蘇志威出席以復康大使身分與細囡蘇靖珺出席活動，他表示到來支持朋友及接受禮物。
蘇志威又表示18歲的大囡蘇君蕎讀完中學六年級後沒有繼續升學，決心追尋自己的夢想。
「佢好多同學都入晒港大、中大，但佢決定去做甜品，13歲已開始學，依家喺五星級酒店跟師傅學師拎經驗，出年再去日本深造幾年。」
問到會唔會打本畀囡囡開舖，蘇志威：「呢樣遲啲先講，但想佢用自己雙手去闖，都好放心畀佢做。」
他直言自己是女兒後盾：「佢冇同父母交代嘅壓力，冇經濟壓力，畀心機搵自己夢想就得，作最大支持。」
「佢係主動講，阿女話唔想讀大學。我老婆都有同佢傾偈，叫佢唔想讀都要考好個試，最後有交代拎咗20幾分，夠分讀大學。」
（on.cc 東網）
從影近四十年嘅惠英紅，早係1982年已經憑動作片《長輩》摘下第一屆金像獎影后，從此奠定武打演員路線，拍下無數動作片，後來再憑《心魔》及《幸運是我》兩度奪得影后寶座。事實上紅姐近年已經好少亮相動作片，直到由《心魔》導演何宇恒主理嘅《Mrs K》，以56歲高齡由頭打到尾，並宣告自此告別動作片。
現年56歲嘅惠英紅曾三奪影后，早排佢就接拍何宇恒執導嘅動作片《Mrs K》，不過佢宣佈從此告別動作片，日前佢喺銅鑼灣接受訪問，講到演出接拍《Mrs K》主因是出自報恩：「今次已經第三次同何導合作，劇本佢喺五年前我51歲嘅時候就已經話開，結果等到我56歲先開，如果再遲多一年我都拍唔到啦。」
紅姐坦言絕對屬年紀問題：「因為知道自己無論點keep，身體機能都係退化，開始信心不足，而且喺拍攝過程入面又受咗傷，胸骨都裂埋，所以就知道真係時候要停，否則搵埋啲錢都唔夠睇醫生。」
講就咁講，但紅姐依然對何導充滿感激，尤其是因為演出《心魔》，令從情緒病困擾嘅佢，再度復出幕前，並成功摘下影后寶座：「全因為佢，否則我唔會行得番咁快，佢未出現嗰兩年，過程係幾辛苦，同時亦帶畀我好多捷徑，去行返嚟今時今日呢度，所以當佢搵我傾嘅時候，我係一口應承。」
戲中紅姐由頭帶到尾，既要拳拳到肉同任達華加埋大馬影帝Faizal Hussein過招，同戲中丈夫伍佰同囡囡嘅連場內心戲都佔相當大篇幅。紅姐覺得以《Mrs K》作為動作片收山作相當完滿：「要遇到一個劇本以自己為中心，我諗錯過咗未必遇得番，而且呢個（何導）係我嘅恩人，所以係一個好好嘅機會做收山作。」
回望數十年動作片生涯，紅姐感到完全無憾：「50幾歲高齡整個咁好嘅劇本畀我仲想點？唔係個個有呢啲機會，有啲轉咗戲路就不了了之，所以我覺得個天對我好好。」
公開宣佈停拍動作片原來有另一考慮，紅姐說：「我份人唔識得say No，講咗以後其他人唔使搵我啦，唔想再用自己身體嚟較飛，我最怕係臨老先嚟出問題就淒涼，其實依家身體都有唔少問題，同細佬妹去旅行行得耐都周身骨痛，呢啲全部都係以前嘅舊患。」
此外，本地著名藝術家又一山人幫紅姐拍咗一輯相集，喺即日起至16日於荔枝角D2 place商場舉行「惠英紅Moving On 57 x 57」展覽，本月18日至10月2日則移師尖沙嘴iSquare舉行。
(蘋果日報)
現年35歲的韓星Rain與交往近5年的37歲女星金泰希，於今年1月拉埋天窗。
金泰希於5月宣布當時已懷孕15周，而現時懷孕7個多月的金泰希於上月底與Rain一同前往意大利旅行。
Rain在旅行期間亦有更新Instagram，上傳意大利的風景照及大批美食照片，看來兩口子在當地大快朵頤。
過去十多天，Rain與金泰希的行程相當低調，在意大行期間幾乎沒有被捕獲。
直至昨日有網民終於在意大利羅馬的機場捕獲兩口子，Rain與金泰希戴上情侶帽及墨鏡，似乎正準備由意大利返韓。
而懷孕7個多月的金泰希穿上黑色鬆身連身短裙及平底涼鞋，並用手袋遮肚，其手腳還很瘦，完全看不出懷有7個多月身孕。
以短褲波鞋的輕便裝扮示人的Rain則手挽行李袋，二人在等候辦理出國手續時，後面還有一名伯伯，可能便是同行的Rain父親。
（on.cc 東網）
兒童節目主持Harry哥哥（王者匡）丁父憂，父親王曦於8月28日逝世，享年94歲。
Harry哥哥父親是香港第一代兒童節目主持「加明叔叔」。
Harry哥哥接受其他媒體訪問時，說:「父親的喪禮會是一個慶祝。it’s a celebration of a successful happy and joyful life.如果沒有昨天的爸爸（加明叔叔），今天便沒有我（Harry 哥哥）」。
「加明叔叔」的安息禮拜將於9月30日早上在聖公會聖保羅堂舉行。
據資料「加明叔叔」的由來是上世紀50年代，麗的映聲開台，王曦當時是中學老師，喜歡音樂、魔術與木偶。他應邀往表演木偶，負責人安排他主持節目《Calvin’s Corner》，並為他改英文名Calvin，他將名字譯為「家明」。
60年代他主持的《快樂生辰》成長壽節目，他有兩個手偶拍檔，分別是「馬騮仔」與「尖鼻仔」，當年給小朋友帶來開心回憶。
（明報即時娛樂）
林心如早年喺台灣綜藝節目《康熙來了》中爆料指有次喺內地同一名男演員拍吻戲，點知對方想將條脷伸入佢嘴裏，當時節目一出，網友已經將矛頭直指曾經同佢合作過《還珠格格》嘅大陸演員周杰！
相隔多年後，周杰竟然喺9月6號晚於微博發文否認傳聞，仲話如果係真強行舌吻某人，點解對方唔當場抗議？
隔咗冇幾耐後，林心如工作室就喺微博留言：「品行自在人心，多說無益。」疑似回應呢件事。
隔咗幾日，周杰今日又喺微博發文提番件事，佢分享一篇名為「周杰微博公開懟林心如，到底他們誰在說謊？」嘅文章，呢篇文章嘅內容可以話係一面倒撐周杰，又讚佢演技好之類，周杰睇完篇文章後留言話自己「淚奔」。
「為什麼你都知道，為什麼還有你這樣清醒的人幫我說話，為什麼這麼簡單的道理都有人犯傻？那些腦殘的人們啊你們想過嗎，在她們的網路上有沒有人像你們這樣的人替我們說話的啊？難道我們就是流氓混蛋人家就是聖女嗎？她們養活過你嗎？」
(on.cc 東網)
本港近月持續炎熱，氣溫動輒逾30℃，不少巿民用膳點選凍飲解渴，惟隨時喝下來自糞便致病細菌的冰塊。《蘋果》抽查巿面5大連鎖快餐店食用冰塊，60%樣本的大腸菌群含量超標，5家快餐無一倖免，其中肯德基超標最嚴重達1.7倍，其次是麥當勞超標1.1倍。有醫生指，飲用大腸菌群超標的凍飲，輕則腸胃炎，重則引致溶血病、細菌性休克。食環署表示跟進事件。
《蘋果》最近抽查大型連鎖快餐店肯德基、麥當勞、美心MX、大家樂及大快活的食用冰塊，每間快餐店抽查兩間分店各一個樣本，合共10個樣本，並交由政府認可化驗所化驗，檢查大腸菌群含量。據食環署《食品微生物含量指引》規定，零售點的散裝食用冰的大腸菌群含量準則為每100毫升樣本少於100個菌落形成單位。化驗結果顯示，10個樣本中6個樣本大腸菌群含量超標，5家快餐店無一倖免，其中以肯德基名都廣場店超標最嚴重，每100毫升樣本含有270個菌落形成單位，超標1.7倍；其次是麥當勞粉嶺名都廣場店超標1.1倍，驗出210個菌落形成單位。美心MX則兩個樣本均驗出超標，亦是唯一一家驗出兩個樣本超標，包括荃灣及粉嶺店各超標50%及20%。
大家樂荃灣店及大快活粉嶺帝庭軒店分別超標40%及20%。香港醫學會會長蔡堅表示，大腸菌群是指所有腸道細菌，包括大腸桿菌等，普遍存在人類及動物糞便，相對外國，本港的食用冰的大腸菌群含量的《食品微生物含量指引》寬鬆，「今次抽驗出超標以倍數計，有成二百幾，含菌量好高。」英國環境、食品及農村事務部所訂水質標準，食用水完全不應含有大腸菌群。蔡堅指，巿民喝下含有大腸菌群冰塊的凍飲，不一定病發，需要視乎感染那種細菌及細菌數量，「但飲咗超標以倍數計既凍飲，中招機會就會好大，會導致腸胃炎、發燒等，重則引致溶血病、細菌性休克。」
他表示，巿民自保方法盡量不要外出喝凍飲。本身是醫生的公民黨立法會議員郭家麒表示，5間大型連鎖快餐店抽查的食用冰塊大腸菌群數量均有樣本超標，顯示情況普遍，反映食環署巡查不足，有需要加強抽樣檢查，「快餐店只係違反指引，唔係法例，無罰則；食環署只可以用其他衞生條例去檢控佢哋，阻嚇性唔夠。」他說，食用冰塊受大腸菌群污染源頭有三個，包括製冰過程、運送途中，以及快餐店冰塊處理，「客人飲咗啲呢凍飲，好大機會出現屙嘔肚痛。」
麥當勞對《蘋果》測試結果，表示關注及密切跟進；發言人表示，粉嶺名都廣場店即時消毒製冰機及其有關設備。餐廳一向有委託認可獨立檢測機構定期進行食用冰的大腸菌群等測試，近一年荃灣廣場及粉嶺名都廣場店亦有測試，結果滿意，符合食環署指引。肯德基發言人表示，會密切關注有關事件發展，並作出跟進及改善。公司十分重視食品衞生安全，嚴格遵從有關當局的各項食物安全守則，一直定時為食用冰進 行檢測，確保食用冰品質符合本港衞生法例的安全標準。
美心MX發言人表示，十分關注《蘋果》抽查結果，即日再次抽查兩分店冰塊，以及進行徹底清潔和消毒。美心一直有委託獨立來查機構定期進行抽檢，包括冰塊，該兩間分店的檢測結果均合格。大家樂集團發言人回應指即時將有關分店徹底清潔及消毒，已安排再次更換濾芯及提醒同事嚴格執行指引。餐廳有定期驗冰，結果符合政府衛生要求，亦有定期更換製冰機的濾芯及清潔消毒用具。
大快活發言人表示，即時進行調查及跟進，餐廳每月均會抽查可食用冰塊測試，今年每月的測試均符合食環署指引。食安中心發言人表示，一直透過恆常食物監察計劃監測食用冰塊中大腸菌群等微生物的含量。去年至今年8月，中心共檢測約60個食用冰塊樣本，結果顯示，除早前公布的1個含大腸菌群的冰塊樣本外，其餘樣本全部通過檢測。業界應遵循《在食肆製造和處理冰塊的衞生指引》，在處理冰塊時採取良好的衞生規範。
(蘋果日報)
懷孕差不多九個月的楊洛婷（Rabeea）與老公Dear Jane主音Tim拍攝了一輯性感大肚寫真。
Rabeea表示大肚寫真可以說是她影過最性感的寫真。
問到會否感尷尬，她說：「都冇尷尬，我哋係全女班，反而我老公會尷尬囉，因為佢要喺咁多女仔面前除衫，佢即時做push up。」
Rabeea更表示影相時BB有反應：「因為我哋全程都播住音樂，咁BB一聽到音樂佢嘅動作都好大。」
原定九月尾預產期的她指應該會提早分娩：「醫生話BB位置已經好低，所以我隨時生得㗎喇，我已經執晒嘢隨時可以走佬。最近瞓得麻麻哋，因為BB壓住個肺有時抖唔到氣，只係可以打側瞓，不過都會每兩個鐘起一次身。好期待呀，我好想見到BB個樣。」
Tim為了拍攝這輯照片他也有很努力Keep fit，不過他非常了解自己只是這輯大肚照的人型布景板，老婆才是真正主角。
(on.cc 東網)
成日話「十八年又一條好漢！」，十八年可以代表一個人由年少年踏入成年階段，但對杜汶澤嚟講，十八年係一個甜蜜嘅數字！
今日杜汶澤喺FB上載一張同老婆田蕊妮1999年影嘅相，相中田蕊妮從後攬住杜汶澤，兩個人仍然一臉青澀。
杜汶澤仲話，用威士忌嚟比喻佢同老婆嘅感情，又話可以再浸吓先：「原來今日係我哋拍拖十八週（周）年。十八年，其實唔算好耐，如果係威士忌，先至剛剛叫做勉強飲得下（吓）。再浸下（吓）先啦……」
留意番佢係話拍拖十八年，但佢同田蕊妮其實已經結咗婚12年，咁多年仲可以好似拍拖咁，真係冧死人！
(on.cc東網)
藝人胡杏兒、胡定欣、姚子羚、黃智雯、李施嬅和胡蓓蔚六位「胡說八道會」好姊妹齊集中環出席無綫節目《胡說八道真情假期》。她們都是以紅色裝服示人，以昨日（9日）36歲生日的壽星女胡定欣最為性感，而姚子羚的露背裙和李施嬅的低胸裙亦非常搶眼。
席間，胡蓓蔚就突然拿出巨鑽戒指向胡定欣「求婚」，更向對方講出愛的宣言：「你願唔願意嫁畀我哋呢班好姊妹做一世靈魂Partner？」搞到胡定欣爆喊勁抹眼淚：「我好願意！」
而其他姊妹亦齊聲高呼：「我都願意！」胡蓓蔚就補充指一班好姊妹都希望胡定欣身體健康，更希望對方不久將來會有真命天子向她求婚。
胡蓓蔚為胡定欣戴上鑽戒後，胡定欣便既興奮又激動地講感想，她邊忍眼淚邊說：「你哋畀我嘅嘢實在太多，我哋六個相信就算今日有冇呢隻戒指都好，我哋嘅感情都係會一輩子到老。」
她更指這次澳洲之旅令她們感情昇華，眾人返港後亦不時翻睇照片回味美好時光：「我哋比以前分享更多，依家唔係朋友、姊妹咁簡單，係一家人，希望投胎到下一世，係唔係做人都好，都可以喺埋一齊。」搞到黃智雯都眼泛淚光。
而同樣眼濕濕的姚子羚亦推出四個生日蛋糕及送上印有眾人肖像的曲奇餅，為胡定欣送上驚喜。
之後昨晚大班好友更在酒店舉行六十年代主題的懷舊主題派對，為「Dry爆」壽星女慶生。定欣完成記者會後，則先到附近髮型屋整頭扮靚再換紫色晚裝，約七時許便到酒店。
雖然未有真命天子現身，但定欣卻得三名猛男袁偉豪﹑陳山聰和單立文到賀，問到送了甚麼禮物？袁偉豪笑說：「我咪帶咗自己嚟囉！（點慶祝？）都係食飯啦！」
而另外兩位姊妹胡杏兒和胡蓓蔚則帶了兩袋禮物到賀，未有受訪。準備了香薰肥皂作禮物的林夏薇及忙於開工的梁烈唯，亦於較晚時間到賀。
(on.cc東網)
廖麗麗突然離世，不少TVB同事都感到好突然。廖麗麗生於亂世時代，其父是中日抗戰時在中國宜安參與戰爭的一名老幹部、團正委；母親則是當時民工團作歌舞演出。
廖麗麗曾在訪問中透露，自出娘胎便經歷戰士，曾數度遇上生命威脅，其母懷胎時曾墜馬，又試過軍中士兵擦槍走火險中母親肚皮，之後又試過遇爆炸導致雪橇翻轉，幸最終她仍能平安度過。她出生後由外婆照顧，及後再被父親的警衛員帶到北京照顧。
而其父曾經是被批判對象，指他是三反五反政治運動參予者，結果被抄家，並被送到勞改處監禁一年。直至鄧小平執政年代才頒下命令為他平反。而廖麗麗命途很坎坷，18、9歲時在一間寄宿舞蹈學校讀書，一邊幫父親的兵工廠打工，兼且要照顧其他姊妹。學有所成之際，廖麗麗便上山下鄉，到處在農民、漁民、礦工和軍隊面前表演民族舞。
不久，認識第一任丈夫結婚生兒，但因應當時的共產黨政策，規定舞蹈團成員要在適當時候才能輪流生兒育女，加上一些領導不容許她生下第一胎，廖麗麗最終被迫墮胎。
(蘋果日報)
