陳曉東早前患上急性青光眼，仲出現頭痛及嘔吐等症狀，但事業心重嘅佢未有休養，反而頂硬上繼續工作，認真敬業！
幸而佢康復情況理想，最近亦不時更新社交網動態，等一班粉絲唔好咁擔心。
呢日陳曉東喺微博上載孖老婆做gym嘅相，背心上陣嘅陳曉東晒出爆肌身材，大騷麒麟臂及胸肌，果然弗到爆！
至於陳曉東太太亦唔輸蝕，見佢輕鬆舉起啞鈴，接住又做提腿等動作，真係體力少啲都唔得！唔少網民都大讚佢哋兩公婆身形弗又健康，仲紛紛向佢哋討教做Gym心得。
(on.cc 東網)
【早前患上急性青光眼】陳曉東孖住老婆齊齊做Gym
【睇少眼都唔得】阿媽小睡一陣 起身嬲到青筋凸
湊小朋友的辛酸，相信只有為人父母者才能體會。台灣一名網民周四（9日）在Facebook專業「爆料公社」貼照片稱，她早前在家中午睡，讓兒子在客廳嬉戲，未料醒來卻發現兒子將多包衞生紙全數抽出，一張張地丟在地上，令她瞬間感到「青筋爆發」，直問：「我家是提早聖誕節嗎？」
從網民「Pei Lin」的照片可見，衞生紙及包裝袋幾乎丟滿整個客廳的地面，她隨後用大型垃圾袋執拾，惟垃圾袋爆滿後，地下的紙巾卻彷彿沒有減少；而她的兒子則顯得一面無辜，一邊幫忙收拾，一邊收看卡通片。
「就別收拾了，反正一不小心還會亂」、「還好不是玩油漆，不然會瘋掉」、「衞生紙變成地墊了」，事件在網上引起討論，有網民還大開玩笑表示：「他在提醒妳雙11活動開跑了，可以買衞生紙囤貨。」
(東方日報)
【一個電話改變一生】劉青雲：之後就改變所有嘢
影星劉青雲出席時裝酒會，司儀問他人生關鍵時刻，他表示是17歲時投考無綫藝訓班收不到取錄信，他說：「如果考到藝訓班會畀信你，但兩個星期都收唔到信，自己掙扎咗一段時間，打唔打去問？好似好老土咁，最後都打去問，原來真係收咗我，但唔知點解收唔到信。」
事情發生前有奇怪感覺
劉青雲表示那天是報名最後一日，幸好趕得及，問是否因為對自己有信心？他說：「唔係好有信心，係冇理由考唔到，之後就改變所有嘢，有時發生啲事有好奇怪嘅感覺，打電話係好面懵，第一次鼓起勇氣，估唔到真係考到。（第二次鼓起勇氣係咪追老婆？）緣分要發生就發生，行多一步自己都唔知，做好多嘢要勇氣，考藝訓班時17歲，驚乜？就算考唔到，唔會同人講，係年紀有關係。」
做事要考慮家人
問是否人大了擔驚受怕的事多了？劉青雲說：「考慮的事多咗，現在多咗考慮，成熟有好處。」他謂現在會多考慮家人，回想以前未拍拖時出埠拍劇，試過一個月也沒有致電回家問候爸爸，問到現在會否致電爸爸？他說：「有打畀老竇，依家成日溝通。（有冇同爸爸錫錫？）比較少，（拖手？）過馬路會扶佢，佢細過點拖我，大過我就咁對佢。」
(東方日報)
【結婚6年育兩子】孫燕姿努力挽救婚姻
新加坡歌手孫燕姿在北京出席活動。訪問時，她便談到自己與老公的婚姻生活，指兩人個性均非常火爆，所以婚後六年都有不少吵架的機會，更曾經差點從口中說出「離婚」兩個字：「前面三到四年都是磨合期，到近年才漸入佳境。」
她大讚老公現在變得非常細心，指最近陪囝囝過五歲生日時到鳥園觀鳥，期間有一隻雀正正在她的頭頂方便，搞到她中雀屎，老公便陪她入女廁洗理，更主動為她洗頭，令她非常窩心：「他有愛我！」
(東方日報)
【陳凱琳單飛去日本】48歲鄭嘉穎：未婚夫唔係我
鄭嘉穎今日喺W酒店為新錶發佈會擔任模特兒，本身都有儲錶習慣，佢覺得男士喺唔同場合配戴唔同款式手錶，係展示品味方法，至今已經收藏有廿多隻手錶，而最貴一隻價值六位數。
之前陳凱琳講過話會同鄭嘉穎去旅行，點知依家得番女方一個人同朋友去。有讀者報料話Grace喺ig透露過想要過新生活，又指最近好少見到佢哋一齊，仲連少咗去嘉穎大坑寓所都知。該讀者稱，即使嘉穎人在香港，同朋友聚會之後，陳凱琳都係直接返屋企，咦……唔通？
今日問番嘉穎發生咩事啦，佢話今次同唔到女友去旅行，係因為要忙埋台慶先，但唔肯講計劃去邊。兩人未成行，陳凱琳就率先去咗日本大阪，呢兩日都有喺Ig post相。日前陳凱琳喺Ig story爆咗句「我有未婚夫！」問番嘉穎，佢笑言：「係咪我？佢講吓笑啫，希望佢係講笑，因為未婚夫唔係我，都未求婚，係男女朋友關係。」
佢指若果有再下一步，係唔需要訂婚，應該係直接結婚，但暫時未有消息，嘉穎仲話：「到有消息會通知大家。」問佢係咪聽到女友叫老公會更開心，嘉穎話：「只係一個法律儀式，唔表示兩個人嘅關係，結咗婚都可以離婚。」講到同女友關係係咪已經超越一段婚姻，佢笑住：「好好，多謝關心。」晚上，陳凱琳回應傳媒時就稱：「哈哈，嗰陣我喺度講笑，佢都幾有幽默感呀！」
(蘋果日報)
【Brendan仔滿月喇！】杏兒開心哂相~好可愛啊~
藝人胡杏兒，於十月時在IG宣布誕下囝囝Brendan Lee，話咁快就過咗一個月喇！杏兒今日凌晨喺微博上載咗一張囝囝着西裝打煲呔嘅相並留言話：「滿月當然要穿套西裝慶祝一下!」但就用Apps嘅特效遮住咗囝囝雙眼，令囝囝睇落成個Boss咁，非常招積！雖然只係見到Brendan嘟嘟嘅嘴仔同圓碌碌嘅蓮藕肥手仔，但都覺得非常可愛呀！好多網民都留言祝福囝囝幸福健康，真係人見人愛呀！
依家潮流都興擺百日宴，話等BB個抵抗力好啲同埋大個啲好玩啲。唔知杏兒會跟傳統擺滿月酒定幫Brendan仔擺番個百日宴呢？
(東方日報)
【一周51人中招】開始轉凍 大人小朋友都要小心
衞生署衞生防護中心公布，最新監測數據顯示，香港正進入急性腸胃炎傳統高峰期，院舍急性腸胃炎爆發個案由10月1日一周錄得兩宗(涉及11人)，增至10月29日一周的8宗(涉及51人)。而截至昨日(7日)，本周已錄得3宗爆發個案(涉及20人)，呼籲市民及學校和院舍管理人應時刻保持個人、手部、環境及食物衞生。
衞生防護中心指，急性腸胃炎常引致學校和院舍出現爆發個案，諾如病毒和輪狀病毒是急性腸胃炎常見的病原體。而急性腸胃炎具高傳染性，可導致難以控制的疾病爆發。爆發個案於全年均有機會發生，但較常見於冬季。
此外，衞生署的定點幼稚園/幼兒中心監測數據亦顯示急性腸胃炎的活躍程度有相應上升，兒童出現腹瀉的幼稚園/幼兒中心的百分比在上述期間由8.22%大幅升至22.64%，兒童出現嘔吐的百分比則由10.96%增至24.53%。
(東方日報)
【幼稚園爆手足口病】20名幼童中招
衞生署衞生防護中心今日(8日)公布，位於觀塘翠屏道的基督教家庭服務中心趣樂幼稚園爆發手足口病個案，受影響的20名幼童為14男6女，年齡介乎1至4歲。他們自10月3日起出現發燒、口腔潰瘍、手或腳出疹及水疱等病徵，所有幼童已經求醫，毋須入院，全部人情況穩定。
(基督教家庭服務中心趣樂幼稚園網頁)
衞生防護中心人員已實地視察該校，建議所需的感染控制和預防措施，並進行醫學監察，中心正繼續調查個案。
(東方日報)
【大病初愈】復出台上需吸氧氣筒 網民：搵命搏！
日前因工作累倒，並連發高燒四日並需住在深切治療病房的台灣歌手潘瑋珀，一度被發出病危通知，並惹來各界擔心。
日前他到深圳演唱，不過他唱到一半，卻在舞台上拿起氧氣吸了幾下，嚇壞不少台下歌迷，事後他也發文要大家別擔心，直喊「我好的很」。
潘瑋柏日前到深圳復出演唱，中場時突然表示：「大家知道我前陣子稍微得了肺炎，容許我吸點氧氣。」便在台上抓起氧氣筒猛吸了兩口，讓台下粉絲既心疼又感動，不過他事後也在微博報平安，寫道：「昨晚來看深圳演出的朋友別擔心，我好的很。台上吸氧只是身體完全恢復的一個過程。我還是百分之兩百給你們。」有網民指做藝人真的不容易，分分鐘要搵命搏！
【大肚媽媽要打「百日咳疫苗」﹖】香港衞生防護中心表示…
幼童需在兩個月大、四個月大及六個月大時，合共注射三劑「白喉、破傷風、無細胞型百日咳及滅活小兒麻痺混合疫苗」的基礎疫苗注射，然後在歲半、小一、小六時補種加強劑。不過，未夠兩個月大的BB未夠期打針前，有甚麼方法抗菌？美國疾病控制及預防中心及新加坡均建議婦女每次懷孕都要打一劑百日咳疫苗，預防新生嬰兒染百日咳，亦提及疫苗有副作用。香港衞生防護中心表示，暫未建議成人注射百日咳疫苗。
(資料：衛生署)
港府自一九五六年引入相關疫苗接種計劃後，百日咳個案由一九六五年逾三百宗，大幅減至每年平均數十宗。過去二十年沒有錄得因百日咳引致死亡個案。一二年至今(10月27日)錄得二百○九宗個案，大部分是本地個案，外地傳入有廿六宗，內地傳入有廿四宗。
衞生防護中心表示，根據多國的監察數據，近年部分國家如美國、加拿大、英國都出現百日咳個案上升趨勢。不過，防護中心認為有關趨勢成因暫未能完全掌握，有機會因不同國家的兒童免疫接種政策改變，亦可能與化驗室檢測方法改變，例如引入聚合酶鏈反應測試，令確診個案增加；亦有科學文獻指出，已發展地區包括香港廣泛使用的「無細胞型」百日咳疫苗，比「全細胞型」疫苗保護期短。
防護中心的疫苗專家暫未建議成人，包括孕婦及嬰幼兒家人接種百日咳疫苗。防護中心提醒，孕婦如欲接種百日咳疫苗提供個人保障，應先諮詢醫生按個別情況給予適當建議。
(東方日報)