藍奕邦曾受痛症折磨兩年多，令他大受困擾，幸好最終對症下藥，他患「顳顎關節症候群」獲康復機會；他在加拿大休養並繼續創作歌曲。
日前阿邦今日在facebook上載跟父親的合照，寫了一篇逾400字的文章，記錄了父與子的愛。
阿邦爸爸由香港到加拿大探望兒子，返港前他對阿邦說:「你要記住，父母永遠最愛錫仔女。」暖暖的父愛令人感動。
(明報)
【與一眾學生慶生日】唔講唔知，原來旦哥今年已經__歲！
鄭丹瑞（阿旦）身兼多職，除咗係電台DJ、電影製作人仲係主持等等，真係數都數唔晒！
即將喺11月27日踏入62歲生日嘅佢，就獲一班演藝班學員為佢預祝生日，而佢哋仲係阿旦5年前所教嘅學生，隔咗咁多年都冇忘記呢位恩師，果然「一日為師終身為父」呀！
阿旦喺Instagram上載照片，畀包後生仔女包嘅佢笑得勁開心，啲乖女仲向阿爸送飛吻，真係睇見都冧呀！
相中見到已經做咗演員嘅何廣沛、吳沚默、陳潔玲、利穎怡、譚永浩，仲有《東張西望》「咪神」主持林泳淘、李旻芳同埋男友黃耀英等等，相信阿旦見到一班學生青出於藍都好有成功感。
佢留言：「我教嘅第一屆藝員訓練班，D26K，咁就五年了，亦算係一場緣份，多謝你哋咁長情。」
網民都大讚阿旦Keep得好好，點睇都唔似已經登六，仲祝佢生日快樂同身體健康呀！
(on.cc 東網)
【成為人妻後首個生日】33歲香香好幸福：感恩
岑麗香（香香）去年底與老公強強拉埋天窗，昨日（11月17日）係香香升呢人妻後首次過嘅生日，唔知係咪因為踏入人生另一個新階段，33歲嘅佢深夜喺社交網發文話感受深刻。
香香感慨地表示：「感恩又多一個生日又大一歲啦:）謝謝大家的祝福和愛（還有蛋糕！）今天我覺得special的原因不是因為是我的生日，原因是因為我覺得我很lucky可以有這麼好人同amazing人在我的生活中。我們越（愈）大，『生活』變得愈來愈忙，我們的空閒時間越（愈）來越（愈）稀缺。
所以我感到很幸福，身邊的人，包括家人，老朋友，新朋友，甚至是熟人和陌生人，會花一點佢地（哋）嘅寶貴時間送一個祝福俾（畀）我。神祝福你們大家愛和平同喜樂！」
(on.cc東網)
【咳到標眼水點算好？】陸永老婆有奶奶止咳秘方！
陸永太太Reina婚後不時在社交網分享其家庭生活。
日前她發文介紹治療咳嗽的秘方。
Reina表示每次傷風感冒時，都會咳到氣管收縮，呼吸困難，今次更辛苦到「標眼水」，幸得奶奶讓她喝了「秘方」才能止咳。
原來秘方就係蒜頭水！她更笑言老公雖不懂拍扁蒜頭，但亦主動幫忙，間接晒恩愛，好sweet啊！
(on.cc 東網)
【有片】李蘊囡囡啜住奶嘴打鼓超可愛
藝人李蘊（Renee）婚後誕下愛女羅紫晞，向來有女萬事足嘅Renee，不時都會喺社交網站分享囡囡嘅生活照。
日前佢就上載咗幫晞晞慶祝一歲半生日嘅相，相中嘅晞晞身穿粉紅色嘅裙仔坐咗喺枱面，而且仲要拎住粒士多啤梨喺度食，相當可愛！
除咗同囡囡慶祝生日之外，Renee仲上載咗一段晞晞打鼓嘅片，人仔細細嘅晞晞一邊聽住音樂，一邊打鼓，相當有節奏感，而Renee亦有留言讚晞晞：「都有幾下拍子係準㗎！」
唔少網民都話晞晞遺傳咗媽媽嘅音樂細胞，亦有人笑言晞晞應該係聽得多媽咪嘅好友鄧紫棋（G.E.M.）嘅歌，所以先至會咁有節奏感喎！
(on.cc東網)
【小花生滿月】媽媽麥雅緻坐完月：出關大日子
張頴康太太麥雅緻今年十月再誕下囝囝「小花生」，加埋囡囡「小豆」，成功湊成一個好字。
唔經唔覺「小花生」都已經一個月大，麥雅緻喺社交網站透露已經坐完月，終於可以出關。
麥雅緻仲帶咗仔仔出街行吓，仲話終於可以攞正牌洗頭沖涼。
麥雅緻留言：「今日滿月嘞！ 打一個月嘅針痛痛喊到面紅紅，不過好快就收聲了⋯。小花生出街就零舍好瞓，夜晚就好精神⋯快啲調節番作息時間啦阿囝！ #滿月小寶寶 #出關大日子 #可以攞正牌洗頭沖涼 #薑水再見了#辛苦豆爸單拖俾我抖左兩晚可以瞓好覺」
（on.cc東網）
【與蔡少芬今天還是相愛】黎姿：妳永遠是我年輕亮麗的妹妺
蔡少芬(Ada)同黎姿絕對係圈中美魔女，由出道到爆紅，外貌同演技不相伯仲。佢哋1993年一齊拍《天倫》，跟住就係拍大台劇《黑夜彩虹》及《火舞黃沙》等，十年前再合作拍《珠光寶氣》演兩姊妹。
雖然黎姿離開娛圈，不過二人感情一直猶如親姐妹，黎姿今年3月出席蔡少芬細女信兒4歲生日會，蔡少芬留言「我的愛人姐姐，10年前的我們，今天還是相愛，也有幸福的家庭」。
今日黎姿喺微博貼出佢同蔡少芬嘅合照，寫道：「在我眼裡，妳永遠是我年輕亮麗的妹妺，在大家眼裡，妳也總是充滿青春活力。」
未知黎姿有冇教蔡少芬凍齡方法靠冰火兩重天呢!?
(蘋果日報)
【恭喜哂！】Gary報喜做爸爸：這是我的兒子
Gary於去年10月退出韓國人氣綜藝節目《Running Man》後，便專注發展音樂活動，並於今年4月閃電宣布與圈外人結婚，震驚所有粉絲。 
其妻身份相當神秘，至今仍未曝光，但一直有不少網民推測Gary近年常留在內地發展，估計其妻是內地人。
Gary曾於今年9月底在Instagram上傳自己與另一名神秘女子在沙灘的合照，雖然看不清女方樣子，但將照片調光，會隱約看到女方的輪廓，當時不少粉絲也認定Gary是與妻子合照。
Gary突然在社交網報喜，透露已升呢做爸爸，他上傳嬰兒的腳板仔並留言說：「跟大家介紹，這是我的兒子，請大家祝福Gary的Junior吧！」看來他今年4月時，很大機會是奉子成婚！
Gary出演的內地真人騷《姜來式》剛於前日播出第一集，而《姜來式》的官方微博剛剛亦有更新：「恭喜狗哥，狗哥的人生因此而變得更加豐富，祝福！狗哥的幸福就是我們最大的幸福！也祝寶寶健康成長，從此是姜爸爸咯！」
(on.cc 東網)
【產後失憶壓力好大⋯】車婉婉：對住劇本好驚
藝人車婉婉今年三月誕下囝囝BBQ後，一直全力湊仔，最近她與首飾品牌Crossover，以星座為主題設計了一系列的頸鏈。
她透露之前設計過十二星座香水，更希望成立屬於自己的品牌，跟其他品牌及產品合作。談到首次設計首飾，她笑言做開有條癮：「今次只係第一擊，之後會加新嘅Idea落去，因為市場上好難搵到關於十二星座嘅產品。」問到會否親自設計情侶首飾跟老公一齊戴？她表示設計給囝囝佩戴更適合，並考慮推出BB系列的首飾。談到湊BB，婉婉表示雖然沒有之前那麼累，但因重投工作感到筋疲力盡，開始了解事業型媽咪的辛勞。
談到工作，正參演新劇的婉婉表示飾演法官，被有大量專業用詞的對白考起，她笑說：「啲人話產後會有失憶症，對住劇本好驚，雖然有做好功課，因為入面有好多比較技術性用詞，少少都唔錯得，都幾大壓力，記性可能真係冇以前咁好！」又表示接下來會繼續拍劇，日後或會減少陪囝囝的時間，她直言現時香港不少媽咪面對同樣問題，故會盡量取得平衡。
另外，談及不少家長為未夠半歲的子女報讀Playgroup，婉婉直言抗拒做虎媽：「如果要跟住大家蜂擁咁堆砌會好辛苦，唔單止小朋友辛苦，父母都會好辛苦，自己仲揣摩緊個平衡點。」
(on.cc東網)
【唔止米粉。。】分銷商回收豆豉鯪魚
繼日前吃足幾十年驚爆「出事」的「孔雀牌米粉」，食物安全中心再公布，深水埗一店舖出售的「珠江橋牌豆豉鯪魚」含微量孔雀石綠，呼籲業界立即停售有關批次產品，涉事進口商／分銷商正回收產品。
該批「珠江橋牌豆豉鯪魚」罐頭原產地為中國，每罐淨重227克，到期日（此日期前最佳）為2018年5月21日。
食安中心調查一宗食物投訴時，從深水埗一店舖發現，該批次罐頭含10億分之0.78孔雀石綠，中心指這含量在一般食用情況下，不會對健康造成不良影響。
食安中心指令商戶將涉事批次產品停售及下架，涉事進口商／分銷商On Chak Trading Co.亦已主動展開回收，市民可於辦公時間，致電熱線2540 1215查詢。
孔雀石綠是一種工業染料，被使用作治理魚類疾病，內地、歐洲聯盟、加拿大和美國等主要農業經濟體系，均禁止向食用魚使用這種化學物質；香港法例亦規定，所有在本港出售的食物均不能含有孔雀石綠，違者最高可被罰款5萬元及監禁6個月。
（明報）