孫耀威（Eric）與太太陳美詩（Macy）現身鑽戒品牌Darry Ring的銅鑼灣專門店選購最新「Lock Me」系列的鑽飾。
受訪時，Eric表示兩人一直很喜愛巴黎的鎖橋，而剛好這次的鑽飾系列亦以「Lock Me」為主題：「我諗女人最想做就係想鎖住個老公啫。」
Macy笑謂：「但依家係你買畀我，即係你想鎖住我喎。」Eric笑說：「係我容許你鎖住我。」二人大放閃光彈！
Eric續謂兩人的結婚戒指亦是來自這個品牌，男士憑身分證一生只能訂造一枚：「我平時都好鍾意戴戒指嘅，有好多唔同款，但7月29號結婚之後，呢隻戒指我連沖涼都唔會除，慢慢習慣咗，覺得自己真係結咗婚喇，所以真係要有啲嘢揸手先得嘅。」
Eric笑言：「依家可以搵多啲藉口送禮物，好似七夕情人節、簽紙周年、求婚、行教堂周年、相識周年又可以送，總之keep住送，希望畀到最好嘅佢！」
「佢最近做宣傳又好辛苦，又剪短咗頭髮，冇乜頭髮遮住，就畀啲嘢佢帶吓。」Macy即取笑Eric說：「佢可能得個講字。」
至於生B計劃，Eric謂一切隨心所欲：「鍾意幾時生就幾時，唔會有個時間表，有就有，冇就冇，冇乜特別嘅計劃。」
(on.cc東網)
已育有3女的林盛斌（Bob）和太太Pearl，今年成功追仔。
囝囝日前出世，臉圓圓兼好多頭髮，Bob受訪時表示囝囝出世7磅。
Bob又笑指囝囝的「慈菇椗」何其壯大，仲勁過老竇﹗
昨晚Bob在facebook上載囝囝靚仔相，相中囝囝睡得香甜，面珠仔紅卜卜，好可愛。
「媽咪影低咗細路呢張甜睡相，好似又比三日前靚仔咗少少！你幾時可以返屋企呀….」
(明報即時娛樂)
關心妍（Jade）的囡囡楊榮心（Jovia）剛於上月尾度過了她的一歲生日。
年紀小小的心心遺傳了媽媽的大眼睛，皮膚白晢，絕對是個小美人﹗
關心妍今日在Instagram上載女兒的最新片段，片中她抱住Jovia，2人在廚房內看著麵包機焗製方包的進度。
關心妍問囡囡可想看看她第一次整的麵包，又問囡囡吃包包好不好？
心心就用她的BB「外星話」回答媽媽，十分可愛﹗
關心妍留言︰「人生第一次整麵包當然喺整比心心， 媽咪好有滿足感！」
（明報即時娛樂）
台灣歌手范瑋琪（范范）相隔四年，宣布重回小巨蛋開演唱會，記者會上一眾好友拍片支持，連老公陳建州的媽媽，即范瑋琪的奶奶也拍片支持。
她大讚范范是難得的好媳婦，不但善解人意且時時刻刻笑面迎人，而且對父母及婆婆都非常孝順：「有如此孝順、善良、洋溢着陽光，散發着歡樂氣息的媳婦，夫復何求」。
不過提到三年前冒着生命危險生下孖仔飛飛翔翔，語氣中仍舊充滿着心疼與不捨，因為當時范范打了數十次排卵針才造人成功，懷孕過程更出現頻尿及掉髮症狀，就連晚上也無法正常入眠，可說是歷經艱辛才生下雙胞胎兒子。
正所謂一孕傻三年，於記者會中，范范自爆生B後健忘的瘀事：「有次我媽叫我去倒垃圾及買蛋，當時垃圾車還沒來，我就先去買蛋，結果一回來我就把整包蛋扔上垃圾車，然後把整包垃圾帶回家。」事後范媽媽未有安慰，還嚇范范表示：「別人一孕傻三年，你生2個會傻六年喔！」
(on.cc東網)
陳貝兒口才了得，近年跳槽無綫後即獲安排擔任各大節目主持和司儀工作，與老公黃國棟結婚六年的陳貝兒突然傳出離婚消息。有指目前二人已分居一年，正辦理離婚手續。
今次陳貝兒被爆出離婚，事緣佢月前為新節目《嫁到這世界邊端》擔任主持，期間陳貝兒多次在鏡頭前落淚，情緒波動透出離婚端倪，惟當時她未有透露離婚一事。
直到今次被爆料才直認分居一事，報道亦指她表示婚姻觸礁是因二人相處問題，性格不合，與第三者無關，二人再見亦是朋友。
而星期三（30號）將會招開記者會，屆時陳貝兒亦會出席。
媒體聯絡陳貝兒，她只低調回覆：「多謝關心」未有正面回應離婚與否。
（on.cc 東網）
現年44歲嘅韓流始祖裴勇俊同31歲女星朴秀珍前年結婚，去年10月兩人做爸媽，朴秀珍為裴勇俊誕下慈姑掟。
大前日裴勇俊夫婦再傳出喜訊，宣佈朴秀珍再度懷孕，裴勇俊將再做老竇。
雖然朴秀珍方面未有透露懷孕幾多周，只表示係懷孕初期，而朴秀珍自公佈懷孕消息後，今日終於更新Instagram，並上載新照。
照片中，朴秀珍穿上藍色薄紗裙，雖然條裙好薄，但本身身形纖瘦嘅朴秀珍依然咁瘦，而小腹位置仲好平，似乎因為懷孕初期所以仲未見肚。
（蘋果日報）
劉亮佐、趙小僑今年4月在沖繩完婚，兩人不畏鬼月習俗，將在9月10日於台北辦婚宴，宴請500多位親朋好友，其中最令人期待的伴郎、伴娘名單，據悉會以過去喬傑立家族的人為主，趙小僑過去是女團「七朵花」團長，因此力邀團員包括陳喬恩、王宇婕、賴薇如等人合體，下週將定案。
趙小僑（中排右三）帶兒子（前排右起）探班劉亮佐。
趙小僑自從當了人妻後，一手包辦家裡大小事，為了籌備婚宴，她洗手作羹湯，為幫老公調身體、幫助瘦身，親自料理三餐，連劉亮佐排練舞台劇《莊子兵法》，她也帶著「愛妻便當」去探班。
劉亮佐14歲兒子銓銓遺傳老爸基因，擁有表演天份，日前一家一起上節目，銓銓馬上就收到戲劇邀約，接下公視《你的孩子不是你的孩子》中「媽媽的搖控器」單元，讓趙小僑多了「星媽」身份外，笑言似乎托了銓銓的福，接到下一檔戲。
(自由時報)
今年4月，韓劇《步步驚心：麗》男星李準基被韓媒踢爆跟《朝鮮射手》女星全慧彬拍拖。
不過，今日《首爾體育》爆料指，二人因為工作繁忙，男方拍攝有線台tvN新劇《犯罪心理》，而女方則參演SBS電視台劇集《操作》，導致聚少離多。
二人最近已經分手。
二人結束兩年感情。
二人所屬的經理人公司隨後證實分手消息。
（明報即時娛樂）
藝人黃浩然正在忙拍無綫劇《果欄中的江湖大嫂》，日日流連果欄，但生日都要抖抖，尋日（25日）就係佢42歲生日，罕有地將一家四口的溫馨合照放上ig，見黃太為黃浩然準備咗一個花花形的生日蛋糕，黃浩然就攬住老婆同兩個仔，場面十分溫馨，而其中有一張相，浩然更係攬到老婆實一實，而穿上低胸上衣的黃太不經意流露出性感的一面。
其實黃浩然一向都好保護老婆同仔仔，所以佢嘅社交網甚少全家福，多數都係工作照，所以今次真係極罕有！
人緣甚好的浩然，劇組都有為他慶生，其中同劇演員黃光亮及林子善兩個大男人向浩然送上「hehe」之吻，浩然留言話：「再次感謝劇組每一位兄弟姊妹，給了我一個很難忘的生日，也謝謝大家對我的祝福，收到哂（晒），感激，感恩，感動」
(on.cc東網)
陳展鵬同龔嘉欣噚晚喺中環出席一間酒吧活動，陳展鵬着咗件黑色通窿外套襯黑色衫嚟，本來冇乜特別，但特別在，呢件外套，早前陳生接受周刊訪問時，係著住佢。
不過，嗰次陳展鵬激好多，喺黑色通窿外套下襯白色背心，瓊姐都忍唔住為佢開post，話陳展鵬呢個look，營造體毛濃密嘅效果，搞到人好似置身喺千禧年代嘅羅湖夜場，時裝觸覺敏銳。講來講去，都係嗰句，即使陳展鵬依家喺無綫紅到發紫，但佢陣亞視除，不滅。
有網民笑言 :「MK味娘味用天拿水都拿唔走」、「的確好大陣味 等你話佢ok靚仔」咁陳展鵬當然都有睇呢個post啦，噚晚問番佢呢件事，佢話：「我都唔知今年服飾係點，可能呢個品牌鍾意vintage，或者覺得唔好睇，所以我今次再着一次，每個人有唔同喜好，唔會一窩峰跟潮流。」咁，你認同自己品味嗎？陳展鵬就話各花入各眼：「潮流要慢慢浸淫，我聽Wyman(黃偉文)講過，做任何嘢盡量唔可以錯，着衫可以錯，因為着錯衫可以着其他嘢，可以改，演員出嚟做嘢，都要鑽研服飾，與時並進吓。」
女朋友會唔會幫佢襯衫，佢說：「都會嘅，唔單止女朋友，媽咪都會幫吓眼，我媽咪審美眼光都好好，出街前有時間，會叫佢望一望。」其實單文柔咪就係佢形象顧問囉，之前有周刊講係單文柔主動抄陳展鵬牌、發短訊、自薦做形象指導。單文柔讀過IVE設計，之後去咗英國讀時裝設計學士，至於呢件通窿黑色外套係咪單文柔手筆呢？
展鵬又話近10年冇去過夜場，細個都會同朋友嚟玩吓，不過就講到自己成晚都係企，冇乜艷遇發生過。記者話佢着黑色裝束似夜蒲戰衣，佢就話：「黑色感覺上似出嚟蒲，平時玩都會低調啲，扮下戴帽、口罩tee。」
(蘋果日報)
