陳冠希（Edison）與秦舒培的囡囡Alaia，今年3月出世，現時囡囡5個多月大。
有女萬事足的Edison間中在instagram上載Alaia可愛照片。
據報道，有網民昨日在日本街頭遇Edison，當時Edison打扮隨意，推著BB車，用手機替囡囡拍照，享受親子時間。
未知Edison是否知道被偷拍，他晚上在instagram上載圖片，並留言表達不滿。
「U WONT LIKE IT WHEN IM ANGRY（當我生氣時你絕不會喜歡）﹗」
(明報即時娛樂)
【IG留言勁不滿】陳冠希被偷拍街頭湊囡
【10號風球】Jazz都嚇呆咗
歌手蘇永康出席音樂會，當了爸爸的他不時在網誌分享囝囝展弘（Jazz）相片，問到香港日前打10號風球有否嚇親囝囝？蘇永康說：「當日起身見兩個工人喺廳扯番埋個窗同露台度門，到囝囝醒咗就抱佢去窗邊感受下打風，佢平時會不停用手爪人，突然靜晒同定晒，5個月大嘅BB都感到恐懼。」
對於澳門受風災影響出現死傷情況，蘇永康說：「希望澳門成個市區盡快復原，香港算係福地，不幸之中大幸，知道有市民啲車被浸，都係錢財身外物，至少保住條命。（有澳門朋友受影響？）相信大家都平安。」由於香港又有颱風逼近，蘇永康說：「希望各地都唔會有太大影響，天災真係話唔埋，天佑港澳。」
(on.cc東網)
【低調飛日本】謝霆鋒孖王菲共度生日兼七夕
王菲同謝霆鋒又被網民捕獲，繼早前兩人在日本機場過關時被人影到。
呢日再有網民聲稱喺日本又撞見「鋒菲」拍拖，似乎日本係兩人嘅拍拖聖地。
不過今次兩人就比上次更加低調，佢哋更刻意分開排隊，霆鋒戴住cap帽孭住背囊，翹住手擺出一副Cool爆樣，而阿菲則戴住黑超不停撳電話。
其實本月29日係霆鋒生日，所以有網民估計今次係阿菲為霆鋒慶生之旅，兩人仲可以喺日本過七夕，夠晒浪漫。
(on.cc 東網)
【唔怕老公嬲豬？】李嘉欣孖好姊妹齊賀家姐生日！
「大美人」李嘉欣（Michele）與姐姐李嘉明感情深厚，兩姊妹不時相約見面，日前適逢係李嘉明嘅牛一，Michele即約埋好姊妹盧淑儀及邱李茂琪，齊齊為姐姐慶生，相當識做！
Michele喺社交網分享慶生照，相中所見佢哋個個都悉心打扮，着到靚一靚現身，其中Michele以露肩裝上陣晒鎖骨，十分養眼。
佢哋仲高舉香檳，又準備咗大蛋糕為壽星女慶祝，睇嚟玩得好盡興喎！
另外，盧淑儀亦有喺網上晒合照，見佢哋仲拉埋靚仔外籍大廚影相添，莫非唔怕老公「嬲嬲豬」？
(on.cc東網)
【細細個就識】千雪BB承認與醫科男「發展中」
朱千雪現身活動，提到早前有指她與讀醫的圈外人Justin蜜遊新加坡。
問到是否拍拖，她反問：「邊個話我拍拖？相處緊，幾開心。只係趁有假期去旅行，我哋識咗好耐。」
千雪表示二人「細細個就識」，更指自己媽媽同對方媽咪仲friend過她們二人。
Justin(後排左)
講到對方，千雪話：「佢都幾好，依家大家相處吓先，我唔急。大家都係近期先聯絡番，close咗啲，因為之前大家喺唔同地方。佢係香港人，但喺外地工作。」
朱千雪坦言不想講得太詳細，不是怕被公司鬧，而是因為對方是圈外人，有責任保護對方不被打擾。
至於如何撻着，她說：「大家相處得舒服，發展得好自然。」
問到要觀察幾耐，千雪就表示：「觀察到夠為止，需要多啲時間，大家又唔喺同一個地方，唔想諗咁遠，只係要諗下次幾時見、去邊度食飯。」
問到是否已經封盤，她就表示：「唔識答，我知道係咩意思但唔識點答。（你要畀啲訊息其他追求者？）我冇其他追求者，所以唔使畀，總之結婚通知你。」
(on.cc 東網)
【提早報到】B囝出世啦！
狄龍兒子譚俊彥傍晚再做爸爸，添丁湊夠一個「好」字，譚俊彥已有一個兩歲多女兒譚晴，其內地女星太太任祉妍原定月尾才分娩，但突然作動，比預產期早了一星期，譚俊彥即時聯絡醫生，安排太太入院開刀生B，而之前女兒出世時，其父狄龍遲了到醫院，故今次再做「爺爺」的他不想遲，搶先到醫院看孫仔。
譚俊彥接受訪問時坦言因為之前有經驗，故今次不太緊張，他坦言有入產房「陪生」，但就沒有剪臍帶，因為醫生不批准。他謂：「呢排開工都好忙，拍緊《特技人》，冇乜時間瞓，每日只瞓幾個鐘，試過揸車返公司喺公司門口瞓着咗，套劇都要拍到十月，今晚都要開工，但唔緊要，預咗時間會照顧太太同幫手餵奶。」問到再做父親心情如何？他笑言心情好反覆：「成日着住戲服，做戲多過做自己，有啲亂！」
女兒叫「譚晴」，今次他為兒子改名為「譚杺」，因為自己鍾意兩個字的名字，又笑言：「譚晴、譚杺（談情談心），好玩嘢呀！」問到會否再生小朋友時，他坦言將來有個「老三」都好，但要等小朋友大個一點先，又謂：「等我拍多幾個劇賺多啲錢先。（點獎勵老婆？）未諗呀！我啲錢喺晒佢度，佢鍾意點就點。」
之後他又透露爸爸狄龍好開心，問狄龍鍾意孫仔定孫女時？譚俊彥坦言：「都冇乜特別，佢都好錫孫女，不過佢係一個好傳統嘅男人，大家都明啦！大家諗啦！」
(on.cc東網)
【溫差係皮膚殺手】過敏VS敏感你要知！
今年（2017）8月連續10天氣溫超過36℃，已打破記錄，天氣一熱就想開冷氣，戶外超過36℃，室內冷氣至少26℃，一口氣就相差10℃，此溫差已近乎極端氣候了，對肌膚適應力的考驗更高，iStyle特地專訪皮膚科醫生邱品齊，教你在劇烈溫差下如何養出好皮膚。
過敏VS.敏感
很多人會混淆「過敏」跟「敏感」，但其實是不同的兩件事。「敏感」是皮膚無法承受外界改變而產生的症狀，只要環境、空氣條件或溫度一變就不舒服，通常是發生在臉部肌膚；而「過敏」則是對特定的物質產生過度的免疫反應，像是對灰塵、塵蟎引起體內免疫力誘發，常是全身性過敏，像是結膜炎、鼻子過敏、肌膚則是異位性皮膚炎等。
「溫差」是皮膚殺手
除了空氣汙染、霧霾等環境因素，人為造成的溫差也是讓肌膚容易敏感的原因。夏天氣溫屢次飆高到37、38℃，加上室內空調至少開26℃，室內外溫差高達10℃以上，外頭潮濕悶熱、冷氣房涼爽乾燥，一但進出冷氣房次數頻繁，肌膚一天要承受4種不同溫度濕度，只要一適應不良就敏感出狀況了。
敏感前三名
現在有4成的人認為自己是敏感肌膚，邱醫生說這是10年前看診從未遇過的事。目前比例最高的敏感症狀前3名是：「發癢」、「泛紅」、「乾癢」，刺痛或冒疹子也是敏感的症狀。但肌膚敏感其實是一種狀況，而不是皮膚生病了，是因肌膚調節能力變差造成，每個人敏感狀況不一樣，若超過一週依然無好轉就要看醫生。
敏感從「保養」做起
尤其多為年輕女生因敏感看醫生，邱品齊醫生建議在用藥之前，可以先從保養面改善，如果狀況不顏嚴重，靠做好保養也會恢復到八成，以下三件事一定要做到：
1 溫和清潔
洗臉一天1、2次即可，洗太多次或用清潔力太強的洗面乳，都反而會讓皮膚角質受傷。
2 持久保濕
選擇保濕力持久的保濕品，起碼要用保濕凝露凝膠或精華，化妝水或噴霧的保濕效果太短暫，若肌膚偏乾者就需用上乳液乳霜。只要肌膚長時間不覺得乾繃緊繃，就是適合自己的保濕產品。
3 「低敏」防曬
挑選防曬有個小訣竅，先小範圍搽在臉頰接連髮際處，千萬別試在手背上，因為手部肌膚的角質層很強壯，絕對試不出效果的，連續搽3、4天觀察，若沒有刺癢起疹子等不適狀況就沒問題。
（自由時報）
【繼林青霞關之琳之後】媒爆「小倩」王祖賢雙線復出
息影女星王祖賢移居加拿大多年，近年鮮有現身香港，不過佢平時都會網上甫相晒靚樣，所以都仲Keep住大班粉絲，人氣依舊。近日大陸傳媒傳出50歲嘅王祖賢將會喺2018年全面復出，仲會又拍戲又接劇，簡直就係女神歸位！
近年多位女神級美魔女都紛紛復出，就好似2015年時林青霞就參與內地真人騷節目《偶像來了》錄影，又玩遊戲又行Catwalk，帶挈收視節節上升。
而今年又有關之琳以豪宅價復出接拍大陸真人騷《我們來了2》，仲跳埋落池塘摸魚，親民程度勁高。
今次王祖賢雙線復出傳聞雖然未經當事人證實，不過已經造成網絡哄動，唔少網友都表示支持！
當年王祖賢憑電影《倩女幽魂》中演聶小倩一角，紅遍東南亞，又曾遠赴日本發行日語專輯，成為當年圈中數一數二嘅人氣「女神」。
依家嘅王祖賢狀況大勇，仙氣湧出嚟，加上一對長腿，相信復出都會掀起電影、電視劇嘅搶人潮。
(on.cc東網)
【清胎毒！】個肚仲大過個西瓜好多啊﹗
「好嘢！終於可以食西瓜清胎毒！
I didn’t realise my bump is so much bigger than the watermelon I bought! 😜 (我都唔知原來我個肚仲大過個西瓜咁多﹗)」
楊洛婷（Rabeea）同老公DearJane樂隊主音阿Tim上星期就搞咗個《BB Gender Reveal Party》話俾大家知即將出生嘅BB性別，而準媽媽肚中嘅就喺一個BB囡﹗
剛剛，Rabeea又更新咗佢嘅社交網，曬出一張同老公兼「西瓜」嘅合照，仲寫話：
「好嘢！終於可以食西瓜清胎毒！
I didn’t realise my bump is so much bigger than the watermelon I bought! 😜 (我都唔知原來我個肚仲大過個西瓜咁多﹗)」
就咁睇，Rabeea個肚又真喺好大喎﹗唔知BB囡到時會唔會都一樣咁夠份量呢﹖好期待啊﹗
(instagram)
【新婚四個月仍分居】有米老公原來已經有幾個仔女
今年四月宣佈嫁人，不過另一半卻被揭原來已經有幾個小朋友，而佢都喺於報道出街前先知道。。。
39歲日本女星菊川怜喺今年四月宣佈嫁人，其另一半即被起底，佢老公原來係著名實業投資家龝田譽輝，身家達200億日圓（約14億港元）。龝田譽輝之後再被爆私生活混亂，擁有4名私生子。
據最新一期雜誌《女性自身》報道，菊川怜喺老公被揭有多名私生子後，受訪堅稱自己知情，但其實龝田譽輝喺報道出街前先話畀佢知，事件亦影響到佢哋夫婦感情，自此佢哋未冇好好傾過，亦冇一齊住，結婚四個月以來仍然分居。雜誌亦拍到菊川怜喺本月15日完成工作，同經理人食完午餐之後，一個人喺街撐住雨傘，漫無目的咁行咗一個鐘頭，睇嚟心事重重，之後佢就去咗一間美容店做瘦身按摩。
(蘋果日報)