8月27日是張智霖（Chilam）的46歲生日，今日他出席其代言的月餅活動時獲大會送上冰皮月餅蛋糕慶祝﹗Chilam透露生日不打算搞飯局，只想約朋友開幾枱麻雀聯誼，贏了錢的話就捐去做善事。
他笑言︰「我習慣了『三娘教子』，但不會告訴大家『三娘』有哪幾位，總之太太非其中一個﹗點解？因為我們不同班﹗如果真的要搞生日飯局，希望出席的朋友可放下手機，面對面地傾偈和吃飯。雖然平日最愛玩手機的人是我，但我知衰了﹗」
囝囝魔童可會送禮物？Chilam說︰「我沒要求，羊毛出自羊身上，最後都是由我付錢﹗他健康成長就是我最大的禮物﹗」
(明報)
韓國女團After School嘅34歲前成員正雅，2013年跟男團SHINee隊長溫流約會斷正，當時被爆已秘密拍拖一年，不過二人就否認戀情。
直至前年正雅被傳跟細5年嘅籃球員鄭昌英拍拖，今日二人更公佈好消息，表示將於明年4月28日結婚，正雅所屬事務所亦承認婚訊，指二人拍拖一年，最終認定對方為終身伴侶。
(蘋果日報)
王浩信（Vincent）同袁澧林今日喺九龍塘出席《香港國際時尚匯展》記者會，有報道話Vincent早前趁假期陪囡囡到公園踩單車，暖男變暖爸，仲一手拎毛巾，一手拎水樽，相當溫馨。
Vincent今日喺活動被問到此事時話：「希望大家畀啲空間我屋企人，一路唔想囡囡曝光，係想佢有個私隱童年，因為暑假，我都放假陪佢多啲。」問到囡囡係咪有投訴？Vincent話：「佢好番啲，黐多咗我。」
之前有傳Vincent同老婆陳自瑤陷入感情危機，今個星期日就係老婆生日，Vincent就話唔使返工會一齊過，仲話已經準備緊驚喜。
Vincent透露嚟緊會開新劇，佢話：「係要打拳嘅，同伍允龍合作，佢20幾嚿肌肉，好有壓力，我點都要有6至8嚿。希望觀眾包容，因為我知道有觀眾唔鍾意我除衫。」
(蘋果日報)
亞視出身入行32年嘅黑仔姜皓文，近年主力參與電影拍攝，雖然今年已經50歲。。。
亞視出身入行32年嘅黑仔姜皓文，近年主力參與電影拍攝，雖然今年已經50歲，不過佢嘅產量真係有返咁上下，兩年拍咗26部作品。而佢唔止量多，仲質素方面都有返咁上下，仲憑電影《樹大招風》問鼎今年嘅金像獎最佳男配角，雖然最後輸咗畀曾志偉，不過仍然獲得唔場掌聲。
雖然黑仔平時都係做配角為主，不過近日佢就接咗套新戲《電影痴漢》，仲係入行以嚟第一部擔正男主角嘅戲，飾演患有老人痴呆症嘅病人。同劇仲有周國賢、廖子妤、陳靜（DaDa）等一眾演員。而日前黑仔同周國賢仲去咗荔枝角開工，當日喺一間夜冷店拍攝做場境，店中放滿雜物加上大班工作人員同器材，搞到大家企埋出行人路，而等埋位兩位演員都只係喺店入面企埋一班。而店內冇冷氣設備加上當日高溫，真係熱上加熱，所以不時見到化晒妝嘅黑仔同周國賢都要不停抹汗。到埋位嘅時候，正式拍攝嘅時候拍到周國賢嘅戲份，講到佢入到夜冷店準備買嘢，不過收到一個電話之後就走咗。雖然一個簡單鏡頭都先後拍咗幾至收貨，每次一喊「CUT」嘅時候，都有工作人員幫周國賢梳頭抹汗同補粉。而黑仔呢，雖然未有佢份，不過佢就企喺門口睇住，非常專業。
(蘋果日報)
今年46歲的韓國女星李英愛，一直堅持捐款做善事，昨日她向殉職士兵的家人及受傷士兵送上慰問金，更資助其中一名殉職士兵的兒子的善行被公開，獲得網民激讚。
而最近她與一對仔女一同為雜誌拍攝寫真，寫真於李英愛位於韓國楊平的住宅中拍攝，公開他們親近自然及環保的生活。
寫真中展示了他們一日的生活，包括李英愛與兒子一同到田裏摘果實、捉在草地的蜻蜓，她與丈夫一同散步及她的仔女一同與幼稚園朋友玩等等的日常面貌。
李英愛表示孩子在這裏不經不覺住了5年，初初以為在這裏生活不容易，會感到不便，但發覺這樣親近自然的生活很好，自言成為媽媽之後價值觀也變了很多，比起自己開始更加注意身邊的人和事。
一班星二代開學日，天后陳慧琳的5歲細仔劉琛（小龍包），今年已升讀Year 1，貼心的索媽Kelly更安排小龍包與哥哥劉昇（蝦餃仔）就讀同一間國際國校，等兩兄弟可以互相照應。小龍包第一日返學，Kelly未有現身接送，放手交給哥哥劉昇和兩位外傭照顧弟弟。
下午三時許，就見劉昇和劉琛穿上藍色校服和短褲仔由兩位外傭一人拖一個離開學校，哥哥劉昇反應好快見到記者拍照即說：「Paparazzi （狗仔隊） ！Paparazzi！」更作狀暱在外傭身後，但最後都好乖和大家Say Hi！
反而細佬劉琛就顯得一臉好奇樣，相當可愛。問到劉琛第一日返學開唔開心？劉琛就好怕醜，細細聲答：「開心。」之後就隨哥哥上了七人車。
（on.cc東網）
歌神陳奕迅（Eason）身在台北為10月推出的國語專輯《C’mon In~》宣傳，昨日(23日)已在台北舉行完新歌試聽會，但今日即傳來Eason突然身體不適要取消餘下的台灣通告，緊急改航班飛返香港求醫。
Eason日前因驚受颱風影響，提前飛到台北舉行新碟發布會，落機時已經見他戴住口罩，向工作人員表示身體不適，在昨日試聽會上Eason也向傳媒表示身體有點不適，活動後他還要連做幾個宣傳活動，直至晚上十二時才回酒店休息，可謂舟車勞頓。
對Eason盛傳因急病取消台北之行餘下的宣傳工作，Eason的經理人甘菁菁表示：「唔係咩病，佢只係喉嚨發炎，其實Eason想繼續通告，但我唔想佢咁辛苦，因為佢台灣之行後仲有工作，當年佢開演唱會就因為喉嚨超級發炎，搞到入院，所以佢喉嚨開始唔舒服，就小心啲好，所以我就建議佢取消宣傳工作，今日可以喺酒店好好休息，之後就返港睇醫生。」
(東方日報)
黃翠如好大方咁話：「我覺得鍾意一個人就算女仔主動都冇所謂」。。。
藝人黃翠如昨日出席活動，她在台上分享自己喜歡到北歐地區旅遊，覺得當地很有生活態度，又喜歡將車尾箱當作小貨倉，認為新型號車款內籠大有安全感。
認真諗吓求婚
日前患感冒的翠如表示服用抗生素及類固醇後已開聲，問到男友蕭正楠有否準備補品給她，她笑言：「佢仲叫我打邊爐，好耐冇打過，考慮到會失聲就冇去到。」問到會否擔心影響工作，她透露將會情侶檔到澳洲登台：「本身因為要唱歌都有啲擔心驚唱得唔好。（咪嘴咪得囉？）冇用，都冇錄到個Demo。（會唔會順便玩埋？）未必得，返到嚟要做嘢。（驚唔驚再畀人傳秘婚？）我諗住認真諗吓同佢求婚，等大家唔好再傳，我覺得鍾意一個人就算女仔主動都冇所謂。」
蕭正楠冇脾氣
此外，又問到翠如在計劃驚喜方面如何，她表示很差：「上次我哋自駕遊冇計劃行程，前一晚睇住個地圖睇到個名幾得意，結果去咗個近海嘅地方。我自己ok嘅，但佢（蕭正楠）就覺得冇咩安全感，開頭仲以為我去旅遊會有好多計劃，但我就話有車，有咩事就停低有架車瞓覺。（你揸車定佢揸？）本身我有嘗試揸嘅，不過佢好好話『你攰喇』唔放心，揸得好過我。（會唔會嗌交？）冇呀，佢個人好『腍善』同埋冇脾氣。」
(東方日報)
隔咗4個月，佢今日喺ig貼相，相中女子肚皮上寫住「13 WEEKS NOW」，而佢就喺留言到話「Gonna be a daddy」。。。
唐詩詠同洪永城今年5月宣佈分手，原因眾說紛紜，其中一個，係話太陽世紀集團主席 周焯華（洗米華）嘅愛將、集團執行董事盧啟邦力追。
唐詩詠之後哭訴唔係貪錢，同時否認同盧啟邦嘅緋聞，隔咗4個月，盧啟邦今日喺ig貼相，相中女子肚皮上寫住「13 WEEKS NOW」，盧啟邦就喺留言到話「Gonna be a daddy」，宣佈就嚟做老竇，唔怪得唐詩詠之前喊晒、好唔開心，果然時間係證明到事實嘅。
(蘋果日報)
今年4月，無綫甘草馬海倫在微博，公開尋找資深演員。。。
今年4月，無綫甘草馬海倫在微博，公開尋找資深演員岳華的消息，她在微博中留言表示：「各位華哥粉絲(岳華)，最近我都冇華哥消息，只是聽到朋友說，但我又不放(方)便講，希望他早D同我聯絡，祝他身體健康。」令人擔心岳華的健康狀況。
今日，一度「失聯」的岳華，終於再有最新消息和近照，他以影視人協會創會會長身份，出席溫哥華「一劇場」近日公演的舞台劇《一麵情緣》記者會，同場還有近年在港鮮有露面的周秀蘭，她以溫哥華影視人協會現任會長身份現身記者會，還有首次和「一劇場」合作的雷安娜都有到場打氣。相片中，74歲的岳華，穿上無綫的彩藍風褸及藍色牛仔褲，頭戴米白色cap帽及眼鏡。身形明顯比前瘦削，膚色亦比較黝黑，手執着枴杖，但精神不俗。早年岳華和太太恬妮及家人移居溫哥華，直至07年再回歸無綫電視主演劇集。包括有《珠光寶氣》、《巾幗梟雄》，多年來香港、加拿大兩邊飛。而岳華返加拿大居住前，最後拍的一套無綫劇集，便是前年和洪永城拍的《張保仔》。
(蘋果日報)
