張栢芝向來好錫兩個仔Lucas同Quintus，佢亦好明白身教嘅重要性，所以為咗仔仔常常喺日常生活中做個好榜樣。
話說近日香港同澳門一連被兩個颱風吹襲，澳門更因此造成多人傷亡，栢芝亦好關注今次事件。
於是今晚佢同兩個仔食飯前，就要求兩個仔為颱風造成嘅傷害而禱告，網民見到後都大讚栢芝教得好，仲話兩個小朋友好乖！
栢芝留言：「兩個仔好乖哦 禱告完就開飯 等不及了哈哈哈 菜看起來真的好好吃！」
栢芝又留言指要求兩個仔喺飯前禱告係希望佢哋明白幸福唔係必然。
「因為他不知道颱風會令到多少人受苦，所以我要佢哋親自食飯前向受難者禱告，不希望他們常常覺得自己很幸福，所有事情都不是必然的。」
(on.cc 東網)
陳柏宇（Jason）出席在黑暗中舉行的音樂會，第一年參加的Jason笑言表演期間腦海想了其他東西，問到想了甚麼東西，他笑言：「冇特定方向，工作乜都有。」
Jason之後又自爆：「結婚前試過拖住Leanne（符曉薇）瞇埋眼喺條街度行，行行吓我開始喊。」
到底點解，Jason就話：「發現原來拖住前面嗰個人行係要好大信任，同埋有幻想如果自己睇唔到嘢會點，所以就開始喊。」
而問到剛才表演期間可有蝦碌事發生，Jason笑言唱唱吓突然忘記了一句歌詞，Jason亦謂希望下年可以再參加。
(on.cc 東網)
學打拳只係保護自己﹗
林子博與12歲囡囡林詠渝同8歲囝囝林卓楠，今日喺油麻地分別參加綜合搏擊賽，近年熱愛打拳嘅沈穎婷則擔任裁判；過程中，子博拎住手機全場直播，喺台邊睇得好緊張，由於卓楠最終打輸咗，所以佢事後扁晒嘴話：「唔學喇！」
打得唔錯嘅詠渝，擊倒對手贏得金牌，詠渝表示好開心，子博笑指詠渝出腳重，係因為平時喺屋企經常踢細佬而練成，佢仲話：「佢哋兩個都係呢個暑假開始學，阿仔喺學校成日畀人蝦，不過我同佢講唔可以打番人，打拳只係保護自己。」眼見卓楠感到好失望，子博即刻笑住加以安慰：「你打得好好架喇，今晚啤啤佢喇！」
(蘋果日報)
近日香港被兩個颱風輪流吹襲，大部分人自然安全至上，一直留喺屋企。
趁住天氣轉好，藝人張頴康與太太麥雅緻即興嚟個親子日，帶埋囡囡小豆出街，享受天倫之樂，仲喺社交網晒一家三口照。
成日都話囡囡係爸爸嘅前世情人，張頴康為咗前世情人都落足心機，唔單止帶囡囡去兒童樂園，仲全程抱實佢玩遊戲，相當溫馨。
呢位前世情人亦好識做，冧爆地向爸爸張頴康送上香吻，又同麥雅緻開心share飲品，難怪麥雅緻冇呷醋，仲甜到入心添！
「一星期兩個颱風天，希望大家都平平安安就好了！ 感恩我們仍可親子日，爸爸帶小豆『打恐龍』，媽媽和小豆分享奶昔！」
(on.cc 東網)
佢話唔介意再做奸角﹗不過…雖說無綫曾先後兩次搵過佢，仲出動埋監製同劇本，誠意十足，但佢都。。。
98年四料港姐向海嵐(Anne)，卸任後隨即俾大台安排拍咗唔少古裝劇，其中《楊貴妃》同《無頭東宮》最深入民心。不過08年，向海嵐忽然宣佈息影，轉到上海做公關，直到前年，佢就簽約汪子琦間公司，大陸、香港兩邊走。
今年10月就43歲嘅Anne，最近留港參演音樂劇《我和青天有個秘密》，周一(21日)下晝，有周刊喺銅鑼灣見佢同一女性友人，入咗一間餐廳食晏。席間見佢滔滔不絕發表偉論，女友人只係點頭和應，佢哋食咗約1個鐘就埋單走人。食飽打算鬆一鬆嘅Anne，就同友人到附近上樓舖揼骨，按摩，約兩個鐘後，Anne再現身，唔知係咪成身鬆晒，落樓嗰陣仲笑晒咁行去附近搭的士走人。
離開大台9年嘅Anne，當年講到明因為公司冇幫佢發展，與其留喺娘家繼續等運到，不如出去搏一搏，不過有指大台近年出色女奸角唔多，之前喺《無頭東宮》同《胭脂水粉》做奸角，搞到觀眾咬牙切齒嘅向海嵐，自然成為大台挖角目標。
對於回巢返無綫，Anne接受訪問時，就承認無綫曾先後兩次搵過佢，仲出動埋監製同劇本，誠意十足。Anne表示：「其實最緊要時間夾到，最近呢次，就係因為我要演舞台劇，所以先推咗佢哋。之喺香港留4個月，到年底又要返國內拍劇，都希望下次有機會。」問Anne無綫係咪搵佢做奸角，Anne就話：「應該咁講，我唔介意做奸角，奸角發揮大啲，成功感亦大啲。況且o依家啲人好明智，就算憎都係憎個角色，唔係憎個藝人。」
林盛斌（Bob）喺啱啱21號第四度做爸爸，囝囝個樣似足Bob咁，相當開心！
Bob嘅太太Pearl今日就喺社交網上載咗一張抱住囝囝嘅相，好感性咁留言。
「從此之後，腰不再是腰，是床墊，胸不再是胸，是奶樽，Welcome to the World！」
字裏行間都感受到Pearl嘅喜悅之情，而相中Pearl望住囝囝，畫面非常有愛。
不過當大家以為Pearl生第四個BB，生產過程應該好快嘅時候。
Pearl就話：「順帶一提，最多人問嘅問題係生第四個會唔會快到『cher』一聲就出嚟？是還好！都是那一句，Feel唔到一胎比一胎容易，照樣好X痛！」
唔少網友都大讚相片相當溫馨，仲話母愛真偉大，更叮囑Bob要對太太好啲呀！
(on.cc 東網)
曾在周星馳電影《九品芝麻官》扮「常威」、現年50歲的台灣武打演員鄒兆龍與港姐翁為德結婚18年，並育有兩子一女，可是昨驚爆有女子開微博狂轟鄒兆龍是渣男，背妻偷食，更爆出鄒兆龍幫她洗底褲，該女子直言對方向她稱與老婆翁為德生女後，夫妻間已6、7年沒性生活，網上又流出疑似鄒兆龍摸女子雙腳香艷照片。
現年50歲的鄒兆龍曾在電影《九品芝麻官》演「常威」奸到出汁，現實中他於99年與港姐翁為德結婚，兩人育有一對14歲孖仔和9歲幼女，翁為德全職相夫教子，五口幸福之家生活低調。昨日卻爆出鄒兆龍出軌，一名女子在微博賬號「鄒兆龍出軌記錄」大爆鄒兆龍劈腿！鄒兆龍被「小三」指一腳踏幾船：「鄒兆龍，你就是個渣男，船翻了連面對勇氣都沒有，就知道逃避！逼着愛你的人報復你。你情商真低，我縱然有錯可一個巴掌拍不響，走到今天都是你自己造成的，我讓你藏着掖着，你越是這樣我就越要搞你！你對我毫無情無義我憑甚麼成全你讓你開心！」
同時她又貼出兩人的蜜照，有被指是鄒兆龍的摸着一雙女子玉腿照片，讓人想入非非。「小三」聲稱跟鄒兆龍認識兩年，其間他不甜言蜜語：「我把他當朋友，他卻想睡我，把我灌醉得到我，之後我並不理他，他每天從早到晚甜言蜜語轟炸，甚至給我洗內褲，洗腦說要離婚這些詞，怪我年輕意志力差了點。」該女子又指鄒兆龍表示女兒出世後，與翁為德已6、7年沒有性生活，早前更辦離婚，「小三」曾提出斬纜，最後心軟被o氹回：「想念的眼淚不知流了多少，甜言蜜語都是假的。」
她發現鄒兆龍原來還有小四、小五及小六：「我們睡在一起的日子少說150天吧？你的自私和最後劈腿時做法逼的我站出來說話！」鄒兆龍的經理人孟凱綺大前日在微博澄清，指相片疑被改圖，並指事件已交警方和律師處理：「那個女的在網上散佈謠言，破壞龍哥名聲，我已找專業人士鑑定，很多照片都是PS出來的。」
此舉卻令「小三」貼出更多「證據」，有二人的微信語音，時間約為去年6月至12月，更指曾共度七夕和中秋節等。疑似鄒兆龍聲音的男子，稱每次工作酬勞中會取出百分之十給她，但原來只係空頭支票：「聽到這話很感動，但鄒先生從來沒有給過我一分錢，我要過鄒先生不給，有一次看我冷臉，我也準備離開，鄒先生過來抱着我十秒眼淚流下來。」
本報昨嘗試聯絡鄒兆龍，至截稿前他的手機仍然關上，身在美國的翁為德亦未有回覆。不過翁為德不時在fb貼家庭照，今年6月全家出席孖仔的中學畢業。鄒兆龍上周二在微博貼出疑是荷李活電影《逃亡大計3》的劇本相，並暗示拒接：「不好意思，不接！好萊塢電影不一定要像乞丐要飯甚麼都吃！」
(蘋果日報 / 東方日報)
韓劇《守望者》嘅35歲女星李詩英，將於下月30號奉子嫁圈外男友。不過李詩英目前就未有停工，早前就飛到西班牙拍攝新相。
而拳擊手出身嘅李詩英亦一向注重運動，就算陀住B都唔影響，噚晚佢就孖住演員好友吳允兒，參加品牌NIKE舉行嘅跑步活動，而李詩英亦稍用外套遮肚。
同時吳允兒又透過Instagram上載兩人嘅素顏合照，獲粉絲大讚兩人夠健康，不過亦有唔少粉絲留言叫李詩英要小心胎兒。
(蘋果日報)
講到宅男女神，一定唔少得「香香公主」岑麗香啦！
雖然香香去年就榮升做人妻，變為「強嫂」，不過大家見到佢得到幸福，都好戥佢開心，仲話依然會支持佢呀！
雖然香香已經做人老婆，不過大家都可以放心，佢依然活躍於幕前繼續拍劇！
早前香香就忙於拍攝無綫劇《溏心風暴3》而無綫See See TVB facebook官方專頁就上載咗一條藝人麥凱程 （Alex）探香香班嘅短片。
香香就即席示範拍攝時當遇到要摑人嘅場口應該要點樣做，佢仲教Alex要點樣借位同借力。
當佢示範點樣打人一巴時，佢就一巴扮摑落Alex，點知Alex郁都唔郁零反應呀，香香仲伸手想摸住Alex塊面話：「唔係呀！你要郁呀！」
Alex就搞笑話：「我以為你真係會拍過嚟。」香香即秒回：「我梗係唔捨得打你啦！」搞到Alex面都紅晒。
隨後，佢就叫Alex再試吓，今次Alex就好有反應，香香仲愈打愈興奮，場面非常搞笑。
畀香香扮打兼畀佢摸面仔，一班網民都話睇到好羨慕！
（on.cc 東網）
舒淇與馮德倫呢Pair，未結婚之前，大家都擔心佢哋分手。到結咗婚喇，大家又唔知點解成日傳佢哋婚變，講到真嘅一樣。
日前，馮德倫同舒淇去咗台北微風廣場國賓影城，睇戲。係咪睇老公套《俠盜聯盟》呢？兩口子唔肯講。
今次亦係兩人婚後首次在台北約會，人頭湧湧，但兩人好在咁邊走邊行，隨後舒淇發現記者，馬上拉住佢搭電梯走。
點知過咗冇耐，又見到舒淇返轉頭，戴上口罩同一名女性友人等入場，仲左望右望驗票口等候，相當警戒。
而馮德倫乖乖跟著大家排隊買飛，買完之後點去女廁，係女廁附近，俾飛舒淇。
俾完之後，馮德倫壓低頂帽，悄悄混入人群排隊等待入場。
有記者上前採訪，佢好無奈咁，望住手中入場小食不語，助理擋駕：「私人行程，謝謝。」
而舒淇就匿喺廁所，要等觀眾入場後先至蒲頭，快閃入場。散場後馮德倫率先離開，由正門引開記者，好讓舒淇從後門走，坐另一架車返家。
(Apple Daily)
