真喺好sweet、好幸福啊﹗
歌手莫文蔚（Karen）相隔3年再度推出新歌《I Do》，更趁着七夕情人節在北京清華大學進行分享會，與現場數千名大學生暢談愛情觀，笑言感覺好像回到17歲初戀時洋溢青澀的幸福。
當在場有學生問到Karen為愛情做過最瘋狂的事，她即說：「嫁給初戀還不夠瘋狂嗎？」提到跟老公從大學畢業後，兜兜轉轉多年才在一起，有學生再問到老公做了甚麼才讓Karen說「I Do」，Karen說：「沒有做甚麼，緣分對了你就是會知道！」更透露兩人是因為十年一次的同學會相遇才愛火重燃，她還幽默地叮嚀全場同學千萬不要錯過同學會。至於談到為何兩人婚後選擇定居倫敦？Karen sweet爆指只要有老公的地方就是家。
另外，今年與老公相識30週年、結婚6年，為了拍攝新歌MV，Karen都費盡心思，把愛情歷程中每個經典片段濃縮在4分多鐘的MV入面，更穿上婚紗一般的白色裙，在旋轉木馬取景拍攝，非常浪漫！
(東方日報)
阿姐汪明荃昨晚喺紅館嘅演唱會圓滿結束，阿姐出席慶功宴嘅時候就話今年其實都有好多計劃，除咗演唱會仲會拍特輯，阿姐話到時會諗下搵啲咩嘉賓，阿姐仲話：「本來仲想整個展覽，但係真係趕唔切，要準備呢一個演唱會，自己因為太忙都推咗好多個劇，只能夠客串幾場戲。」
喺慶功宴上大會仲送上生日蛋糕，現場人士亦都紛紛唱生日歌祝賀阿姐生日，之後在場人士更起哄叫家英哥咀阿姐，家英哥笑住話：「咀咩呀咀，o依家都唔興㗎啦，佢話唔咀㗎嘛，我聽佢講定聽你哋講好呀？」切完餅，阿姐話要落返台食啲嘢，咁家英哥就上台搞氣氛，「only you」咁起勢唱，然後又唱咗《我向你求婚》，唱完又話：「嫁俾我好唔好呀？」不過呢個環節，家英哥有家英哥唱，阿姐喺台下只係望咗佢幾眼，無理佢繼續食嘢。
事後阿姐喺慶功宴上接受訪問，問到只開兩場夠唔夠喉，會唔會開Part 2？阿姐就話：「都ok㗎喇，開唔開part 2就未知，未有咁嘅打算住，多一場都ok，再多就唔好喇，因為太攰。」講到有冇其他慶祝生日嘅活動，阿姐就表示冇喇係咁多。點解呢次演唱會唔同家英哥合唱？阿姐講笑話：「因為呢個演唱會唔使佢唱歌。」記者讚頭先家英哥好好，上台搞氣氛俾時間阿姐食嘢，阿姐都讚：「係囉，佢都做得到。」兩人之後會休息一陣，一齊去旅行。講到最鍾意演唱會邊part？阿姐話：「每一part都咁鍾意，真係有好多歌想唱要揀，揀咗啲俾趙增熹 再編曲。」佢話真係好多歌都唱唔晒，但唔會巡迴，好多謝朋友賞面出席。
(蘋果日報)
Bob哂出合照，再搞鬼咁話：「我真係好驚佢會兜巴打埋嚟……話時話，似唔似兩父子呀？」。。。
資深藝人謝賢由年青到依家都依然咁有魅力，一個字「型」呀！近日佢仲參與英皇賀歲片《我的情敵女婿》嘅拍攝，戲內戲外都咁好人嘅佢，當然得到大家嘅景仰同尊重啦！有份拍攝嘅林盛斌（Bob）就即刻同謝賢集郵，仲好搞鬼咁話：「我真係好驚佢會兜巴打埋嚟……話時話，似唔似兩父子呀？」不禁令人諗起「謝賢摑曾江」事件，網民仲搞笑話林盛斌似阿爸多啲，謝賢似佢個仔咁話喎！
另外，又有好多網民話覺得BOB同四哥真喺一啲都唔似…
不過，唔知大家又覺得呢兩個似唔似呢﹖
而同謝賢惺惺相惜嘅女星劉嘉玲，都喺社交網上載一張同謝賢嘅合照，仲留言話：「永遠的男主角—四哥（謝賢）。」
(東方日報)
43歲靚媽郭羡妮同老公朱少杰婚後育有1女Kylie，而Kylie不經不覺就快5歲，郭羡妮不時喺微博貼同女兒合照晒溫馨。
雖然已屬高齡媽咪，不過同老公一心想追仔嘅佢，就話o依家已經調理緊身體，希望趁呢兩年盡力上到「尾班車」。
趁囡囡放暑假，郭羡妮日前就同老公、囡囡飛去溫哥華度假，相中Kylie似爸爸多啲，而趁住去當地旅行，郭羨妮仲專登帶老公去咗自己當年入讀嘅西門菲莎大學母校，佢留言話：「帶著最愛們到母校走一趟，是件幸福的事。」
同老公咁甜蜜，相信兩公婆好快會有好消息囉！
(蘋果日報)
曾拍韓劇《Oh My Venus》，最近剛拍完韓劇《你太過份了》的35歲韓國男星鄭糠雲，於2014年與拍拖3年的圈外女友結婚，可惜婚姻只維持2年，他於2016年3月宣布離婚。
而他今年4月爆出與20多歲圈外女友的戀情，兩人經常公開約會，不在乎旁人目光，據悉兩人於去年秋天開始拍拖，至今已拍拖1年，而今日更傳出鄭糠雲將極速再婚，於9月與圈外女友結婚。
鄭糠雲透過事務所承認將於9月30日結婚，透露貌美的準新娘是主修古典鋼琴系的音樂大學學生，兩人交往1年多後決定結婚，將在兩家人的見證下進行非公開婚禮，希望大家多多祝賀全新出發的他，並表示婚後會繼續演員工作。聲明中未有公開準新娘的年齡，亦沒有透露兩人是否奉子成婚。
(on.cc東網)
2015年她以40之齡誕下一子，原來今年再做媽咪，二子出世才幾個月。她指。。。
久未露面的名媛趙式明，原來已貴為兩子之母，三年抱兩，而且是事業型女性，可謂女性典範。身為已故船王之子趙世光的長女趙式明，與年輕她16年的名流邱達昌兒子邱華瑋，姊弟戀修成正果，拍拖幾年便結婚，婚後火速造人！
數月前再做媽咪
2015年她以40之齡誕下一子，原來今年再做媽咪，二子出世才幾個月。她與老爺和奶奶結伴出席慈善畫展，一面素顏，身形明顯胖了不少，因產後尚未收身。對於再做媽咪，她說：「大仔兩歲半，細仔幾個月！（兩個可以收工？）都係！（做全職媽咪？）唔係，有返工，啱啱坐完月返工，有啲唔捨得離開個仔，想多啲陪BB！（餵人奶？）兩樣都有，會冇咁大壓力，依家大仔開始上BB班！（做媽咪嘅感受如何？）好享受，睇住佢哋長大，滿足感好大！（有冇諗過唔做嘢做全職媽咪？）自己打自己工好啲，時間易分配啲，不過一飛就難兼顧！（老公唔想你飛？）陪佢飛咪OK，自己飛就唔OK。」
唔捨得鬧仔仔
她說不介意BB先叫爹哋，自言不會呷醋。問到育兒心得，她說：「仲摸索緊，冇乜心得，生就易，教就難，仲學緊，兩歲半大仔開始調皮，要教，但又唔捨得鬧佢，更加唔捨得打！（老公做惡人？）佢係慈父，冇人做惡人，大家要猜情尋。」此外，出席畫展的還有同樣是藝術家的楊素珊和陳竹君，名模蔣怡的老公翁狄森亦有到場。
(東方日報)
歌手吳雨霏（Kary）在社交網上載胞弟在外地的結婚照，榮升大姑奶的她留言稱和弟弟感情很好，兩人小時候常常一起玩、睡覺、吵架等，又話年紀比她細的弟弟反而常做哥哥的角色安慰她，直到有一天弟弟要往外國升學，Kary才發覺大家已長大了。
Kary說：「今天看見弟弟牽着他妻子的手，在這個漂亮的風景面前進入人生另一個階段，我心裡（裏）是滿滿的感動。」她又在網上向弟弟和弟媳送上祝福：「我想在這裡（裏）祝福你們，你們要好好愛護和珍惜對方，同甘共苦，幸福的走下去！」
(on.cc東網)
為了做個靚新娘，她透露之前積極減肥及做facial，在四個月內瘦了6kg（13.2磅)，靚靚出嫁﹗
有「翻版謝安琪」之稱、由馬來西亞來港發展的歌手龔柯允（Karen），今日與香港髮型師男友Adam於尖沙咀文化中心簽字結婚，不少圈中好友到場送上祝福，包括關心妍、雨僑與男友羅力威、譚嘉儀、劉威煌、陳明恩夫婦及何弘軒等。Karen與Adam在交換戒指及簽字時，都顯得有點緊張，而在讀誓詞時，Karen更有點眼紅紅，但她很快平復心情，並進行拋花球環節，最後由譚嘉儀搶得花球。
受訪時，Karen坦言事前沒有想過會如此緊張：「我覺得唔使表演，唔使準備太多，只要扮到靚靚同埋讀誓詞，冇咩咁難，結果一見到個結婚主持人，我個心就開始跳，又想去廁所咁，個心好混亂，我連筆都調轉嚟簽，亦都有感動位想喊，但都忍住，因為想keep住今日個妝都靚。」她又爆老公非常緊張：「交換戒指時都驚會左右不分，所以我都有提佢左手係邊隻。」為了做個靚新娘，Karen透露之前有積極減肥及做facial，她在四個月內瘦了6kg（13.2磅)：「有減澱粉質，同埋晚晚做sit up同跑步，用天然方式去減肥，好有動力，覺得今日要最好狀態，自己出碟都冇咁大動力，會hea住，結婚就會出盡力，依家都好滿意！」
問到何時會補辦婚禮或擺酒？Karen坦言未定，希望明年可在港擺酒：「到時可以正式請返馬來西亞屋企人同親戚嚟，不過馬來西亞嗰度就已經定咗，5月19號會喺我家鄉納閩島擺酒。」至於婚紗相，她指希望在香港拍攝：「我係外國人，我好鍾意香港，所以一定要喺度影，老公係香港人，我覺得個文化差異好得意，希望將香港嘅文化留喺相入面。」提到與老公生活上的文化差異，她笑謂：「例如食飯會擺啲水喺度，佢會攞嚟洗餐具，我會攞嚟飲。同埋我笑得好大聲，我喺佢公司一笑，佢成間公司都聽到，拍咗拖好耐佢先同我講番，問我係咪個個歌手都笑得咁大聲。」而Karen坦言會在推出新碟後，才開始計劃可會生B：「我都想繼續唱歌，仲未放棄，老公好支持我，我都支持佢做想做嘅嘢，唔想大家有遺憾。」至於可會去度蜜月？她指仍未決定好地點：「可能去個細旅行先，擺完酒再去個大旅行，其實都係搵個藉口去旅行。」
(東方日報)
杏兒自己講架﹗
今年母親節宣佈陀B嘅胡杏兒，早前同「胡說八道會」班姊妹遊澳洲拍節目，近日已經重返工作崗位，今日更喺北京宣傳佢套大陸劇《那年花開月正圓》，同場仲有何潤東等合演演員。杏兒着咗條藍色長裙，條V領少少低，騷到吓佢升咗cup嘅上圍咁。
杏兒喺facebook貼相，仲以英文寫話自己鼻變大，同時，似暗示腹中BB性別，杏兒話：「看看我的鼻，哈！有沒有人可以告訴我為甚麼當你懷孕時，鼻子會變大？人們說因為你是在懷男孩，但其實懷孕婦女懷的是女兒也會有大鼻子。我對嗎？」咦？唔通杏兒想暗示個B係……？之前杏兒宣佈陀B時，有傳過佢一索得男，而佢後來出席活動時，提過一照到重要部位，個B就摺埋 ，所以BB性別一直未有答案，今次杏兒講到咁，明顯有暗示喎！
但個搞笑位係，杏兒老公李乘德（Philip）喺老婆個fb下留言，叫老婆記得話佢知，有個可能係佢哋朋友或網民搭嗲問佢哋係咪仲未揭盅玩驚喜？然後，同樣係準媽咪嘅楊洛婷，亦有留言，但佢話：「哈哈，好彩不是我！」就咁嘅，楊洛婷已經開咗估話自己陀女，而佢話自己冇變大鼻，但杏兒就咁講，即係…點啫？
(蘋果日報)
孕婦、哺乳媽媽更加要小心﹗
在華人地區，自古就有一些傳統老觀念，像是什麼「有病治病、沒病強身」之類的，其中又以人蔘最為被推崇。事實上人蔘在預防醫學的觀點上隱含有「上工治末病」，意即在病情發作之前有預防之效用。
人蔘依產地一般分為吉林蔘多出自中國吉林、高麗蔘指的是韓國而西洋蔘或花旗蔘一般出自北美洲、加拿大等地。人蔘在中醫學上被記載為「味甘微苦, 主治勞傷虛損、少食倦怠、陽痿、久虛不復等氣血津液不足之症」。
目前已知人蔘的功效可補氣固本、生津只可，可助抗壓、安神與增加記憶力及專注力，還能有效對抗疲勞滋補強壯、改善空腹高血糖症狀、提升免疫力預防感冒、改善男性功能障礙與增加精蟲活力、預防癌症(多醣體與人蔘皂苷)、抗衰老、舒張心血管平滑肌等。
長榮大學鄭瑞棠教授研究團隊在 2010年國際人蔘研討會中提出研究指出，從動物實驗中得知，老鼠服用人蔘粉3至4天可降15至20%血糖;多倫多大學烏克森醫師人體試驗亦證實人蔘粉有明顯降低血糖功效，其原理為人蔘可促進胰島素分泌、增進胰島素敏感度。衛福部許可之健康食品功能中，即有人蔘粉可調節空腹血糖值之功效敘述，坊間亦有許多相關健康食品字號商品。
人蔘若用於日常保健，建議每日1至3克即可，中醫強調若是服用人蔘，應避免與寒性食物(如白蘿蔔等)併食，且常見副作用為紅蔘引起之腹瀉、噁心、腹痛等腸胃症狀，這可能與熱性體質和紅蔘較燥熱相關，建議民眾在服用前還是詢問醫師較為恰當，此外，人蔘屬於含有藥性之食補，建議患有子宮肌瘤或乳癌(因含雌激素)、孕婦與哺乳媽媽、自體免疫疾病、服用抗凝血藥品患者等服用須謹慎。
(ETtoday)
