百年修得同船渡，千年修得共枕眠。有傳一百年嘅緣份，先可以喺今世坐同一艘船，能夠共諧連理，走到白頭，相處都係學問嚟。
62歲導演張堅庭同楊受成大女楊諾思結婚廿幾年，人前恩愛，做兩公婆最重要係點維繫二人嘅感情，今日有周刊指日前張堅庭同楊諾思去一個教會嘅見證會，講起兩公婆相處麻麻，成日嘈交，張庭堅話當年同太太一齊，就係因為太坦白出事，佢同咗太太講自己以前有一個空姐女友，仲講埋對方喺邊間航空公司做，點知太太每次同佢坐呢間航空公司，就會問張堅庭會唔會見到前度，有冇見過前度之類，搞到好似去「鬼屋」咁，佢哋又成日嗌交，有時會掟嘢，撞正張堅庭事業走向低潮，佢就喺21樓企跳，咁最後都冇事，報道指張堅庭當時有驚恐症，最後喺2002年透過信仰，令自己改變。
(蘋果日報)
鄭希怡同囡囡梁子柔（梁浸浸）喺網上人氣高企，早前仲參加咗內地真人騷《不可思議的媽媽》，入面梁浸浸一舉手一頭觸，真係令到唔少網友大呼好可愛！
喺最新一集，身上得番五蚊人民幣嘅鄭希怡，要去打工賺錢等佢可以帶埋梁浸浸返屋企，鄭希怡去到一間賣童裝嘅鋪頭，一開頭老闆娘已經認得佢，仲話要求合照，點知喺呢個時候，佢竟然同老闆娘話叫佢畀一百蚊人民幣，當時老闆娘即刻嚇一跳，話影張相竟然要收費？
之後鄭希怡話因為啲錢畀工作人員沒收，所以得五蚊人民幣嘅佢要打工搵錢返屋企，老闆娘一聽到之後即時請佢，真係人間有愛！即時被錄用嘅鄭希怡，好快已經吸引到一對母子嚟買衫，佢仲用好熟練嘅手法sell到呢對母子買咗件外套，好快已經成功開單！
開完單之後，梁浸浸話要食糖糖，本身鄭希怡呃梁浸浸冇帶糖，點知梁浸浸唔放棄出擊摷鄭希怡個袋，喺呢個時候鄭希怡要求梁浸浸唱隻歌先可以食糖！
為咗粒糖，梁浸浸即刻唱番隻兒歌《拔蘿蔔》，唔少網友話聽到梁浸浸唱歌真係冧晒！食完糖就有氣力工作，鄭希怡叫梁浸浸幫手拉客叫人嚟買衫，點知一個人都冇，搞到場面十分冷清！
(on.cc 東網)
藝人胡諾言在沙田出席長跑活動，身為「Crazy Runner」成員的他，指好開心可以將跑步這個興趣變成工作一部分。他說：「因為要做訪問，所以只能跑2.5公里賽事。（冇難度？）志在參與啫！」
問到太太陳琪有否受他影響而愛上跑步？他即笑謂：「最遺憾真係感染唔到佢！但都好多謝佢照顧屋企，等我追夢，年尾都有好多有關運動嘅商演，都要多謝太太。」
他又笑指抱一歲的囝囝可以練到臂力。問會否除衫騷肌晒成果？他就指長跑運動會令身體變得偏纖幼的鋼條身形：「公司大把大隻仔啦！」
(東方日報)
「跳水皇后」郭晶晶與老公霍啟剛出席晚宴，提到日前結婚五周年，霍啟剛表示有食飯慶祝，晶晶直言對禮物滿意。
霍啟剛隨即說：「應該呢幾年都滿意啦，唔止禮物。（係咪覺得太太好好？）梗係啦！五年有兩個小朋友，好開心，小朋友都大個，時間過得好快。（會努力追多個？）順其自然，細嗰個仲細得六個月。」
問女兒霍中妍是否好識冧爺爺嫲嫲，晶晶說：「佢年紀仲細，我哋都覺得好得意好開心。」霍啟剛透露女兒並不是經常哭，是一件很好的事。
郭晶晶表示仔仔霍中曦很疼錫妹妹，霍啟剛又透露仔仔比較活躍喜歡做運動。
「佢鍾意踢波，同埋都趁佢4歲幾帶佢出去睇跳水、體操同龍舟等，要帶佢親身睇先知道咩事同感受，嗰時睇體操以為佢會瞓着覺，點知睇到9點都冇事。（有冇畀佢睇媽媽比賽？）冇，但可以嘅，依家網上咁方便。（捨得畀佢訓練？）未知，睇佢興趣，逼佢冇幸福。（會畀佢去外國足球學校訓練？）Send佢畀細佬Train，佢鍾意踢波，每星期都有踢，都有天分。」
（on.cc 東網）
韓劇《OH！必勝奉順英》女星秋瓷炫今年1月跟大陸男星于曉光結婚，上月秋瓷炫被爆懷孕兩個月。秋瓷炫日前拍攝節目時透露一開始唔知自己懷孕，反而係經理人察覺到，秋瓷炫表示：「我哋要感謝經理人。」
於噚日播出嘅節目《同床異夢2-你是我的命運》中，秋瓷炫回想自己剛剛懷孕時嘅情景：「只要稍微掂到皮膚都感到好痛，未有察覺係懷孕嘅症狀。我哋要感謝經理人，當時因為身體唔舒服，以為自己感冒，本打算食藥，但係經理人就預感有可能係懷孕，幸好最後冇食藥。」另外，節目又播出于曉光得知老婆懷孕後，趕回家見老婆時嘅場面，之後二人向父母宣佈陀B一事，同時公開超聲波照片。
(蘋果日報)
天氣轉涼，可有察覺肌膚變得乾燥、甚至出現泛紅、痕癢起來？千萬不要忽視這些變化，肌膚對溫度及濕度的轉變是相當傲感的，這時就要調整讓膚質，檢視護膚裝備，為肌膚補充養份，打好肌膚底子安然過冬。
平想敷面膜很可能都只針對保濕、美白、深層清潔，一片式的面膜每次只能滿足一個要求。但在轉季的時候，很可能雙頰很乾燥，而Ｔ字部位卻油脂分泌依然旺盛。此時利用霜狀或泥狀的面膜，就很便捷地能根據肌膚每日的不同需求作出混搭，達到針對性的理想修護。
轉季時份，膚質會因應溫度及濕度的轉變而變得不穩定，角質層的紊亂會大大減弱肌膚吸收力。在平日的護膚程序中，加入肌底液（用於爽膚水後、精華素前），可以充當導入的角色，軟化角質層，打開皮膚底層的細胞，令後續的護膚品更易滲透皮膚，其親水又親油的特性，可以把精華及面霜中的水分及油分瓦解，令養份更易被肌膚吸收。
轉季肌膚特別容易出現敏感症狀，無香料、成份天然、具紓緩效果的護膚品是轉季首選，甚至可以利用天然食材自製面膜，能降低對肌膚的刺激，減輕過敏問題出現。
(蘋果日報)
近日天氣開始轉涼，市民要及早接種疫苗迎戰流感爆發。港大醫學院內科學系臨床教授孔繁毅表示，鑑於今年夏季流感結束時間延遲，一般於12月至1月爆發的冬季流感或延至2月中、即農曆新年後才爆發。由於不少市民已在夏季感染流感，有一定抗體，相信冬季流感爆發力會相對減低，但呼籲市民不能掉以輕心，高危人士如長者及幼童要及早打流感針。
為應付即將到來的冬季流感季節，香港大學醫學院今天(13日)舉行「學生流感疫苗接種啟動禮」，130位醫科生及護理學生以身作則互相接種流感針，藉此鼓勵更多醫護人員及市民接種。醫學院會於本月20日起，一連2周為全院學生接種流感疫苗。
孔繁毅指，今年夏季流感病毒出現小抗原漂移，令到不少市民中招。雖然今年的四價流感疫苗的H3N2抗體未包此抗原漂移的H3N2病毒株，但參照數據，夏季感染抗原漂移病毒的個案有30%，另50%至60%個案仍是未漂移的H3N2病毒，相信疫苗仍有一定保護力，他亦相信今年冬季流感季節仍會流行H3N2病毒。
他又指，相信今年冬季流感季節會延後至農曆新年後，市民長假期外遊返港後是求診高峰期。他呼籲如新年期間返內地拜年的市民，勿到活禽市場，以免同時感染禽流感。他建議市民最遲要在聖誕節前接種流感疫苗，因疫苗抗體要2至3周製造。
另外，醫管局配合政府的防疫注射計劃，上月25日開始為合資格的人士注射季節性流感疫苗，並鼓勵護理同工齊齊打流感針，至今已為逾1.48萬名前線員工接種疫苗，較去年同期上升逾7%。
(東方日報)
有「台灣第一名模」之稱嘅林志玲同台灣型男言承旭世紀復合，兩人被影到喺馬來西亞一齊做gym，喺酒店密會40小時！仲有消息流出指林志玲會喺峇里低調舉行婚禮添！
林志玲工作室終於喺微博發文作出回應。
「謝謝大家的關心，希望能夠多留一點空間給藝人保留隱私，有好消息姐姐會選擇大方和大家分享喜悅。也希望媒體朋友們不要再去打擾姐姐的家人和其他朋友。」
「大家熱心的代替回應都不能代表姐姐的想法，工作室的發言才是姐姐官方回應哦！也謝謝所有替姐姐操心的朋友們。」
（on.cc 東網）
「老師講明一定要去，無回鄕證並唔係理由！」天水圍一間小學近日發出通告，要求小五生參加東莞一日團以跨境實地學習，讓學生有多元化學習機會，但通告列明拒絕出席要書面解釋合理理由，若當日因病不出席要照交出238港元團費。有家長擔心，數名教師要帶着眾多自理能力有限的小學生到內地交流，子女安全未必有足夠保障。校方則澄清，並無強制學生參加。
本月8日伊利沙伯中學舊生會小學分校向家長發出通告，安排5年級學生於明年1月參加東莞一日考察團，參觀林則徐紀念館、威遠炮台及海戰博物館等地方，以加深學生對中國近代史認識。通告列明，因旅行已獲資助，亦已找旅行社代辦，因此希望學生皆能一一出席。
通告列明，該團團費原價340元，扣除資助後學生只需繳交102元，但因238元資助只會提供給隨團出發的學生，如果學生最終因病缺席，需要向校方補回238元差價。有家長批評校方做法有欠公允，認為出席內地交流團與否，應如其他課外活動一樣可自由參加。
怯於內地常有拐帶學童的報道，有家長更擔心子女安危，向校方反映不欲子女前往。惟有指當家長向教師反映時，教師強硬必須學生參加：「真係好激氣！最激係老師話冇回鄉証唔係一個理由，要學生攞回鄉証，同埋要有特別理由先可以唔參加！」有家長直言：「咁多人去個交流團，老師睇得幾多？一陣我個仔畀人拐走咗，邊個賠個仔畀我？」
校方其後澄清指，東莞團是配合常識科中，有關毒品禍害、近代史及香港演變等課程，而制定相關行程。校方並無強制學生參加，學生可以自行決定是否參加，由於當天為正常上課日，學生若不參加需返回學校，校方會為他們安排相應的學習活動。
在通告發出同一日，東莞大朗鎮蔡邊村一名男子闖入一間士多，強行擄走一名正在收銀櫃台前執拾東西的7歲女童。整個過程只有短短45秒，被店內閉路電視拍下，並於網上流傳。當地警方事後證實事件，幸疑犯最終落網，被擄走女童亦安全獲救。
網民有話說
Kam Kwok Tung：應由家長決定是否參加一日團的活動，如課外活動一樣可自由參加。
Cindy Lee：為免同學校有太大衝突，我會錢照交，但到時請病假攞醫生病假證明書。其實學校老師帶隊上大陸，佢哋自己都好少上，如果上開大陸做嘢嘅谷友都清楚東莞係乜地方，簡直係龍蛇混雜，而且老師都未必處理到突發事，到時自己仔女有乜事，佢哋最多講句「對唔住」就以後所有責任都唔關佢哋事，但分分鐘有事就一世。
Ching Wai Mui：首先唔提政治，其實小朋友咁細個去大陸，仲要一班幾十人只有幾個老師帶隊，根本就無能力照顧。
Kent So：其實咁多人對大陸事件有爭議， 仲搞咁多乜乜大陸團考察團， 製造矛盾。
(東方日報)
藝人林夏薇（薇薇）、蕭正楠及黎燕珊現身電視城，出席無綫新劇《十二傳說》落造型暨拜神儀式，薇薇拍完這個劇，將會暫時休息，準備造人。提到這齣暫別作，她說：「又唔好講到我好似告別唔做咁，我只係休息吓，我拍劇往往會百分之二百嘅精神投入晒，所以想喺家庭生活上取番個平衡！（係咪一拍劇就同老公保持距離？）哈哈，又唔係，不過好多時拍劇，日夜顛倒，夾唔啱時間就真嘅，連見面嘅機會都少。」
薇薇被問到老公是否對此有微言？她說：「應該係話我自己慚愧就真，好多時朋友聚會，佢哋講啲媽媽話題，我都跟唔上，佢哋猛叫我快啲生啦，我見佢哋又真係好開心嘅！（要生一仔一女，送畀老公做禮物？）一仔一女最好啦，但都急唔嚟，因為小朋友係上天恩賜嘅禮物！」
(東方日報)
