陳冠希(Edison)同女友秦舒培3月生咗囡囡Alaia。
Edison最初將生女一事密冚，現在反而唔介意，不時喺IG貼愛女新動態。
之前有網民喺日本街頭見到Edison對住坐喺BB車嘅Alaia狂影相後。
噚日輪到女友秦舒培抱住愛女Selfie。
唔見一排，Alaia肥咗又可愛咗，咬住手指仔嘅佢，仲越大越似媽咪o忝！
至於生完未夠半年嘅秦舒培，已經極速回復窈窕。有model底子嘅佢，齋睇骨感身形，直頭瘦過未生前。
(Apple Daily)
【Alaia肥嘟嘟】素顏秦舒培瘦過生B前
【辛苦哂各位媽媽…】麥家琪一個湊三個﹕一分鐘叫60次媽咪
麥家琪、陳琪、李霖恩等今晚喺會展出席兒童音樂舞活動，麥家琪有兩子一女，年紀最細、今年5歲嘅囡囡以晴雖然好有表演慾，但就因為怕羞，所以唔敢上台表演，佢話﹕「平時阿女負責教我跳Jazz同Hip Hot，喺屋企就好生猛，但上到台就搣裙，好緊張，明顯唔夠自信心。(咁使唔使訓練吓？)唔使，會慢慢培養嚟。」佢仲笑細仔係賭神，每次影相都會好快擰轉面。
家琪話呢個暑期有開心有唔開心，因為平時三個小朋友一齊，佢就會覺得好煩，佢話﹕「佢哋一分鐘叫60次媽咪，我叫佢哋唔好再媽我喇，帶佢哋睇醫生，醫生都話我講嘢冇氣，仲搞牙醫啲嘢。但我知佢哋唔係曳，只係求知欲強。」家琪話o依家會中港兩邊走，直言小朋友返學後會接多啲幕前工作，唔想只係做家庭主婦。
而陳琪早前就帶小朋友去澳洲15日旅行，到當地體驗生活，佢話﹕「帶佢哋去農場睇羊牛，仲有上雪山滑雪，都似模似樣。爸爸(胡諾言)都有去，但好快就要先返香港，因為要趕拍劇，冇辨法，o依家一四口得佢一個搵錢，我就要幫佢加油！」
(蘋果日報)
【雪車斷鏈】陳琪一家雪山旅行遇險
陳琪（June）獨自到會展出席舞蹈學院周年匯演暨頒獎典禮活動，未見帶同子女同行。
她解釋早前一家到澳洲15天體驗生活，故女兒沒有時間綵排。
「我哋去咗農場睇牛羊，又上雪山學滑雪。但係老公（胡諾言）上雪山唔夠一晚，第二日就要返香港拍劇，細女知道就喊，話唔捨得爸爸。」
June又透露一家上雪山時差點遇上意外。
「我哋架車條雪鏈斷咗，我哋落車推車又剷雪。有其他車又跣咗落坑。」
問到胡諾言會否再與他們去旅行作補償，June謂要先等老公拍完劇集《特技人》，更透露胡諾言日前打風原本到飛鵝山拍攝外景，其後改到城門水塘拍攝，慶幸回到家才掛10號風球。
(on.cc 東網)
【輪流來港生B】蔣麗莎大鬧：冇腦
香港張智能身份證，睇落冇乜特別，唔小心跌咗而搞到要補發身份證，仲要370大洋一張，係肉赤嘅。偏偏恨攞香港身份證嘅人一啲都唔少，仲有好多都係大陸人，為咗張香港身份證南下，不過，係為方便出入咋！
好似湯唯咁，拍完《色，戒》之後，因為被大陸封殺，所以佢喺2008年透過優才計劃申請來港，並於2014年嫁畀韓片《晚秋》導演金泰勇，舊年在港誕下囡囡。By the way，呢位「金湯B」前日啱啱1歲生日，happy birthday！
另一個透過優才計劃申請來港做香港人嘅，仲有章子怡，佢喺2007年申請來港，然後於前年在港與大陸音樂人汪峰註冊結婚，同年年底，章子怡於美國誕下女兒「醒醒」，一家三口（唔計汪峰與前任生嘅子女），好大機會係全部唔同國籍。
以優才計劃申請來港，申請理由話係為方便工作，但咁啱個個都揀喺生仔嘅仲有胡軍同黃曉明，胡軍喺2008年取得香港身份證之後，其妻在港誕下次子。至於黃曉明就喺2009年以方便來港拍戲為由，透過優才計劃申請做港人，今年初佢太太楊穎（Angelababy）就喺香港生咗寶貝仔「小海綿」。
另外，近年開始轉行執導演筒嘅趙薇，喺2013年來港出席回歸活動，直言高興來到香港呢個大家庭，正式「升呢」做香港人。
不過，講到為攞香港身份證最歇斯底里，一定屬陳浩民同太太蔣麗莎，佢哋兩公婆五年抱四，先後誕下兩女兩子，但係，陳蔣麗莎遲遲到未攞到身份證，喺前年曾更因試過不滿遭入境處扣查、斥職員「冇腦㗎！」
講起入境處辦理證件，都有正面嘅例子，話說獲網民封為男神嘅馬國明，前年現身入境處，更被網民捕獲佢勁好心照顧一位老人家，後來先知嗰位伯伯係馬明爸爸，原來嗰日係馬明陪爸爸去辦理證件，準備全家人齊齊去旅行，網民紛紛畀like㗎！
(蘋果日報)
【笑容超似樣！】田蕊妮放假陪老竇回鄉探親
田蕊妮（阿田）早前講過自己將會休息半年，會趁呢段時間去吓旅行同陪屋企人。
阿田呢日坐言起行，陪爸爸返鄉下，佢仲喺社交網上載兩父女合照，睇相見到佢兩個笑容好似。
阿田留言話：「放假第一件事同老豆回鄉探親，同各位鄉親父老食飯放煙花直落唱K。老豆，我愛您！」
之後阿田真係上傳同爸爸唱K嘅短片，見到田爸爸相當有台型咁唱緊英文歌，雖然佢大多數時間只得背面入鏡，但完全感受到田爸爸嘅投入。
好多網民仲讚佢歌喉好，話阿田歌喉原來係遺傳自爸爸，難怪阿田留言話：「我老豆是歌手。」
(on.cc 東網)
【和好如初後…】溫碧霞孖老公賀仔仔生日超有愛
女星溫碧霞（Irene）自同老公何祖光和好如初後，二人感情就更勝從前，Irene仲不時在網上晒出一家嘅合照，見到佢哋冇事，總之大家都放心晒。
向來都視仔仔為心肝寶貝嘅Irene，呢日就喺社交網上載咗同仔仔Xavier慶生嘅相，仲留言表示：「Happy birthday to my lovely boy Xavier（生日快樂 我可愛嘅仔仔）小情人怎麼那麼可愛呢：)love u so !」
相中就見到Irene同老公一齊為仔仔慶祝，仲為仔仔預備咗兩個蛋糕，其中一個仲有可愛嘅卡通人物嘅造型布滿喺蛋糕上，相當精緻。
另一張相則見到Xavier攬住Irene，兩個都笑得好開心，網友都留言大讚真係幸福滿瀉，仲話有家人嘅陪伴，相信Xavier呢個生日一定過得好開心。
(on.cc東網)
【同哥哥一樣勁】超欣好叻女 令父母超放心！
賭王何鴻燊四房子女學業成績彪炳。
有自小被封為「數學天才」何猷君，讀書名列前矛，又以三年時間，讀完四年麻省理工學院（MIT）課程，又以21歲之齡破紀錄成為該校史上最年輕考進同一學院金融碩士課程，認真厲害。
原來妹妹何超欣一樣勁，與哥哥一樣喜歡數學，更曾在數學考試全級第一。
話咁快超欣要升讀大學，本身已獲不少著名大學取錄的她選了與哥哥何猷君就讀的麻省理工學院，與哥哥同校，令身為媽媽的梁安琪十分放心。
兩名子女都屬尖子，更入讀名校。
梁安琪接受訪問時表示：「好欣慰，佢入到咁好嘅學校，猷君一直都想妹妹同一間學校，可以畀意見同照顧到佢。」她更直言忙於選舉工作，故無法送超欣機。
(on.cc 東網)
【七年…】恭喜哂苟姑娘！
34歲嘅苟芸慧(苟姑娘)已ready做人妻，今年6月收下富三代男友陸漢洋(William)嘅家傳之寶。雖然未正式過門，但苟姑娘真係好「旺夫」，早前William更率領「一颷賽車」到馬來亞西出戰「亞洲勒芒衝刺盃」，結果勇奪年度總冠軍，成首位奪得該項殊榮嘅華人，認真威威！
苟姑娘o依家嘅正職就係做跟得女友，跟住William四處出埠賽車，有影皆雙。
不過，前日讀者吳先生透過爆相爆料，表示前日中午近12點喺灣仔入境處見到苟姑娘一個人，佢着住黑Tee黑裙同戴黑超，打扮十分低調。
吳先生表示認得佢嘅人唔多，佢話﹕「佢好似去補領身份證啩？！嗰陣都幾多人，但大部份都係唔同種族人士，有外國人、南亞裔、大陸人，反而冇乜香港人，所以冇人認到佢。」吳先生話見到苟姑娘喺前排角落位坐咗一陣，跟住就行咗去領證處，攞完之後好快就走咗。
苟姑娘透過短訊回覆﹕「哈，唔係唔見咗(身份證)，我去換/攞三粒星永久身份證。」哦…數數手指，苟姑娘其實係08年多倫多華裔小姐同09年國際中華小姐冠軍，之後佢就嚟咗香港發展，直至去年底約滿無綫先唔再續約。現在居港滿七年，正式成為香港人，真係恭喜晒！
(蘋果日報)
【身兼母職】吳若希未諗續約：5年後再講
吳若希（Jinny）為慶祝入行7年，特登從澳門返港出席歌迷聚會，穿上露膊連身裙的Jinny上圍明顯畀生完縮了一個碼。
由於她長居澳門，Jinny透露打風翌日與男友Alex落街做義工執樹葉，Jinny說：「我好Proud Of另一半，佢同佢隊球隊啲人有義載。」
問到有否想過搬返香港住，Jinny說：「都適宜係澳門住，冇咁大壓力。」
「等女大啲先諗，香港樓好貴，唔係正常人買到。」
對於連番被菊梓喬及林頴彤搶去「星夢一姐」位，Jinny說：「盡量Keep住做嘢幫公司搵錢，我哋冇一姐。我哋冇分彼此，大家都同級。」
Jinny表示將灌錄新歌，對於菊梓喬的歌曲《久別重逢》有望成為今年「金曲金獎」，Jinny說：「有實力同受歡迎歌係值得攞，佢首歌點擊好高。」
貴為人母的Jinny坦言現時除了事業還有家庭，問到約滿是否不再續約，Jinny說：「5年後再講。」
(on.cc 東網)
【兩個囡囡都係順產】趙頌茹分享小秘訣：決定順產就最好練定…
育有兩個女兒的趙頌茹（Yu），天生一副模特兒骨架，手長腳長，阿Yu自爆都有變肥的時候，尤其是坐月的「美好」日子，她由着細碼褲暴肥了兩個碼，健美身形需靠做運動、控制食量來經營。
阿Yu又分享生女經歷，她表示懷孕時因長時間留在家中休息，閱讀很多順產與剖腹的書籍，最終生兩個女都選擇順產，阿Yu說：「小朋友經過產道好似承受到壓力，我希望小朋友長大後可以承受壓力，所以揀順產。」
問到順產過程是否很痛？阿Yu說：「冇剝智慧齒嗰種痛入心，生仔好似有嘢要爆開，有種拉力，等待生時隔幾分鐘就痛，生完將BB擺係面前又好開心。」
阿Yu形容生女過程似「玩划艇」，她說：「雙腳要撐住，手要拉住，所以奉勸決定順產嘅朋友要練習划艇。」
(on.cc東網)