9歲「香港小巨肺」譚芷昀（Celine）越洋挑戰美國才藝真人騷《全美一叮》。
Celine特別在本月14日已出發飛往美國積極備戰，希望可以殺入準決賽。
雖然昨日被評判Mel B批評揀錯歌，但最終不負眾望成功晉級！
剛於美國播映的最新一集中，Celine憑演唱天后Mariah Carey與已故天后Whitney Houston合唱的電影《埃及王子》主題曲《When You Believe》出戰成功入圍。
再下一城與最強對手的10歲「小Whitney Houston」Angelica Hale交手。
冠軍在望，再一次為港人爭光！
(on.cc 東網)
佢搞笑謂：「佢話聽講我生咗個仔，我話之前仲有三個女，佢恭喜我之餘仲加多講『勁呀你』﹗嘉玲姐真係靚到爆炸，仲要一啲架子都冇，最開心係可以同佢一齊食煎釀三寶」。。。
影星劉嘉玲忙於拍攝英皇賀歲電影《我的情敵女婿》，昨晚「天鴿襲港」期間，台前幕後照常開工，期間她自拍上載到社交網站寫道：「風雨無阻。」一向「親民」的嘉玲與一班後輩演員包括林盛斌（Bob）、莊思敏及王菀之等相處愉快，當導演葉念琛「萬歲」時，眾人更一窩風「搶食」，嘉玲更成為眾人的集郵對象。
談到嘉玲的風采，Bob及莊思敏同樣高舉拇指讚口不絕。Bob搞笑謂：「佢話聽講我生咗個仔，我話之前仲有三個女，佢恭喜我之餘仲加多講『勁呀你』﹗嘉玲姐真係靚到爆炸，仲要一啲架子都冇，最開心係可以同佢一齊食煎釀三寶。」
莊思敏則感恩拍攝順利：「真係拍晒成組戲，個風先至打到嚟，大家走嘅時候都唔算好狼狽。其實我同嘉玲姐上次喺《賭城風雲III》只係擦身而過，今次就有對手戲喇，希望嚟緊可以喺佢身上學到多啲嘢啦。」
(東方日報)
剛剛先做咗爸爸冇耐，但突然被爆，兩夫妻有啲拗撬，就算喺朋友面前都面左左咁樣，傳佢哋兩公婆感情出現問題。。。
「MK Pop始祖」E-Kids近年鹹魚翻生，相隔14年再推出嘅新歌《一二三四》，雖然被網友批「睇到頭暈又作嘔」，但勝在夠爭議性，成功爭到人氣。有讀者拍得近期有啲「人氣」嘅成員阮民安（Tommy）孭住個幾個月大嘅囝囝現身機楊，見佢慢條斯理推住個行李篋行去機場商務櫃位辦理手續，未見太太Eva在場，不過佢個囝囝好乖，全程未有哭叫，乖到成個公仔咁樣。讀者又爆料話Tommy見事業有機會彈起，日日全情投入工作，成日唔返屋企，搞到佢老婆Eva嬲嬲豬，兩夫妻有啲拗撬，就算喺朋友面前都面左左咁樣，傳佢哋兩公婆感情出現問題。
「我同太太係分開嘅」
現身在日本拍新歌MV嘅Tommy接受東網訪問時就好直接話：「我同太太係分開嘅，喺工作上。」但否認婚姻出現問題，強調一家人都好幸福。至於點解唔見Eva一齊去日本？佢就話：「佢入咗閘先啫，呢啲傳聞都唔知喺邊度傳嚟，阿狗阿貓講啲嘢唔使理啦。（Eva去陪你開工？）唔係，佢係要去大阪做一個DJ騷，我哋都會客串吓，詳情要賣關子。（叫Eva客串新歌MV？）唔會啦。」而Eva嘅IG就甫咗一張孭住囝囝喺機場嘅相，Tommy呢次真係冇講大話。
咁點解又唔見其他兩位成員Alan及Kasa？Tommy就話：「佢哋同排舞老師去咗啦。（去咗？）去咗日本先，佢哋搭凌晨機，因為我帶住個小朋友要坐商務（客位）好啲，小朋友好似話唔夠兩歲，畀小小錢就可以搭飛機，可以平平哋去旅行。」
全日本班底製作表誠意
Tommy又指新歌《咪諗》花六位數字拍攝，起用全日本班底，又說：「托賴，我喺日本咁多年都識到好多日本朋友，無論生意、音樂及藝術上嘅朋友，我話拍MV咋，佢哋就一呼百應。」而專程到日本拍MV是想給歌迷驚喜及表達誠意：「想做畀啲歌迷知，我哋係有用心製作嘅，E-Kids過去十幾年都冇乜嘢撈，依家有機會，梗係想做好啲，追番以前啲時間啦。」
(東方日報)
竇靖童現身首都機場，一開始她獨自在機場辦理登機手續。辦好手續後，在機場閒逛等妹妹的竇佳媛到來。
兩人罕見同框穿衣風格一個比一個酷。
竇靖童更是大方露出手臂紋身。
竇佳媛剛剛迎來15歲生日，媛媛將過肩長髮剪短，一改過去少女模樣，頭髮短度直逼耳上，短髮模樣的越來越像姐姐。
姐妹倆無論是髮型或五官都猶如複製貼上般相似，兩姐妹的一對深邃內雙眼睛，都隱隱透露出一絲酷酷的氣息。
不少網友都非常驚豔直呼「竇唯基因太強大！」
(騰訊娛樂)
今年27歲嘅前港姐季軍劉佩玥(Moon)，舊年同伍允龍合作《城寨英雄》撻着，不過早前有傳Moon同伍允龍已經散咗。仲有指升呢做娘娘嘅Moon，收收埋埋唔少兵仔，分別有圈中「花王」周志文、ViuTV藝人陳安立等。
今日，Moon嘅兵庫又有新兵哥，講緊嘅就係同Moon、周志康近排組成嘅「Happy Live」合唱團嘅翟威廉。
有周刊話，Moon近排密密上翟威廉屋企，Jam歌Jam出真感情，暗撻3個月。同時，二人又喺新劇《跳躍生命線》中做情侶，名正言順，寓工作於拍拖，更喺其中一場拍攝中，奉旨咀嘴。
另外，周刊指Moon同翟威廉喺拍攝期間，試過一包麥精兩份飲，Moon自己飲完，好順手遞俾翟威廉啜，見對方熱，Moon仲劇本當扇，幫翟撥涼，有娘娘幫自己撥扇，翟威廉當然冧爆。其實做慣兵嘅翟威廉，之前一直圍喺陳庭欣身邊氹氹轉，自從女方暗中另結新歡，已有兩年冇拖拍，眼見Moon身邊未有真命天子，當然加多兩錢肉緊，最終追玥成功。
(蘋果日報)
熊黛林（Lynn）晩上出席電影《俠盜聯盟》首映禮，她表示由於老公郭可頌不在港才單拖赴會。
在接受訪問期間Lynn的廣東話明顯講得唔係好順，她解釋：「老公唔喺香港幾日，搞到我啲廣東話都講得唔正！」
談及工作，Lynn表示尚未有新戲開拍，但Keep住工作：「可能去嘅地方偏遠，大家唔知道。」
問到籌備生仔，Lynn就話：「啲人就係驚我生仔，冇人搵！不過，都有啲嘢傾緊未落實，所以唔講住。」（造人如何？）努力中！（有報道話你睇著名生仔中醫？）係呀！因調理身體要睇好耐，要慢慢嚟！」
一邊話生仔但一邊又四出工作，好難兩全其美，Lynn卻稱：「都OK嘅！（老公有冇叫你安心留喺屋企生仔？）佢話只要我開心就得，試過有幾日悠閒喺屋企，都周身唔舒服！」
(on.cc 東網)
韓國女星朴秀珍於2015年7月與韓流始祖裴勇俊結婚。
二人並於去年10月誕下一子，朴秀珍亦不時在社交網晒恩愛及公開湊仔生活。
據韓媒今日報道，剛度過結婚兩周年的朴秀珍與裴勇俊將再度榮升父母！
據悉朴秀珍最近懷有第二胎，仍是懷孕初期，所以仍非常小心。
其所屬事務所亦確定她懷孕的消息。
(on.cc 東網)
「人人都想富貴，唔通人人都富貴咩？」好多人都覺得參選港姐有機會飛上枝頭變鳳凰。
10位決賽佳麗今日喺銅鑼灣出席首飾試戴活動，年紀最輕，只有17歲嘅6號邱晴早前被踢爆家住沙田美田邨公屋，原來佢身世都幾坎坷，來自單親家庭，佢話由細到大都係由媽咪一個人湊大，所以母女關係好到似朋友一樣，講嘅時候仲眼泛淚光。
問到今次參選係咪順應媽咪要求？邱晴話﹕「唔係，係自己想令媽咪驕傲有我呢個女，我做乜，媽咪都會支持，o依家仲陪我一齊減肥。(媽咪想你入行？)我可以做自己鍾意嘅事，媽咪就會開心。(爸爸呢？)我哋好耐冇聯絡。」據大會公佈資料，5呎7吋半高嘅邱晴有125磅，佢直言減肥問題令佢最頭痛，雖然o依家已經瘦咗少少，但都要繼續努力。
而佳麗今日互選「最佳首飾演繹佳麗」，最後由10號張寶欣奪得，佢話唔怕好似家姐張寶兒咁，攞完「友誼小姐」後三甲落空。
有指寶兒同寶欣家境頗富裕，成家住跑馬地禮頓山，屋企人響禮頓山有至少有七個單位，問到家姐承認同袁偉豪拍拖家人有冇反對？佢話﹕「冇，屋企人對我哋揀對象唔會太嚴謹，媽咪睇到家姐新聞(拍拖)仲笑，我問家姐，家姐就笑得好甜。」
（蘋果日報）
望到實一實咁，睇嚟狗狗都好期待BB出世！成個畫面超有愛！
前港姐楊洛婷（Rabeea）與樂隊Dear Jane主音老公黃天翱（Tim）婚後積極造人，今年4月終於宣布造人成功，認真恭喜！恭喜！為咗慶祝BB即將來到世上，Rabeea同老公早前更搞咗個Party同老友齊齊慶祝，佢哋仲大爆BB嘅性別係女仔嚟㗎！
話說呢2日香港都打風，身為大肚婆嘅Rabeea為安全着想就梗係留喺室內，不過佢都有玩吓Instagram打發吓時間嘅。
佢喺Instagram甫出一張同愛犬Tyrese嘅合照，並留言：「Tyrese is going to be a big brother soon！（Tyrese就嚟做哥哥喇！）」
相中見現時懷孕34周嘅Rabeea雖然着上長裙遮肚，但都睇得出個肚成個籮咁大，真係好誇張！而Rabeea身旁嘅愛犬就一面純真咁望住主人，成個畫面好有愛呀！
(on.cc東網)
楊愛瑾（Miki）於2017年3月底生咗囝囝Luken，個樣似足爹哋郭永淳，眼仔碌碌超可愛！
Luken咁人見人愛，當然有好多哥哥姐姐爭住探佢，連歌手薛凱琪（Fiona）都好錫佢㗎。
呢日Fiona仲喺社交網上載同Miki一家三口聚會嘅照片，見佢抱住Luken騷母愛，而Luken亦好叻豬咁望住鏡頭，真係好萌！
Fiona留言：「A sweet night out with awesome people.（同佢哋有一個甜蜜嘅晚上）」
而Miki事後亦有上載合照，留言：「It was a great night@physit.（同Fiona有一個愉快嘅晚上）」Fiona第一時間回覆：「Your baby is killing me with cuteness.（你個囝囝得意到殺死我）」
(on.cc 東網)
