陳展鵬與單文柔以情侶檔現身無綫節目巡禮。二人齊以白色盛裝赴會，單文柔的白色露膊晚裝站在男友展鵬身旁。
過往展鵬面對記者追問與單文柔的關係時，都顯得避忌。
難得今晚在無綫節目巡禮大日子，他與女友齊齊亮相，並大方合照。看來二人感情已趨穩定。
（on.cc 東網）
【Mandy生B後】洗米華首露面 表現輕鬆
太陽娛樂老闆周焯華（洗米華）同Mandy Lieu嘅第三胎，日前有報道指BB已喺9月出咗世，二人再添一女，甚至有指洗米華安排Mandy同仔女返澳門住。
洗米華今日出席「第二屆澳門國際影展暨頒獎典禮」，今次頒獎禮係由楊千嬅、Jeremy Renner、甄子丹、EXO成員D.O.等做明星大使，而吳宇森導演擔任影展大使。
身穿西裝、波鞋嘅洗米華，打扮同平時一樣，表現輕鬆，上台頒紀念狀俾吳宇森同甄子丹，期間都有同吳宇森講幾句，有同現場嘅人影合照，不過事前講明唔接受訪問，影完相即閃。
(蘋果日報)
【網民大讚一對孖仔】蔣麗莎湊孖仔兼賣生果
陳浩民老婆蔣麗莎（Lisa）育有三女一子，貴為「四B之母」嘅佢打理家頭細務同照顧子女非常有道，仲曾經揚言好享受！
最近Lisa帶同三子女參加內地親子真人騷節目《不可思議的媽媽》，由於孻女年紀仲細，所以未有帶同一齊參加。
呢集講到要交換照顧其他參加者嘅子女，作為「臨時媽媽」嘅Lisa就負責照顧新欣嘅一對混血孖仔John及Victor，仲要打理水果店，認真唔容易！
不過對於Lisa來講絕對綽綽有餘，唔單止快手快腳切好水果，仲pack到滿一滿畀客人，絕對係良心賣家！
見到Lisa咁落力做生意，孖仔John同Victor都表現乖巧，為Lisa提供電風扇抖涼；食lunch嘅時候，唔單止主動分享美食畀Lisa，聽到Lisa話唔夠辣，仲即刻遞上辣椒醬，唔怪得Lisa大讚佢哋細心又善良，仲好羨慕咁話：「我好想我兒子女兒也能這樣對我。」
唔少網民被呢對又乖又可愛嘅孖仔吸引住，仲大讚新欣識教仔，值得學習！
(on.cc 東網)
【真係Keep得好好啊⋯】51歲鄧萃雯素顏一樣咁省鏡
藝人鄧萃雯（雯女）自從離開無綫後北上發展吸金，最近仲開埋獨立工作室自己話事，雖然可以養尊處優，但接戲拍劇都嚴選劇本，希望做最好嘅作品畀觀眾。除咗工作以外，大部分時間用來享受人生，四處出國旅遊探索世界。
最近鄧萃雯飛往加拿大溫哥華旅行，連日來都有喺社交網邊玩邊甫相，同粉絲分享近況。
去到溫哥華，作為旅客嘅鄧萃雯特意去咗當地名勝－伊利沙伯王后公園，仲放上網同大家開心share：「主角始終是秋葉，這個公園實在很醉人，聽說四季景色都極美，希望春、夏、秋、冬都能到訪一次。」
相中見到鄧萃雯素顏上陣，但係面色好紅潤，依舊保養得宜，唔少網民留言大讚佢天生麗質，仲請教佢護膚心得！
(on.cc東網)
【毅力搭夠】林子善婚照花絮曝光
林子善喺上月16日與拍拖5年嘅圈外女友董佩欣（Kary）正式簽紙結婚，佢哋都好搞鬼，影相唔係一對新人企定定，而係新郎哥俾老婆牽住個鼻走。
日前一對新人已經出發去馬爾代夫影婚紗相，連日都有喺ig貼拍攝花絮相。見子善操到好大隻，在藍天白雲下大騷6嚿腹肌，子善留言﹕
「老實講我真係唔覺得自己大隻，最多可以話正常而較矮。因為係我身邊真係太多大隻佬，仲要好多係比賽級冠軍人馬。成日影晒肌相係有一個目的，發放多啲正能量比身邊朋友，希望佢哋多做運動身體健康。一條(((悶棍)))一直(((努力)))，唔係話比你知有幾勁，只係想比你知冇偷懶，要戰士身形要戰士毅力，唔係一條(((影相忍)))。」
的而且確，見子善影婚紗相都冇偷懶，喺酒店房都不停做push up操肌。
而佢老婆Kary都唔執輸，除以波希米亞造型，着住低胸露腰婚紗外，仲有比堅尼影照，兩公婆都擁有sexy body，當然唔曬對唔住自己啦！
(蘋果日報)
【同王浩信冇問題】陳自瑤：都做咗年幾兩年，唔係話專登
陳自瑤以性感長裙出席無綫節目巡禮活動，提到最近她於社交網分享正能量句子，她謂：「冇嘢嘅！一向都想分享正能量，都會分享相片，都做咗年幾兩年，唔係話專登！」
「啲句子好有正能量呀！因為每個人生活中都有唔開心的，睇完可能有呢啲感受，每個人都要成長，每個人都有壓力，要有番正能量！」
被問到自己有冇壓力，陳自瑤表示：「每個人都有，包括工作上、湊小朋友上。（同老公王浩信相處有冇壓力？）呢啲唔需要特別講，同老公冇問題，分享呢啲嘢，係想自己除咗外表都想有內涵。」
王浩信指太太向來喜歡分享感性及正能量訊息，雖然他近排工作比較忙，但也要畀Like，問是否不敢不畀Like？他笑謂：「其實Like唔Like唔重要，最緊要係個內容。」
談到來年工作，剛從英國返港的他表示來年將作多方面嘗試，希望給觀眾驚喜，不只限於接拍電視劇，問到是否會接拍電影？王浩信謂：「都係嘅，但到時會盡量抽時間陪太太。」
(on.cc 東網)
【原來兩公婆都有扮⋯】陳豪：好hot㗎
無綫藝人陳豪出席無綫節目巡禮，他表示十二月會拍一套新劇，問到是否一年一劇，他表示，自己一年都拍兩、三套，問到拍劇是否要遷就仔女的時間，他謂:「梗係唔係，邊有咁理想。」
談到陳茵媺上載了一張三個仔女扮蜜蜂的相片於社交網，相當可愛，陳豪謂：「我哋都有扮蜜蜂，學校有活動要小朋友打扮，我哋以為大人都要，返到去學校先發覺其他家長冇扮，笑言遭其他家長白眼，但老師們見到就好開心，(好似仔女咁着蜜蜂熱褲?)係！好hot㗎！(Aimee都咁扮？)佢扮蝴蝶，佢都當然hot啦！不嬲都hot，其實全家一齊扮嘢都幾好玩，我哋都有帶小朋友去隔籬鄰舍攞糖，都好開心，(有冇被集郵？)梗係有啦！」
(on.cc東網)
【榮升宋太後】宋慧喬IG有嘢同大家講！
宋仲基及宋慧喬於10月31日舉行婚禮。
他們已於日前出發到歐洲度蜜月，但已有粉絲在西班牙機場見到他們。
度蜜月期間宋慧喬亦未有忘記粉絲，她於Instagram上傳與老公宋仲基於結婚當日的照片。
宋慧喬並以英文及韓文留言：「真心感謝大家以這麼多理解、關心及愛護來祝福我們。」隨即吸引大批粉絲留言，祝兩人幸福美滿。
此外，宋慧喬的好友造型師今日亦公開了兩人婚禮當日的照片，照片中他們看似興奮又緊張，一直拖着手。
(on.cc 東網)
【準備咗一年】熊黛林肚凸凸睇育嬰書
恭喜恭喜！恭喜Lynn熊黛林，終於中頭獎！
頭獎就係——造人成功喇！《蘋果》消息指Lynn有咗三個月！Lynn喺去年10月同郭可盈胞弟、家族坐擁百億資產嘅郭可頌結婚，更揚言雞年會努力造人。Lynn婚後明顯減少工作，專心調理身體，今年2月，有網民曾經影到Lynn去上環，有「婦科聖手」之稱嘅中醫劉逢吉睇醫調理身體，直到最近終於有好消息。
前日中午二點幾，Lynn一個人現身太古城誠品，見Lynn腳踏平低波鞋，穿上黑色衫同黑色裙，腹部微微隆起。見Lynn專攻育嬰書，由於佢生得高，而書本位置較低，但佢似乎唔敢動作太大，只係好小心咁半蹲式咁望一望下層嘅書，但好快就企番起身。Lynn喺書店內逗留約半小時，之後再逛其他商店，見佢步履輕鬆，逛咗一陣就走人。
上星期，Lynn更慶祝同老公結婚一周年大日子，兩公婆用繩互綁對方作狀咀嘴，Lynn留言：「就這樣把你牢牢地綁在我身邊，一周年快樂。」
相信兩口子好快就會有「我們仨」嘅幸福家庭照，繼續放閃。
(蘋果日報)
【小心早餐地雷】1份=2碗白飯 熱量好驚人
早餐踩雷最可怕！俗話說早餐要吃的好，但好的定義是什麼呢？快跟著《ETtoday新聞雲》一窺營養師賈婷文心中TOP4地雷早餐，吃1份就甚至可抵將近2碗白飯的熱量，相當可怕，千萬別為了逞口腹之慾反害了健康！
1.培根系列
培根屬油脂類，又是加工食品，不只熱量高，飽和脂肪酸亦高，吃多會影響血脂。賈婷文建議換成油脂較低的蛋白質類，如鮪魚、里肌肉片，或搭配豆漿補充蛋白質，都會比含培根的早餐好很多。
2.炒麵／蚵仔麵線
若選擇上述二者，麵量大會導致油量多，而且蛋白質與蔬菜攝取皆不足，尤其蚵仔麵線使用勾芡手法，醣量不容小覷，1份約500卡，加上許多調味醬料，熱量會再提高。
3.飯糰
除了本身飯量多，內附油條、肉鬆、菜脯，會使油量、鹽分變高，若真要吃飯糰，營養師建議請店家飯量少一點，可換五穀米更佳，會增加纖維質攝取；自選配料部分，筍絲、蛋、豆乾或肉類是不錯的選擇。
4.麵包
不管是鹹的、甜的麵包，為求口感和香氣，製作過程添加許多糖和油，相對也伴隨較多的熱量和醣量，蛋白質攝取反而不足。一個小麵包近400卡，將近2碗白飯的熱量，既不飽又不均衡之下還會食入過多熱量，得不償失，建議可改用全麥土司夾肉蛋與蔬菜，不過吐司要少抹醬料為佳，不然熱量也很驚人。
(ETtoday)