李嘉欣在馬季開鑼日第十場現身，手戴巨鑽戒指及粉色連身裙更顯高貴。
李嘉欣與老公許晉亨十指緊扣為家翁許世勳旗下愛駒「估惑」打氣，賽前更是頂頭大熱。
向來腳頭好嘅李嘉欣，每次現身馬場都為老公的愛駒拉頭馬。
問可有信心拉頭馬？李嘉欣回眸一笑點頭示意充滿信心。
當他們走到馬場沙圈時，即有馬迷要求向李嘉欣索合照，之後繼續跟友人有講有笑聊天，並行到看台準備觀賞賽事。
李嘉欣拖實老公許晉亨離開馬會。
(on.cc 東網)
【手戴巨鑽戒指】李嘉欣拖實老公晒恩愛
【一直係鍾太】為破產老公孭起頭家 與前夫再見亦是朋友
現年47歲嘅陳慧珊，先後有過兩段婚姻，無獨有偶，兩任老公都姓鍾。陳慧珊曾經係大台當家花旦之一，但其實佢喺走紅之前，早已為人妻，與當年的花旦多為未嫁雲英嘅「趨勢」有啲唔同。
陳慧珊嘅首任老公係大學教授鍾偉明，網上流傳，當年陳慧珊同鍾偉明邂逅，係因為鍾偉明赴美求學，剛好租中陳慧珊屋企，每日鍾偉明都會刻意咁等埋陳慧珊出門，然後扮偶遇再打個招呼，再車埋陳慧珊返學，請佢食早餐。
當時陳慧珊已經鍾意咗呢個「香港仔」，最後兩人拍拖7年拖就決定結婚。咁啱，當時佢哋覺得喺美國冇乜發展機會，所以決定返香港博一博。就係咁，陳慧珊加入咗無綫明珠台新聞部，擔任新聞節目及天氣節目主持、記者及編導等工作；兩年後，更係鄧特希幫助下，轉過去翡翠台，正式成為藝人。唔知叫唔叫好彩，陳慧珊憑住套劇《壹號皇庭V》走紅，成為無綫力捧花旦之一；另一方面，佢同鍾偉明越走越遠，最終搞到離婚收場，於2001年正式分手，幸好兩人再見亦是朋友。
之後，陳慧珊專注演藝界發展，拍劇、唱歌，演藝事業推向高峰。到咗2006年，傳出與男友兼經理人鍾家鴻（Mike）結婚，翌年更被揭大肚，結果陳慧珊親認自己已經結咗婚，同年9月誕下女兒鍾律然。不過，Mike於2012年2月入稟高院自行申請破產，佢聲稱身為市場推廣公司老闆，因公司運作不大順利及遇上糾紛，自己又唔想糾纏落去，故與律師研究後決定申請破產，當中不涉及妻子，對家人生活亦不會構成影響，就係咁，陳慧珊獨力孭起頭家，接job、顧家、湊女全包。2014年甚至有傳陳慧珊被老公打，但佢否認，話係撞到私家車門車，先搞到「爆缸」流血。
(蘋果日報)
【Jayden升讀小一】許晉亨提起仔仔即面露喜色
「大美人」李嘉欣老公許晉亨現身馬場，為父親許世勳旗下愛駒「獻惑」出戰馬季開鑼日第四場賽事打氣。
現場未發現李嘉欣現身。
許晉亨於沙圈等待開賽前與著名練馬師告東尼夫婦有講有笑，甚為投入！
由於兒子許建彤（Jayden）今年升讀小學一年級。
問許晉亨太太李嘉欣是否要留在家中照顧Jayden，雖然他只是笑而不語，但當提到寶貝仔時即喜上眉梢。
可見，想到兒子慢慢長大，現在更升讀小一，已經感到很喜悅！
(on.cc 東網)
【一索得男】孖老婆影全裸大肚寫真
「巨聲幫」陳國峰(Penny)舊年同圈外女友黃思雅結婚，婚後二人努力造人。
5月中，Penny率先喺微博透露老婆陀B仔嘅喜訊，今日Penny喺微博宣佈B仔出世啦。佢留言話：「同大家報個平安，感謝大家嘅祝福同關心，托賴母子平安。」
至於B仔未出世前，陳國峰原來孖老婆影咗輯超激全裸大肚寫真，Penny貼相留言話：「留住最美嘅一刻，過去咁多個月真係值得記念，辛苦妳了老婆。母親的偉大，希望一切順順利。」
一索得男嘅佢，仲有份入產房幫B仔剪臍帶，不過由於太緊張同頻撲關係，搞到新手爸爸滿面鬚根都冇時間剃。
陳國峰話以前唔知媽咪有幾辛苦，呢家就深深體會得到。
至於同太太影全裸寫真，陳國峰就話：「其實我有着褲嘅，輯相就上個月影，點解會影呢？就係一直都未影過啲咁激嘅相，主要係想影吓個肚，咪借住呢次機會影囉，成輯呢張最激啦，影得好靚，多謝攝影師佢哋。」
（Apple Daily）
【鼎爺私房菜開幕】「李師奶」一家都嚟撐場！好融合！
李家鼎（鼎爺）主理「鼎爺私房菜」今日開幕。
大細孖李泳漢及李永豪到場之外，現任女友「李師奶」更帶同女兒及孫女撐場，一家人相當融合。
鼎爺透露已向無綫請假2個月，現在日日在私房菜開工，因為很多客人指定由他去煮，可謂捱到「金睛火眼」孫悟空。
至於女友有否投訴少時間見面，他說：「點會，唔通食咸魚青菜好咩﹗不過就算師奶或囝囝也好，人人都要排隊，一視同仁。」
問到二人結婚未，鼎爺表示：「無，我只是叫她做李師奶，無叫太太，不用結婚﹗註唔註冊都無乜所謂，這邊廂註冊，轉頭又去搵第二個，屆時拆屋都有份﹗」
(明報即時娛樂)
【三個囡囡愈大愈靚】Suki徐淑敏孖圈中好友賀老公黃浩45歲生日
黃浩噚晚喺紅磡一間酒店舉行45歲生日會。
太太徐菁遙（Suki，前名徐淑敏）同3個女之外，仲有何傲兒、薛芷倫、張寶華、張曦雯、傅明憲、盛品儒、唐貝詩、范振鋒同太太李思欣、林建岳及女友等等。
生日會以荷李活電影為主題，Suki好主動咁尖叫：「我幫佢諗0架！」生日蛋糕都有4個，跟住現場有人大叫「生多兩件！」黃浩即笑住話：「呢個一定要啦！」仲話自己重質不重量。黃浩受訪時話：「生日願望係一家人開開心心，個主題係Suki諗，我原本想扮占士邦，不過真係太趕，依家紅色西裝加黑超，其實都唔知自己似邊個。」
三個女送咩禮物？黃浩話見到囡囡已經好開心：「今晚陪我瞓得啦，因為平時佢哋返學陪唔到我。」講到將來大計，黃浩話：「都係搞緊《壹周刊》，9月尾會交收，啲時間好趕。」又稱唔係想做傳媒大亨：「學習緊，想俾條新路大家。」
（蘋果日報）
【與何太10年愛情長跑】談如何遠離娛樂圈誘惑
9月1號剛好是何潤東夫婦結婚一周年紀念日，上個月更是兩人相愛十年的日子。在10周年紀念日當天，Peggy在社交網站感性告白：「謝謝你的包容與支持」，但同時也透露婚後生活沒有太大改變。
何潤東接受訪問時說：「因為我們都在工作當中，所以並沒有時間見面好好慶祝，只是相互發了訊息表達了感謝。」
雖然已經結婚，但是兩人相處的時間依然很少，好在他們早已能夠相互理解，「畢竟我們已經十年了，知道彼此忙，也不會去一定非得要什麼儀式，下半輩子可以慢慢來，想什麼時候慶祝就什麼時候慶祝。」
何潤東坦承，其實他每次回臺灣待的時間都不長，所以他會儘量做到一個好老公的本分，「她想做什麼、要什麼，我都會儘量滿足她。」
不過，回想這些年兩人的相識相戀，何潤東仍感慨萬千，「當初我們是通過朋友介紹認識的，因為覺得相處起來很舒服，所以在一起也是自然而然的過程，沒有誰刻意去追。」
一方面，長期異地對兩人的考驗很大。另一方面，演藝圈誘惑太多，也容易讓女方產生不安全感。不過，何潤東卻覺得，正是因為在演藝圈久了，他才知道如何遠離誘惑：「因為你看漂亮的女孩子看太多了，你就會越來越覺得美貌真的不太重要，我也見到很多長得很漂亮，但是個性和生活習慣不好的女孩子。而且我也不想因為一時的念頭，做一些讓另一半傷心的事情。」
回首這一路，何潤東坦言，Peggy付出很多。因為自己的藝人身份，所以兩人在長達八年的時間裡都沒有公開，平時出門約會都要找一些比較冷門的餐廳或者電影院。這一度讓女友感到很難過，但好在最後她都會體諒他。
他坦承，之所以最後認定Peggy，就是因為她的善良：「她真的是一個看到盲人過馬路會去攙扶，對流浪動物也都很有愛心的一個人。」
(騰訊娛樂)
【千嬅都讚好cute】 張繼聰開Live囡囡嘔奶勁搶鏡
早排拍完大台劇《跨世代》嘅張繼聰，終於可以正式接手做湊女公。由於阿女張靖(Karina) 精力充沛，即使唔使拍劇，阿聰晚晚都要陪阿女睇埋深宵劇場先有得瞓。之前佢就話：「每當佢瞓着諗住放佢落床時，佢就醒嚟望住你笑，於是又再抱佢，好彩我拍慣通宵戲，所以每晚都抱着囡囡睇《天地豪情》，我同張家輝講，我個女第一套戲就係睇佢演出。」
廿四孝老竇仲打算遲啲會將囡囡張靖（Karina）個名紋喺身上，佢話：「近排拍緊戲，要連戲唔紋住，同埋等我過咗紋身嘅痛苦先，上次痛到爭啲休克。」
啱啱張繼聰又抱住囡囡玩自拍，仲玩埋變妝App，點知望住鏡頭嘅Karina，忽然送咗啖「豆腐花」俾爸爸，有網民就話阿女識搶fo。
做咗人媽咪嘅千嬅都留咗兩次言，讚Karina好cute，仲話自己好懷念嘔奶日子o忝！
唔知千嬅會唔會再追多個呢！？
（蘋果日報）
【再談離婚眼濕濕】安祖蓮娜：我唔享受單身
42歲荷里活一姐安祖蓮娜祖莉日前在洛杉磯受訪宣傳執導作《First They Killed My Father》。
安祖蓮娜祖莉再談同畢彼特離婚一事，眼濕濕咁話：「我唔享受單身，唔係我想咁（離婚）。」
安祖蓮娜日前喺比華利山酒店受訪，好耐冇坐定定接受記者訪問谷新片嘅佢坦言：「今次係我相隔好耐第一次再咁做（受訪），實在唔容易。今次我有啲怕醜，因為我內心唔似以前咁堅強。」
再談同畢佬離婚一事，安祖蓮娜忍唔住眼濕濕：「一直都好困難，（離婚）完全冇好處，只有困難。」
至於仔女近況如何，安祖蓮娜就話：「佢哋好好，一直互相支持，某程度上是我前所未見過的。看到佢哋如何彼此幫助，大哥哥照顧小朋友，一齊幫咗我好多。今次真係令佢哋找到自我，找到屬於自己嘅聲
音。」
被問到點睇未來的自己時，安祖蓮娜就話：「10年前嘅我唔會想到自己的家庭生活、婚姻及事業會是今天的情況，現在於這個年齡，我只想身體健康。」
(on.cc 東網)
【齊齊送祝福】「巨聲幫」陳國峰開心宣布囝囝出世啦！
去年結婚的「巨聲幫」隊長陳國峰（Penny）今日喺社交網宣布添丁，太太黃思雅為佢誕下囝囝，母子平安：「同大家報個平安，感謝大家嘅祝福同關心，托賴母子平安。感謝醫生與各位醫護人員 #我係陳國峰 #我係陳國峰個仔」
Penny上載咗囝囝啱啱出世嘅相，瞇實眼嘅囝囝面珠紅卜卜，雖然仲未睇得出到底係似爸爸定媽咪，不過Penny自己都擺張自拍做對比，唔知係咪佢全程陪住太太生產太頻撲，成面鬚根出晒嚟，似乎佢都要好好休息，準備照顧阿仔喇！
Penny就兒子出世報喜：「今日係擇日開刀嘅，過程順利，但係我嘅心情就好似坐過山車咁，好刺激！好似以前參加歌唱比賽時等出場咁，心跳加速，手心出汗，太太都好緊張，我有入產房剪臍帶，依家仲未同囝囝改名，不過有個花名叫『峰之子』！好感恩！原定9月6日出世，但係上星期醫生建議早啲出世會好啲，因為媽媽胎水唔夠，咁啱！今日朝早出血，係生得嘅先兆。」感覺好似夾咗今日生咁！
留言一出，Penny嘅一眾圈中好友如朱智賢、周志文、吳業坤、楊潮凱等都紛紛留言祝賀新手爸爸。
(on.cc東網)