噚日係夏韶聲嘅65歲生日，不過佢噚晚仲有出席喺有九展舉行嘅頒獎禮，兼且仲獲頒發「殿堂搖滾成就大獎」，大會安排囡囡同孫仔現身台上，在「陳仔」陳柏宇陪同下切蛋糕慶祝。

夏爺受訪時笑言個囡同孫仔出現時佢都被嚇一跳：「噚(前)日同個女同孫仔食飯，無其他特別慶祝喇。」又笑言自己今年只係32歲，問到有乜嘢生日願望？佢話：「好想買返架電單車，以前都有揸，不過就唔喺香港希望喺美國，希望買架哈利或三輪車可以載兩個孫周圍去。」

喺14年結束第4段婚姻嘅夏韶聲，唔知有冇諗過再娶老婆，佢笑謂28至32歲識煲湯可以應徵：「講笑啫，唔會啦，o依家單身咪幾好，我個腦冇諗呢啲嘢好幾年㗎啦，身邊有咁多人幫，事業緊要。」睇番夏韶聲嘅「婚姻史」，第一段婚姻係19歲時與圈外女友奉女成婚，二人育有兩女，婚姻維持10年；第二段婚姻呢，太太係美國人，婚齡只有短短3年。到第三段婚姻，87年與智利籍嘅BiBi結婚，03年傳因無綫前藝員梁詠琳介入，導致離婚。男方對BiBi存歉意，曾予女方6位數字過難關。至於梁詠琳，二人最終也因財失義反目。到第四段婚姻，夏韶聲05年喺溫哥華演出時結識越南華僑、富家千金Tina，認識4日閃電結婚，於2014年7月離婚。

夏韶聲坦言前妻離婚後火速再嫁，佢亦不甘示弱，自豪地說：「我大把女友，最緊要阿叔開心！」另外，獲頒「鑽石閃爍成就獎」嘅陳淑芬，接受訪問時話自己從事行業四十幾年今次係第一次攞獎當係一個鼓勵，同時亦係頒獎嘉賓，負責頒獎俾幾位歌手包括太極、夏韶聲 同盧巧音，陳太又透露嚟緊會同南京藝術學院合作，舉行課程希望培育音樂劇嘅新人。

03年，夏韶聲跟第三任老婆BiBi離婚，有傳是梁詠琳做第三者。 (資料圖片)

2014年，當時62歲嘅夏韶聲驚爆撇年輕15歲嘅有米老婆Tina，離婚原因竟是嫌前妻太愛他太黐身。 (資料圖片)

（APPLE DAILY）

台灣女星林依晨來港出席活動，同場有韓國男星李東健，林依晨稱也有看過對方的作品，但未見過真人，問到會否想跟韓星合作？她坦言：「如果有好嘅劇本都想。（想同邊個合作？）太多喇，好多好嘅演員同歌手。（自己有冇鍾意嘅韓星？）冇，但都想合作。（係咪怕老公呷醋所以唔敢講？）唔係，只係唔想太刻意講。」

提到聖誕將至，林依晨表示沒有慶祝計劃，但覺得香港的聖誕節氣氛較濃厚，至於平安夜是她與丈夫的結婚周年，她笑言：「你哋咁都知，我都要上網睇吓有咩禮物啱。（會點慶祝？）比較重視平時相處點滴，節日反而唔會特別慶祝，但禮物就唔少得。（聖誕會唔會去旅行？）聖誕千祈唔好去旅行，人太多，我好鍾意去旅行，但都係揀閒日。」

對於女星舒淇因皮膚問題而暫時娛樂圈，林依晨亦身同感受：「我都試過因爲身體狀況而休息過，身體係我哋好緊密嘅戰友，要聽身體嘅訊息去休息。（自己有調理身體去生BB嗎？）我自從09年做過手術後，一直有注意調理身體，但唔係刻意為乜，我最近增加運動量，每星期會做兩次瑜伽同兩次TRX（懸掛訓練系統）。（幾時計劃生BB？）都要明年下半年，因為我農曆新年後要拍一套古裝劇。（劇中需要打嗎？）唔需要，但我有可能被打。」

 

(ON.CC)