吳尊當年以「飛輪海」組合出道，紅遍半邊天，但是正在他當紅的時候，卻選擇了結婚。
與吳尊結婚之後，老婆林麗瑩也是很少的出現在大眾的視野，即使節目需求也是帶著口罩出鏡。
林麗瑩是吳尊談了18年的初戀女友，2009年被吳尊結婚，婚後相繼迎來了自家的寶寶neinei與max。
近日，吳尊在參加訪談節目中可是罕見大晒恩愛！
吳尊大方講述了與太太的甜蜜日常，自曝每晚都會發「晚安，愛」！
吳尊還在現場爆料到在與太太10周年的時候自己將會考慮補辦婚禮。
現在的吳尊雖然不及當年人氣，但是有著幸福的家庭，這才是真正的追求！ 
期待吳尊的十周年補辦婚禮照！
(騰訊娛樂)
近日從加拿大回港出活動賺奶粉錢的鍾嘉欣（Linda），日前單拖現身中環街頭，打算搭的士走人嘅佢，遇上繁忙時間，等咗好耐都截唔到車。
Linda心急返屋企湊女，竟隔着馬路「唱山歌」咁大叫記者幫手搵的士，響亮「歌聲」引起途人注目！
藝人鍾嘉欣前年年底下嫁脊醫梁乃鵬姪兒Jeremy後，嫁雞隨雞的她去年8月在加拿大誕下囡囡Kelly，之後一直專心相夫教女，間中會由加拿大返港出席活動吸金。
近日Linda又回港出席活動搵奶粉錢，日前下午5點幾，只見佢獨自前往中環行街，佢紮住兩條孖辮仔、着住灰色外套，孭住黑色大袋，步伐急速，不停喺附近蕩來蕩去，期間又不時笑咪咪傾電話。
原來Linda打算截的士返將軍澳，奈何遇上繁忙下班時間，結果行咗好耐都截唔到車，後來佢發現記者喺遠處，隨即隔着馬路如「唱山歌」般大叫記者幫手：「可唔可以幫我截架的士呀？」
嘉欣響亮嘅叫聲隨即引來唔少途人注目，期間更有兩名女粉絲被Linda嘅聲線吸引，上前要求同佢合照，Linda雖然趕時間亦有求必應，態度親切。
其後記者回應她，該時段很難截車，心急見囡囡的Linda最後放棄搭的士，並說：「我好想快啲返屋企見囡囡呀！（Call車嘛！）Call咗冇車呀，我行咗好耐都搵唔到的士，咁我去搭港鐵會唔會快啲呢？」
Linda說完即跟記者道別，然後急急腳步往附近港鐵站，轉搭港鐵返歸。
(on.cc東網)
消委會測試市面34款洗衣劑樣本，發現去污效能表現參差，以5分滿分計，逾三成評分僅合格，另有8個樣本含對生態環境有負面影響的磷化合物，，當中3款洗衣粉總含磷量由0.68%至8.1%，高於加拿大標準的0.5%，建議消費者慎選。
測試樣包括16款洗衣粉、15款洗衣液及3款洗衣膠囊，測試時消委會以30度水溫洗滌染有4類共18款如粉底、朱古力、血漬、咖啡、豉油等日常生活常見污漬的棉布，結果發現綜合各樣本的去污、潔白及固色效能，總評分獲最高分的兩款為洗衣膠囊，洗衣粉及洗衣液各有一款，惟價錢上則洗衣膠囊明顯較貴，與最便宜的洗衣粉比較可相差達3倍。
在去除油污方面，洗衣粉效能較洗衣液差，大部分樣本在去除化妝粉底表現較佳，但去除牛肉脂肪表現較弱。至於在保持衣物潔白方面，洗衣粉效能則較佳，有五款樣本獲較高評分；而3款洗衣膠囊在去除污漬方面效能最好。
（明報）
近日，Baby抱著兒子小海綿返回香港，在機場意外被拍到了小海綿的正臉。
小海綿臉蛋圓嘟嘟超級可愛，跟媽媽Baby、爸爸黃曉明兒時的照片都十分神似。
童年的黃曉明模樣清秀俊朗，兒子小海綿深得帥氣基因。
Baby全程緊緊抱著兒子，而且一直非常小心地護著兒子的小臉蛋，儘量不讓外人看到，但還是被拍到了小海綿的正臉。
小海綿長著一對超有福氣的耳朵，耳垂似佛陀。
小海綿頭髮濃密，臉蛋圓嘟嘟，含著奶嘴的模樣可愛化了！
當天，僅有一名保姆陪著Baby現身，但抱孩子的工作沒有假手於人，Baby全程緊抱兒子。
(騰訊娛樂)
消委會聯同食物安全中心測試10款中式小菜，共100個樣本，發現有三款達高鈉水平，三款都是來自不同食肆的鹹蛋蒸肉餅，其中鈉含量最高的一款鹹蛋蒸肉餅，每一百克含七百三十毫克鈉，超出高鈉食品水平逾兩成。另有七款小菜達高脂水平，包括鹹蛋蒸肉餅、蝦仁炒蛋及菠蘿咕嚕肉。
其中「富臨酒家」的樣本是研究中鈉含量最高的，每100克含730毫克鈉，進食一份肉餅，已等於世衞建議每日納攝取限量2000毫克的三分一。另外2個樣本來自「珠江酒家」及「鳳城酒家」，每100克均含650毫克鈉。其餘9款港式小菜，如蝦仁炒蛋、魚香茄子煲、菠蘿咕嚕肉等，都沒有達到「高鈉」水平。
消委會表示，測試的十個鹹蛋蒸肉餅樣本中，最低與最高鈉含量相差約兩倍，反映食肆有方法烹調鈉含量較低的小菜，建議消費者點餐時，可要求少鹽，豉油及醬汁另上。
（881903/香港01）
今日有報社於跑馬地馬場舉行報慶活動，鄭明明、任達華、宣萱、李蕙敏、泳兒、洪卓立、湯怡、羅霖、苟芸慧及男友陸漢洋、關心妍及老公、韓君婷、連詩雅、鄭融、許霆鏗等齊齊現身。
其中華哥任達華接受訪問時，表示：「今日嚟支持下，最近傾緊有電影要開，雖然聖誕有嘢做，不過依家plan緊一家人去旅行，係要安排下，好想同屋企人過白色聖誕。」華哥仲話想去芬蘭：「其實上年一家人都去咗加拿大滑雪，不過今年想去有聖誕氣氛嘅地方。」
華哥又話囡囡由細到大都好鍾意鹿，希望今次去芬蘭可以帶囡囡睇真鹿。
同場嘅宣萱就話最近忙於喺大陸工作，佢話：「嚟緊要飛成都，之後又要去橫店為大陸劇客串，要成半個月。」問到佢嚟緊嘅大台頒獎禮有冇收到邀請，宣萱直言話冇。問到有指羅嘉良因為幾萬元被大台取消邀請，宣萱就話：「我有睇，不過人哋嘅嘢我唔comment，但係我之前都講過我當年離開都係誠意問題，但係杜生（杜之克）好好，之前幾次合作都係佢專登搵我傾合作，所以我只會同杜生傾。」
佢仲話有誠意就會繼續合作。講到如果出席頒獎禮好大機會成為視后，宣萱就話唔應該出席先有獎攞，不過佢工作都好忙，未有時間出席。
(蘋果日報)
衞生防護中心今日(14日)正調查位於將軍澳的救世軍慶恩幼稚園爆發的急性腸胃炎個案，涉及年齡介乎2至5歲的13男7女學童，以及2名女職員，自本月4日起陸續出現嘔吐、腹瀉和發燒等病徵。其中，7名學童及1名職員曾經求醫，一名2歲男童入住浸會醫院後已出院。全部受影響人士情況一直穩定。
中心人員已到學校視察，並向校方建議所需的預防措施，包括適當和徹底消毒清潔、適當處理嘔吐物，以及注重個人和環境衞生，並對該校進行醫學監察。
衞生署臨時數字顯示，由上月15日至截至昨日(13日)期間，共錄得25宗院舍學校爆發急性腸胃炎個案，涉及208人，當中16宗屬幼稚園/幼兒中心、7宗屬小學。
(東方日報)
蘇永康囝囝Jazz憑住光頭仔造型賣萌，簡直係人見人愛，見到都想錫佢一啖！
貶吓眼Jazz已經八個月大啦！
仲係BB嘅Jazz竟然「人細鬼大」，呢日喺父母嘅協助下，仲錫咗表妹一啖呀，蘇永康仲拍埋片做證添！
片段一開始就見到Jazz由媽咪抱住，表妹就由蘇永康抱住，點知Jazz突然錫咗表妹一啖，錫完之後仲好開心咁笑，而表妹就嘴扁扁，真係好可愛。
連蘇永康都留言話：「表妹初吻就咁無咗！扁咀都好合理⋯」
網民亦睇得好興奮，留言話：「輕輕的一個吻，已經打動我的心。」
（on.cc 東網）
不少交通工具明文規定，三歲以下兒童，如由成人陪同而不佔座位，可免費乘車。然而，有馬灣居民於網上發文，指有外傭今日（14日）帶少主上巴士時，疑趁機「打斧頭」，未有為疑已滿3歲的小童付車資。當該司機發現時，外傭雖有立即讓出座位，但竟然要小童坐在陌生男乘客大髀上，行為令目擊街坊譁然。
(圖片：東方日報)
網民於「珀麗灣快樂群組」中發文，指她每朝乘坐8點由珀麗灣站開出，至港鐵青衣站的居民巴士，留意到一名在小學站上車的外傭，經常未為小朋友支付車資。網民指「小朋友明顯超過3歲，但冇畀錢自己坐一個位」，令及後上車的乘客未能找到位置。但因外傭並未有主動讓出座位，司機需要「摷」她出來，「阻成車人返工」。今日早上，同樣事情發生，外傭最後竟讓小朋友坐在陌生男街坊大髀上。網民稱「呢位姐姐嘅僱主，希望你留意一下！」
有網民好奇，為何該外傭沒有親自「抱返個小朋友」，懷疑「男街坊又肯？會唔會識得？」聲稱在事發現場的網民則回覆指「幾肯定係唔識」。不少網民乘勝追擊，表達各種對外傭的不滿。指有外傭上車後竟然霸着隔離位：「唔准人坐，留返畀3個站後上車嘅朋友」。更有見過外傭以BB車作掩飾，「4至5歲坐BB車遮蔽住，一上車小孩就跳番出來坐位，工人泊BB車再坐」，甚為離譜。
可是，也有網民指不應只斥外傭，有不少家長也會「側側膊唔畀錢又佔位」。同時，網民質疑，車資由八達通支付，而其僱主也應已提供了小朋友的八達通，該外傭沒有為僱主「慳錢」的理由。亦有網民指，雖然該外傭把小朋友交到陌生男大髀上有所不對，但相信「唔畀車費，我諗唔係工人姐姐嘅主意」。更有網民直言僱主都有責任，勸籲「唔好再鬧個姐姐，家長肯畀錢跟本唔會發生呢件事。」
網民有話說
Prudence Chan：我坐前面一排，幾肯定係唔識，其實佢哋一上車已經好嘈，再加上咁大個都唔畀錢仲要因為咁擾攘咗一陣，個工人真係堅，希望佢僱主可以見到個post認真處理一下。
林子輝：其實位小朋友未夠3歲㗎（無得證明），但要坐位就要俾車資係常識吧！
Wendy Law：啲人諗縮數真係勁！最慘係荃灣車咁少位啲人都係成日側側膊抱小朋友上車唔畀錢又坐多個位！
Cheryl Cheung：所以珀客司機真係好難做，浪費時間去摷佢，分分鐘會畀人鬧阻住返工，回程又會慢咗。
(東方日報)
陳嘉倩被爆與金毛凸腩男友陳志遠拍拖，男方即被起底，指曾戀無綫新晉小花朱婉禎及前有線球彩台前主播、現任馬評人及六合彩主持嘅陳思琦(Rita)。
陳思琦喺2013年被指遭前男友陳志遠上門禁錮12小時，兼持刀要脅同歸於盡，判被告入獄兩年四個月。
今日接受電話訪問，佢否認係陳志遠嘅前女友，稱當時兩人只涉金錢糾紛。陳思琦當年受盡驚嚇，常發噩夢，但現在已事過境遷，因為Rita已準備喺今個月與圈外男友拉埋天窗。
Rita早前喺fb貼上一張黑白色嘅婚紗照，笑容燦爛，留言﹕「I was attired in white.(我穿着白色)。」但就未見未婚夫個樣。
Rita好保護未婚夫，只肯透露對方姓周，佢話﹕「佢係自己開律師樓，唔想太高調。(咁求婚過程浪唔浪漫？)佢係外地求婚，都幾sweet嘅。(有冇送花、鑽戒同跪地？)有有，一定有，呢啲基本動作啦。(婚後係咪不設房？)生小朋友隨緣啦，如果有就係天賜嘅禮物。」問到會否叠埋心水做少奶奶？佢笑笑口話﹕「暫時唔會啦，我工作都比較自由，唔做嘅好悶架，總之希望大家都幸福啦。」
(蘋果日報)
