【去完搵洗米嫂】洗米華再搵Mandy Lieu行街兩頭忙

2017-09-16

享盡齊人之福嘅43歲嘅澳門賭業猛人周焯華（洗米華），佢同正印陳慧玲（Heidi）再加埋情人Mandy Lieu嘅三角關係，已經成為城中熱話，嗰陣因為洗米華同Mandy嘅「世紀一拖」，搞到Heidi決定離婚。

不過最後喺洗米華極力挽救下，成功冧掂老婆Heidi撤銷離婚申請，另一邊廂又用銀彈政策o氹掂Mandy Lieu乖乖留英國，結果兩頭住家和氣收場。

本來呢段三角關係沉寂咗一時，但係點知喺今年6月，洗米華去咗夏威夷參加老友澳門德晉集團百億CEO陳榮煉同台灣女星安以軒婚宴，攬住日模松岡李那跳舞，搞到Mandy嬲嬲豬，仲有傳話佢越洋用WhatsApp鬧爆松岡。事後有傳洗米華飛咗去英國o氹番Mandy Lieu，仲先後有讀者喺英國唔同地方捕獲佢哋兩個！

喺英國受恐襲前一日，即14日嘅下晝5點左右，有讀者黎小姐透過「爆相爆片」，喺倫敦Harrods行街，黎小姐話：「嗰陣我見到佢哋啱啱睇完女裝，跟住撘電梯去咗睇童裝，不過個男人喺嗰兩程電梯好熱情，好主動擰轉後面錫咗Mandy 4、5次！行到去童裝部，佢哋都男仔女仔嘅衫都有睇吓！」

黎小姐仲話：「其實男嘅警戒性都好高，見佢周圍望，佢都有懷疑我影佢，係咁望住我哋，不過喺現場都有一批香港人見到佢哋，有唔少人對佢哋指指點點，但係佢哋都冇乜點理！」

提到英國受恐襲一事，目前仍喺倫敦嘅黎小姐，被問到倫敦受襲後嘅市面情況，佢話：「我都有睇到新聞，不過因為我近st. James’s park，同事發地點都有半個鐘車程，啲人淨係叫唔好去嗰邊，佢哋又唔係好驚喎，雖然佢哋咁講，但係我都唔係好敢去嗰邊！」

另，松岡李那原計劃噚晚由日本飛到倫敦睇分別喺英國時間16日及17日嘅兩個時裝騷，其經理人王友良回覆《蘋果》話松岡已經決定取消行程。王友良話：「其實今朝北韓發射導彈（飛越北海道上空），佢已經冇乜心情，o依家倫敦又發生恐襲，兩件事令到佢決定取消倫敦行程，留番喺日本陪佢父母。」

(蘋果日報)

【《全美一叮》出局有內情】邀請Celine上王牌節目補飛

2017-09-16

譚芷昀（Celine）日前於美國全國廣播公司NBC嘅《全美一叮》出局。

日前Celine現身NBC王牌清談節目《The Ellen DeGeneres Show》，有傳大會極力補飛為Celine挽人氣！

Celine自6月打入《全美一叮》奮戰連過三關成全城焦點，不過於準決賽慘被淘汰，令粉絲大嘆可惜。

雖然無緣殺入決賽，不過Celine自言已贏珍貴經驗與友誼！

Celine接受曾主持奧斯卡嘅名嘴Ellen DeGeneres訪問，更特別安排上季冠軍Grace與Celine同場互動！平日好少見《全美一叮》出局參賽者上艾倫節目咁大陣仗。

有指Celine今次獲邀上節目原來係《全美一叮》補飛之作，傳《全美一叮》今季被勁多網民批評揀選大量小朋友演唱出賽，搞到好似歌唱比賽。

大會為此調動Celine勁敵Angelica Hale於準決賽出賽的日期，搞到Celine對撼重量級Angelica，提早出局。

不過對於在《全美一叮》人氣爆燈的Celine被「叮走」亦感到遺憾，最後於她出局當日，秒速請她驚喜亮相NBC王牌節目《The Ellen DeGeneres Show》。

(on.cc 東網)

【仔都生埋但冇註冊】許秋怡：如果我有大手術，書麒冇得幫我簽字

2017-09-16

藝人海俊傑與太太Effie於北角一間酒店設婚宴，一眾圈中人包括：王書麒與太太許秋怡、陳浩民同太太、何華超、李璨琛、姜大偉、張學潤、關寶慧、葉佩雯和黃佩霞等亦先後到賀。

王書麒與太太許秋怡夫婦受訪時，秋怡說：「未入行前已識海俊傑，後來二人相認，仲喺內地一齊做嘢，14年前我哋結婚佢都有嚟飲，所以今日到佢結婚，我有騷都唔接，推Job都嚟見證。（教佢哋夫妻之道？）佢哋兩公婆都好好，反而我同書麒成日鬧交，不過老公話呢啲係增進感情。」

及後他們夫婦更自爆，14年前結婚都沒有註冊，書麒說：「都好想同秋怡註冊，秋怡仲話唔想喺香港，佢講笑話美國註冊好，離婚都快啲，啋！」秋怡在旁謂：「依家註冊都好方便，叫律師返嚟屋企，着睡衣都得！我哋呢21年感情（包括拍拖）都好好，其實一紙婚書唔重要，二人感情好就得，只係保障方面，如果我有大手術，書麒冇得幫我簽字！（仔仔知嗎？）佢都知，都冇催，但我哋一定會做，喺我出年7月20號生日註冊囉，當生日禮物。」

(on.cc東網)

【神秘男士送上108枝玫瑰】G.E.M.被求婚：有啲意外

2017-09-16

G.E.M.（鄧紫棋）一連三場紅館騷今晚開鑼。

當G.E.M.喺台上叫大家同身邊人表達愛嘅時候，突然有位男士喺台下送108枝紅白玫瑰，同一件心形開胸紅色裙，向G.E.M.求婚。

G.E.M.受寵若驚話：「唔係嘛？向我求婚？係認真㗎？我冇諗過有人會行求婚，我有少少精神失常，我應該點做呀？你手上嗰盒係咩嚟㗎？月餅？」

G.E.M.笑言今次係人生首次畀人求婚嘅經驗，至於男方嘅提議，佢話會今晚返去諗吓再答覆對方。

「要定一定驚先，有啲意外，原本係諗住叫大家去表達愛，依家表達，仲嚇我一跳！」然後彈琴自彈自唱。

(on.cc 東網)

【Jacques超識做】周汶錡：佢會扮冇嘢之後就⋯

2017-09-16

名模周汶錡（Kathy）出席「癌症基金會粉紅革命」啟動禮，Kathy表示做媽媽之後特別注重健康：「生完小朋友之後心理上真係會轉變，以前就算病、唔夠瞓都冇呢個諗法。依家唔舒服就會好緊張邊個湊阿仔，可能荷爾蒙影響。（幾耐會身體檢查一次？）半年，覺得密啲Check會好啲。」

Kathy認為做媽媽很偉大，特別以前一代的媽媽，要身兼多職十分利害：「佢哋又要番工、湊幾個仔、養起頭家仲要煮飯。」她表示身邊朋友做媽媽之後，都會出現對自己小朋友過分緊張的情況：「佢哋真係會擔心好多嘢，未發生就擔心，而我就發生咗先擔心。我覺得要均衡吓，點到即止。」

她又覺得現時的小朋友比以前不同：「以前嗰啲好乖，依家比較活躍，可能階段唔同，個認知好快，所有依家啲人要醒啲。」

而日前細妹周麗淇在社交網表示周汶錡大仔Jacques因為曳而令她生氣，Kathy說：「我唔知，嗰日唔喺度，可能出咗去食晏扭計。我個仔依家氹人好叻，做錯嘢知我會鬧，佢就會扮冇嘢，一分鐘後就會講『媽咪sorry』。（佢都好有經驗？）係呀，依家小朋友諗咩係估唔到，會諗嘢氹番我笑，所以我要用其他方法對付佢，依家做媽咪要鬥智鬥力幾辛苦。」

(on.cc東網)

【范冰冰落淚答應】李晨單膝跪地求婚成功！

2017-09-16

9月16日正是內地女星范冰冰36歲的生日。

不過今年呢個生日就真係好特別，因為男友李晨喺呢一日求婚成功，真係雙喜臨門！

凌晨時段，李晨喺微博PO咗幾張為范冰冰慶祝生日嘅相，細心啲睇，其中有一張竟然係李晨單膝跪地手持戒指向范冰冰求婚嘅照片，冰冰更感動落淚。

李晨留言表示：「我們，永遠…」

而范冰冰亦極速轉發李晨呢個PO並寫上：「永遠，永遠…」

范冰冰同李晨拍拖兩年以來，人前人後一直非常恩愛，之前接受訪問佢哋都講過視對方為結婚對象。

呢個求婚成功宣言甫一出，短短一個小時就已經15萬人點擊讚好！

(on.cc 東網)

【嘟姐好感動】農夫孖蕭正楠送特別禮物賀嘟姐生日~

2017-09-15

今年9月9日係嘟姐鄭裕玲正式登六嘅大日子，話晒嘟姐係阿姐級人馬，慶祝活動又點會得1、2個呀！

o依家嘟姐同埋農夫仲有蕭正楠喺意大利拍旅遊特輯，今日凌晨佢哋喺網上玩直播，原來佢哋同嘟姐補祝生日，農夫同蕭正楠除咗送一大紮玫瑰之外，仲送咗一份好特別嘅禮物俾佢！

最初嘟姐估係袋，大家你一言我一語咁話呢份禮物實用，又好啱嘟姐，最後估咗一輪，嘟姐發現原來係一支幾乎絕版嘅威士忌，佢即刻話：「呢份禮物真係冇得頂！真係好感動！冇諗過會搵到！」跟住大家又送上蛋糕，嘟姐喺IG留言話多謝呢個悉心安排！

雖然喺生日前夕，嘟姐因為今屆港姐嘅賽果問題而俾網民狂轟，搞到好拍檔曾志偉出聲撐嘟姐兼戥佢唔抵。

直到正日生日前夕，商台一班同事為佢慶祝，喺節目嗰度嘟姐好感慨話：「好開心可以做到呢份工，可以真人發聲，有好多事物、睇法都可以喺呢度講出嚟，並唔係電視台嗰個我，嗰個有好多稿要讀，但係呢個可以真真正正係自己，等多啲唔同年紀嘅人認識我！」

嘟姐亦話自己冇特別去慶祝登六，都係留俾自己靜靜地過，做啲自己鍾意嘅嘢！

(蘋果日報)

【皮膚keep住超級好】楊丞琳分享幾個保養重點

2017-09-15

出道多年，樣貌皮膚絲毫沒有「走樣」的楊丞琳強調：「生活保養一定要做足，就算在放假也都要顧好，才不會在重要日子措手不及。」

她又分享到：

20歲開始保養好後續沒煩惱
完全凍齡的楊丞琳自豪地表示，只要從20出頭做好保養基本功，後面就沒什麼太大的煩惱，她笑著說：「我很堅持卸裝卸得乾淨，沒有化妝也要卸妝，因為外面的塵璊、髒汙很多，之後上保養品才會加分，沒有好好洗臉和卸妝還上保養品只會扣分，記得保養品要認真搽，不能隨便抹，最後還要勤敷臉。」

洗完臉立刻搽上所有保養品

基本功打好，再來就是要注意小細節，楊丞琳進一步仔細地說：「洗臉不要覺得洗很久就是很乾淨，其實正常摸自己的臉覺得差不多乾淨就可以停住，然後洗完臉搽保養品的時間不要隔太久，像我媽就是一個錯誤示範，洗完後就會去曬曬衣服、切切水果回來再搽，那時候太遲了，臉已經乾燥，接觸空氣太久，所以記得洗完臉後就要立刻搽，用化妝水、精華液，再用霜狀或乳液類做最後加強。」

熬夜、換季、上妝必敷面膜
堪稱面膜控的楊丞琳因為天天化妝，堅持天天敷面膜，但是遇到不用上妝的時期就會讓皮膚休息一下，有時間呼吸，停止敷面膜3~5天，但是她建議大家最好養成一週敷2~3次面膜的習慣，遇到熬夜情況，換季的時期一定要敷，避免皮膚過乾，臉上浮出小小一粒粒紅紅的凸起物，她表示，這些都是過敏反應，透過面膜補水就能退紅，凸凸的東西也會變得比較平滑。

洗澡敷臉或先保養再敷效果加倍
為了讓面膜效果更好，楊丞琳會在敷臉前輕拍化妝水，或是搽精華液，幫肌膚打好底，但是她強調：「敷完臉後不要洗臉，讓裡面的保濕成分留在臉上，再上保養品就能強化保濕，熬夜或是生理期出現的肌膚狀況就會減輕。」另外她也喜歡敷著面膜去浴室洗澡，利用熱氣蒸開毛孔，讓精華液更能深入肌膚，不過她提醒，洗澡慢的人千萬不要學她這麼做，以免臉上水份反被面膜吸走。

折面膜邊邊角角更浮貼
市面上面膜不一定適合每個人的臉上，所以楊丞琳會把上面的邊邊角角剪掉，讓面膜更浮貼，但為了省時間，現在她改用折的，盡可能讓面膜貼近鼻翼和人中，「我化妝很怕看到鼻翼很乾，所以會特別注意，如果你的臉面積比較大，可以把面膜旁邊多於的保濕精華搽在想要保養的位置。」

(自由時報)

【可愛孫女首曝光】最索嫲嫲劉美君感恩：自己很有福氣

2017-09-15

被網民大讚為「最索嫲嫲」的劉美君，日前在網上報喜做第2任嫲嫲，新抱誕下囡囡Madison，與大家分享喜悅。

劉美君今日在網上再放閃，上載孫女的照片，只見Madison很可愛坐在木盆內，好乖瞓著任由攝影師拍照，相當搞笑。

劉美君開心留言：「無論過往嘗過什麼苦，我也不曾埋怨，因為我只細算著一生中最幸福的事兒。我當然感恩，我更認為自己很有福氣﹗」

（明報即時娛樂）

【蕭正楠都唔擔心﹖】黃翠如叫大家放心：我會負責任

2017-09-15

藝人黃翠如出席時裝品牌活動，對有傳她和男友蕭正楠會在街市魚檔拍婚照，以向翠如爸爸曾經在街市賣魚捱出頭作致敬，翠如說：「傳結婚好過傳拗交，我覺得好Sweet，相信屋企人睇到都好開心，其實屋企係喺街邊小販賣魚先，之後穩定啲先入街市嘅。（明年年中結婚？）未有計劃，（如果影結婚相想點影？）未諗，每個人都要尊重自己嘅出身，係一件光榮嘅事。（考慮吓喺街市影？）要問吓爸爸，佢同幾個街市好熟，問吓啲菜檔豬肉檔得唔得先。（幾時影？）好尷尬，冇傳分手同拗交已經好好，你哋鍚住我。」她直言女仔經常講結婚會怕小器，又笑謂怕讀者會聽到悶，故不禁欲言又止。

翠如笑言估計爆料者是由好熟識她，以及好愛鍚她的人，故可能是她爸爸或家中愛貓，她又直言自知到這年紀要結婚，開自己玩笑說：「你哋唔使為佢（男友）擔心，我會負責任。（蕭正楠話等你做主動求婚？）佢都話我性格係咁。（你幾時向蕭正楠求婚？）唔好畀壓力我，等我認真考慮。」

(東方日報)