8月30日，《極致追擊》在北京舉行做新片宣傳。
昆淩、任達華一行人隨劇組現身北京，昆淩被問主持人問第一次變「女打星」的感想。
昆淩特別在台上向任達華致謝。
原來她有一場被人毆打、踢肚的戲份，當時不知道已經懷了二胎。
昆淩打算自己嘗試，不想用替身代替自己演出，幸好後來任達華出聲阻止，救了兒子一命。
（騰訊娛樂）
【自曝差啲流產】昆淩感謝「他」救了兒子一命
【買戒指送Apple】陳山聰親自回應婚訊：係啊…
40歲嘅陳山聰曾經因為一段婚姻，又同豪門千金拍過拖，最後分手後賠上事業、金錢、愛情同形象，淪為四失聰，不過識咗做美容顧問女友Apple，喺女友嘅支持下，重新起步，日前有周刊直擊陳山聰靜雞雞去咗買求婚戒指，打算明年初完成手頭工作後，就飛去外地旅行結婚。
陳山聰今日喺紅磡出席活動，講到買戒指呢件事，佢話：「係呀，其實係睇戒指，而唔係買戒指，我o依家先知鑽戒真係好貴，所以我o依家要睇吓自己儲幾多錢先夠。」不過講到婚期，陳山聰話大家未決定，應該唔會好耐，總之有消息會通知大家！下個月9號係胡定欣嘅生日，唔知陳山聰又有冇諗住俾乜嘢驚喜呢？佢就話：「睇吓佢會唔會搞party先喇，會唔會介紹男仔俾佢？佢咁老，唔使介紹喇，冇喇，講笑啫！」定欣就話生日會同啲姊妹一齊慶祝，佢仲話：「唔好成話我要搵男友，講到我都唔想搵喇！」
(蘋果日報)
【梁浸浸送驚喜】Yumiko甜入心：難忘生日
鄭希怡（Yumiko）9月6日35歲生日，日前一家人去香港迪士尼樂園預祝生日。
Yumiko女兒梁浸浸更是首次入迪士尼。
向來鍾情米奇的浸浸，見到米奇在自己面前出現時，當場顯得不知所措，相當搞笑﹗
Yumiko這日收到老公及浸浸的驚喜，兩父女送上迪士尼的公仔花束，令她甜到入心。
Yumiko聲稱今年有個難忘的生日回憶。
(明報即時娛樂)
【細孖專一做人夫】 大孖變「花王」被大台炒魷
27歲嘅周志文同周志康呢對孿生喺09年參加大台嘅《超級巨聲》，雖然兩個分別喺24同10強止步，不過仍然畀大台睇中簽約拍劇，只係演配角角色。雖然事業唔算出色，不過大孖周志文就緋聞不斷，而細孖周志康就啱啱相反。
細孖周志康出道以嚟少有緋聞，仲喺2014年同有米女友Emily結婚，爬大佬頭做人夫。
至於大孖周志文就精彩得多，佢仲有「花王」之稱，佢最早公認嘅女友就有當時仲係o靚模嘅Coco袁聖殷（現為「少女標本」成員袁紫僑），不過喺2012年有指當時佢背女友同拍《名媛望族》嘅馬賽擦出愛火，仲搞到CoCo公開鬧馬賽o添，而周志文最後都係返番CoCo身邊。不過之後周志文拍《衝線》期間，又傳同蔡思貝打得火熱，搞到被Coco狠飛，同時周志文又被指暗中與同劇嘅吳若希作「雙線發展」陪食兼陪玩，不過最後得個桔。再之後拍《四個女仔三個Bar》再同連環向何雁詩、劉佩玥、陳瀅埋手，不過屢屢碰壁，而佢喺大台「識」晒九成姐仔咁滯，最後仲畀人搞到炒魷o添！
(蘋果日報)
【殺咗2,477人】香港著名武打明星被選為「銀幕殺人王」
最近美國有電影網站統計動作影星在銀幕上殺死幾多人，然後選出15位殺人次數最多的「銀幕殺人王」。
排第二位是荷里活動作女星Milla Jovovich，她從影以來一共殺咗1,292人。相信大部分都是來自她主演的六集《生化危機》（Resident Evil）系列！而第三位就是李連杰，他主演的四十部動作片中一共殺死1,076人。
此外「發哥」周潤發都殺了不少人，不過都只是得第六名！
《帶子雄狼》日本男星若山富三郎、史泰龍（Sylvester Stallone）以及阿諾舒華辛力加（Arnold Schwarzenegger）等都有入圍。
令人意外的是，第一位竟然是七十年代香港著名武打男星王羽！王羽從影以來作品超過八十部，清一色都是動作片，據網站統計他在銀幕上共殺死2,477人。
(on.cc 東網)
【孖緋聞男友現身】超蓮大方回應
賭王何鴻燊三房「最索千金」何超蓮，昨日被周刊爆出同楊受成細仔楊政龍(Alex)傳出戀情。。。
賭王何鴻燊三房「最索千金」何超蓮，今日畀周刊指佢同楊受成細仔、即係佢契哥楊政龍(Alex)傳出戀情，講到早幾日仲一齊去數碼港拍拖睇首映，仲搵嚟一對男女朋友做煙幕，睇完戲就由楊政龍開車接走，做柴可夫送超蓮返布力徑大宅。
超蓮今午先回覆周刊稱：「其實，我可以公開地答，我同Alex最大關係，我哋連埋其他影到嘅朋友，係Smile with us HK創辦人，所以我哋經常見面，因為成日傾義工嘅嘢，嗰晚另外兩位創辦人都喺度，不過佢哋又話係煙幕，佢哋成日話點解影佢哋當冇到，就cut晒佢哋。所以大家係志同道合，希望可以令到香港年輕人一齊出嚟關心社會，做義工，將開心同微笑，帶畀社會上有需要嘅人。」
兩位當事人今晚同場喺會展，出席香港青年聯會第二十五屆會慶及會董會就職典禮，同場仲有霍啟剛，超蓮重提緋聞就話：「當然唔係(拍拖)啦，佢(楊政龍)係我阿哥。」提到佢同楊政龍識咗幾耐，超蓮就話同對方係family friend：「唔知識咗幾耐，總知我哋大家理念係幫到年輕人，之前幫咗個單親媽媽搬屋，未宣傳都籌到四分一經費，會探訪，邊個得閒就參加，佢都會去。」記者笑佢二人理念相襯，佢就甜笑：「其實，成個會都襯，朋友之間有共同理念先form到。」
講到楊政龍若然追求會唔會應承，佢笑言：「講慈善，唔係講追求，大家都關心我有無拍拖，關心吓社會，自己趁呢個年紀畀多啲心機，幫到社會，同幫媽咪手最重要，拍拖暫時唔會諗。」問到佢揀男友，對方係咪都要做多慈善，超蓮話：「要有共同理念，當然可以，未遇到未來男友。」超蓮再讚楊政龍係好哥哥，問到佢知唔知對方有冇女友，佢就話冇問：「我哋真係好忙，之前有個活動，我差啲暈到，又忙緊會計考試，大家都唔使擔心我緋聞。」
(蘋果日報)
【諸葛紫岐就快造人成功﹖】笑笑口：好快有答案
佢講到：「睇咗好多唔同醫生，最緊要有健康生活，早啲瞓同食得健康。」。。。
娛樂公司老闆諸葛紫岐（Marie）出席活動時，她透露剛由日本工作返港。問她有否見到王菲與謝霆鋒？她坦言在港機場見到霆鋒。問她在日本忙於工作豈非沒時間造人？她笑言：「你講得好，我好快畀答案你。（真係有咗？）我今日仲係着高踭鞋，我係諗住下年生，依家都就快九月，所以咪話好快有答案。（開工未？）做緊嘢，我係指依家做緊嘢。（有冇補身？）冇乜，正常咁食，我之前食咗好多中藥，睇咗好多唔同醫生，最緊要有健康生活，早啲瞓同食得健康。」提到兒子今年入讀幼稚園一年級，她表示囝囝早已開學：「佢好開心，好鍾意返學，因為我同佢講返學就會變聰明，可以賺到錢同照顧媽咪，所以佢好鍾意讀書返學。」
另外，Marie稱剛一家人為丈夫薛嘉麟的爺爺慶祝96歲生日，對於有報道指她與前妯娌陳法拉都是圈中人，所以是非特別多？她說：「我哋一家人好開心，工作還工作，唔會講家事，盡量分開啲，因為老爺唔鍾意。（係家規？）冇咁講，做嘢還做嘢。（咁喺屋企唔講得工事？）都會傾吓。」
(東方日報)
【一口氣細數生女壞處】李克勤唔想要「前世情人」
李克勤接受傳媒專訪，談及娶得前港姐冠軍盧淑儀為妻，又生了9歲的李立仁及7歲李力司兩個兒子。
被說到再生一女兒就人生大圓滿時，鍾意小朋友的克勤反應奇大頻頻喊怕。
多番指不會受外界壓力而動搖再生BB，尤其聽到生女就驚驚，為免有意外發生。
他笑言：「我聽日去（結）紮咗佢，我『食自己』都唔恨女，我係麻煩老竇嚟㗎。」
他一口氣數生女之弊：「個女件衫低胸啲，條裙短啲、搽指甲油我都會鬧，我會搵私家偵探跟住佢，我係討厭老竇。（你生女一定似阿媽咁靚？）唔想益人囉，如果覺得個女仔靚，咪叫個仔溝咗佢囉。」
問到是否對兩位愛兒管教更嚴，他說：「仔唔怕蝕，放佢隨時出去播種，安全啲就得㗎啦。」
太太是否一樣不恨生女？克勤指老婆也不想再生，因為生及養都辛苦，他慘叫：「又重新嚟過，唔好玩啦。」
（on.cc 東網）
【楊怡38歲生日～】楊卓娜：佢老公好浪漫、好sweet㗎喎
卓娜仲話媽咪唔心急抱孫，但都好鍾意小朋友，亦知道佢哋有計劃，佢仲叫大家靜待佳音喎！
楊卓娜同囡囡楊舒然、傅家俊一家四口等，今日喺金鐘出席「萬希泉海綿寶寶陀飛輪手錶」發佈會，卓娜同囡囡仲着上母女裝現身，佢話自己好鍾意全家親子裝，但囡囡長大就開始有自己個性。
講到妹妹楊怡今日正日生日，卓娜就話佢喺大陸忙工作，仲未同佢食飯，講到楊怡噚日喺微博發文好感性，暗示經歷多咗少了浪漫，佢話：「佢老公好浪漫、好sweet㗎喎。」卓娜仲爆佢哋兩公婆呢幾個月都好忙，就算連自己一家人都好難約食飯，卓娜就話好想搞一次家族大旅行，問到會唔會勸楊怡接少啲工作？卓娜笑話：「將佢啲工作畀晒我啦！等到佢仔女10歲8歲先返出嚟做嘢。」
卓娜仲話媽咪唔心急抱孫，但都好鍾意小朋友，亦知道佢哋有計劃，佢仲叫大家靜待佳音喎！同場嘅傅家俊就啱啱同家人喺英國旅行返港，家人仲有時差，因為兩個囡囡都喺英國出世，住咗幾年，o依家決定返香港讀書，佢話：「佢哋都會讀傳統學校，因為想佢哋學好中文，到高中或者大學先諗返英國升學。」佢仲話囡囡都好活躍，未必適合打桌球，但如果佢哋鍾意，都會擔任教練。另外，萬希泉創辦人沈慧林(William)就話今次搵到呢個卡通公仔合作，係因為之前攞咗個「香港授權大獎」，評審之一就係擁有海綿寶寶嘅代理權，仲速成今次合作，William話：「今次在公在私，加上囡囡4個月大，作為父親，應該做啲快樂嘅主題，自己嘅錶都會留畀自己，留畀囡囡，腕錶係好好嘅收藏品，主要想發放正能量、健康同正面訊息，都想囡囡有個開心童年。」
而今日38歲生日嘅楊怡，噚日農曆生日就貼咗感情文慶祝，今日西曆生日就貼咗同劇組慶祝生日嘅相，見到郭晉安都有同佢慶祝㗎！楊卓娜就話謙謙好浪漫、好Sweet，唔知佢會唔會今晚俾個驚喜老婆呢！
【風又來了？】天文台：南海中北部將有熱帶氣旋
天文台表示，現時位於呂宋附近的廣闊低壓區，會在未來一兩天於南海中北部發展成熱帶氣旋，其初時移動較為緩慢，隨後路徑仍有變數。惟與其相關的不穩定天氣，會在周末及下周初影響華南沿岸。
受副熱帶高壓脊影響，中國東南部普遍天晴。本港方面，下午新界部分地區氣溫，上升至34度左右。
天文台預測，今日大致多雲，有煙霞及幾陣驟雨，明早最低氣溫約28度，日間部分時間有陽光，天氣酷熱，最高氣溫約33度，吹輕微至和緩東北風；展望本周後期驟雨逐漸增多。
根據天文台九天天氣預報，周四（31日）及周五（9月1日）會有幾陣驟雨，周六（9月2日）及周日（9月3日）則有狂風驟雨雷暴，至下周二（9月5日）才稍為好轉。
（原文：明報）