袁詠儀（靚靚）和老公張智霖（Chilam）結婚16載，是圈中公認的恩愛夫妻，靚靚接受奇妙電視《天下第一Friend》節目訪問時，被問到如何將感情保鮮？她說：「至緊要別覺得理所當然，如果對方要變，肯定自己都有問題，所以要積極求進步，不要做一個被嫌棄的人。」
當年Chilam和靚靚拍拖，被指「女尊男卑」，靚靚說：「以前我也經常聽到，但我記得有句說話，莫欺少年窮，每個少年都有他的機會，現在證明我無買錯這隻藍籌﹗」
靚靚最近少了工作，原來與囝囝「魔童」有關：「年初拍完內地節目後，魔童不知為何變得好黐身，經常問我們在哪兒﹑幾時回家，所以Chilam叫我不要工作，陪多些兒子。」Chilam負責掙錢養家，靚靚負責陪囝囝，財政如何分配？靚靚笑謂：「我們財政好獨立，獨立到我好少用自己的錢。」
其實除咗靚靚Chilam，圈中仲有幾對都係當初不被看好但修成正果嘅恩愛夫妻。
1. 謝安琪 X 張繼聰
謝安琪一入行就唱出不少街知巷聞的歌曲，奪得多個樂壇新人獎，相反張繼聰成績未見起色，但二人突然奉子成婚，事業差距一時成為熱話。之後Kay再憑《囍帖街》榮升小天后；直至張繼聰憑著《老表，你好嘢！》開始彈起，其幽默演出深入民心，愈撈愈掂！而兩人結婚多年一直都係咁恩愛，不時喺網上放下閃咁。
2. 楊怡 X 羅仲謙
楊怡和羅仲謙因拍攝《On Call 36小時》而撻著，楊怡在不少劇中擔正女主角，而男方近年來成績漸見起色，頻頻接Job。雖然早前似乎有很多人都不太看好這段關係，但謙謙曾明言兩人之間最重要是溝通，思想步伐一致。仲成日放閃勁痴纏～
3. 關詠荷 X 張家輝
關詠荷當年是TVB當家花旦，是收視的保證，雖然當時的張家輝憑《天地豪情》為人熟識，但遠遠不及關詠荷，但關詠荷甘願做張家輝背後的女人，相夫教女。不過家輝轉拍電影後，片約不斷，先後憑《証人》和《激戰》獲得影帝殊榮，成績有目共暏。
4. 蔡少芬 X 張晉
港姐蔡少芬早已成為TVB花旦，知名度甚高；老公張晉做替身出身，身份懸殊。婚後二人不時在微博曬恩愛，愛情無關身份地位，只要真心相愛就能一同面對解決困難。
唔知大家最鐘意邊對呢？
(明報 / Instagram)
他又透露兒子將於下月15日出世，有意買一隻有響鬧功能的手錶，笑謂可以提醒自己起身餵奶，亦可當作家傳之寶：「應該係會順產，所以未知確實日子。希望唔好係16號，畀一日時間我，連生日都一齊，好慘。（執定走佬袋未？）未，原來好多嘢執。」他謂兒子的名字會找人改，又自爆未有時間上育嬰堂，反而為媽媽安排了育嬰課程，因為現在與以前照顧嬰兒的方式不太相同。
早前大劉多次分身家，令外間懷疑大劉健康有問題，o依家劉太甘比再大肚有咗近4個月，足已證明大劉身體已經冇乜大礙，仍然有心有力。雖然粗身大細，不過甘比都不忘shopping當做運動，日前約下午5時許，有記者仲見佢一個人出現喺銅鑼灣利園商場嘅Hermès專門店買嘢，見佢著住一條鬆身牛仔裙，步伐輕盈咁喺店入面行咗一圈睇手袋，店員見到劉太，當然要招呼貴賓啦，見甘比拎住手機放大咗張相俾店員睇，店員搖搖手，估計店裡冇甘比想要嘅款式，後來疑似係店舖經理嘅職員出埋嚟招呼劉太，見佢同嗰位經理有講有笑，睇嚟佢同店員們都非常熟落。
