袁偉豪同黃翠如今日喺銅鑼灣皇室堡出席「夢幻雪國揭幕禮」，除咗同Fans玩遊戲外，袁偉豪仲獻唱周柏豪嘅歌《天網》，原來佢同柏豪嘅聲線有幾分相似，佢話：「可能同柏豪發聲位類似，今日冇綵排，所以有啲緊張。」
患上感冒嘅翠如，表示係被一位馬來西亞朋友傳染：「好怕再失聲，其實本身冇事，噚日同三哥（苗僑偉）食飯，見佢哋食蟹，我又忍唔住，一食完就係咁咳。」翠如仲話未睇醫生，唔怕男友蕭正楠擔心？佢笑住話：「佢慣咗我病。」下月就聖誕節，翠如透露間斷都有工作，男友蕭正楠亦要工作，所以佢打算相約女性朋友到一個熱嘅地方探望其助養嘅小朋友。
袁偉豪就同女友張寶兒過第一年聖誕節，問到有冇安排慶祝？佢話：「暫時未知，要睇工作安排先，我都希望可以抽番一日半日同寶兒、家人慶祝，不過係家人還家人，拍拖還拍拖，未融入家中，我都想過二人世界。」送咩禮物畀寶兒？袁偉豪話：「送我個人，我會著聖誕老人衫，角色扮演，都係貪玩啦！」
(蘋果日報)
據《澳洲新快網》報導，日前在澳洲一項拼寫比賽中，就讀奧特利公立學校（Oatley Public School）的9歲華裔女童裘莉娜（Lena Zhu，音譯），榮獲新南威爾斯州州長拼寫比賽（NSW Premier『s Spelling Bee）低年級組冠軍。
在拼寫比賽中，裘莉娜的拼寫詞彙量遠遠超出其他40名參賽選手。她過關斬將，輕而易舉地贏得了另外9輪的比賽，正確拼寫了「大三角帆（spinnaker）」、「著名的（illustrious）」、「普通的（mediocre） 」和「莰酮（camphor）」等詞彙。裘莉娜把自己的成功歸因於喜愛閱讀《哈利波特》（Harry Potter）系列小說，以及經常與父母進行拼寫練習。
據了解，「澳洲新州州長拼寫比賽」於2004年創立，旨在提高新州小學生的讀寫技能。在2017年，逾15萬間當地的學校參與了比賽。當中，89名學生參與了總決賽。據報導，拼寫比賽分為兩部分，一部分是針對3、4年級學生的，另一部分適用於5、6年級學生。低年級組學生須正確拼出「點陣圖（bitmap）」、「聲學（acoustics）」、「棉織法蘭絨（flannelette）」等詞彙才能進入決賽，而高年級組學生須拼對「 下垂的（pendulous）」、「熟食（delicatessen）」和「高齡（antiquity）」等詞彙。
（SINA）
台灣女神林志玲與言承旭被影到着情侶裝同遊馬來西亞，愛火重燃，正式復合！
林志玲的媽媽吳慈美接受傳媒訪問，當她得知女兒與言承旭復合，她指志玲還未知會她。
林媽媽又謂：「我是你媽媽，如果真的是這樣，要跟爸爸媽媽講一下，自己的家人不用保守，要講清楚才好！」
吳慈美又指很早就認識言承旭，又讚他好仔！
問到怎看女兒跟言承旭復合？她說：「如果他們覺得很好，那我當然OK！」
（on.cc 東網）
袁文傑今日喺荔枝角出席活動，佢今年因劇集《不懂撒嬌的女人》角色游先生跑出大受歡迎，無綫睇準機會，袁文傑話今月同公司嘅經理人合約正式生效， 袁文傑話薪酬方面有直接提升，稍後會拍一個健康飲食節目，同陳煒、馮盈盈、朱智賢等靚女合作，袁文傑話女朋友張潔蓮對佢放心同信任，唔會呷醋。
袁文傑主力向演藝方面發展，司儀工作亦都會做，佢話雖然之前喺友台都有呢個機會，但o依家要重新被人認識。突然變咗大忙人結婚日子或會變，袁文傑話：「女友唔會擔心，佢生活好充實，o依家可以教小朋友，啲家長都好錫佢，我就建議佢可以自己搞生意。」袁文傑承認今年收入比過往大有進賬，會儲埋啲錢結婚，心願係想同女友去好多唔同地方旅遊見識，有計劃去北歐、冰島等地方，會唔會求婚？袁文傑話：「我個人覺得低調型啲，如果要話畀大家聽都係朋友要求，真係結婚會話畀大家聽，有諗過搞個搖滾音樂會求婚，唔駛大型，最緊要型。」
黃曉明和angelababy這對夫妻，一舉一動都備受矚目，今日正是黃曉明的40歲生日，意外的baby“第一次”晒相為他慶生。同時，壽星公黃曉明也發文感嘆時光飛逝，自己也踏入40之年。
昨晚，黃曉明發文感嘆自己已經40歲了，他在微博中寫道：“入行拍戲有將近20年了，從那時就一路狂奔，不想讓自己停下來。朋友也說我怎麼總是忙忙叨叨的？因為不想辜負每一份信任和期待，就這樣一路跑到今天，好傢伙，40了。希望下一個十年，簡單一點，慢一點。”
愛妻Angelababy也在網上曬出三張照片，不過卻“無眼睇”！有網民留言指是否老公激怒Baby? 不過有媒體指她的「反應」是受不了曉明日日夜夜也”麻醉”自己「雖然40歲，但依然好年輕好靚仔」而刻意做出無可奈何的表情。
這是黃曉明和Angelababy自09年戀情公開到現在結婚生子，angelababy第一次公開送的生日祝福，而且兩個自拍合影也是非常罕見的一次，大多數合影都是在別的鏡頭下。 2009年，黃曉明與Angelababy相識並相戀 。 2014年公開與Angelababy的戀情。 2015年5月27日下午，黃曉明和Angelababy在青島民政局領證完婚。今年一月份Angelababy為黃曉明生下兩個人的第一個孩子“小海綿”。
(騰訊）
天氣報告…今日香港天陰有雨，氣溫徘徊喺21至25度之間，天氣有點涼，外出時記得帶多件衫同遮呀！
雖然涼涼地，但係喺社交網就㷫烚烚喇，唔信，請即撳入佘詩曼嘅ig，你一定會feel到，阿佘激罕咁晒三點式泳照，佢留言：「The ocean is everything I want to be.Beautiful,mysterious,wild and free. #vacation #beyourself #workhardplayhard 」。
明顯阿佘就放緊假，去咗旅行叉電啦，去到海外，人都 relax啲同疏爽啲，晒泳照啦！
激罕晒泳照，點解突然派福利？佢今日以短訊回覆周刊，笑住反問：「靚唔靚呀？靚唔靚呀？（邊個負責影相？）咪周家怡囉。」做「影後」嘅阿佘，見到佢大騷長腿同玉背，咦！睇番之前佢同黃子華合作嘅賀歲新片《棟篤特工》嘅海報，有個露半臀同晒腿女郎，玉腿上都係寫住「我係佘詩曼」，可惜條腿並唔係阿佘。阿佘日前出席活動都透露有「詐型」，唔明點解要用替身。其實阿佘條腿咁正，點會唔見得人呢？！
(蘋果日報)
《爸爸去哪兒》至今已經去到第五季，一班星級爸爸同自己仔女嘅相處方式引起咗唔少網民嘅熱烈討論。
有「汶萊王子」之稱嘅吳尊同杜江就齊齊去咗內地嘅綜藝節目《快樂大本營》大玩遊戲，而且仲互相扮演對方嘅仔女，一班網民睇完都話吳尊果然係偏心囡囡NeiNei，仲笑言Max大個睇番應該會好傷心。
難得兩個星級爸爸一齊上節目，作為主持人嘅何炅當然要吳尊同杜江即席表演同仔女相處嘅情景，何炅仲指明要睇吳尊氹仔女食雞蛋嗰一幕，杜江仲即時毛遂自薦要扮Max添！
而吳尊當正杜江係Max，仲超認真咁對佢講：「怎麼都不吃雞蛋呀？你是男生，要吃雞蛋才會有肌肉，不然怎麼照顧姐姐？」而扮Max嘅杜江為咗唔食雞蛋，即時對住吳尊講：「爸爸，我不是男生。」吳尊聽到之後眼都凸埋，仲話：「我白生你啦！不吃雞蛋，我就不陪你睡啦！」
不過對住扮演NeiNei嘅女主持人吳昕，吳尊嘅態度即時勁溫柔，仲話：「你不吃雞蛋我都陪你睡。」
一班網民都忍唔住幫Max講咗句：「公平咩？」
(on.cc 東網)
周家蔚及姚嘉妮今日帶埋小朋友一齊去到馬鞍山郊野公園，出席親子行山活動。周家蔚指老公洪天明忙大陸工作，未能一齊出席親近大自然，周家蔚說：「其實屋企都好近行山徑，只行出去20步就到，所以經常有機會行山接觸大自然同昆蟲等，學到好多嘢。」o依家大仔四歲半、細仔兩歲，正忙於為細仔準備搵幼稚園及面試，家蔚說：「爸爸工作忙，所以通常都係我負責，自己有到學校做家長義工，爭取多啲時間了解小朋友，大仔喺學校見到我都好開心會叫我Miss Chow。」
姚嘉妮帶埋8歲嘅女同埋5歲嘅仔一齊出席活動，佢話好慶幸o依家細仔已經加入咗小學部，跟家姐一齊返全日制學校，自己有更多私人時間，姚嘉妮話：「平時一家人都會有好多戶外活動，親近多啲大自然減少用iPad係好事，自己嚟緊都要開劇，所以自己好珍惜同小朋友相處嘅時間， 試過夜晚四五點收工，唔落妝瞓覺，等6、7點陪佢哋返學。」
(蘋果日報)
申訴專員公署主動調查發現，食環署在文錦渡辦事處檢測蔬果過於鬆懈。
公署指出位於文錦渡辦事處進口蔬果的貨車流量頗為頻繁，食環署職員的抽檢工作速度急速，只會提取貨車近櫃門的蔬果檢驗，令放於較入位置的蔬果可輕易避過檢測。公署建議食環署，增加抽取蔬果樣本的數目，並發出指引指示職員更有效抽檢貨櫃較深處的蔬果。
公署又指，食環署並沒有在葵涌檢查站或進口商貨倉，抽檢經海路進口的蔬果，只會在收到情報及鄰近地區有食物安全事故才會抽取樣本化驗，令海路進口的蔬果在未經檢測便流入巿面。公署表示，食環署在公署展開調查後，以試驗性質，在進口商貨倉抽檢海路進口蔬果檢測，但公署期望計劃轉為恆常。
（881903）
現年35歲嘅樂壇HipHop組合農夫成員之一嘅陸永，喺圈中出咗名係愛妻之人，兩個囡囡Hannah同Simsim分別5歲同4歲，非常可愛，而身為爸爸嘅陸永就緊係當兩個寶貝女如珠如寶，非常珍惜一家人相處時光嘅陸永都周不時上載同兩個囡囡嘅溫馨時光上社交網站同大家分享。
而陸永嘅大女Hannah仲出晒名係超級電視迷，陸永同老婆Rainah不時po囡囡啲鬼馬片出嚟，之前佢睇《殭》嗰陣，就好迷戀演刑活著嘅鄭嘉穎，囡囡Hannah喺片中，話要打畀刑活著，陸永即時打畀佢，當時囡囡Hannah不知幾投入，而早前睇大台劇《城寨英雄》，講到演花曼嘅王君馨被殺手組織嘅人用刀插死，令囡囡Hannah好心痛，陸永老婆Rainah喺Instagram貼咗條片，見Hannah喊得好犀利，大大滴眼淚，由爸爸陸永抱住，原來係因為花曼姐姐死咗，事後王君馨有喺Instagram拍咗條片回覆：「君馨姐姐只係拍緊戲，你都知道，所以唔好咁傷心，我冇事，多謝你嘅支持。」
(蘋果日報)
