於社交網上載了一張手背插喉管及收到一束鮮花的相片。。。
電台DJ阮小儀21號正式重返電台為節目開咪，放了兩個星期大假的她，未有離港外遊，前日只孖好友森美捧場梁漢文假九展的演唱會，原來她不出外度假的原因，是要入院做手術，她在「復工」日完成節目後自爆住院原因：
「因為甲狀腺左右兩邊都出現咗2大個結節，Size頗大，唔切唔得，所以只好聽話，做手術搞掂佢。而家冇咗2粒大嘢，亦冇咗甲狀腺，以後每日記住食甲狀腺素補充劑就基本上ok㗎嘞。今次我好幸運遇到好嘅醫生，好嘅醫生朋友畀各方面意見我，同埋好嘅保險朋友，過程一切順利！休養咗2星期後今日開始回歸。而家傷口入面好番嘅進程就等身體自己搞掂㗎嘞，醫生話畀啲時間個傷口會冇問題！好，報告完畢。祝自己同每一位身體健康。」
並上載了一張手背插喉管及收到一束鮮花的相片，未知此花是否追求者因關心小儀所送呢？
(東方日報)
做咗阿媽或老竇後，一定會做嘅一件事，就係拎自己嘅童年照，同自己個仔仔囡囡對比，大多數嘅都係好似樣，好似望到Mini版嘅自己一樣。
而藝人李蘊都唔例外，佢生咗囡囡羅紫晞後，跟丈夫移居廣州相夫教女。
今日佢就喺ig上載自己92年由親人抱住嘅照片對比佢呢家抱住囡囡嘅照片，紫晞BB同媽媽細個似到十足十，成個畫面不知幾Warm，網友都留言：「似到不得了」、「母女實在太可愛了」。
(on.cc東網)
2011年落選港姐胡中慧（Sandy），喺2015年同圈外男友喺悉尼註冊結婚之後，冇耐就生咗囡囡Chloe，跟住佢專心做全職媽咪，喺上個月尾再做媽咪，生咗細女Sophie。
話晒有咗第一胎嘅經驗，所以Sandy陀住第二胎時，繼續飲飲食食，帶住大女Chloe周圍去，得閒又同以前啲姊妹，好似「騰騰雞」蔡慧欣、《東張西望》主持梁麗翹同「Sing之天使」雪梨林芊妤(Coffee)見吓面。
而雖然已經冇再做藝人，Sandy仍然有好努力Keep Fit，昨日晚上，佢喺社交網曬出一張紮肚張，再寫話：「忍」
近年有唔少藝人生完都會紮肚以助修身，改善腰線同盤骨﹗
藝人胡杏兒昨日到廣州出席《那年花開月正圓》發布會，劇組同時公開官方海報。對比在懷孕前已拍的海報相片，大肚前後的杏兒的確分別不大。
懷孕七個月的杏兒狀態甚fit，更被內地媒體形容為不走樣的時尚準媽媽。
她表示之前拍了差不多大半年，由秋天拍到冬天再回暖，經常要香港、無錫兩邊飛，但非常高興與一班專業團隊合作：「我本身好欣賞孫儷，同佢合作係感受到佢係好專業嘅演員。佢當然戲份好重，一日拍十幾廿場戲，但好敬業，唔會NG，佢係好有準備、做足功課，同啲咁好嘅演員合作係好開心嘅。」
對於今次能接拍內地女性大劇，杏兒感覺榮幸，導演丁黑是知名大劇導演，而且劇本又精彩因。杏兒於劇中角色是秦商大家閨秀，外表溫文爾雅，但因對感情太執着而影響命運。
(on.cc東網)
8月21日是董璇高雲翔結婚6周年紀念日，晚上，董璇微博分享全家福並配文：「從2到3，666，六周年」，喜悅幸福之情，溢於言表。不過這不是重點，重點在後面高雲翔的回復。
董璇、高雲翔、女兒小酒窩一家三口幸福合影，董璇和高雲翔2009年江蘇衛視七夕晚會上合唱歌曲後開始交往。2011年8月21日，董璇與高雲翔在北京舉行婚禮 ，2016年愛女小酒窩誕生。話說小酒窩真是集中了高雲翔和董璇的優點，乖巧可愛。
高雲翔緊緊抱著小酒窩，似乎生怕一松手，寶寶就跑掉了一樣。在爸爸懷裡的小酒窩表情萌萌噠。小酒窩對頭飾也是妥妥的真愛，上圖戴的是個白色蝴蝶結發夾，下圖又換上白色小花，真是一個臭美妞呢。
在21日晚上23:59分，高雲翔轉發並回復：「期待從3到4,777，我們來了」，難道這是暗示董璇已經懷了二胎的節奏嗎？
很多網友根據高雲翔回復判斷董璇懷了二胎，甚至還有網友猜測出董璇又懷了一個女兒。還有很多粉絲為兩人送上祝福，希望翔哥璇姐永遠幸福下去。
(騰訊)
「阿B今朝8點幾出世，母子平安，老婆開刀，都有啲肉哋架，有7磅2，重過姐姐！」
無綫前新聞主播葉昇瓚，今年4月宣佈太太宣再陀B，已經有個囡囡嘅佢，今次添丁生雞仔。今日葉昇瓚喺社交網，上載咗佢同佢BB嘅相，原來葉太今朝早已經生咗。
葉昇瓚接受訪問話：「阿B今朝8點幾出世，母子平安，老婆開刀，都有啲肉哋架，有7磅2，重過姐姐！」問佢有冇帶囡囡見細佬？佢話一陣都會帶囡囡去見下，但唔知佢有乜嘢反應，因為囝囝未出世，有話俾佢知細佬喺媽咪個肚，佢就成日指住媽咪個肚臍話係細佬，但係唔知佢會唔會以為個肚臍係細佬，希望佢哋兩姐弟將來相親相愛。
雖然剖腹生仔係葉太，但葉昇瓚都話一陣要先午睡，事關太太噚晚入院，今朝開刀生，佢都係瞓咗３個鐘，真係好攰，所以都要多謝老婆，因為老婆比佢辛苦百倍。
(蘋果日報)
昆凌6月8日為周杰倫（周董）生咗囝囝羅密歐，同囡囡小周周湊夠一個「好」字。
日前周董受訪話「一打二」已經夠忙，所以第3胎就未有計劃，而周董老婆昆凌今日出席代言活動亦都話，兩個寶寶除咗照顧會慌亂，因為親餵人奶，遇到「塞奶」（乳腺阻塞）好痛，令佢打消生第三始嘅念頭，「（塞奶）真是會痛到流淚、想打人，現在兩個就很好了」！
昆凌生完第2胎身材迅速恢復，五呎3吋嘅佢，目前約100磅，同生之前體重一樣，但周董反而有啲發福，昆凌就幫老公解釋話：「可能陪我坐月子時，大家來探望送鹹酥雞等好吃的來，他可能吃比較多，但是我覺得還好，他的手臂肌肉很大，很有安全感。」
昆凌仲透露周董依然有腹肌線條。囝囝腳頭好，自從生完B，昆凌就不停接奶粉、尿片廣告，粗略估計短短兩個月已進帳港幣500萬。今個月28日，佢就會去上海做活動，同場除咗有老公周董外，仲有周董舊愛蔡依林Jolin都會出現，對此昆凌就話唔清楚，佢話如果見到Jolin都會同佢打招呼，唔覺得尷尬。
(蘋果日報)
現年39歲的日本潮模今宿麻美，昨晚宣布將會榮升第2任媽咪的喜訊，恭喜恭喜！
與形象設計師丈夫MASAH結婚4年的今宿麻美，於2014年11月誕下囝囝青馬，昨日她在Instagram上載照片自爆成功追多個，懷孕已20周。
她自言沒想像過會成為兩兒之母，而且BB預產期為明年1月7日，剛好是她的生日，可謂是一個奇蹟！
今宿麻美現時正與丈夫商量BB的名字，今後會視乎身體情況繼續工作，並表示會向世界上各位媽媽學習和努力。
(on.cc東網)
34歲蔡卓妍（阿Sa）早前甜認同麻雀館太子爺Anthony Shek（石恆聰）蜜運中。。。
女星蔡卓妍（阿Sa）近日為英皇珠寶Heartbeat心動系列拍攝宣傳照，以露肩裝上陣的阿Sa在花花的背景襯托下，帶種唯美感覺，阿Sa表示看到系列作品時，馬上就被其獨特的設計吸引：「設計嘅靈感來自心電圖，好似姻緣嘅紅線將兩顆心連埋一齊咁，我好鍾意呢個設計，將項鏈和吊墜交叉相連，好有意思。」有指鑽石代表永恒，阿Sa坦言在現實生活中，爸爸媽媽就是永恒。而感情方面，她渴望擁有一份細水長流，但同時充滿浪漫激情的愛情。
全新系列以命運的紅線為設計靈感，玫瑰色黃金及白色黃金將項鏈及吊墜巧妙地融合一體，猶如月下老人穿針引線地將兩顆心緊緊牽引着，別具心意。
(東方日報)
陳茵媺為陳豪三年抱三，先後生下兩子一女，近兩年冇拍嘢，一直專心相夫教子，早前仲一拖三同小朋友去多倫多旅行，唔少人都讚茵媺好犀利，可以一個人照顧咁多位小朋友。
不過，茵媺向來熱愛演戲，近日終於復工，接拍導演劉偉恒新片電影《日月星》。今日「旦哥」鄭丹瑞喺微博放咗張同茵媺嘅合照，原來旦哥係茵媺嘅偶像，旦哥話﹕「陳豪注意！你老婆吩咐你親手沖杯靚咖啡俾佢個偶像，即係我，飲。」
兩人豎起手指公，戲中茵媺飾演英文老師，要着住詩文套裝，但由於天氣太熱，唔使埋位時，茵媺都除低外套，不經意騷出玲瓏身材。
今年6月，茵媺被本報影到去尖沙咀購物，當時身型仲係肥肥地，有指因為要餵人奶畀囡囡，所以一直冇刻意減肥，估唔到茵媺一話開工，就可以咁快修身，相信老公一樣咁勤力操fit，抵讚！
(蘋果日報)
