臨迎中秋佳節，藝人李泳漢日前特地與母親施明及太太Conny，帶同約一歲半的兒子Alfie，三代同堂往揀選燈籠及應節食品慶祝。
當日一家人入到店舖後，精靈的Alfie表現興奮，坐於購物車的他如到超市般，伸手掃了各款大大小小的燈籠落購物車。
當泳漢拿着大白兔燈籠給兒子時，Alfie即頭擰擰拒絕，揀了另一隻豬仔燈籠。
泳漢即笑言：「個仔好有主見，上年仲幫佢揀，今年已經自己揸主意，其實過往我都唔太重視中秋，不過為人父後感覺就唔同，依家點忙都安排時間同個仔去玩下燈籠，更加有一家人團聚嘅感覺。」
他更透露Alfie是個大食BB，每次面對美食時也笑嘻嘻，樣子可愛。
因而有人邀兒子拍廣告，也是童星出身的泳漢對兒子加入娛樂圈表示沒所謂，最緊要囝囝開心。
（on.cc 東網）
楊怡同羅仲謙呢對姊弟戀，拍拖5年終於喺舊年修成正果，喺英國古堡結婚。
不過婚後兩公婆努力搵錢，唔好話造人，見過面都難，卒之搞到老婆楊怡扭計，早排喺微博大呻老公唔再浪漫。
老婆詐型，謙謙即刻識做喺微博貼夫妻合照，仲留言：「當傻瓜遇上天使！」
要o氹老婆大人，貼張相梗係未夠，其實謙謙一早有安排，噚日楊怡就喺微博貼咗條短片，片中佢風騷話飛機就起飛，到咗目的地先開估話俾大家知，自己去咗邊，臨尾仲附加佻皮單眼嘟埋嘴，又hashtag「amazing day」同「amazing trip」。
啱啱楊怡就喺IG中開估，原來佢同謙謙去咗波蘭旅行，除咗兩公婆，仲有單拖嘅袁偉豪、郭晉安同周麗淇。
不過一心想喺IG開live嘅楊怡佢哋，就不停喺片中，大嗌自己唔識開live，成班人雞手鴨腳手忙腳亂嘈喧巴閉(但明明開緊live㗎其實)，楊怡又晒命話自己老公謙謙其實都好想開㗎，但IG只係follow佢一個，唔知開嚟仲乜，不過因為謙謙唔知整咗咩setting，所以開唔到咁囉！
原來今日同時係佢哋結婚一周年！
結婚一年點慶祝？楊怡今日就喺社交網上載咗張同謙謙Sweet到爆嘅合照，相中兩人深情對望，謙謙一隻強而有力嘅臂彎攬實楊怡，真係好閃呀！阿怡留言：「Our first wedding anniversary️.Thanks for being in my life.」（我哋第一年結婚周年，感激你喺我生命裏出現。）而謙謙都好識做，冧爆咁話：「一年後的今日️，老婆！多謝你！愛你！願你一世平安快樂！」網民都祝佢哋一周年快樂要永遠幸福快樂下去咁話！
(蘋果日報 / on.cc)
10.1除咗係國慶日，原來呢日對圈中唔少藝人夫婦嚟講，同樣有特別意義。
好似今年51歲嘅溫碧霞(Irene)，17年前嘅今日，就同富商何祖光喺布吉結婚。雖然今年7月二人被爆分居四個月兼婚姻亮紅燈，不過有指何祖光專誠飛美國箍煲，令佢哋嘅婚姻化危為機。
Irene昨日就喺微博貼出同何祖光當日嘅婚照，留言話：「這天是我人生中最難忘快樂的一天，有你的倍伴是最幸福的。我相信我們可以天長地久到永遠，love u always。」
Sweet到爆！
(蘋果日報)
劉美君（Prudence）因綵排紅館個唱而受傷，在社交網上載雙腳紮滿繃帶的受傷相。原來除身體受傷外，她更受情創，首度承認跟拍拖8年的混血兒男友Steve分手。
早前她與相戀8年、已達談婚論嫁的混血兒男友Steve低調分手，不過她不欲影響個唱，加上不想外界將焦點放在感情事上，故每當受訪被問及男友時，她只輕輕帶過。
經歷兩段婚姻的Prudence，其實早在月前在社交網透露心聲，於9月中曾指「nice to be single and available again」、「享受獨身生活中」、「兩個人要掙扎來維持，倒不如分開，勉強無幸福」。
Prudence接受訪問首度自爆已分手。
「既然大家都問起佢，不如我講出嚟，我哋分咗手，雖然我哋相處咗8年，我發現大家喺人生價值觀唔同，相處期間都有拗撬，咁不如分開，俗語嗰句係『因為了解而分開』，之前唔想講係唔想人哋以為我宣傳。」
Prudence又叫大家不用擔心其傷勢：「因為有一Part係好似畀人圍剿咁，有啲拉扯，我又着高踭鞋，加上有啲舊患，所以我去睇跌打去瘀，唔想對腳又黑又瘀咁，綵排時間都好長，排4個鐘至8個鐘不等。」
(on.cc 東網)
文恩澄執導網絡電影喺太子搞煞科宴，參演嘅演員Dear Jane嘅Tim、張惠雅(Regen)、董敏莉等。
Tim就喺戲入面做典型好男人，笑言做番自己。
問到佢習慣湊BB未，佢就話：「仲係習慣中，聽大家講，BB就好易湊，淨係食同瞓，又唔會扭計。」
Tim就話唔使捱眼瞓湊BB：「唔瞓得好長，佢要食奶，中間都要起身一次湊吓。」
佢仲讚老婆好好會爭住湊B，換片爭住做。
呢家中文名未決定，Tim爸爸就諗咗三個中文名畀佢揀，但佢話自己三心兩意緊。
問到會唔會搞百日宴，佢表示：「有提過，未計劃，啱啱100日係平安夜，如果搞就派對都好有意思。」
(Apple Daily)
今年4月榮升人母嘅吳若希（Jinny），不時喺社交平台晒B女淼淼（Giselle）啲相片。
今日Jinny又晒B。
先有佢攬住現時已經5個月大嘅Giselle瞓覺豬嘅相，母愛滿瀉。
Jinny轉頭就嚟一段近距離拍Giselle手仔同腳趾嘅短片。
不過片中最好睇，其實係Giselle嗰兩隻可媲美「米芝蓮」嘅肥美髀仔，好想咬一啖。
（Apple Daily）
黎姿（馬黎珈而）今日（10月1日）46歲生日，公司同事為她送上驚喜，預備生日蛋糕慶祝，當黎姿見到同事的心思，即開心得掩咀笑，同事們亦大唱生日歌。
黎姿隨即在微博分享生日的喜悅。
「今年生日收到了一份驚喜。同事們預備了蛋糕，唱著生日歌為我預祝生日，開心又感動。謝謝你們一直這麼愛錫我，感恩有你們一直在工作上同行，這是我的福氣，謝謝你們。」
她亦大讚眾人跟她心有靈犀，送上的蛋糕跟身上的衫很襯色。
黎姿公司同事亦表示：「最靚CEO生日，點少得一班窩心同事送上滿滿祝福和驚喜，祝願老闆繼續日日開心美麗、幸福滿滿！Happy Birthday！」
(明報即時娛樂)
孕期踏入中後階段，肚子漸漸鼓起，孕婦面對手腳水腫、腰骨痛等不適。衞生署高級醫生(家庭健康服務)林慕勤表示，孕婦若平躺睡覺或減少胎兒血液供應，以及增加腰骨壓力，建議改為側臥。準父母可以開始與腹中小生命交流，多與寶寶對話有助他們認得父母聲音，建立更親密關係。
胎兒逐漸長大，準媽媽挺著「巨肚」活動，脊骨和盆骨壓力增加，容易腰酸背痛。林醫生指出，孕婦睡覺時仰臥會增加腰骨承受的壓力及減少胎兒血液供應，可能令寶寶攝取營養和氧氣不足。她建議孕婦向左側睡，用小枕頭墊一墊腰部會更為舒適。
懷孕約十六周，準媽媽開始感覺胎動。林醫生說，此時胎兒手腳成形，可以活動四肢，例如把小手握成拳頭。胎動漸漸變得明顯和有規律，準媽媽坐下和放鬆時，是感覺胎動的最佳時機。此時可以為寶寶上第一課，最好的「胎教」是爸媽的聲音。由於胎兒聽力於十八周起成熟，準父母對着肚子輕聲說話，胎兒很快會認出他們的聲音；父母亦可隔著肚皮摸摸寶寶，增進親子關係。廿六周左右，胎兒首次張開好奇的眼睛，看到光、暗和自己的四肢。不過，目前未有證據顯示，聽古典音樂或其他胎教方式有助胎兒智力發展。
懷孕後期，孕婦可能經歷「假陣痛」。林醫生指出，子宮為分娩做準備，會做收縮練習，但假宮縮於休息放鬆後會慢慢紓緩。真正的陣痛會越來越強烈和頻密，由最初相隔十至二十分鐘一次，加快至約兩分鐘一次，是即將臨盆先兆。孕婦若穿羊水、陰道出血(見紅)、持續腹痛、突然嚴重水腫、劇烈頭痛、胎動顯著減少，需盡快求醫，不可延誤。林醫生提醒，孕婦應時刻把產前紀錄跟身，讓醫護人員快速了解孕婦狀況。
(on.cc東網)
無綫「新聞之花」陳嘉倩昨晚最後一次報告天氣，之後就重返校園，於浸會大學讀傳理學文學碩士。
嘉倩BB離開崗位前，與共事幾年的報幕機合照，相中見到其中一句向香港市民的感謝說話「多謝支持」，之後大家就要等待嘉倩BB完成學業，在無綫或新的平台見面了。
嘉倩BB亦有在社交平台向大家說心底話。
「轉眼來到主播崗位的最後一天，這三年多以來得到很多機會，和大家一起看世界大事，看天氣，看歷史，講英文，每天跟大家在大氣電波中相見，其實也是挺浪漫的事，感激、感恩。歷歷在目，主播枱上的工作、做節目、出埠、寫故仔，感謝這幾年來一直照顧我、包容我的各位，讓我成長。三年半，世界變了很多，自己也變了很多，唯一不變的，是對世界仍感好奇，還想去試，我想這也是傳媒行業必要的。人生處處是圍城，何必把自己困在圍城中，夢還沒有完，希望轉角仍可看到美好風景。#新聞報道完#多謝支持」
(明報即時娛樂)
周杰倫（周董）同老婆昆凌2014年結婚，短短三年已經湊成好字，先後育有一女小周周（Hathaway）及囝囝Romeo！
喺今年6月先生咗Romeo嘅昆凌，早前晒咗張全身照，相中明顯肚凸嘅佢即時惹嚟懷有第三胎疑雲，不過佢就冇否認仲話有好消息就會公布！
今日凌晨佢就喺facebook晒咗張自拍照，留言：「剪了留了十幾年的長髮 ，my new journey」相中嘅佢用頭髮遮掩一邊面，少女感依然十足！
另外，適逢周董呢幾日喺台灣舉行《地表最強》演唱會，身為老婆嘅昆凌當然有去捧場，仲上載一條同好友方志友手舞足蹈嘅短片。
而佢就着上連身黑色裙，眼利嘅網民發現佢有啲肚凸，加上佢又剪短頭髮同之前未有否認傳聞，網民都問佢「是否懷孕」、「有第三胎了嗎」，紛紛恭喜定佢先呀！
(on.cc 東網)
