吳奇隆與劉詩詩自2015年結婚後，一直都相當恩愛。

日前乃吳奇隆47歲生日，兩公婆就拍拖去咗一間工廠度參觀。

之後兩人參觀工廠的相片曝光！相中劉詩詩身形纖瘦，吳奇隆則好像有點發福。

兩公婆行到邊都笑容滿面，心情勁靚，兩人最後更在工廠內慶祝生日。

網友們亦送上祝福，祝兩人甜甜蜜蜜、吳奇隆生日快樂！

(on.cc 東網)

發嫂是一個很傳統的女人，出嫁從夫。

「我老公係發哥」訪問中，發嫂不止一次說：
「做得佢老婆，我一定要保護我老公。」
「我做得佢老婆，我就要喺好多方面，去幫下佢。」

但同時發嫂又好……「估你唔到」，18歲女先至第一次著裙，貪得意又走去投考警察仲俾佢考到；傳說中有個富豪爸爸，但呢個女，喺英國讀完Business，畢業後走去做receptionist，最後又去咗Singapore Airlines做空姐。這是後話。而且，發嫂做女嗰陣，都好GFable，令發哥為之癡迷。

「好好笑喎呢單嘢，因為我有個朋友成日晒冷、講佢識周潤發、同周潤發出街喎，咁我就同我個好朋友講，你識周潤發吖嘛，咁第日周潤發嚟嘅話，你就介紹俾我哋識啦！」

相信呢啲「我識呀邊個邊個」嘅朋友梗有一個喺左近，但平凡人如你我都係聽完就算，估唔到發嫂咁認真，而佢個朋友，咦，有口齒，真係講得出，做得到。有日周潤發嚟到新加坡，友人邀請佢一齊去睇明星，就在新加坡香格里拉大酒店，「真係見到周潤發喇！就係咁奇妙！嗰刻林嶺東同周潤發一齊落嚟，就係咁樣開始囉！」就係咁？真係咁。但萍水相逢做下朋友（仲係同明星做朋友！），點解可以成為情侶？問發嫂識咗之後點解會拍拖呢？她淡然謂：「冇刻意去拍拖，係做朋友咋，好似我話齋，想睇我朋友講真定假。」

如果咁都唔係緣份，咁係乜嘢？咁發哥當年係點追到發嫂呢？「有一日，我朋友就講，我正話送咗周潤發上機喇！咁啱我就office，就嚟要離開，有個電話入嚟，嗰個係周潤發。」冇錯，發嫂係嗌全名㗎。跟住呢？「周潤發就搵我，問我：『你可以陪我食飯冇？我上唔到機。』因為喺曼谷轉機嗰度冇位，佢就要停留一日，咁我咪同佢出去食飯囉。」

如此驚心動魄的經驗，發嫂說得平淡，就好似講緊九龍城街市菜檔檔主個女識咗個新男朋友咁……大家都張大了嘴巴……「第二日嘅早晨，因為我哋一般新加坡人係好鍾意送機，窩心啦，頭都冇梳，着短褲踢對拖鞋就送周潤發上機，就係嗰次之後，佢返到香港就日日call我喇，日日每張postcard寄俾我。就係咁樣開始。」

發哥原來係咁追女仔嘅！咁發哥喺Postcard寫啲咩？「佢幾幽默嘅，有時寫嗰啲嘢好簡簡單單，就講……」豎起耳仔聽，點知發嫂話：「……我唔記得喇，好耐喇，太多喇！好大疊㗎。」想偷師學下嘢？「有保存，喺新加坡屋企。」開始追求你未？發嫂嘟嘴，諗咗諗，不肯定地謂：「應該係啩…佢日日send卡喎，日日打電話喎。有時出街 要走返嚟聽電話喎。」

如果有90後會睇呢篇專訪，大概會又一次O嘴。返屋企聽電話？「有時同朋友出街㗎嘛。」那時應該有「大哥大」，但未流行。方才提過，發嫂好GFable，咁發哥有競爭對手，都係正常不過。「我有幾個朋友……男朋友㗎嘛！（當時你仲有其他男朋友？）一定有㗎啦呢啲！」發哥知唔知？「唔知知唔知，唔記得！我諗我冇講！」

(蘋果日報)

現年32歲的韓國男神宋仲基與35歲女星宋慧喬因合作神劇《太陽的後裔》而譜出姊弟戀，並於今年7月5日突然宣布婚訊，獲大批粉絲送上祝福。

「雙宋」於韓國時間昨日下午4時在首爾新羅酒店迎賓館舉行非公開的婚禮，二人亦貫徹低調作風，事前已表明婚禮當天不會舉行記者會，亦不會現身拍照，而參加婚禮的藝人也不設任何拍照環節，因此會場內將不設立採訪區讓媒禮採訪。

不過，「雙宋」為照顧傳媒，亦特地向傳媒發放一早拍攝的婚紗照及今日在婚禮現場拍攝的照片，她在婚禮現場穿上純白色婚紗的宋慧喬展現清純魅力，翹實身穿禮服的宋仲基，流露幸福笑容，被網民激讚是世上最美的新人。

而宋慧喬在早前拍攝的黑白婚照中，穿上淺色長裙拖實宋仲基，而她在單人照中披上頭紗展露甜笑，宋仲基則手拿氣球，似乎是在出招冧宋慧喬，非常甜蜜。