藝人劉愷威同老婆楊冪結婚3年幾不時傳出婚變消息，不過佢哋就用行動粉碎傳聞！
今日係劉愷威42歲生日，楊冪就踏正凌晨零時喺微博發文：「糯米爸爸，生日快樂！」而冧爆嘅劉愷威喺3分鐘後睇到微博，轉發貼文同用三個心心留言！
而重要嘅係呢次係楊冪連續5年踏正凌時同老公講生日快樂，不過今年唔同嘅係，冇咗句「剩下話悄悄說」噃！
網民都大讚好Sweet，祝佢哋永遠幸福呀！楊冪咁甜蜜嘅舉動，更成為微博熱搜榜第一位，認真誇張！
(on.cc東網)
【第一眼已經唔鍾意佢】應采兒爆小春小器又孤寒
陳小春近排同囝囝Jasper參加大陸真人騷《爸爸去哪兒5》，火爆鬧仔惹網友熱烈討論，加上喺網劇《反黑》擔正，小春呢期人氣都幾高企。
而小春同老婆應采兒嘅新聞都被翻炒，睇翻前年應采兒上大陸電視節目《超級訪問星星的故事》，應采兒就自爆最初認識陳小春就覺得佢好小器，而且第一眼見到佢就已經唔鍾意佢，完全唔係自己杯茶喎。
應采兒喺節目度話：「我看到他（小春）真人之後就不喜歡他，我們以前同公司，一看到他真人……」應采兒做咗個伸脷同作嘔表情，然後繼續講：「對他沒有感覺，很怪！」加上佢聽聞小春份人好小器：「那時候他出了名是孤寒，很小器，聽說他從來不請別人吃飯，然後不請工作人員喝東西。」然後再一次伸脷同作嘔。
不過小春後來開始追應采兒，性格竟然突變，應采兒至對佢改觀，覺得小春其實好大方。不過主持人問到佢覺得小春浪唔浪漫，應采兒就好肯定咁答：「他不浪漫！他想要給我任何浪漫都會被我破掉。」跟住開始講故事。
個故事發生喺佢同小春結婚大約1年之後，即係11年，亦即係陳小春同黎明拍電影《鴻門宴》嗰陣，當時有傳攝製隊被困山區冇晒消息，應采兒好擔心老公安危，佢咁講：「我的心撲通撲通地跳，然後我找不到他，微博也找不到，電話也找不到，然我就發微博了。」
但係依然冇消息，應采兒愈嚟愈心急：「那個時候就沒有辦法，只能找黎明的前妻（當時黎明老婆係樂基兒），我給她發訊息我老公在不在？」樂基兒就話黎明已經返咗屋企，原來小春亦一早離開咗劇組，唔出聲係想畀個驚喜應采兒喎，咁大整蠱呀！但係應采兒得到嘅唔係驚喜，而係懷疑老公出軌，應采兒話：「中間我很生氣，第一個反應就是他去了那裡？他去哪裡鬼混了？」至於小春返到屋企有冇被老婆鬧就冇講喇！但係應采兒就叫老公唔好再俾驚喜佢，而且仲要喺手機set埋定位以防佢再失蹤，係咪攞嚟衰呢？
(蘋果日報)
【原來喺雙喜臨門】屋企人好開心 老公又勁冧
孕媽媽在懷孕期間，是最靚的。
楊洛婷(Rabee’a)婚後，積極造人4年，終於得償得願，本來係緊張大師Rabee’a，在懷孕期間，放慢腳步，放輕心情，臉上經常掛住開心嘅笑容，所以囡囡Tanya Faith Wong都係一個甜睡寶寶。Rabee’a喺產前接受專訪話：
「今次呢個懷孕期間去咗3次旅行，第一次係不知情之下加拿大過新年，之後發現原來有咗，第二個旅行，6月個時同Tim去左baby moon，陽光與海灘影咗啲大肚相，啱啱我都返咗加拿大去探Daddy，其實都好開心，唔係淨係坐喺度等生，成個過程好開心，我希望BB都吸收到呢啲正能量，遲啲大個都會鍾意周圍走，同埋佢都好好動，咁啱我細佬個老婆都有咗，我哋屋企係雙喜臨門o架，我父母好開心，同一時間做爺爺嫲嫲公公婆婆。我弟婦11月生，時間差唔多，佢個肚冇我咁大，BB都冇我咁多郁動，我自己覺得佢有我同Tim啲genies，我哋都鐘意玩，好鍾意跳舞、唱歌仔，都似我哋嘅。」
十月懷胎嘅過程入面，Rabee’a成日笑，充滿正能量，佢話：「好開心呀，因為好彩我老公咁錫我，佢每晚都盡量同BB傾計、唱歌仔，雖然佢好忙，但佢都會抽時間陪我哋，一有時間就去買嘢，最好笑係咩？呢樣嘢要分享，未知仔定女嗰陣，佢話仔又點女又點？都係着黑色衫o架啦！知道咗係女之後，佢話o依家好多女仔衫都黑色好型o架！不過啱啱去咗澳洲，o依家係冬天，我話不如你去買定啲冬天衫，遲啲去加拿大有冬天衫著，佢返到嚟香港買啲衫全部係粉紅色，仲要係粉紅色毛毛，口水肩仲寫住『I love daddy』，我望住佢問唔係仔女都係着黑色嘅咩。我覺得佢已經係好冧，好開心生女，我成日話幾時作返首歌，我心諗，我結婚個陣都等左8年幾，佢先作一首歌比我，可能個女10歲先有歌聽，哈哈！」
緊張大師Rabee’a，係懷孕初期已經去睇定啲幼稚園展搵資料，咁佢對囡囡又有咩期望呢？佢話：「其實我就希望佢係開心，快樂成長，健康係好緊要，懷孕期間每個月都要照聲波，之前醫生都話，BB個頭比較細，我已經好驚，到第2次去驗又冇事，又大返，BB嘅生長你係估唔到，有時聽到會好擔心，有啲朋友同你講BB個頭有個窿生唔埋個心又好細，聽到呢啲嘢你會好擔心，所以我希望生個女想似我啦，大個又做香港小姐，o依家就會覺得健康，佢想做乜，作為父母會support。」
(蘋果日報)
【胡說八道有喜事】姚子羚：杏兒B囝已經改咗名
姚子羚同黎諾懿今日喺西環屈地街電車廠出席宣傳活動，近日姚子羚成功做業主，以逾930萬元購入日出康城晉海三房戶，2019年收樓，目前要努力搵錢供樓。置業係咪準備結婚？姚子羚話：「邊有女仔買樓自己結婚㗎，暫時未有呢個打算，出年工作已經安排好，12月會開劇，實在冇時間諗。」之前豹嫂胡蓓蔚同胡杏兒都爆胡說八道會將有喜事，姚子羚話：「唔係我，你哋可以向其他人問下，睇下胡定欣有冇艷遇。」
胡定欣早前喺網上同陳山聰以老公老婆相稱，惹起網民評論，胡定欣喺網上反擊鬧爆，姚子羚話：「唔係鬧，係表達諗法，可能啲言論過咗定欣底線，其實我哋圈子大家太好朋友，有互相暱稱，可能啲稱呼令大家有誤解。」
杏兒預產期在即，姚子羚話：「對上一次見面係六個女仔一齊影相，我哋都好期待，但係影相當日就叫BB要生性，唔好作動，唔係就要大家一齊去醫院，希望快啲可以見到BB，聽聞已經改咗名，你哋可以問下杏兒。」
黎諾懿嘅BB小春雞已經半歲，佢話太太隆重其事，每月都同BB慶祝生日，現時BB成長好快，黎諾懿話：「我好驚佢第日叫我uncle，因為同時間開幾套劇，返到屋企我抱住BB，太太叫我畀番佢，我都唔製，驚BB唔認得我，不過BB都畀足面我，試過喺街撞見記者都冇喊。」係咪考慮追多個女？黎諾懿話：「我之前好大聲話豬年想追多個 ，但因為雞仔身體弱啲，試過感冒、尿道炎，原來小朋友病精神付出好大，好似返咗10日通宵，暫時唔諗住，但係老婆仍然好憧憬追女，如果唔係就話再生，我覺得再追好攰會變陳豪，希望一仔一女啦。」
(蘋果日報)
【46歲古天樂31歲郭采潔】微博一句說話再惹熱議
一日已有100萬次搜尋。。。
46歲嘅古天樂同31歲嘅台灣女藝員郭采潔，今日無啦啦上咗微博嘅搜尋榜，仲以100萬次搜尋高踞榜首，咩事呢？有指事源係今朝有人發微博，以問句型式話：「古天樂和郭采潔在一起了？」就係一句說話，引爆咗好多人嘅好奇心，盲搜古郭戀。
古天樂喺14年同郭采潔合作過一套電影《巴黎假期》，有咀戲有婚紗相，之後兩人四圍飛宣傳，係幾親密嘅。不過上年古仔去台灣時曾經被問番起呢段「戀情」，古仔輕輕咁答「感情的事我從來不談」落閘。至於郭采潔經理人就回應話：「對於網路不實消息，均不予回應，請大家別太費心。」
(蘋果日報)
【會同阿嬌一齊搞婚禮？】阿Sa：可以慳番啲
女星蔡卓妍（阿Sa）出席時裝活動，對於與好拍檔鍾欣潼（阿嬌）齊齊蜜運，問她會否來個四人約會？她坦言時間夾到都可以，又指已見過阿嬌的醫生男友賴弘國。
問到對方是否很靚仔？她笑言：「幾好。（阿嬌男友靚仔，定你男友石恆聰靚仔？）唔好問呢啲。我見到拍檔開心我就開心。（啲人覺得賴弘國高調？）其他人講咩唔重要，最重係自己嘅感覺，呢個世界咁多人，又唔係同其他人拍拖。
（有冇諗過同阿嬌一齊結婚？）以前有諗過，覺得個婚禮可以好大型，又慳番啲錢，而且大家嘅朋友大部分都一樣，一次可以過請晒，唔使分兩次。不過都只係幻想吓。（計劃結婚？）唔係，只係幻想吓，冇話一定，隨緣，今日唔知聽日事，最重要享受現在。（叫你男友都高調啲？）唔好講呢啲，大家方式唔一樣，而且佢（賴弘國）好高調咩？我唔覺得，都只係啲人寫。」
(on.cc東網)
【梁浸浸好叻企原地大嗌】被指唔識湊女 Yumiko：係人生一部份
蔡卓妍（阿Sa）、鄭希怡（Yumiko）同陳瀅今晚喺中環ifc出席Maje時裝活動。
Yumiko喺大陸同囡囡梁浸浸拍真人騷，被指唔識湊女，佢解釋：「係人生一部份，人生唔會咁平坦，有甜酸苦辣，嗰騷係先苦後甜，之後會睇到佢進步。」
節目入面Yumiko一個人照顧8個小朋友，煮早餐、幫小朋友着衫，佢哋完全無喊，不過呢啲場面節目無播出嚟，佢話反映到湊細路唔一定一帆風順，仲會有挫折，睇到自己不足冇耐性。之前又有指佢對住嗰女爆粗，Yumiko再澄清冇咁嘅事：「永遠唔會喺小朋友面前爆粗。」
Yumiko講到有一集佢囡囡同佢行書局，見唔到媽咪會大嗌，佢話o依家囡囡有經驗，就算行開咗，見唔到佢就會原地嗌。
(蘋果日報)
【結婚就快一年】岑麗香激罕曬同老公相擁照超甜蜜
香香岑麗香的《老表，畢業喇！》近期正在熱播，而她亦正趕拍《果欄中的江湖大嫂》，不過她亦冇冷落老公強強。
兩人到今年12月就結婚1周年，平日甚少讓強強亮相的香香，最近粉絲們就轉發分享她和老公的甜蜜照片，兩個人溫馨擁抱好Sweet，強強還輕撫香香頭髮，一張照片已表達無限愛意。
網民見到之後都大讚強強保護得香香好幸福!
(明報即時娛樂)
【愛情結晶出世啦﹗】7磅幾﹗口大鼻大眼大似爸爸﹖
38歲嘅「嚴謹」張達倫(Max)，去年同青梅竹馬嘅舊同學陳鳳玲(Kimmy)結婚，早前Kimmy先喺朋友圈分享咗幾張靚靚孕照，今日兩人嘅愛情結晶「大秋雞」出咗世喇。
張達倫接受傳媒訪問時好開心，佢話：「噚晚（太太）突然作動，凌晨即刻入醫院，今日下午出世，有剪臍帶，好似剪豬腸咁。但囝囝好好笑，出來周圍望，好似唔捨得瞓咁！」張達倫又話：「囝囝口大鼻大眼大咁，似我多啲，但似老婆就好啦，似老婆靚啲嘛。」張達倫又透露囝囝重7磅多，英文名叫Zachary，係Kimmy同前夫所生嘅混血女兒改嘅，兩公婆未為囝囝諗中文名，遲啲想搵文化人朋友起幾個名再揀。
(蘋果日報)
【有近億身家，但感情空白】關智斌雪定精子生B備用
關智斌（Kenny）近年在內地狂搵人仔，身價三級跳兼吸金力超強。
在港擁有多層物業的他，近日又以過千萬港元掃樓。
雖然事業發展得甚為理想，但感情方面，仍然是空白一片。
張敬軒早前澄清同Kenny仍然係好朋友。
有時一個人留在家中，都會感到寂寞，但自言生活極有規律的他，實在太難找到伴侶。
被笑指不留後會浪費美好的基因，Kenny更自爆一早就儲存了精子備用呢！
(on.cc 東網)