太太未上奶，有醫護人員睇住太太，我好放心。」
親手為囡囡剪臍帶嘅Tim，佢話嗰個感覺好刺激，相比樂園內嘅機動遊戲根本冇得比：「感覺好似剪緊牛雜，煙韌得嚟又淋淋地，其實最正係太太15分鐘就生咗，因為佢無痛分娩，幾舒服，見BB出世，我哋大嗌，嗰個感覺係形容唔到。」
提到囡囡似太太，Tim話：「佢每兩個鐘就變樣，o依家收緊水。」Tim嘅囡囡出世，再加上Dear Jane推出新歌，可謂雙喜臨門，佢笑住話：「時間夾得好好，我覺得係天意，好感恩，（就連今日都跑第2？）瞓得6個鐘，所以個人high high哋，陣間都要衝去搵老婆。」
會唔會作歌畀太太同囡囡？佢話o依家冇時間去寫，但如果有靈感都會作歌。至於會唔會再追多個？Tim話：「有諗過，但見步行步啦，慢慢嚟，o依家先生咗第1個。」佢透露中文名會由爺爺去改。問到Tim嘅隊友Jackal會唔會做契爺？佢話：「梗係做，等佢爸爸媽媽邀請我先，我連禮物都準備好喇！」
(蘋果日報)