點解要用爽膚水﹖其實，每次潔面後，面部水分會大量流失，令肌膚變得乾燥。而皮膚新陳代謝往往需要大量水分幫助完成。所以，潔面後，立刻拍上爽膚水，就可以即時為肌膚補充水分，保護同保濕肌膚。

爽膚水有咩用﹖爽膚水可以軟化角質，殺菌，平衡皮膚pH值，令毛孔中嘅油脂同水份得到平衡。唔止﹗爽膚水仲可以作為肌膚嘅「第二次清潔」，幫助清除殘餘油垢，帶走老廢角質，滋潤角質層細胞，更可以令之後塗上嘅精華素同面霜更易吸收。

唔用爽膚水會點﹖而如果唔用爽膚水的話，皮膚於無保護同保濕嘅情況下，唔單只會鎖唔住水份，仲會變得乾燥，毛孔亦會變得粗大。而當肌膚變得粗糙，就會變得難以吸收之後用嘅護膚產品。

如何妙用爽膚水﹖唔同時候，可以使用唔同功能嘅爽膚水。冬天或環境乾燥時，可以使用保濕型爽膚水。夏天或出油較旺盛時，可以使用收斂型爽膚水。秋季同春季可以使用美白型或低過敏性化妝水。

而如果想提升爽膚水嘅功效，就可以利用化妝棉幫手。好多時，好多人都會以手指輕拍，但其實當爽膚水接觸到手掌，水份就會被手掌肌膚吸收走咗一半！所以，最好都喺化妝棉，效果會好好多。

另外，爽膚水應該係喺上精華前用嘅。有人會認為，精華素應該要直接塗於肌膚上先會發揮到最大功效，而事實上，用完爽膚水先再用精華素，喺可以令精華更易吸收嘅。因為，爽膚水可以滋潤角質層細胞，同埋進一步清潔肌膚。

最後一點，上咗爽膚水後，不妨可以搓熱雙手，再輕輕放於面上，等手嘅溫度傳到面上去。因為，咁樣可以讓令爽膚水更易被肌膚吸收，再用乳液的話，吸收效果會大倍增加﹗