【唔使讀名校】關心妍日日帶心心去玩：品德緊要

2017-09-02

歌手關心妍（Jade）出席歌唱比賽活動，問到愛女楊榮心（心心）是否已上學？Jade說：「未，只係返Playgroup。」隨即自封是「懵盛盛」家長，Jade說：「朋友話我知心心今年9月要報學前班，我真係唔知，所以唔會係怪獸家長。（讀名校？）唔使，近屋企就得喇，最好可以行返學。」Jade否認住半山，被問到是否搬到山頂？她說：「香港區啦，附近有女校同埋有一條龍升學嘅學校，自己唔太擔心，等上帝安排。」

Jade表示沒有逼女兒睇圖書及背數字，她說：「反而日日帶佢去玩，教佢禮貌同叫人，品德緊要，依家佢識Thank You，數字1至10佢遲早會識。」由於心心是Jade的心肝寶貝，身為人母的她自爆日夜抱女搞到整傷手，Jade說：「成日抱搞到扭親兩邊手，去睇醫生按到隻手瘀晒。」隨即打爛醋埕表示愛女只懂叫爸爸，Jade說：「對住我叫爸爸，我教佢叫媽媽，佢都係叫爸爸，冇辦法，仲未識叫。」

加盟Neway不久即大肚的Jade坦言與公司合約一而再、再而三延期，她說：「仲有兩年幾，其實同Neway嘅關係一直都好好，已經唔係合唔合約。」另外，同場的葉家寶講解是次唱歌比賽詳情，透露18個參賽者有12位唱英文歌，奪冠者將代表香港出席10月於緬甸舉行的世界賽。

(on.cc東網)

【痛在身體甜在心頭】張繼聰留位紋囡囡個名上身

2017-09-02

張繼聰（阿聰）出席「帝舵錶Born to Dare新錶鑑賞會」，育有一子一女的阿聰指十歲大的囝囝早已開學，但見處處有塞車，可感受到開學的「威力」，囝囝現讀六年班，明年將升讀中一，又可以送囝囝返學，笑言過多兩年，囝囝不想再被送返學校，所以現時要好好享受接送放學後，和囝囝買零食的美好時光，他又說：「同老婆仲好記得當年送囝囝返學，記錯返學時間。」

談到阿聰之前紋了囝囝名字在身上，問到可有計劃紋埋囡囡個名？他笑言：「留咗位㗎喇，可能紋中文名，應該下半年啦。（會留位生下個再紋？）咁我個身都有好多位，要生多廿幾三十個喇！」

不過他表示要等他過了紋身的痛苦先才再紋，因為上次他痛到差些休克。

(on.cc東網)

【人前人後兩個樣】被兒子嫌棄係「雙面人」

2017-09-02

「性感靚媽」林雅詩（Grace）在東網節目中跟主持人Kiwi分享瘦身心得及擇偶條件。

已為一子之母的Grace身材keep得非常好。

主持人更即場摸Grace的蛇腰，證明Grace腹部結實冇肥腩。

同時，Grace突然自爆在兒子心目中是一個「雙面人」。

原來是仔仔批評媽媽化妝前後兩個樣，皮膚完全不同。

(on.cc 東網)

【肯定係女先得】洪天明：佢叫我買驗孕棒

2017-09-02

藝人洪天明與太太周家蔚拍拖出席新片《我們的6E班》首映，但見家蔚瘦了一圈，天明說：「掛住我？」家蔚笑答：「佢去咗內地做嘢，我唔係好敢出去食嘢，驚唔知食咗啲乜落肚。佢返嚟我即刻交兩個仔畀佢湊，我唔得嘞！」

天明則十分享受湊仔，當問到會否再生，天明謂：「有壓力㗎，爸爸（洪金寶）想抱女孫，如果係會係呢兩年內嘅事。會去外國睇醫生，肯定係生女先得，我依家都傾緊去美國拍嘢，係就順便搞埋，一舉兩得。」

家蔚則笑說：「一係留畀（洪）天祥幫手啦。」她又自爆早前以為自己有身孕，天明謂：「佢叫我買驗孕棒，我即刻諗幾時嘅事，最後發現原來搞錯咗。」

天明又謂將返內地公幹，此行或會逗留兩、三個月，兩夫婦又要唱「分飛燕」。

(on.cc東網)

【小四月雙語都咁叻】趙薇囡囡開學自己擔遮仔

2017-09-02

趙薇與富商老公黃有龍的7歲女兒「小四月」就讀香港的國際學校。

日前，小四月跟其他同學於就讀的學校正門步出，小四月眼大大似足媽咪，長髮及腰紮起長辮，外形標致。

雖然趙薇投資有道被喻為「娛圈女股神」，持有影視、酒業及不動產多項業務，身家逾60億港元，但她照顧女兒的方法絕不炫富，並沒有大排場，只派保母湊放學。

現場其他家長都安排名車接小朋友，但趙薇相當低調，只安排一輛七人保母車接載。

因學校門口不能泊車，小四月與保母行到對面街候車時，沿途彈彈跳，並拎住卡通傘盡顯童真。

期間她以流利英語及普通話跟保母傾偈，關係相當要好，當七人車駛至，活潑的小四月即彈住上車。

(on.cc 東網)

【第一次孖梁浸浸拍廣告】兩母女都咁靚！

2017-09-02

「潮媽」鄭希怡（Yumiko）首次夥拍愛女梁子柔（梁浸浸）齊齊擔任代言人為營養補充品拍攝廣告，廣告片中梁浸浸身穿恐龍裝上陣造型可愛，加上眼仔碌碌及一頭天生鬈髮，真係「萌」到暈。

Yumiko表示初為人母時，對於照顧愛女的確有點手忙腳亂，但她勝在好學，不斷在上網找資料之餘，亦採納鄭媽媽的傳統湊小孩智慧。

經過2年多的時間，現在Yumiko對BB的飲食、生病時的照顧、皮膚護理等等育兒知識都有一套自家心得，已能夠將梁浸浸照顧得頭頭是道。

Yumiko的愛女梁浸浸因生得趣致，出世不久就成網紅人物。

（on.cc東網）

【為小糯米秘密轉校】劉愷威親自湊囡囡返學

2017-09-02

趙薇及楊冪事業如日中天，都選擇安排女兒入讀香港的國際學校。

9月1日開學日，但國際學校日前已開學，楊冪與老公劉愷威各有各忙，近年甚少一起公開亮相，但兩人對3歲女兒「小糯米」真的錫到燶。

今年3月更被拍得忙裏偷閒結伴出席囡囡幼稚園的親子運動會。

為給女兒有清靜的讀書環境，免受外界騷擾，他們原來已秘密為小糯米轉讀國際學校。

日前，劉愷威與母親和囡囡乘七人車離開西半山寓所前往港島區一間國際學校，劉愷威落車後即到後座抱小糯米步入學校大堂。

身穿黃色運動衫的小糯米眼仔睩睩，乖巧地伏在爸爸的膊頭上，十分可愛。

劉愷威接受訪問，問到女兒小糯米開學心情如何，他笑說：「梗係開心啦！學校咁多小朋友，又咁多嘢玩，開心到不得了，小朋友返學實開心，佢開咗學成個星期，都好習慣！」

（on.cc 東網）

【揀喺養和生】B囡「棉花糖」出世啦～

2017-09-02

陳曼娜（Manna）女兒鄭祖兒（Joie）去年跟上市公司董事Dicky結婚，Joie上月26日誕下千金Kaelyn Tsoi，花名「棉花糖」，今日Manna姐興奮話：「好開心，第一個孫女，26號係預產期，25號醫生話要催生，就係26號預產期生，我女婿book咗養和，係一間最大最靚嘅套房，好多朋友嚟探佢，入面好似五星級酒店咁。」

Manna姐話o依家嘅醫院設備好，同佢以前生女大不同，所以Joie生產好順利：「佢做無痛分娩，15分鐘就生咗出來，醫生仲俾我入去睇，我仲有拍片呀！呢個係一個好歷史性一刻。」

Manna婆婆第一件送俾孫女嘅禮物，就係兩部車：「之前睇新聞話個爸爸抱B揸車發生意外，我即刻買咗個坐位俾佢放車，又買咗一部BB車俾孫女。」

Manna姐仲大爆Joie同Dicky已經計劃生第二個：「我就梗係希望可以三年抱兩，最好就打孖來。」

(蘋果日報)

【同盟劇透】易先生捨身護主網民大叫「唔好呀！」

2017-09-01

TVB《同盟》今晚播映第20集，劇情發展令熊(鮑起靜)收到Ricky(敖嘉年)向她求救的視頻訊息，說開罪台灣黑龍幫幫主天爺，要她到台灣營救。令熊為救Ricky趕到台灣。她跟天爺對質，但他對Ricky被挾持全不知情，突然殺手闖進，天爺被槍擊倒下…今日監製文偉鴻在Facebook上載宣傳片，寫道:「人生得一知己死而無憾」。片段中易先生（歐瑞偉）在血泊中對令熊說:「令小姐，我怕以後保護唔到你…」令小姐狂叫:「醒呀!醒呀!易先生…」難度監製咁快就處死易先生?不少網民留言唔畀易先生死!

大家放心，易先生未死，這集劇情是他保護令小姐離開現場時大腿中槍，子杰(陳展鵬)帶他們到薇姨舊居暫避。他們更在無麻醉的情況下為易先生拔出彈頭。《同盟》發展趨緊湊，TVB的facebook專頁又有劇透，Ricky挾持姑媽令熊，相信是他設陷阱引姑媽到台灣，佢仲話要一槍搞掂姑媽，唔會好辛苦；呢個正一打靶仔!

（原文：明報）

【媽媽注意】產後想快速排淨惡露﹖4招幫到你﹗

2017-09-01

惡露就是產婦宮腔內的淤血及壞死的蛻膜，一般產後一個月左右可以排淨，但部分產婦卻惡露不絕，淋漓不盡，特別是在坐月子期間，怎樣能快速排淨惡露呢？

1. 下床活動促排惡露

產後，待體力稍恢復，產婦即可下床輕微活動，加速全身的血液循環，避免產後淤血，利用重力作用，促進惡露快速排出，也能幫助子宮復原。建議順產的女性，產後24小時後，即可坐起，下地做簡單的活動；剖腹產的女性，產後一周，待傷口癒合後，也應起床活動，幫助惡露順利排出。

2. 腹部按摩助排惡露

分娩後，子宮會收縮並下降至骨盆，產婦可以按摩腹部子宮的位置，先搓熱掌心後，以順時針方向畫圈圈，可以促進子宮收縮，幫助子宮內的惡露排出，從而有利於子宮逐漸恢復到孕前狀態。

3. 哺乳促進排惡露

產婦生完寶寶後，要盡快開乳，一方面讓寶寶吸收到營養全面的初乳；另一方面，哺乳能促進惡露排出，因為嬰兒吮吸乳房能使產婦興奮，刺激子宮肌肉的收縮，有助於惡露排出，對子宮恢復也非常有利。

4. 食療輔助排惡露

產後不宜大補，少吃人參、桂圓等補益性食品，因為產後大補很容易導致血管擴張，加劇出血，延長子宮的恢復期，造成惡露不絕。可以吃一些雞蛋、雞肉、小米粥、湯麵、豆製品。下列食譜有助惡露排淨，產婦可參考食用：

山楂紅糖水

材料：山楂50克，紅糖適量。

做法：山楂加水後煎煮，加入紅糖飲用。連服6-7日。

功效：活血化瘀，促進惡露排淨。

益母草紅糖飲

材料：益母草10克，紅糖10克。

做法：將上述兩味加水燉飲湯，每日早晚各1次。連服3-5天即可。

功效：活血、祛淤、促進子宮收縮。

麻油豬肝

材料：豬肝250克，麻油40毫升、生薑6片、米酒200毫升。

做法：鍋加熱後，倒入麻油，油熱放生薑，煎煮焦黃，豬肝入鍋大火快炒，再倒入米酒煮開即可。

功效：麻油豬肝有破血功效，將子宮內的血塊打散以利排出。

注意：有助於惡露排出的食物，不宜長期食用，一般7-10天即可，以免導致惡露增加。

(健康網)